رحلتنا كانت لندن - نيويورك جي اف كنيدي
وطبعا كانت على درجة رجال الاعمال " الباكج اللي خذناه من طيران الخليج على البزنس مع ان كنا قاعدين اول كرسي فيها بس لان الطياره مافيها درجة اولى " و رحلتنا على شريكتها كانت على نفس الدرجة بس ترتيب الكراسي كان غير
2 - 3 - 2
و خلونا في الثلاثه الوسطيين
الكراسي غير مريحه ابداااا يصير سرير بس مايل للامام يعني الراس فوق و الرجل تندعس تحت الكرسي اللي جدامنا ازعجني هالشي جداااا
و التلفزيون مثبت فالكرسي اللي امامنا وفيه الخريطه
اول مره اعبر المحيط
و الاكل كان لاباس زين خصوصا ان كنا طالبين اكل مسلمين جهزوا لنا باستا مع دجاج اشوه انهم فاهمين اننا ما ناكل خضره وبس
الوجبة الرئيسية ما صورتها لاني ما كلتها من التعب مت ماقدرت اكل شي بس ابي اوصل خصوووصا اني ما انام فالطياره
** في موقف مهم حبيت اذكره صادني حماني من التعب مسكين رجع الاكل اللي كله و انا قمت للمطبخ و طلبت كيس نايلون تخيلوووو المضيف تأفف بوجهي و كني طالبه منه نجمه من السما و قلت لهم ان ولدي مرجع ما طلبت منه ينظفه .۔ مع ان شغلته هو اللي ينظف و قامت وحده معاه وعطتني و لما رجعت مره ثانيه كنت احتاج مناديل عشان انظف الوضع بدددددددع طالع فوق و وقال اووووووووووووووووووف
حسبي الله عليه لحين حارني
وانا كنت بروحي وبوحماني نايم ماكنت ابي اسوي ازعاج ولا مشاكل غيرت الكرسي بعد ما نظفته اللي يمنا الاثنين كانو فاضيين و الحمدلله نام الولد شوي وانا ارتحت
و بعدين يابو لنا الريوق و ما كلت لان حدي مخي يقول اننا ليل و ابي انام ههههههههه و خذت لي هالشاي بس
و قمت اتابع فلم لين مر الوقت شوي " افلامهم ممتازه كلهم جديده و كانت بعضها فالسينما توها و هالشي الوحيد اللي عجبني فيهم
و اخيرا وصلنا الى نيويورك
ولكن في مفاجأه في المطار
المفضلات