الموضوع: ياليت احد يفيدني اذا عنده معلومات عن مدينه فانكوفر

وعليكم السلام ورحمة الله وبركاته

حياك الله أخوي يزيد , بيفيدك هذا http://www.travelcanada.ca/tc_redesi...Id=3&cityId=17 أكثر ....

تحياتي

السلام عليكم ورحمة الله وبركاته

حياك...

مواقع مفيدة انشاءالله...

http://www.tourismvancouver.com/docs/visit/index.html

http://www.vancouver-bc.com

سلام

[align=center] السلام عليكم ورحمة الله وبركاته[/align]

[align=center]اخوي Navigator[/align]

[align=center]والله انك دقيت على الوتر الحساس، فانكوفير لا يردك عنها شي وخلك من سواليف امريكا ، صدقني لمن تروح فانكوفير تبي تنساء امريكا وبو امريكا.[/align]

[align=center]بس لاتروح قبل شهر 5 تراها لين الحين برد اشوي.[/align]

[align=center]ويذا تبي اي معلومات عنها تراني مقطعها شارع شارع حاره حاره.[/align]

[align=center]ونشاءالله تبي تعجبك.[/align]

[align=center]ودي اقولك انها اجمل وزين من اسبرانزا لكن ما اقدر ، الحب الاول هو الحب الدايم.[/align]

[align=center]ولك اجم تحية.[/align]

اخوي يزيد

بعد التحية الرد السابق كان موجه لك لكن من العجله كتبت اسم واحد من الي ردو على الموضوع فارجو المعذرة.

ولك اطيب تحية

8
8
8
8

عادي كلنا بنسألك عن ها المدينة

وهذا اول سؤال كيف بيكون الجو على اواخر الصيف يعني من اول سبتمبر

وسمعت ان فيها جالية كبيرة من الصينيين

وباقي الاسئلة بالطريق

اخوي SaudiMfls

الجو اواخر شهر 9 مقبول لاكن ما هو احسن وقت بيكون ماهو بارد وماهو حار وبيكون بداية موسم المطر.
افضا وقت هو نهاية شهر 5 ونصف شهر 6 فصل الربيع تكون فانكوفير في قمة الجمال.
ولا تروح في الصيف بين نصف شهر6 و نصف شهر 9 الجو يكون حار ورطب.

الرق الصيني يشكل ما يقارب 60-70 من اجمالي سكان فانكوفير لكن ماهم كلهم صينيين هم عباره عن خليط من فيتنام وكوريا واليابان وكمبوديا والصين.

وذا عندك زود اسئلة لا تتردد

مع اطيب تحيه

هلا اخوي Esperanza
الا جد وشي
اسبرانزا

مشكور يالغالي على هالمعلومات القيمه

بغيت اسئلك انا بروح لفانكوفر سياحه ودراسة لغه

هل تصلح المدينه لدراسة اللغه خصوصا مع كثرة الصينيين فيها؟؟
ووش معاهد اللغه الي تنصح فيها
وسؤال ثاني كيف الاسعار بالمدينه خصوصا السكن

ووش يميز فانكوفر عن غيرها اقصد وش المميز فيها

ومشكور يالغالي

[align=center] السلام عليكم ورحمة الله وبركاته[/align]

اخي الكريم: يزيد

[align=center]اسبرانزا هي حبي وعشقي ، وهي قريه صغيره في جزء من اجزاء الفلبين ، وممكن تروح الي بوابة السفر للفلبين ونشاءالله بتعجبك المغامرات الموجوده فيها. [/align]

وجود اعداد كبيره من الصينيين في فانكوفير يعتبر ميزه من وجهت نظري وليس عيباً ، اغلب الصينيين الي في فانكوفير ولدو فيها وما يعرفون اي شي عن الصين. بالاضافة الي المطاعم الصينيه و اليابانيه والفيتناميه الكثيره ولي اذا جربتها تبي تعجبك، بالاضافة الي سعرها الرخيص.

ممكن تدرس في BCIT والموجود في فانكوفير الكليه هذي روعه ، وهلها ونيسين.انا درست في الكليه هذي مدة سنتين بس مو انجليزي. اسعار الدراسة في الكلية للاجانب ما اعرفها بصراحة.

فانكوفير بصفة عامه اسعارها غاليه بالمقارنه بغيرها من المدن الكنديه ، لكن جمالها وجوها يعوضك عن السعر.

وذا عندك اي استفسارات ثانيه اخوي يزيد انا جاهز.

شكرا اخوي Esperanza
على هالمعلومات

وعندي طلب بسيط

دامك عشت بفانكوفر سنتين وتعرفها زين

نبي منك تكتب لنا موضوع عنها وبالتفصيل لتعم الفائده

ومشكوووووووووور يالغالي

[align=center][glint] السلام عليكم ورحمة الله وبركاته[/glint][/align]

[align=center]اخي العزيز: يزيد[/align]

[align=center]انا انشاءالله ناوي اكتب عن فانكفير ولكن لمن انتهي من كتابه الطريق الي اسبرانزا.[/align]

[align=center]ولك مني اجمل تحية[/align]

السلام وعليكم
اخوي اسبرانزا بسألك عن مدة الوصول بالطائرة الى فانكوفر وهل الطائراا ترانزيت ولا دايركت وكم تأخذ الرحلة والسؤال الثاني وزارة التعليم تعترف بشهادة جامعات فانكوفر ولا لا . انشاءالله ما كون طولت عليك
مع تحيات اخوك سالم

السلام عليكم ورحمة الله

اخي العزيز : سالم

اذا كنت مسافر من الرياض يكون عندك اكثر من خيار وهي كما يلي:

* تطلع من الرياض الي احد الدول الاوربية التالية : لندن ، باريس ، فرانكفورت ، امستردام ، جنيف ...الخ
اذا مثلاً اخترت لندن ، تبي تستغرق الرحلة من الرياض الي لندن حدود 6 ساعات. ولانك تبي تاصل لندن حدود الساعة 6 صباحاً بتوقيت لندن تبي تضطر تقعد في المطار حدود 10 ساعات الين يجي وقت اقلاع الرحلة.
بعد كذا تبي تطلع في طياره من لندن الي فانكوفير مباشرة ، الرحلة تستغرق حدود 9 ساعات.

اجمالي مدة الرحلة من الرياض الي فانكوفير في حدود : 25 ساعة.

تكلفة الرحلة هذي على الخطوط البريطانية حسب الموسم في حدود 4500 الي 5500 ريال.

* تطلع من الرياض الي هونق كونق ، الرحلة تبي تستغرق حدود 9 ساعات. تبي تنتظر في مطار هونق كونق حدود ساعتين ، بعدين تطلع عى طيارة من هونق كونق الي فانكوفير مباشرة ، الرحلة تستغرق حدود 12 ساعة.

اجمالي مدة الرحلة من الرياض الي فانكوفير في حدود : 23 ساعة.

تكافة الرحلة هذي على خطوط كاثي باسيفك حسب الموسم في حدود 3500 الي 4500 ريال.

* تطلع من الرياض الي بيروت ، الرحلة تستغرق حدود ساعتين ونصف ، تبي تنتظر في مطار بيروت حدود 9 ساعلت.
بعدين تطلع من بيروت الي باريس ، الرحلة تستغرق حدود 5 ساعات ، تبي تنتضر في مطار باريس حدود ساعتين.
بعدين تطلع من باريس الي مدينة مونتريال الكندية ، الرحلة تستغرق حدود سبع ساعات ونصف. بعدين تنتضر في مطار مونتريال حدود 7 ساعات.
بعدين تطلع من مونتريال الي فانكوفير ، الرحلة تستغرق حدود 5 ساعات ونصف.

اجمالي مدة الرحلة من الرياض الي فانكوفير في حدود : 38 ساعة.

تكلفة الرحلة حسب الموسم في حدود 4000 الي 5000 ريال.

اما بخصوص اعتراف وزارة التعليم بشهادات كندا ، فهذا شي اكيد ونت ممكن تتاكد عن طريق السفارة السعودية في كندا.

ولك اجمل تحية.

السلام وعليكم
اشكرك يا اخ اسبرانزا ولكن انا من الكويت وارجو ان ما اكون اتبعتك بأسلتي
في رحلة من الكويت الى فانكوفر دايركت وكم تآخذ واذا ترانزيت مايصير مثلا كويت الى لندن واجلس بلندن يومين ثلاثة وبعدين اروح الى فانكوفر
ومع تحياتي لك اسبرانزا

الاخ اسبرنزا
ماهي ارخص خطوط من الرياض الى فانكوفر

السلام عليكم ورحمة الله

اخوي : سالم

مافية رحلات من الشرق الاوسط الي فانكوفير مباشرة.

اما السفر من الكويت الي لندن فعتقد تكون الحلة حوالي 7 ساعات. ومن لندن الي فانكوفير تكون حوالي 9 ساعات.

اذا حبيت تقعد في لندن كم يوم مافية مشكلة لكن لازم تاخذ تاشيرة الي بريطانيا.

اخوي : عماش

سعر السفر الي فانكوفير يختلف حسب الموسم ، الخطوط الاوربية كلها تقيباً نفس التكلفة.

اما اذا طلعت على خطوط اسيوية ، مثل السنغافورية او الكاثي باسفيك او الماليزية فهي تعتبر ارخص نوعاً ما ، الفرق يكون تقريباً 1000 ريال. لكن المشكلة في طول المشوار، لانك تضطر تقعد في الطياره من الرياض الي الدول هذي حدود 9 ساعات بعدين تاخذ حوالي 12 الي 14 ساعة الي فانكوفير.
والمشوار هذا بصراحة طويل طويل طويل.