الموضوع: اللي يقدر يساعدني

اخوي كريم اذا انت بالرياض ابيك تساعدني الله يخليك في مراسلة المعهد والقبول منه
وتعبئة ومعاملة السفاره الكنديه لان اخوك ميح انجليزي يعني من جنبها الله لايهيينك اخوي كريم
ساعدني يعطيك الف عافيه

مواضيع عشوائيه ممكن تكون تعجبك اخترناها لك:

• نموج من الأنترفيو
• مطار فانكوفر ؟
• تكفوووون المساعده
• مارأيكم بهذه المقاطعه والجامعه ؟ لاعدمناكم
• الشيك المصدق كيف طريقته
• عاجل للخبراء خريج ثانوي
• وش تنصحوني ؟
• الرجاء المساعدة للاهمية القصوى بخصوص الفيزا الكندية
• مهم جدا للقادمين الى فانكوفر
• مممكن صور لهاملتون لا هنتو الله لايحرمنا منكم
• استفسار مستعجل من يفيدني بمعلومات عن المدن التاليه ؟ الرجاء المساعده
• تكاليف المعيشة بمونتريال
• لكل من سيذهب ع الخطوط البريطانيه
• استفسار عاجل
• تحذير يمنع وضع الإيميل الشخصي
• ابي رايكم بصراحة و الدين النصيحة
• أرجوا افادتي لو تكرمتم فانكوفر ؟؟ّ عندي دورة مدتها شهر في ادارة الاعمال
• شركات التأمين الطبي في كندا
• كيف احصل على عائلة جيدة في فانكوفر
• كشف الحساب وأقل تذكرة طيران

هلا بك اخوي سلطان

ابشر بسعدك ..

انت بس عطني شروطك اللي تبي في العائله والمعهد وبرنامجك الدراسي اللي تبيه .. وانا ارتب لك احلى فورم .. ولا يهمك ..

الله يخليك اخوي كريم ويعطيك العافيه ومشكور على مساعدتك لي
والله انا ابي ادرس بترونتو ثلاث شهور انجليزي وقال لي مكتب هنا بالرياض فيه معهد ef وسعره لمدة ثلاث شهو ر يبدأ من 4200 دولار أمريكي والسعر يشمل
• رسوم الدراسة
• السكن مع العائلة.
• الوجبات اليومية مع العائلة.
• الكتب.
• رسوم الدراسة.
• الشهادات.
• الاختبارات.
• استخدام الإنترنت و الإنترنت اللاسلكي.
• النظام التعليمي (إفيكتا).
• التأمين الصحي لمدة 3 أشهر 272 دولار أمريكي
• الاستقبال في المطار 80دولار أمريكي
طبعا هذا المبلغ غير حق المكتب حول 1500 ريال
بس على مافهمت من كلامك بالمنتدى ان المكاتب نصابين وياخذون فلوس زياده والاحسن ان الواحد يراسل المعهد بنفسه واللي فهمت كمان من ان المعهد هذا ef انت درست فيه وطلعوا بعد نصابين بالسكن مع العائله
والان اخوك ضايع مايدري وش الطبخه اللي ابيه منك اخوي كريم تشوف لي معهد على ذوقك ويكون رخيص وجيد ويكون بترونتو او اذا انت تنصحني بالمعهد هذا خلاص على بركة الله بعدين متى تنصحني اروح هناك باي شهر يعني مادوي اروح هناك وقت الثلوج عندهم اخاف اتعب هناك من البرد اما البرنامج ابيه لمده ثلاث شهور والعائله عاد انا اخوك شف لي الاحسن وانت خبره بالعوائل
اسف اخوي كريم على الاطاله عليك وادري اني مغثيك بس وش اسوي عاد متورط وماعندي الا الله ثم انت تساعدني
اخوك سلطان سالم

هلا بك اخوي سلطان ..
ان شاء الله بكره بيجيك الرد بالتفصيل لأني الآن مسافر وراجع بكره بإذن الواحد الأحد .......... معذرةً وانا اخوك مانتبهت لردك الا متأخر ...........
برب ..

عادي اخوي كريم خذ راحتك وانا اسف اشغلتك
وتراء مانيب مستعجل مادامك راح تساعدني
يعطيك الف عافيه يارب وتوصل بالسلامه ان شاء الله

يعيطك العافيه اخوي كريم على الرد بس والله احترت
وش تنصحني فيه معك معهد ثاني احسن من ef او معك عنوان مكتب بالرياض هنا عندهم معاهد كويسه
لاني عن جد تعبت ومليت وبديت احس اني بهون
واسف على ازعاجك اخوي كريم

لا لا مافيه ازعاج ولا شي وانا اخوك ..


مو انت اللي محتار .. انا والله اللي محتار بعد ..

وانت الحين احرجتني.. لأني ودي اخدمك ولا ودي اوهقك .. لأن اي معهد لابد ان عنده سلبيات .. لكن اللي قابلت ناس فيه ومدحوه هو آسبكت .. وقليل منهم يذمّه ..

لكن انت توكل على الله وروح آسبكت والله يوفقك .. ولاتهوّن ولا شيء .. لاتفوّت الفرصه .. اقولك اياها بكل صراحه .. فرصه لاتعوّض

يعطيك الف عافيه اخوي كريم وتراء ماودي احرجك يعني عادي اكيد ان في اي معهد سلبيات وايجابيات
بس تعرف الواحد يدور على اقل السلبيات والمثل يقول اسئل مجرب ولاتسئل طبيب

طيب معهد اسبكت هو في ترونتو و لهم موقع بالنت او تعرف مكتب هنا بالرياض متعاون معهم واكون شاكر لك اخوي كريم

صحيح اخوي سلطان كل معهد وفيه حقه .. بس ياخوك المشكله اني ماأدري هل السلبيات اكثر او لا ..

معهد اسبكت نعم في تورنتو وفي الداون تاون .. وموقعهم بالنت

http://www.aspectworld.com

وبالنسبه لمكاتب بالرياض والله ماعندي خلفيه .. لكن ممكن تراسل المدرسه وتسألهم عن وكيلهم بالرياض .. ولو اني انصحك مره ثانيه تكلم المدرسه دايركت ..


بالتوفيق ياحلو

يسعد لي مسائكم سلطان , كريم

معليش بتلقف شوي

شوف اخوي سلطان انا درست في معهد راااائع في مدينه ملاصقة جدا لتورونتو اسمها مساساجا ( على فكرة ترا مطار تورونتو يعتبر في هالمدينة وليس في تورونتو ) يعني شغلة نص ساعة بالباص مع الزحمات وانت بتورنتو

حقيقة المعهد رااائع وميزته انه اشبه بنظام المدرسة فهو ليس معهد كبيرر وانما عباره عن دور كامل في عماره كبيرة ميزة هذا المعهد خلوه شبه التام من العرب وكذلك اهتمامه البالغ جدا بالطلاب فانت من يملي الشروط وقد وفروا لي عائلة كما طلبت تماما وكانت رااائعه جدا المعهد ليس فيه الا حدود الستة فصول وفي كل فصل العدد لا يتجاوز السبعه - هذا في فصل الصيف - يعني احتمال تكون قلت الآن وكذلك اثناء الدراسة تحس انك تعرف كل من في المعهد فتحس بنوع من الألفة والصداقة مع الجميع المدينة رائعه والمعهد اروع وفيه انترنت وايرلس مجاني وكذلك معمل كومبيتر مع انترنت مجاني وعندهم اختبار كل اسبوع

رسوم الدراسة
• السكن مع العائلة.
• الوجبات اليومية مع العائلة.
• الكتب.
• رسوم الدراسة.
• الشهادات.
• الاختبارات.
• استخدام الإنترنت و الإنترنت اللاسلكي
• الساتقبال من والى المطار
• التامين الصحي .
4200 دولار لمدة 9 اسابيع.
المعهد كلفني خلال فترة الصيف

وعنوانه
http://www.village-english.com
اتمنى اكون ساعدتك باللي اقدر عليه
تحياتي لك ولحبيبنا كررريم.

يابو محسن .. الله يعطيك العافيه وماقصرت ..

بس العائله اللي كنت فيها .. في ميسساقا؟؟؟ وهل كانت كندية الاصل؟؟؟؟؟؟؟؟؟؟؟؟؟؟

وهل قابلت عرب كثير هناك ؟؟؟؟؟؟ لأني اللي اعرفه ان ميسساقا عرب كلها ماشاء الله .. وبالصيف كان فيه احتفال للمسلمين في ميسساقا .. كيف كان الاحتفال؟؟؟

والله يعطيك العافيه ياقلبو

هلا والله با ابو الكرم

بالنسبة للعائلة نعم كانت نيتف كنيدين وكانوا طيبين للغاية ( عجوز وشايبها ) وفي مساساجا 5 دقائق عن المدرسة وبالنسبة للعرب فهم كثيرون لكن يكونون في اعمال فاغلبهم يمتلك البيزنس الخاص به اما في المدرسة فلم اقابل الا 3 اشخاص وهم ابناء عم وعمهم متواجد بميساساجا فارشدهم للمدرسة وقد جاؤا في اخر اسبوعين وبالنسبة لإحتفال المسلمين فانا لم ادركه حيث كانت عودتي في 18 اوقست

وتراك انت قلبوووووو

اسلم لأخوك

الله لايهينك عزيزي على الافاده

مشكوووور وماقصرت

يعطيك الف عافيه اخوي كريم ويكثر خيرك وراح اشوف معهد اسبكت واذا احتجت شي اكيد راح ارجع لك
وانت اخوي محمد محسن مشكور كل الشكر ماقصرت يالغالي بس المشكله الموقع كله انجليزي يعني اخوك اللغه عنده من جنبها بس بحاول اترجم اللي اقدر عليه اما اذا عندك موقع لهم باللغه العربيه فلا تبخل علينا فيه
اخواني كريم ومحمد محسن لا انسى اقول لكم كل عام وانتم بخير ويغفر لكم في شهر رمضان الكريم

أشكرك على جهود المباركة

والشكور موصول لبقية الأعضاء الكرام

وأسأل الله أن يثبتنا على دينه

وان يوفقنا لما يحب ويرضى

أخوكم المحب لكم في الله