السلام عليكم
اسعد الله اوقاتكم
اعزائي اعضاء المنتدى
زواجي ان شاءالله في
1433/10/2
يعني ثاني العيد ان شاءالله .. دعواتكم
يعطيكم علومي ووش سويت ووش ماسويت راعي طويله
المهم انا حجزت عن طريق الخطوط السعوديه
حجزت ذهاب وعوده مقعدين لي انا والمدام الله يحفضها لي
رحلتي ان شاءالله في 5 شوال الساعه 12 وربع يعني نصبح على يوم 6 شوال
والعوده في 26 شوال الاقلاع 3 ونص والوصول ان شاءالله الى ارض الوطن الساعه 8 وربع مساء
يعني تقريبا الرحله 20 يوم
طبعا ماسويت شي غير كذا
وللحين ماني عارف اساسا وش يبغالي عشان اطلع جواز لي انا والمدام
وهل زوجتي لازم يكون عندها بطاقة احوال والا عادي لو اضفتها معي في الجواز وتمشي الامور
طبعا فيه شي لازم اعلمكم فيه
سددت مخالفات بمبلغ 13400 نغمه حزينه
عشان اطلع جواز
بس للحين ماني عارف وش اول خطوه اسويها عشان اطلع جواز لي انا والمدام
ياليت تعطوني الطريقة بالتفصيل
الشي الثاني
ماحجزت فنادق ولاني عارف وين اروح بالضبط من اندونيسيا
بس حاط في راسي اني اروح جاكرتا والجبل وباندونق هذي الاماكن اللي احس مناسبه ..من تقارير الاعضاء هنا
بالي حلوه بس انفتاحيه زايده واللي سمعت وشفت من التقارير والصور انها خلاعه زايده
عشان كذا شلتها من راسي
بس ماني عارف كم تبعد جاكرتا عن باندونق وعن الجبل
وهل فيه مناطق قريبه منها وحلوه .. عادي اروح لها لان معي تقريبا 20 يوم
اعطوني رأيكم في الاماكن وكذا
وهل احجز من هنا والا عادي اذا وصلت احجز
اللي بيقول عادي اذا وصلت احجز .. اوك بس اول ثلاثه ايام ودي احجز على بال مااكون ريحت وخططت وكذا
الشي الثالث
كم تتوقعون المبلغ اللي يكفيني
مع العلم ان شاءالله راح اتسوق في بعض اسواق جاكرتا
وهل احد عنده فكره معينه او اقتراح او حاب يقول لي شي اسويه وش مااسويه بحكم تجربته
يعني اييييييييييييييييي شي في راسك اسدحه لي يمكن استفيد
لاني ماعمري سافرت خارج المملكه فمـآ ادري يمكن في شي مااعرفه انت تعرفه
واللي عنده برنامج يسدحه هنا
واللي يبي يفضفض عادي ياخذ راحته هههههه بس لايطول
وســــلآمتــــكم
بانتضــآركم
تمت الاجابة هنا
رايح شهر عسل لاندونيسيا وبدي تساعدوني بكيفية استخراج الجواز وجدول مناسبمواضيع عشوائيه ممكن تكون تعجبك اخترناها لك:
- ارجوا المساعده من اهل الخبره
- المساعده يا اهل الخبرة
- استفسار عن بالي فنادق وفيلل وسواحل
- استفسارات عن هالفنادق
- احترت في الاختيار
- سفرتي الى مدينة ايوو
- هالمره جبت تذاكري معايه
- برنامج مصغير ل كوتا
- عاااجل أحتاج إلى فزعتكم يا خبراااء إندونيسيا
- رحلة سياحية
- ناوي على السفر مساعدتكم
- أستفسارات متعددة تخطيط لرحلة إلى اندونيسيا لاول مره ؟
- سؤال عن بونشاك
- ما خاب من استشار
- حجزت فندق
- ماهي افضل المراكز التجاريه في جاكرتا
- الفزعه يا خبراء اندونيسيا عندي استفسارات
- شهر عسل في اندونيسيا أرجو المساعدة
- من مسافر مبتدأ الى كل خبير في اسرار العمه
- مسافره بيونيو ارجو المساعده
المفضلات