يـاماحلا الـمسرى مع طرة النور ^^ مـن قبل خيط الشمس يبدي شعاعه
مـع رفـقةٍ مافيهم اللي به قصور ^^ ربـعٍ تـربوا عـالكرم والشجاعه
كـل واحـدٍ فيهم مجرّب ومخبور ^^ مـاشاور الـحرمه بـخوة ربـاعه
لا جـا لـزومٍ مـايصفون بالدّور ^^ كـلٍ بـذل مـجهود قدر استطاعه
أمـيرهم يـهتم بـالرّاي والـشور ^^ دايـم يـدوّر ويـن راي الجماعه
لا صرت عنده كنك بعش عصفور ^^ مـاباقي الا يـوكّلك فـي ذراعـه
لاجيت اقول اسمه اسميه منصور ^^ كلٍ يعرفه من طيور البتاعه
شيل الشوازن والفشق معهم صقور ^^ وحـمام لا صاروا طيورك جواعه
مـوترك جيبٍ خلفه العفش مجرور ^^ يـسوقه الـلي خـاف ربه وطاعه
وجمسٍ محمل ما ركب فيه مطيور ^^ هـو مـنوة الـلي مات قلبه وباعه
عـفشك مـكمّل فـيه زلٍ وماطور ^^ وبـيتٍ من (القاضي) جديدٍ شراعه
وعـدة الـمطبخ بـين قـزٍ وتنّور ^^ وحـوايج واغـراض فـيها نفاعه
ورز(الـمهيدب) مع سكاكين وقدور ^^ واحـرص على الطبّاخ كمّل متاعه
ونـجرٍ ومـحماسٍ ودلّـه ودافور ^^ وبـنٍ وتـمرٍ يـغري اللي شباعه
تـنزل بـروضٍ توّه اليوم ممطور ^^ والـغيم عـقب الشمس تم انقشاعه
الـبر حـولك كـله ورود وزهور ^^ وقـت الـربيع العشب زاد ارتفاعه
حـتى الرمل تشتم له ريحة عطور ^^ والـقاع خـضرا كـن فيها زراعه
معك خروفٍ مايبي ضرب صاطور ^^ اذا ذبـحـته عـلّقه مـن كـراعه
احـمس بـصيله والمعاليق عالفور ^^ مـن طعمه الجوعان ياكل صباعه
مـن عقب هذا ما تبي طب دكتور ^^ كـانك مريضٍ صار عندك مناعه
حـنّا بـنعمه بس تبي حمد وشكور ^^ وحفظ الصلاة الخمس ويّا الجماعه
مـا تـغتني لو تملك المال وقصور ^^ لا صـرت مـا تملك كنوز القناعهمواضيع عشوائيه ممكن تكون تعجبك اخترناها لك:
- لقطات من الخيال
- فطوري الخفيف بيض بلدي بالبقدونس وزيت الزيتون الأصلي
- أهم المناطق السياحية والبرية
- سؤال عااااااااااااجل
- ياشباب انا طالب جديد في القاهرة وباخذ سيارتي معي
- قصيدة
- أم حزم ثاني أيام عيد الأضحى المبارك هـ
- كيف تعمل حمايه للون السياره فى السفر
- ياحلوووووو مكشاتنا بالبر
- حياكم الله مع بنت الدار وقرص النار وصور من بلادي
- بخصوص فيزا جزر البهاماز
- صناعة السمن
- امطار وسيول صلبوخ و طريق الرياض القصيم الأحد اليوم
- إستفسارات بخصوص الرحلات البحرية؟؟
- رحله بحريه من بريطانيا مرورا بخمس دول اوربيه وروسيا
- حــــائل عقدة
- ابي مساعده عن الأردن
- كشتة شيوخ
- جاء وقته جاء وقته جاء وقته
- مكن سؤال يا اخون طريق الرياض الامارات وطريق من الامارات الى الدمام
المفضلات