يـاماحلا الـمسرى مع طرة النور ^^ مـن قبل خيط الشمس يبدي شعاعه
مـع رفـقةٍ مافيهم اللي به قصور ^^ ربـعٍ تـربوا عـالكرم والشجاعه
كـل واحـدٍ فيهم مجرّب ومخبور ^^ مـاشاور الـحرمه بـخوة ربـاعه
لا جـا لـزومٍ مـايصفون بالدّور ^^ كـلٍ بـذل مـجهود قدر استطاعه
أمـيرهم يـهتم بـالرّاي والـشور ^^ دايـم يـدوّر ويـن راي الجماعه
لا صرت عنده كنك بعش عصفور ^^ مـاباقي الا يـوكّلك فـي ذراعـه
لاجيت اقول اسمه اسميه منصور ^^ كلٍ يعرفه من طيور البتاعه
شيل الشوازن والفشق معهم صقور ^^ وحـمام لا صاروا طيورك جواعه
مـوترك جيبٍ خلفه العفش مجرور ^^ يـسوقه الـلي خـاف ربه وطاعه
وجمسٍ محمل ما ركب فيه مطيور ^^ هـو مـنوة الـلي مات قلبه وباعه
عـفشك مـكمّل فـيه زلٍ وماطور ^^ وبـيتٍ من (القاضي) جديدٍ شراعه
وعـدة الـمطبخ بـين قـزٍ وتنّور ^^ وحـوايج واغـراض فـيها نفاعه
ورز(الـمهيدب) مع سكاكين وقدور ^^ واحـرص على الطبّاخ كمّل متاعه
ونـجرٍ ومـحماسٍ ودلّـه ودافور ^^ وبـنٍ وتـمرٍ يـغري اللي شباعه
تـنزل بـروضٍ توّه اليوم ممطور ^^ والـغيم عـقب الشمس تم انقشاعه
الـبر حـولك كـله ورود وزهور ^^ وقـت الـربيع العشب زاد ارتفاعه
حـتى الرمل تشتم له ريحة عطور ^^ والـقاع خـضرا كـن فيها زراعه
معك خروفٍ مايبي ضرب صاطور ^^ اذا ذبـحـته عـلّقه مـن كـراعه
احـمس بـصيله والمعاليق عالفور ^^ مـن طعمه الجوعان ياكل صباعه
مـن عقب هذا ما تبي طب دكتور ^^ كـانك مريضٍ صار عندك مناعه
حـنّا بـنعمه بس تبي حمد وشكور ^^ وحفظ الصلاة الخمس ويّا الجماعه
مـا تـغتني لو تملك المال وقصور ^^ لا صـرت مـا تملك كنوز القناعهمواضيع عشوائيه ممكن تكون تعجبك اخترناها لك:
- ساعدوووني
- مدينة دربند عراقة وتاريخ وأصالة على مر السنين
- الذهاب حيث الحلم رحلة بحرية لعواصم البلطيق
- صور الربيع في الخفجي النعيريةالصرار
- مضغوط حاشي لايفوتكم
- رحلة موادع البرية
- نبي الكل يشارك يااهل البر والمكشات
- الحملة الاغاثية لإعانة الضبان الصمانية ومع صور مأساوية تحكي المعاناة الأليم
- جلسة عشاء دسمة تقرير مصوّر
- رحلة لأجمل مناطق حرّة كشب بالفديو وتغيير لنمط التوثيقرحال الخبر
- بحجم الاي فون جهاز قارمن ؟
- سيارة البر
- أمـ حـزم
- كشتتنا الخميس الماضي من النضيم لمحارق الجزء الثاني
- استفسار من الجميع لو سمحتوا
- تأجير يخت للمتزوجين
- الكروز استفسارات مهمه افزعووووا
- قصيدة
- تشرفنـا بزيـارة إخوانـا من مصـر الحبيبـة
- صور لثلاث أودية تجري اليوم الأحد
المفضلات