الموضوع: ايش احسن بلدة لدراسة اللغة ؟

السلام عليكم ورحمة الله وبركاتة

انا توني راجع من تورونتو رايح على اساس دراسة لغة لمدة 6 أشهر ولكن للأسف الله ما كتب لي نصيب ورجعت بعد أسبوع , وحاليا ابي اطلع ادرس في بلد ثاني.
فأيش تنصحوني فيه ادرس اللغة في أي بلد ؟
وان كانت كندا هي الأحسن تنصحوني بأي مدينة غير تورونتو من ناحية الجو العام في المدينة ؟

منتظر ردكم

مواضيع عشوائيه ممكن تكون تعجبك اخترناها لك:

• الجو في فانكوفر شهر و
• سكن في تورنتو
• المواصلات في فانكوفر
• استفسار عن تقديم فيزا كندا
• انة للصياعة لا للتعلم والدراسة احذرررر
• ارجوكم الرد بسرعه طالبكمانا اريد الدراسه في كندا وما لي خبره في القبول من الجامعات
• المساعده الله يخليكم
• اخوكم محتاج مساعدة
• هل كندا افضل من استراليا ولكم جزيل الشكر
• الى اهل الخبــــره في تورونتو
• سؤاااال
• تكفـون سآعدوووني
• سؤال عن افضل معهد في فانكوفر
• كم سعر التذاكر لكندا في شهر واحد وماهي ارخص خطوط
• شتاء فانكوفر متجدد
• أين وكيف طريقة التسجيل في نادي رياضي بكندا
• لــندن كــندا
• تكفوون الشهر الجاي طيارتي فانكوفر
• فرصة ياشباب في السفارة الكندية يوم الأربعاء القادم
• استفسار من الاخوه خصوصا الاخ كنيدين

طيب ماقلت لنا ايش اللي ماعجبك في تورنتو عشان نختار لك مكان مناسب لك؟

وان شاء الله المانع خير

لا تضيق صدورنا تراي بروح تورنتو

...عسا ماشر ليييه رجعت لاتقولي مو زينه ولا مو حقت دراسه...

أخوي kung fu master اسعد الله مساءك بالخير والمسرات

على ماقال الكريم وهو على اسمه كريم وش اللي ماعجبك في تورنتو ؟؟؟ علشان ممكن نقدر نفيدك....


وتقبل في الاخير تحاتي لك وتقديري


صغيرك خلوووووووووووووووووودي

والله انا اصلا رجعت لأني تهاوشت مع ادارة المعهد بجحدهم الاتفاقات الي انا طالع على اساسها

ولكن من جانب ثاني المدينة ما عجبتني بكونها مافيها معالم سياحية ولا فيها اشياء حلوة ولا فيها عرب حسيت بغربة شديدة وزهق كبير.

وايش تنصحوني فيه من ناحية مدينة حلوة مناسبة للدراسة من جميع النواحي

يكون فيها عرب وفيها معالم سياحية واماكن حلوة الواحد يقدر يتمشى ما يحس انه مخنوق ؟؟

ماعندك مشكله .. بس وش المعهد .. وايش المشكله

قل لنا السالفه عشان نعرف المعهد النصاب .. وثاني شي عشان نشوف لك معهد غيره

المشاركة الأصلية كتبت بواسطة كريم سبله
http://www.arabtravelersforum.com/tr...40/#post990440

ماعندك مشكله .. بس وش المعهد .. وايش المشكله

قل لنا السالفه عشان نعرف المعهد النصاب .. وثاني شي عشان نشوف لك معهد غيره








هههههههههههههههههه:109:

والله يا اخوي قول مشكلتك والاخوان بيساعدونك انشالله:24:

( ما فكرت في بريطانيا:114: )

ودمتم بحفظ الله

اخوكم عبدالاله:101:

هه هه هه لا تكرمون كلكم ما احد يطر مني

المشكلة الي واجهتني في معهد Esh في تورونتو في اونتاريو المشكلة ان مسؤلة السكن رسلت معلومات

على المكتب عن العائلة الي راح اسكن عندهم ويوم وافقت عليهم ورحت لتورونتو تفاجأت بمواصفات غير الي
هي كتبتهم في الايميل والمواصفات هي : 1- ان عدد افراد الأسرة 4 واذا انا رحت لهم بنكون 5 في البيت.

ولكني يوم رحت تفاجأت بوجود 5 أفراد في الأسرة وطالب غيري والبيت صغير وكلنا فيه 7.

2_ وجود حمام منفصل لي وأنتوا بكرامه.

ولمن رحت تفاجأت انهم حاطيني انا والطالب في حمام واحد وتكرمون شنهي وصاخة .

3_ استخدامي للأنترنت ساعتين في اليوم على كمبيوتر البيت ولكن استخدامي للأنترنت مفتوح على اللاب توب حقي.

ولكن يوم رحت ابوهم قالي الأنترنت فقط للعائلة مو للطلاب لأنه غالي إلا اذا كنت بتتقاسم معاي قيمته.

ولكن اليوم الثاني امهم صلحت الموضوع وقالت لي لك ساعتين في اليوم بس.

4_ ان غسيل الملابس والتنشيف على العائلة.

ويوم رحت ابوهم ما قصر وياي قاعد يعلمني كيف انا أغسل ملابسي وأنشفهم وأغسل صحوني بنفسي.

ويوم كلمت مسؤلة السكن وقلتلها انتي رسلتي مواصفات معينة وانا جاي على اساسها وفي الأخير أتفاجأ بمواصفات ثانية. ردت علي وقالتلي اصلا انا ما رسلت اي ايميل لراعي المكتب ولا أتفقت على مواصفات معينة.
وقالتلي ان كنت تبي تنقل لعايلة ثانية راح اوديك لعايلة ثانية ولكن خذها قاعدة ان كل العايلات نفس النظام ولكن يمكن يكونون عدد الأسرة أقل.

وجاني بعدها مدير المعهد وعاد علي نفس الكلام وقلتله لكن صاحب المكتب كان يرويني ايميلات عن العائلات عشان اختار منها .

قالي احنا ما رسلنا له شي وان رواك شي يمكن هذا بالغلط .

فيوم شفت الوضع كذا والنصب والجحد بدا قلت مالي الا الرجعة وأخذ فلوسي وأروح لمكان ثاني احسن لي

وهذا ما واجهني في ذاك المعهد

ومنتظر رايكم

أما بالنسبة لأخوي أضواء المدينة

أنا فكرت في بريطانيا ولكن على حسب علمي ان الشعب الانجليزي مو شعب حبيب ولا إيش راي الشباب ؟؟

والله ياغالي مدري وش اقول لك ..

انا واجهت تقريباً نفس مشاكلك .. لكن مافكرت اني اسحب فلوسي خصوصاً ان فترتي كانت 3 شهور .. وبالصيف .. ويبي لي وقت اسحب وانقل واغير .. فقلت استمر على اللي انا عليه ..

عموماً .. كندا ترى حلوه والله .. طيب حاول انك تجرب فانكوفر .. ترى فانكوفر ممتااااااااازه واجمل من تورنتو بكثير .. وشوف لك معهد كويس ومعروف .. ويكون تبع جامعه .. لأني شايف ان معهدك هذا اول مره اسمع به بصراحه ..

بس هالمشكله هذي لاتخليها تكون سبب انك تغير نظرتك عن الدوله ككل .. كندا واهلها ترى حبّـوبين مره وطيبين .. بعكس الشعب الانجليزي مثل ماهو معروف .. وميزة كندا ان شعبها من مختلف الاشكال والالوان .. يعني ماراح تحس نفسك غريب ..

ابحث في فانكوفر .. وبتحصل معاااااااااهد كثيييييييييييييره .. وبتحصل تبع جامعات بعد .. وعشان تضمن حقك انا بقولك وش تسوي معهم ..

ارسل ايميل للمدرسه بالمواصفات اللي تبي .. وبعدها كلم المدرسه بنفسك تلفون لو قدرت .. وفهمهم انك ارسلت المواصفات اللي تبيها بالايميل .. وانك تنتظر منهم الرد في حال توفر العائله المطلوبه .. وقل لهم يرسلون لك ايميل وخلك ملزّم انهم يردّون على الايميل بالموافقه ... عشان تضمن حقك .. واعرف اسم الشخص اللي كلمته ويستحسن انه يكون نفس الشخص اللي يراسلك ايميل .. وانحش عن المكاتب ونصبهم ترى نصابين ..


بس نصيحتي لك لاتغير كندا .. غير المدينه اذا ماعجبتك .. كندا دوله كبيره وفيها مدن واااااااااااااجد ..


اتمنى اني خدمتك ..

واي استفسار او سؤال .. لاتردد

وبالتوفيق ياغالي

والله ما قصرت اخوي كريم سبله وعساك على القوة

وان كنت تعرف معاهد في فانكوفر فياريت تعطيني اسمائهم ؟!

اخوي انصحك بهاليفاكس
انا رحت عند عائلة 100%
اول شي هم انجليز اصليين جدهم من سكوتلندا
2- الغسيل عليهم بس انا علي اعطيها الملابس الللي يبيلها غسيل واجي القاها عند الباب تلمع
3- انا ماجبت معي لاب توب ولكن كنت استخدم الكمبيوتر اللي في البيت 24 ساعة
4- اللبيت فيه 4 تلفزيونات كل شوي وانا ناقز لغرفة اتفرج وتقولي خذ راحتك اي غرفة تعجبك تفرج فيها
اروح واجي في البيت اسوي اللي بسويه ماتقول لي شي
وصراحة اكثر العائلات اللي في هاليفاكس طيبين للاخر والاهم انهم اصليين مو فلبيني والا ياباني وقالك كندي
مدينة هاليفاكس هادئة ومملة بعض الشي اذا كنت تبي تروح سياحة لاتقربها اما اذا دراسة انصحك تروح لها
اهل المدينة قمة في الاخلاق وطيبين على الاخير
والله يوفقك

مشكور يا كريم سبله والله ما قصرت وعساك على القوة

وان كنت تعرف اسامي معاهد او معاهد تابعه لجامعات تكون راقية في التعليم والخدمات فياريت انك تعطيني اسمائهم

وبالنسبة للأخ wooden

انا رايح لدراسة لغة , ولكن ابي مدينة تكون فيها اماكن سياحية واماكن حلوة للزيارات والتمشية بإني ما ازهق هناك.

ومهم موضوع العائلة بأن تكون عايلة موفرة للطالب كل الخدمات المنزلية , ولكن هل كل عوايل هاليفاكس نفس النظام والطبايع ؟؟

ويا ريت انك تعطيني تفصيل عن المدينة من حيث الجو العام والأماكن والمعاهد.

والله يوفق الجميع

اخوي kung fu master بالنسبه لوضع العائلات انا مااقدر ازيد على اخواني ماقالوا بس دائما وضع العائلات فيه مشكال على حد علمي والناس تشتكي منه لكن لازم الواحد يتحمل بصراحه ويحاول يجاهد نفسه ويكون اهم شي محترم في التعامل ولايخطي وبعد فتره راح يحس هو انه تعود ...

اما بالنسبه للمدن في كندا فمعروف ان فانكوفر من اشهر المدن السياحية في كندا ومن اجملها لكن لها عيوب..

لكن غريبه مالقيت عرب في تورنتو؟؟ تورنتو من اكثر مدن كندا اللي مليانه بالعرب زي مافانكوفر مشهوره بالشرق اسيويين ...

طيب مافكرت في مونتريال ؟؟؟ صحيح انه اللغه الاولى فرنسيه لكن يوجد معاهد قويه فيها زي ALI ومعهد Berlitz وفيها عوائل انجليزيه ومونتريال مشهور عنها مقوله
" المدينه التي من عاش وتربى فيها لايستطيع العيش في اي مدينة اخرى بالعالم بعدها"

هذا مااقدر افيدك فيه وان اصبت فمن الله وان اخطأت فمن نفسي والشيطان والله تعالى اعلى واعلم..


واخيرا تقبلوا تحيات صغيركم خلوووووووووووووووووودي

اخوي khallodee يعني الحين رايك اني ادرس في مونتريال ؟؟

اخوي khallodee

يعني الحين انت تنصحني اني ادرس في مونتريال ؟؟

وين ردك يا كريم سبله ؟؟

ووين ردك يا wooden ؟؟

منتظر ردودكم على الموضوع

انصحك اخوي kung fu master

مثل ماقالك اخي كريم سبله

رح فانكوفر وراح تدعيلي ان شاالله

اذا انت تبغى لغة وسياحه فتوكل على الله فهي المدينة المناسبه لك

الصيف الماضي كنت هناك في فانكوفر للسياحه مدينة جميله و رائعة جدا

ولا تقارن ابدا في تورونتو

بس عليك في اختيار الوقت المناسب لان الحين الجو جدا بارد

طيب اخوي keep away

من ناحية فانكوفر في اغلبها عرب , وسالفة وجود عرب كثار حولي ما راتح تأثر على تعليم اللغة ؟؟

والله ياخوي كونق فو مدري وش اقولك ..

سؤالك يحيّـر .. لأن المعاهد كثييييييييييره جداً في فانكوفر ..

واعذرني لأني ماأقدر أفتيك في معهد .. ماأبي أوهقك مع احد ماعرفه ...

لكن حاول انك تشوف لك معهد تبع جامعه .. على الاقل ..

ولو تدخل قووقل .. بتحصل كثير ..

حاول تكتب في قوقل:

English schools in vancouver

Learn English in vancouver

English ******** institutions+Vancouver



والله يوفقك يارب ..

يعني الحين الأخ wooden ينصحني بهاليفاكس

وكريم سبله و keep Away ينصحوني بفان كوفر

والصراحة انا للحين احس اني محتار , وعشان كذا راح اطول شوي بالأسئلة ويا ريت تتحملوني شوي يا شباب

اخوي كريم سبله : انت تنصحني بفان كوفر انها احسن مدينة من اي ناحية ؟؟ واتمنى انك تعطيني نبذه مفصله

وأتمنى اني ما اكون كثرت عليك بالأسئلة

كونق فو ..

بكل بساطه .. فانكوفر من اجمل مدن العالم .. وماراح تزهق فيها .. طبيعه خلاّبه .. وجو أخلب وأخلبين

مشكوووووور أخوي كريم سبله

والله ما قصرت والله يجزيك خير .. وخلاص انا اقتنعت بفان كوفر وان شاء الله بضبط وضعي للدراسة هناك

واسمحلي ان كثرت عليك بالأسئلة

والله يا اخ كونغ فو استغرب ان تورنتو ما عجبتك فهي اكبر المدن الكندية و فيها الكثير من الاماكن السياحية والترفيهية والبحيرات وقريبة من شلالات نياجرا وقريبة من مقاطعة كيوبيك الرائعة
والعرب فيها كثير جدا لاكن ما تلاحظهم مثل لندن وفيها الكثير من المطاعم والمقاهي العربية اللي تنسيك الغربة بس انت شكلك ما سألت عنها
انا اشوف ان الافضل لك مدينة فانكوفر فهي اكثر المدن الكندية شهرة بلاماكن السياحية
وهاليفاكس شلها من راسك اذا تورنتو ما عجبتك فهي مدينة صغيرة وفقيرة ومناسبة فقط للدراسة

أخوي ttaa بالنسبة لتورونتو ما شفت فيها الا 2 عرب

ورحت تمشيت في الداون تاون ولقيت مطاعم عربية . مطعم فلافل هاوس ومطعم الكباب الي مكتوب عليه حلال ولكني ما خشيتهم.

والي ما عجبني في تورونتو لكونها مدينة عملية ما فيها اماكن حلوة مغرية للسياح او الطلاب.

ومن ضمن نشاطات المعهد الي درست فيه كان من ضمن نشاطاته رحلات حول كندا والرحلات كانت

1_ زيارة شلالات نياغرا

2 _ زيارة السي إن تاور


4 _ سينما blue man

5_ رحلة الى نيويورك

وغيرها من الاماكن العادية لأن تورونتو ما فيها أماكن حلوة جذابه . وبكوني غريب هناك بحتاج الى اماكن اتمشى فيها واماكن اضيع فيها الوقت .

عزيزي
انا نصحتك بهاليفاكس لان كل سكلنها اصليين
ولكن زي ماقلتلك مدينة مملة
لكن اذا عزمت على فانكوفر فيه معهد تابع لجامعة برتش كولومبيا يمدحونه
http://www.ubc.ca

مشكوور يا wooden

ولكن السؤال هو : هل كل المعاهد عندهم نشاط سياحي للطلاب ؟؟

حياك الله حبيبي .. ماسوينا شي

والله يوفقك

يسعد لي مساك -- kung fu master--- انا كني فهمت من كلامك تبيها دراسة وسياحه 2في 1__ وحبيت انقلك تجربتي لأني كنت ادور نفس موصفاتك_ 1_ فانكوفر تكلمو ناس كثييير ومدحوها كثير الي درجه اني حسيت اني لو رحت الديرة هذي ماا راح ارجع لسعودية نهائيااا ولا كن بعد السفر طاح الي في الراس خلال اسبوعين سبحان الله تمل صح خضار وانهار واماكن حلوة بس المدة الطويلة راح تمللك بس عشان كذا لا تخلي السياحه هي اكبر همك فكر في اهل البلد كيف هل هم ---- حبوبين--- خدومين --- تعاملهم مع العرب كيف -- كذا تحصل الاجابات لأسألتك __ وبنسبة لفانكوفر مدينة ممتازة بنسبة للمعاهد انا جربت معهد les معهد يتكون من اربع مستويات له فروع بكندا سعره 760 دولار كندي فل تايم وما فيه ولا سعودي موقعة تقاطع شارع برنبي مع وست بندر وفيه معاهد كثره ثانية وتتفاوت اسعارها الي درجه اني لقيت معهد ب400 دولار فل تايم بس مدري ما جربته والعوايل انصحك لا تاخذهم من المعاهد خذهم عن طريق معرفة اضمن واذا بغيت اي معلومة حنا بالخدمة .......

مشكور اخوي الجناح الأيمن لمشاركتك بالموضوع

وهل انت عندك عوايل معينة تنصحني فيهم ؟؟

هلا حبيبي __ انا جربت الكنديين من اصل اوربي (البيض) والحقيقة ما عجبني الوضع نهائياا والسبب ما يعترفون بنظافة وعندهم كلبين(وانتم بكرامة) وجربت عايلة كندية من اصل فيجي (من مونه الهنود ) ومشت اموري نظافة واكل صح وبعد عايلة فلبينية ومشت اموري معهم زي الحلاوة حبوبين مرة وكل يوم عندهم بارتي وكذالك جربت شقة لحالي بس الحقيقة ملل بس بعد هذا طلعت بفكرة حلوة بس ما امداني اجربها انك تسكن مع طلاب //// مثلا انت واثنين من زملاك بالمعهد (بس احرص يكنون لتينيين تراهم يعجبونك) واي شي من هذولي يعجبك عطني خبر وارسلك الرقم ....

أخوي الجناح الأيمن

انا يوم كنت في تورونتو ما ارتحت مع العايلة , فقررت ان في روحتي الجاية في البداية بسكن مع عايلة ومع الايام اذا تعودت على المدينة بسكن لحالي .

ايش رايك بكلامي ؟؟

هلا والله ---kung fu master --- فكرتك ممتازة بس بنسبة للعايلة اقل شي تجلس 3 شهور طبعا الشقة اريح كثيييييير بس انت جاي تتعلم اضغط علا نفسك شويتين منها بيضبطونك باللغة ومنها يساعدونك في اشياء كثيرة (وترا الوحدة شينة ) هذا رايي الشخصي ...

طيب أخوي الجناح الأيمن

ايش هو نظام العوايل الي عندك من ناحية الوجبات والغسيل والإنترنت وكم عدد افراد الأسرة ؟؟

المشاركة الأصلية كتبت بواسطة kung fu master
http://www.arabtravelersforum.com/tr...72/#post998372

طيب أخوي الجناح الأيمن

ايش هو نظام العوايل الي عندك من ناحية الوجبات والغسيل والإنترنت وكم عدد افراد الأسرة ؟؟



كل العوايل تقريباا يوفرون لك خدمة 1_ الانترنت : سواء واير لس او dsl س__2__ الوجبات : بعض الشباب يشترط توفير وجبتين او ثلاث وبعضهم يسوي اكلة بنفسة (علا حسب العايلة ) طبعاا يفرق في السعر حوالي من 250 الي 300 يعني بعضهم ودك تاكل خبز فاضي ولا اكلهم :yuk: وبعضهم اكلهم جنان :icon_thum --3--الغسيل : غالباا تغسل ملابسك (انت طبعاا) في غسالة البيت (فري) ---4--- عدد افراد الاسرة : اطلب شو مابدك وتحصل انشالله لأن العوايل كثييييير اعطيك مثال
_____ بنسبة للأسعار ____ غالباا 700 دولار في الصيف شامل 3 وجبات وتوصيل من والي المطار طبعاا فيه 550 وفيه 600 علا حسب الحي والعايلة ..... نجي كيف تحصل العوايل اما عن طريق البحث في الانتر نت او عن طريق معرفة انا عندي 4 ارقام (اذا لك نظر عطني خبر )

هه هه هه حلوة قصيدتك يالجناح الأيمن

عموما عطني انت الأرقام الي عندك وانا أضبط أموري.

وأما من ناحية المعاهد في فانكوفر ... هل كل المعاهد فيها خدمة الرحلات السياحية للطلاب ؟؟

أخوي الجناح الأيمن وينك تغيبت عن الموضوع ؟؟

أخوي الجناح الأيمن وين ردك على الموضوع ؟؟

هلا حبيبي اسف علا التأخير :idea: ___ بغيت رقم اي عايلة ؟ المعاهد اغلبها اذا مهو كلها فيها رحلات سياحية ..

اخوي الجناح الأيمن

انت عطني ارقام العوايل الي عندك في فانكوفر وانا اكلمهم واشوف الوضع

ابشر من عيوني ياجدي --1-- عايلة كندية اصل / الاسم : كنيل _رقمها _0016047106781 _ 2-- كندية من اصل فيجي _الاسم : ستارة _0016044327385--- عليها طبخ كذا :icon_thum -3--- كندي اصل فلبيني _مايكل _ 0017783897561 ----4--- وفية وحدة تأجر شقة من داخل البيت بس لها مدخل خاص (زي ما تسميها شقة مسروقة ) --- 0016044379287 ولاتنسا تعطيني خبر وش صار معك ...

مشكور اخوي الجناح الايمن وان شاء الله بشوف وضعي وبعطيك خبر على الي يصير

بالتوفيق ...

يا اخوان

هل 3 شهور كافية لتعليم اللغة في كندا ؟؟

كل واحد على حسب قدرته يا غالي
3 شهور لك غير 3 شهور لي
اذا اردت مزيد من المعلومات فانا مستعد اني اساعدك

طيب اخوي عاشق تورونتو

هل في جامعات في كندا من غير سنة تحضيرية تكتفي بدراسة اللغة في معهد الجامعة ؟؟

لا ما اعتقد لازم معهدهم

أخوي عاشق تورونتو

يعني في جامعات من غير سنة تحضيرية تكتفي بدراسة اللغة ؟؟

على حسب يا كنج فو
البعض ما يغرف و لا شي انجليزي يمكن الشفله تاخده اكثر من سنه
البضع يعرف شوي يمكن 6 شهور كفايه
و لاكن اهم شي تاخد انجليزي في معهد جامعه مو في معهد اذا بغيت تكمل في جامعه

اخوي عاشق تورونتو

يعني السنة التحضيرية بس لغة ؟؟

غالبا ايوه

طيب اخوي عاشق تورونتو

اقدر اخذ اللغة من معهد الجامعة وأطلع وأكمل الجامعة في بلد ثاني ومن غير سنة تحضيرية ؟

اعتقد اذا وصلت لدرجة اجادة في اللغة تأهلك لدخول الجامعة مافي مشكلة ، و هذا يحدده اختبار التوفل او الايلتس او اختبار الجامعة للطلاب الاجانب ...

على حسب
كل جامعه لها مستوى مختلف تماما
نصيحتي لك هيه انه الجامعه الي تبغى تدرس فيها ادرس فيها انجليزي

الا ما قلت لنا اخوي kung fu master

من هو المكتب اللي نصب عليك علشان نحذر منه ؟؟؟

هلا اخوي وافي ,

بس انت كيف عرفت ان في مكتب نصب علي ؟؟

انصح waterloo

فعلاً موضوع مفيد

أشكر الجميع على جهودهم المباركة

وأسأل الله أن يثبتنا على دينه

وان يوفقنا لما يحب ويرضى

أخوكم المحب لكم في الله