ياماحـــلا والنار يضـــوي لهبها ,, في فيضــة فيها الحيا مابعد شــيف
في خــــــيمة منصوبة في خببها ,, ودلال صـــفر ماشريته من الســيف
في مجلس فيه النشامى وأدبها ,, قصـــــــــيد ينقونه ولاهوب تصفــيف
وســـوالف رجال معادن ذهبها ,, مع قهوة تطرب هل الراس والكــيف
والهيلوكس والعدة وباقي زهبهـــا ,, وســـمان ماطـبت شـــبوك وتعــليف
2009 والسست ماسـحبها ,, شــــد البـــلد نقـــد ولاهوب تســـليف
منـــوة هل البران غاية طلبها ,, مطــوع العسرات نقــــرة مع الســيف
له شــــهرة ياما عقول سلبها ,, ( هايلوكس) مايحتاج مـــــــدح وتعريف
وزود شعاع الشمس عنا حجبها ,, جانــــا حـــــليبه دون خــلط وتغـليف
وشحنة سمر وإرطا من أرضه حطبها ,, النار عنوانه كروكي وتوصيف
وذبيــــحة للضــيف لاجـــا ســـــحبها ,, ماحسب حسابه ولابه تحاسيف
وطــــباخ له خــبرة قديــــم كســـــبها ,, ماحاقه الهندي ولاسالم الشيف
هــذي منـــاتي لابطــايف ولا أبهـــــــا ,, وأيضا ولالندن وباريس وجنيف
هذا عـــــلاج النفس ســــاعة عطـبها ,, مابي المدينة بين عادم وتكييف
وصـــلاة ربي عــد ســــيل بشـــــعبها ,, وعداد مانبت الحيا وأزهر الريف
على النبي الهاشـــمي من عـــــربها ,, اللي صدع من دون كذب وتزييف
رد مع اقتباس
المشاركة الأصلية كتبت بواسطة أبو خالد الجعيد
المشاركة الأصلية كتبت بواسطة خالد ابو مشاري
المشاركة الأصلية كتبت بواسطة سفير فوق العاده
المفضلات