وعليكم السلام ورحمة الله وبركاته
حياك الله ابو سولاف واختيار موفق بالتجديد
المدة كافية لزيارة الجبل وبالي
اذا تبي جاكرتا في جدولك للراحة او التسوق
يوم جاكرتا - 5 أيام الجبل - 5 أيام بالي - يوم جاكرتا قبل السفر
اما اذا حساب جاكرتا خارج حسبتك ومثلي ماتحب السوق او المدن الزحمة
6 ايام الجبل - 6 ايام بالي
بالنسبة للحجز في بونشاك يوجد موقع عربي يعرض عدد من الفلل مع السائق وماقدر اذكر اسمة لأنه ممنوع في قوانين الموقع
وتقدر تروح هناك وتشوف الفلل وتختار الي يناسبك وهذا متعب لكن أفضل لأنك تشوف كل شي امامك وتختار
والسائق يوجد تفضل هالموضوع بيفديك
http://www.arabtravelersforum.com/travel389407
اما بالنسبة للحجز في بالي احجز عن طريق بوكينج وانصحك في شاطئ سيمنياك او سانور فلة مع مسبح خاص
الفلل نوعاً ما غالية لكن تستاهل قيمتها بالنسبة للخدمات الي تقدمها
السفر الى بالي عبر الطائرة من جاكرتا ومدة الرحلة ساعة ونص
والطيران تقدر تحجز من مواقعهم الرسمية والشركات هي :
( طيران جارودا ) وهو الطيران الرسمي وسعره مرتفع عن البقية
( طيران اير اسيا ) وهو طيران اقتصادي وممتاز
( طيران ليون ) وهو ارخص طيران لكن ماتستطيع الحجز الا من المطار او تعرف احد هناك يحجزلك لأنه مايقبل الحجز من الانترنت من السعودية
ومواعيد طيران ليون لك عليها شوي
الأفضل بينهم من ناحية السعر طيران اير اسيا ومواعيدهم ممتازة
اتمنى اكون افدتك
لاتحرمنا من دعواتك
رد مع اقتباس
المفضلات