الموضوع: محتاجتنكم تكفون

السلام عليكم اخواني اواخواتي اول شي بغيت اشكركم عالمواضيع الرائع والي تختصر الوقت عالواحد ثانيا بغيت اسألكم هل الحجز عن طريق موقع البوكينك يحتاج الئ دفع مسبق او الدفع حين الوصول وحبذا التفصيل ؟
ثالثا الاطفال سن ثمان سنوات وثلاث سنوات شلون ينحسبون في حجز الغرف يعني اذا غرفه مكتوب فيها شخصين شلون يصير او مايصير؟؟
رابعا بعد التحري والبحث في منتدانا العزيز عجبتني اندونسيا وقررنا ان تكون وجهتنا هذا العام واعتقد بانه مدته اسبوعين كافيه مو ؟ علما اني ما( بالي) او الجبال احسن اول لانه حابه اروح الجبل والله نسيت اسمه وبالي وبغيت في بالي نسكن اطول مده يعني يكفي يومين بالجبل والباقي بالي مو وفي بالي ابغي اسكن ايام عالساحل فشنو خيارت السكن هني ؟ وابغي ايام جنب البحيرات الكبيره والجبال والخضره وابغي انروح الحديقه المائيه الكبيره فيعني بختصار ابغي برنامج حلو مفصل باسم المناطق والفنادق علما احنا عيله انا وزوجي وولدي 8 سنوات وبتني 3 سنوات وبغيت تفيدوني بنصائحكم واكون الكم شاكره دمتم بخير

مواضيع عشوائيه ممكن تكون تعجبك اخترناها لك:

• ندآء آلى عشـآق آندونيسيـآ بمسـآعدتي
• أستفسارات متعددة للعضو بسكويت مالح
• فلوسنا وين نحفظها ؟؟
• شركة الاتصالات السعودية و التجوال
• استفسار للعوائل
• استفسارين على الطاير
• ابي اعرف الخطوط الي تودي اندنوسيا من الدمام
• برنامج لشهر عسل
• يسعد لي مساء كل من يحب العمة
• استفسار عن شريحة
• أبغا خطة سير لكوانزو و أيوو و شنغاهاي
• الله لا يهينكم الرايق يرد علي
• ألايفون واستعماله فى جاكرتا
• استفسار عاجل يا شباب لو تكرمتو
• طلبتكم ياهل الفزعات
• الى كل مننجم الكويت
• استفسار عن بالي فنادق وفيلل وسواحل
• متواجد الآن في بالي وعندي استفسار ضروري
• أستفسار عن منتجعي جادول و سان جرياباندونج
• مساعدة و استفسار لخبراء بالي و لومبوك

حياك الله اختي

الحجز من بوكينج على حسب سياسية الفندق اكثرهم يسحبون المبلغ دايركت من البطاقة وقليل من الفنادق تسوي هولد للمبلغ والدفع اذا سويت تشك اوت من الفندق

الاطفال برضه على حسب سياسة الفندق اغلبها تسمح مجاناً بزيادة طفل الى 3 سنوات والبعض غرامة واسعارها تبدأ من 30 دولار

اذا اخترتي الفنادق راح نفيدك بالسياسة ولو انها مكتوبة في بوكينج بالتفصيل شروط الفندق

مافهمت عليك ياوخيتي مدتك الفعلية 12 يوم بس كم حابة تقعدين في الجبل ؟ 3 ايام فقط ؟

اهلا اخي وشكرا عالرد بس بتعبك وياي انا المده مفتوحه عندي يعني 12 13 يوم بس عجبتني جزيره;لومبك و بالي وابغي برنامج حلو فيهم وين ترشحون الي اسكن بحيث ابغي بعض الفتادق تكون علساحل مباشره وبعضها بوسط الخظره يعني تنويع عن الملل وماحابه اسكن بجاكرتا لانه مدينه واحنا شبعانين من المدن فشلون تقترحون علي الجدول وهل جزيره لومبك وبالي تغني عن الجبل الي قريب من جاكرتا؟؟؟ ومزانيتنا 2000 دينار بدون الطيران الخارجي ومشكور اخي تعبتك وايانا

هلا بك اختي

لاعادي لاتعب ولا شي

جزيرة لومبوك جزيرة رائعة وجميلة في نفس الوقت وقليلة السياح بالنسبة الى بالي

النشاطات فيها كثيرة منها من تقرير عنها في المنتدى

- الجولف Golfing
يمكنك الاستمتاع بلعبة الجولف في نادي Rinjani الريفي
ويتمتع هذا النادي ب حمام السباحه وكوفي شوب لتناول القهوه والشاي
ويبعد 35 كيلو متر من شاطئ Senggigi
2- الصيد Fishing
يمكنك استئجار بوت الصيد والذهاب حول جزيرة لومبوك لصيد السمك
تقدر أن تحضر معدّاتك الخاصّات
3- الغوص Diving
يمكنك الاستمتاع بالغوص للذهاب الى جزيرة Gili حيث المياه الصافيه لحياة تحت البحر
هناك العديد من دكاكين الغطس المهنيّ في Gili مع وجود محترفين غوص للمساعده
4- جبل Rinjani البركاني
هو أحد أوسع الجبال في إندونيسيا وتشتهر بينابيعها الحاره
مع وجود بحيره Segara Anak ويمكن ان تستمتع بجوها العليل الصافي
مع وجود خبير سياحي ينضم وهي حسب الرغبه
5- التزلج على الماء Surfing
التوجه الى شاطئ Kuta جنوب جزيرة لومبوك
حيث الرمال والشواطئ البيضاء فيها
مع وجود الامواج التى تساعد على ركوبها من قبل السائحين الاجانب والمحليين

اين تذهب في جزيرة لومبوك؟؟
1- شاطئ Senggigi
يعتبر شاطئ Senggigi من اهم الشواطئ في جزيرة لومبوك
مع وجود جميع الخدمات من مطاعم فاخره ومساكن متنوعه من ناحية الاسعار
مع وجود اماكن للصرافه
2- جزيرة Gili
تشتهر بشواطئها الجميله وشمسها الساطعه وهي تعتبر صغيره
مقارنة بمساحة جزيرة لومبوك وتتميز بوجود الغاواصين فيها لكثرة
شعابها المرجانيه الزرقاء
3- مدينة Mataram
وهي مدينه رئيسيه في لومبوك لوجود مباني حكوميّة، مصارف، مكتب بريد،
مستشفيات عامّة و مراكز تسوق كبيرة والمطار

افضل الفنادق فيها وافخمها

فندق الشيراتون - هوليدي ان - بوري ماس - توربيكانا

ويوجد فندق داخل البحر وهو

Pool Villa Club وهو عبارة عن فلل فخمة وتفضلي الرابط

http://www.booking.com/hotel/id/pool...ml?aid=1329869

وهنا فندق الشيراتون

http://www.booking.com/hotel/id/sher...ml?aid=1329869

وهنا فندق اخر

http://www.booking.com/hotel/id/mann...-blockdisplay1

خيارات السكن كثيرة خصوصاً ان اغلب الفنادق مطلة على البحر

السكن في جزيرة بالي انصحك في شاطئ سيمنياك فهو شاطئ حيوي ويحتوي على فلل فخمة ورائعة

لكن من وجهة نظري اشوف انك تختارين جزيرة واحدة فقط وارشح بالي وبقوة مدة اسبوع والجبل بونشاك من 5 الى 6 ايام

اجمل فلل سيمنياك

Villa Plawa Asri

Villa Chimera Three

Villa The Maharaj


واي استفسار حاضرين

موفقة خير

شكر جزيل اليك اخي العزيز بس ماعليه اتعبك وياي اني قريت انه في مدينه العاب مائيه كبييره في وين هدا ؟ ويصير ماسكن ولاقعد بجاكرتا مو ؟ وجزيره لومبك اخي ماتشوف انه تكفي عن الجبل فحسب الصور الي شفتها هي فيها جبال وبراكين وسواحل وشلالات بعكس الجبل يقتصر علي كم شلال وحسب ماقريت من موضوع احد الاخوه انه بعيد الطريق ومتعب وانا معاي جهال فمن جدي اقول اشرايك لو اخلي برنامجي بس جزيره لوميك وجزيره بالي وكم تنصحني اوزع الايام لو قالنا 12 يوم وابغي اترشح الي فنادق اسعارهم معقوله تكون عالساحل واخري تكون بوسط الخضره وتخي بالنسبه للحجز للطيران الداخلي شلون في عن طريق النت؟ او بس عن طريق المطار وياريت موقعهم حق اشوف الرحلات ومشكور اخوي وماقصرت

بغيت اسأل عن هالفنادق اذا احد جربها؟Holiday Resort Lombok



Sunset House Lombok
Home@36 Condotel

هلا بك اختي مره ثانية

للأسف الان مستعجل ولي عودة للتوضيح

وفندق هوليدي ان من افضل الفنادق في الجزيرة وانا قلته لك فوق

لي عودة ان الله كتب

[QUOTE=(علي الشهري);6890141][CENTER]هلا بك اختي مره ثانية

للأسف الان مستعجل ولي عودة للتوضيح
مشكور اخي في انتظارك دمت بخير

اني قريت انه في مدينه العاب مائيه كبييره في وين هدا ؟



القرية اسمها واتر بومب وهي موجودة في منطقة اسمها ( كوتا ) قريبة جداً





ويصير ماسكن ولاقعد بجاكرتا مو ؟



اي طبعاً الخيار لك تبين تجلسين في جاكرتا او لا منتي مجبورة تجلسين او تسكنين فيها






وجزيره لومبك اخي ماتشوف انه تكفي عن الجبل فحسب الصور الي شفتها هي فيها جبال وبراكين وسواحل وشلالات بعكس الجبل يقتصر علي كم شلال وحسب ماقريت من موضوع احد الاخوه انه بعيد الطريق ومتعب وانا معاي جهال



صحيح الجزيرة فيها بعض الجبال لكن ماتغني عن الجبل وانتي والي تشوفينه الخيار والقرار لك بالنسبة للجبل من جاكرتا بالسيارة ساعة وانتو هناك






فمن جدي اقول اشرايك لو اخلي برنامجي بس جزيره لوميك وجزيره بالي وكم تنصحني اوزع الايام لو قالنا 12 يوم وابغي اترشح الي فنادق اسعارهم معقوله تكون عالساحل واخري تكون بوسط الخضره وتخي



دخلتي روابط الفنادق الي اضفتها لك فوق ؟ لأن كلها على الشاطئ مباشرة





بالنسبه للحجز للطيران الداخلي شلون في عن طريق النت؟ او بس عن طريق المطار وياريت موقعهم حق اشوف



براحتك عن طريق المطار او عبر الانترنت لكن كل ماكان الحجز بدري يكون ارخص

الطيران : طيران جارودا

http://www.garuda-indonesia.com/

- طيران اير اسيا

http://www.airasia.com

ويوجد طيران ليون لكن الحجز يجب ان يكون من المطار

http://www2.lionair.co.id

بخصوص الفنادق افضلها الي ذكرته لك وشيراتون سعره ممتاز وموقعة بعد

الحقيقه اخي اعجز عن شكرك مهما قلت فجزاك الله خير الدنيا ولاخره اخي كتبت (القرية اسمها واتر بومب وهي موجودة في منطقة اسمها ( كوتا ) قريبة جداً) وسؤلي هو اين تقع منطقه كوتا ببالي مو؟ يعني هذده المدينه ببالي صح ؟

الحقيقي اخي حيرتني كثير بس سؤل عشان احددوين اروح الحين في جزيرة بالي بس فيها سواحل ولا فيها جبال وشلالات ؟ وحسب قرئتي لموضيع الاخوه لومبك فيها جبال وشلالات وايهم اجمل وطريقهم تسهل بحكم معي اطفال وبالنسبه للجبل اذا نفس الطبيعه متوفره في الجزيرتين مافضل اروح عشان ماتصير في تنقلات واجد

وبالنسبه للشواطي في بالي ايهم افضل واجمل قريت انه في سواحل ماتصلح للسباحه واني حابه يكون ايام من اقامتنا هناك علي سواحل تصلح للسباحه اردي تعبتك وياك وخجلانه منك مشكور وماتقصر ودعائي اليك بالتوفيق والنجاج

لا تعب ولا شي اختي حنا حاضرين لكن نبي فقط الدعوة الطيبة

كوتا هو شاطئ يعني عندك شاطئ كوتا وسيمنياك جنب بعض اصلن لكن يختلف الأسم

وهذي خريطة لبالي توضح لك الشواطئ



فلاتخافين كلها قريبة من بعض

اي نعم بالي فيها بحيرات وجبال وشلالات

الجبل طبيعته تختلف والجو هناك مو حر ورطوبة زي بالي او لومبوك لأنه مرتفع واغلب الأوقات يكون الجو رائع في النهار والليل

دامك من رواد السباحة خلاص خليك على الجزيرتين وافضلك تختارين فلة بمسبح خاص اجمل وانظف واحلى عيالك قدامك يسبحون بدون اي خوف

ماقصر اخونا على الشهري على التوضيح

مشكور اخي وماقصرت ويعطيك العافيه الحين لازم اشوف حجوزات الطياره اي ارخص طيران السنغفوراي بس مشكلته مافي من البحرين شنو في بديل بنفس اسعاره؟؟

مو شرط يكون السنغافوري ارخص شي

شيكي على كل الخطوط القطرية والامارات والاتحاد واتوقع بتحصلين ارخص شي ( السريلنكية )

المشاركة الأصلية كتبت بواسطة (علي الشهري)
http://www.arabtravelersforum.com/tr...1/#post6892971

مو شرط يكون السنغافوري ارخص شي

شيكي على كل الخطوط القطرية والامارات والاتحاد واتوقع بتحصلين ارخص شي ( السريلنكية )

مشكور اخي وماتقصر يعطيك خير الدنيا ولاخره وجاررري البحث