هلا بك اختي
مزارع الأرز لاتأخذين برنامج لها لأنك بتحصلينها في رحلة التجديف
كل الجبل مزارع رز ومنظر خيالي راح تجلسين في كوخ التجديف وتشربين شاهي او كوفي لمدة ساعة
ثم تنزلين للشلال وراح يعطونك التعليمات ولاتنسين راح يعطونك ( صندل ) وانتي بكرامة ألبسية لأنه خشن من تحت عشان لاتزحلقين يعني لاتعتمدين على الصندل او الجزمة الي عندك لأن الي عندهم ممتازة وخاصة
حديقة الفراشات وفري وقتك ولاتجينها ماسبق زرتها في بالي بصراحة لكن زرتها في ماليزيا عادي كله فراشات ومافيه شي مبهر او يستاهل المشاهدة
المعابد ومعالم بالي لها برنامج كامل لكن للأسف ناسي اسمة بس بتحصلين الكتلوج موضح هالشي وبتعرفين البرنامج
الفيلة اتركيك منها مملة بشكل غير طبيعي شوفيلك برنامج الغطس ماهو موجود في برنامجك ؟ اختاري شاطئ سانور فيه مرجان روعة سبحان الخالق
خلي القرية المائية مع رحلة الغطس لأنها ماتطول تطلعين من الفندق 9 وتوصلين هناك 10 تقريباً والغطس مدته 30 دقيقة فقط لكن ممتع جداً تنتهين الساعة 11 او 12 بالكثير
روحي على طول القرية المائية وهي تقفل الساعة 6 مساءً واذا مصملة على برنامج الفيلة اهم شي لايكون بعدها القرية المائية لأن بيكون ظهرك مكسر ورايح فيها من التعب
انصحك تجربين تجربة جديدة واحسها جميلة رغم اني ماجربتها ( الدبابات الطينية ) رحلة بسيارة اشبة بالدباب بين مزارع الارز والغابات
لاتخافين الجزيرة واضحة لكن راح توضح عندك بعد ماتروحين الكشكات السياحية وتشوفين البرامج وأغلب الفنادق الطاقم تبعهم ينصحك بأماكن جميلة خارج وقت البرنامج او في المساء
ربي يسعدك لاتحرمينا دعواتك
المفضلات