[center]بسم الله الرحمن الرحيم
الحلقـــة الأولـــــــى
[color="Blue"]احكي لكم في هالموضوع وقائع رحلتي الى كندا ( تورنتو ) بالتفاصيل الدقيقه .. مزوده بصور فيديو وفوتوغرافيه .. اول شي كان التخطيط على السفر قبل سنه ونص كنت ناوي اسافر لبريطانيا وما الله كتب .. والحمد لله كانت خيره لأني كنسلت سفرتي وصارت التفجيرات هناك ..
المهم بعدين فكرت اني اخلي السفره السنه الثانيه اللي هي الصيف اللي فات هذا .. واحترت بين كندا واستراليا وامريكا .. وبعد مشاكل الفيز حقت امريكا اللي سمعتها .. والتعصب الديني في استراليا .. ويوم قرأت كثير عن كندا .. شفت ان ولا دوله من اللي ذكرت تصفّ جنب كندا (( وكان شيء حقيقي لما رحت هناك وشفت بعيوني )) .. ماأطول علييكم :101:
بديت في فتح الموضوع مع امي واني بسافر ادرس شهر (( انا ناوي ثلاث شهور بس لو قلت ثلاث شهور يمكن يجيها شيء لاسمح الله )) المهم قلت ابدأ على خفيف .. وقلت شهر وبرجع وكذا وكانت رافضه الفكره تماماً وهي من النوع اللي يؤمن ان اللي يسافر برا السعوديه يمسكونه ويودونه قوانتانامو (( اتوقع النوعيات هذي من الامهات كثيره )) ههههه الله يحفظهم يارب ويخليهم لنا .. المهم وبعد محالات شتّـى وخدمات جانبيه (( مشاوير + تميلح + نفعه )) اقتنعت ولله الحمد .. وطاح تقريباً 80% من الهم اللي كنت شايله .. باقي الحين وشلون اقنع الشايب .. :114:
المهم وكّـلت المهمّـه لأمي .. ويوم من الايام بعد ماشفت الشايب في وضع جيّـد لفتح الموضوع أعطيت امي اشاره عشان تفتح الموضوع على انها تسألني وين بروح الصيف هذا .. وانا اقول يمكن اروح ادرس .. ونشوف ردّة الفعل اذا كانت مشجّـعه ولا محبطه .. ونفذنا الطريقه .. طبعاً الشايب سوّا نفسه ماسمع ولا كأن فيه ناس تكلم .. وانا طرطعت ماأدري هل هو موافق ولا لا .. تعرفون الحقران يقطّـع المصران وفي ذاك اليوم كان أول مره ادري ان هالمثل موجود على ارض الواقع !!!!!!!!!!! .. :105:
يوم ثاني سوينا نفس الطريقه .. ورد علي قال: السنه اللي راحت ماسافرات وكانت خيره وصارت المشاكل هناك .. والسنه هذي الله اعلم وش بيصير .. عشان كذا اقضب ارضك .. واغمز لأمي بحيث انها تدخّـل وتحاول تبين انها ماعندها مانع وان الوضع عادي .. المهم وبعد نقاشات حادّه . اقتنع .. والحمد لله انتهى الموضوع بعد تقريباً شهر من المحاولات .. وبعدين بديت في الجد .. وديت اوراقي لمكتب الفيفا (( مجمّـها من بدري )) وظبطت كل شي وارسلت الاوراق بدري وجاني شبه احباط يوم قالوا لي الفيفا ان اغلب الفيز يرفضونها .. وخليت اوراق احتياط عشان لو لاسمح الله رفضوا احول على استراليا دايركتمواضيع عشوائيه ممكن تكون تعجبك اخترناها لك:
- رحلتي الى اوتاوا
- صور شــــلالاااات كـــنـــــدا
- ابي ادرسة لغة e ل 3 أشهر ابي شوركم ونصائحكم لاتحرموني منها
- معلومات عن فيزا حضور مؤتمر
- بليز ردو علي
- افضل خطة سير لفانكوفر
- الى من يشتكي من الفيزا الكندية
- نص سؤال
- محمية كوترايت تورنتو
- بشرى للمسافرين الى كندا في
- ياليت إلي عنده خبره بدراسة اللغه يدخل واكون له من الشاكين
- تكفوون ابي رايكم وش اشتري هدايا
- تفضل معي في جولة مصوره لمنطقة بانف كنداأنتبة تراك في كندا
- بحث مقارنة مصغر صديق محتار أيذهب هذا الصيف إلى فانكوفر أم تورونتوا لدراسة اللغة
- ترنتو او كالجري
- بعثه مجلس ابوظبي التعليمي للطلاب المتفوقين
- التواصل بالانترنت في فانكوفر
- المرجو المساعدة الدراسة في كندا
- أبيكم تساعدوني الله يوفقكم
- مساعــده اجعلهــا لوجــه اللــه
المفضلات