الموضوع: رحلتي الأولى إلى جاكرتا فزعتكم

السلام عليكم ..
بإذن الله تعالى نويت السفر إلى جاكرتا
بس حبيت أستفسر عن بعض الأمور ، وما نستغني عن آرائكم ، خصوصا من ذوي الخبرة السابقة
بالنسبة للحجز وشرايكم بالخطوط القطرية ..
وحجز الفندق ، أو الغرف وش أفضل مكان ... وهذا هو أهم شي بالموضوع
وكيف طريقة التنقلات هناك ( المواصلات ) وكيف أسعار التكاسي ، وهل هي متوفرة بكثرة .. وهل فيه سائق ثقة بحيث إني أتعامل معه هناك
وبالنسبة لصرف المبلغ ، هل تنصحون أصرف قبل السفر ، أو عند الوصول بالمطار ؟ وكم تساوي عملتنا بعملتهم ؟
وهل الصرافات هناك متوفرة بكثرة زينا ؟؟
علماً بأني عزوبي ( يعني مو عائلية ) .. وتراي أول مرة أروح لهالديرة ، والحجز يمكن يكون بتاريخ 9/6/2012 ولمدة 15 يوم ..

يعني كم ممكن التكلفة ؟؟
أدري طولت عليكم ... سامحونا ..

( لاتنسون السكن تكفون تراه ضروري ، أبي شي نظيف وآمن ، وحلو ، ...)

والله يجزاكم كل خير جميعاً ..

مواضيع عشوائيه ممكن تكون تعجبك اخترناها لك:

• سؤال عاجل جداجدا
• مسافر بعد اسبوعين بالوالده استفسار ونصائحكم لا عدمناكم
• طلب فزعه
• سائق يتكلم عربى لسوربايا شهر
• سحر سندريلا الاندومي بنكهة عائليه
• شخصين لندونيسيا استفسارضروووري
• استفسارات متعدده صالح
• عاجل جدا الى نجم الكويت ولايهونوا الاخوان محتاج نصيحة للسفر لبالي في مارس
• مساعده الله يجزاكم خير (مسافر جديد لاندونسيا)
• طالبكم لاول مرة قولوا تم
• استفسار لمن سيسافر بأطفاله
• تساؤلات تحتاج الى اجابة من الخُبراء بارك الله فيكم
• فندق في جاكرتا وبالي
• أسعار التذاكر
• تنقل من بالي الي لومبوك
• ممكن مساعد لو سمحتو ياهل الاختصاص
• ممكن مساعده عاجله اول مره اروح اندونيسيا
• بونتشاك مسويه لي ازمه ورعبارائكم
• في شهر ديسمبر
• اسم الفندق المتعاقد مع الخطوط السعوديه في جاكرتا؟

بانتظار إفادتكم مشكورين

طيران الاتحاد جميل جدا

بس قبل كل شى لازم تلحق تحجز لان الاسعار فى ارتفاع مستمر اما بقيه الامور فهى سهله

بالنسبه للميزانيه 13 الف بدون تذاكر الطيران راح تكون كافيه بشرط الحجز المبكر

مشكور اخوي
بس بالنسبة للسكن ياليت تدلوني على فندق مجرب بحيث يكون مناسب ونظيف وآمن
لأني ودي أحجز بهالفترة عن طريق النت ..

السكن يرجع لميزانيتك

جاكرتا مليانة فنادق لكن هل ستبقى فيها فقط ؟

لايفوتك جبل بونشاك خذ لك فيلا هناك .


تفضل هذي بعض الفنادق

غير التوايخ وشوف الأسعار

http://www.booking.com/hotel/id/pull...X6&aid=1329869


http://www.booking.com/hotel/id/gran...15&aid=1329869


http://www.booking.com/hotel/id/harr...X7&aid=1329869

مشكور أخوي عاشق وبيض الله وجهك
طيب وشرايكم في شقق أستون راسونا ..

وهل إخراج فيزة السفر ضروري للي رحلته 15 يوم فقط ؟

هلا بك ياغالي

بجاوب على بعض الأستفسارات ولي عودة في تكملة الباقي

شقق استوب راسونا جيدة نوعا ما بس شقق Aston Marina افضل منها بكثير

الفيزا تطلعها حتى لو انك بتجلس يوم ههههه دامك دخلت اندونيسيا ماتطلع من مطارها الا مطلع الفيزا راح يسلمونك كوبون تكتب فيه بياناتك وتعطيهم في المطار مع الجواز

وقيمة الفيزا 25 دولار للشخص واذا عندك وقت تقدر تطلعها من السفارة

لي عودة ياغالي

مشكور أخوي علي والله يجزاك كل خير
طيب الفيزا تحتاج لصور شخصية ، والا بس تعبئة كوبون
وبالنسبة للمبلغ آخذ معي كاش بالريال السعودي ( فئة 500 ) ، وإذا وصلت المطار أحول إلى روبية بعض المبلغ
أو الأفضل آخذ المبلغ بالدولار من السعودية ..

شاكر ومقدر ،،

الخطوط القطرية ممتازة جداً في الخدمة والمواعيد

اذا بتروح جاكرتا او بونشاك تفضل هالموضوع حق السواقين

http://www.arabtravelersforum.com/travel389407

التكاسي والسواقين متوفرين بكثرة لكن احرص انك تختار سائق أمين بحسب تجارب الاعضاء معهم

اي تاكسي تركبة خله يشغل عداد المتر عشان لاينصب عليك

حول قبل السفر 1000 ريال سعودي الى دولار

عشان تدفع حق الفيزا وتدفع حق الايداع لدخولك الفندق ( التأمين )

وانا اسوي طريقة دائماً احول المبلغ الى بطاقة تسوق الراجحي واخلي معي مبلغ بسيط

بحيث اني كل ماأحتجت اي مبلغ اروح اصرف وخلاص افتك من سالفة التحويل وسالفة اني اخاف تنسرق فلوسي

عملتهم مثلاً 100000 % 2400 = المبلغ بالسعودي

وحسبة سريعة كل 10 الاف روبية 4 ريال سعودي وكل 100 الف 40 ريال سعودي

اي نعم الصرافات في كل متر تحصلها وبطاقات الفيزا او الحسابات الجارية تشتغل هناك

الفيزا ماتحتاج صورة فقط عب الكوبون الي بيعطونك اياه في الطائرة واذا وصلت جاكرتا تدفع رسوم الفيزا وخلاص

الصورة في الفيزا تطلب منك اذا رحت تايلند

ان شاء الله ماكون نسيت نقطة

لاتحرمنا من دعواتك واي استفسار حاضرين

مشكور أخوي علي ، والله ينور عليك دنيا وآخره
أبشرك حجزت على الخطوط القطرية السبت 9 يونيو الفجر بسعر 3800 ريال
وبالنسبة لبطاقة( تسوق الراجحي ) أنا معي هالبطاقة

طيب ودي آخذ رايك والإخوان بالتالي : ـ
أحول قبل السفر مبلغ 1000 ريال سعودي إلى دولار ( مثل ماقلت )
آخذ معي مبلغ بسيط بمحفظتي ، يعني مثلا 1000 ريال
أعبي بطاقة التسوق مبلغ تقريبا 8000 ريال ( للسكن وبعض والمصاريف )

وبالنسبة للسكن ودي أحجز عن طريق البوكينق خلال هاليومين ، هل هو مناسب ؟ أو فيه مشاكل ؟
وهل يقبلون بطاقة تسوق ؟
وإذا سحبت من الصرافات من بطاقة تسوق هل ياخذون عمولة كثيرة ؟

أشكرك شكراً جزيلاً

هلا بك اخوي

عب بطاقة التسوق 5000 ريال وبطاقتك العادية 3 الاف ريال مو المبلغ كله تحطة في بطاقة تسوق للأحتياط طبعاً فقط لااكثر

بالنسبة لي احط المبلغ كلة في بطاقة التسوق لكن تكون في شنطة صغيرة معي واحيان اخلي البطاقة في السيفتي بوكس

طبعاً بوكينج موقع عالمي وموثوق احجز وانت مغمض لاتخاف ونعم يقبلون بطاقة تسوق وهي معتمدة وعالمية

نعم اذا سحبت من الصراف كاش يأخذ الراجحي 25 ريال على كل عملية سحب سواء روبية او مليون روبية مايهم المبلغ كم

اما بطاقة العادية يأخذ 35 ريال على كل سحبة

مشكور أخوي وبيض الله وجهك .. بصراحة وضحت لي أمور كثيرة
طيب بالنسبة لهذي المناطق ألاحظ إنها تتردد كثير
( الجبل ، جبل بونشاك ، بالي ..)
وبعدين هي بعيدة عن جاكرتا ؟ أو المسافة قريبة ؟

من جاكرتا إلى الجبل مابين الساعه والربع إلى الساعه والنصف وتزيد إذا صادفت زحمه بالطريق

من جاكرتا إلى بالي عن طريق الطائرة ومدة الرحلة مابين الساعه والربع إلى الساعه والنص

الجبل هو نفسه بونشاك عن العاصمه ساعه وربع من غير زحمه اما بالي جزيره بالطياره لازم ساعه وربع
اما باندونق 3 ساعات من جاكرتا او اقل الافضل تروح من الصبح لغاية المغرب او العصر وترجع الا اذا عجبك الجو شي ثاني

مشكور أخوي الكوكب على إفادتك
يعني الجبل قريبة من جاكرتا ، ممكن إني أروح هناك مثلا أول الصباح وأرجع بالليل لسكني بجاكرتا

*************
فعلا أخوي روكس هذا هو سؤالي الجبل غير جبل بنشاك وطلع هو نفسه
أشكرك جزيل الشكر وماقصرت

وإذا فيه أي اقتراحات ياليت تفيدوننا ، والله يعطيكم العافية جميعاً ،،،

والله ياخوي حلاة الجبل السكن فيه ثلاث ليالي ع الأقل

في البداية جاكرتا وبعد كم يوم أحاول أسكن بالجبل
لك شكري أخوي عاشق