الموضوع: شباب لاهنتو انا من جنب ترتيب السفر ابي فزعتكم لشهر عسل

السلام عليكم ورحمة الله وبركاته

اولاً مسجل في المنتدى ابي شوركم شفت مواضيع الين ماقلت بس ولا عرفت وش ابي ووش الزين


سفرتي ان شالله 4 شوال بالضبط تاريخ 22 اغسطس


من الرياض لجاكرتا والرجعه من كوالالمبور في تاريخ 5 سبتمبر


انا اول مره اسافر شرق اسيا والمدام الله يسلمها قد مرت على سنغافوره وماليزيا فقلت لازم اشطح واوريها شي ماشافته ووقع الاختيار على اندونيسيا


وماليزيا بمر عليها للتسوق وبرضو اسير على الاماكن الي فيها




انا احترت كيف اوزع السفره بين الديرتين .. المهم بالي يمدحونها العالم بس يقولون اذا منت راعي بحر ونشاطاته ترا مايستاهل تطول فيها


وجاكرتا اشوف العالم يقولون بركان وحدايق بس اغلب الصور تحسسني اني بابها


بصراحه من الاخر مدري وش ابي بس ياليت احد يفزع ويضبط لي جدول للرحلات بحيث اني اقدر اختار الفنادق واضبط وضعي وفيه فندق بجاكرتا الظاهر كاتبه الاخ المعري (اظن اسمه كذا) وكان شي حلو وواضح انه هادي ومنعزل بس عجزت احصل موضوعه ..




مدري وش اقول بس سنعوني الله يسنع اموركم دنيا واخره ..

مواضيع عشوائيه ممكن تكون تعجبك اخترناها لك:

• استفسار بخصوص شياتر المياه الحاره؟؟ضروررري
• احتاج باص باليوم مع السائق
• تخطيط رحلة لجزيرة بالي
• حجز الى بونشاك
• افيدوني برقم سواق ثقه وخبره
• ساعدوني بشنطة السفر لاندونيسيا
• كيف استطيع احجز مبكرا للجبل ؟
• خبراء اندونيسيا ما استغني عن اقتراحاتكم ونصائحكم
• ارجوا مساعدتي يا اخوان ولكم جزيل الشكر
• يالربع لاهنتو بكره ابي حجز ع بالي ضرووري
• ابغا احجز لجاكرتا بليز
• من الشباب رايحن اندنيسيا
• ياجماعة الخير الحقوا تكفون بكره طيارتنا
• المساعدة يا جماعة الخير في قضاء شهر العسل
• خبراء بالي
• تكفووون يا اهل الخبره افيدوني
• السفر للصين
• ردوا علي بدافي الصوت لا أمووووت
• لأهل الخبـــرة أنا في حيــرة شديدهـ
• ممكن مساعده

وعليكم السلام ورحمة الله وبركاته

حياك الله ياغالي

بالنسبة لي زرت ماليزيا وزرت اندونيسيا واندونيسيا افضل من ماليزيا بكثير

انا اشوف مدتك ماهي طويلة عشان توزعها بين دولتين ورأيي تكتفي بالعمة وتوزع جدولك بينها

يومين جاكرتا منطقة انشول للراحة فندق ميركيور انشول

ثم الإتجاة الى بونشاك 5 ايام

ثم الى بالي 5 ايام واشوف انك تسكن في فلل أجمل شاطئ سيمنياك

ثم العودة الى جاكرتا للتسوق 3 ايام وسط العاصمة

في الأخير تبقى وجهة نظري الشخصية

رحلة موفقة ولاتحرمنا من دعواتك

واي استفسار حاضرين

هلا حبيبي

والله مدري وش اقولك احاول امددها،، بس اقول لو اخلي اخر 3 ايام ماليزيا ابي عشان الهدايا شي سنع وموب غالي مره

كتبنا ولعب علينا النت شوي هههه

مبروك الزواج مقدما

سبقنا استاذنا علي بالكلام

مدتك تقريبا 13 يوم على ماعتقد والايام الفعليه 12

حرام تقضيها بدولتين وترى العمه ماخبرت لا من ناحية التمشيه ولا التسوق

ولا الابتسامه وطيبة الشعب المزيه الساميه في هالشعب

فتوكل وخلها على اندونيسيا واترك ماليزيا لتجديد شهر العسل

كم ميزانيتك للسكن يومياً ؟؟

اندونيسيا افضل حتى التسوق ارخص من ماليزيا

هلا ياشباب معليش تاخرت عليكم كنت مسافر

لازم تنشطون السياحة بابها رحت 4 ايام وماشالله نزل برد ماقد شفت مثله d:


المهم نرجع لموضوعنا .. انا بيني وبينكم افكر ماليزيا لو اخليها اخر 3 ليال مااشوف انها بتاثر كثير


بالنسبة للميزانية والله انا داج بهالامور يعني ماادري على حسب الاسعار بس ان شالله الى 1000 ريال حد اعلى للسويت مافيه مشكلة


والي اعرفه ان الاسعار ارخص من كذا وان كان فيه شي يستاهل واغلى مافيه مانع لو يومين اسير عليه .. ابي احلل السفره لاني منيب راعي سفر

بسالك عن الفندق الي بهالموضوع وش وضعه .. احسه شي رايق

(ماقدرت احط رابط بس هذا عنوان الموضوع)


فندق النوافير(سيروني3)..سعي إلى الكمال لا يعرف الكلل


ماليزيا اشوف انها مهمه غير التسوق .. احس اندونيسيا منيب مرتاح فيها مدري ليه والاهم ان التذاكر بتنقص الليله اذا الله اراد




وياعلي دعيتلك دعوه ان شالله مستجابه يوم جمعه وماسك الخط وقبل المغرب d:


وبرضو دعيت للي بيفزع لي




الله يعطيكم العافية جد سواء فزعتوا والا مافزعتوا ردكم على الموضوع يكفيني

دام ودك تزور ماليزيا وهي في خاطرك لا تخلي شي في الخاطر زورها

بس لو تمدد المده شوي تطلع انت ميه ميه لن احس المده ماتتقبل تزويع وسفريات كثيره

لن وراك سفر من جاكرتا الى بالي داخلي رايح جاي غير وصولك ومغادرتك بتمل من التنقل

شوف ميزانية 1000 لليوميه ممتازه يعني بتكفيك بالراحه سيروني3 او مجمع كوتا بونقا بس المهم ماتكون في النهايه

لاززم تكون في بلوكe او بلوك b اولا قريبه من العالم والسكن نضيف وسعره 400 الف تقريبا 169 ريال

يعني سعر اقتصادي مع ان كذا شخص مامدح الامان فيها بس انا ماشفت فيها الا كل خير وكنت فوق 15 يوم بالجبل

اما ماليزيا ماعندي خلفيه عنها كثيره

واما انك حاط ماليزيا عشان يمكن ماتنبسط في العمه لا تطمن راح تنبسط وتزغرد بعد ياعريس

لن ديره تستاهل بكل معنى الكلمه

شورك وهداية الله يابوي .. خلاص بخليها كلها على العمة على قولتكم

كلمت خويي راعي الحجز وقال رجعتك من جاكرتا ارخص 1000ريال للتذكره .. واليوم بخلصها ان شالله


انا كنت متخوف من الاسواق بس اليوم شفت على السريع كم موقع وشفت شي زين وسنع وخلاني اتطمن



هذا غير طبعاً كلامك وكلام باقي الاخوان .. بس احيانا الواحد يشوف صور تنسد نفسه عن الديرة كلها وغيره يشوفها شي رائع وهذا الي كنت متخوف منه




صح يهمني الجو والمناظر بس برضو فيه اهتمام للمبنى لاني من الاخر مااحب اطلع واتنطط كثير يعني عادة ازبن في محلي d:




نجي للمهم و اسمحولي اغثكم شوي ..




المدام الله يطول عمرها ويصلحها عباية من فوق لتحت وانا مااحب اتنطط كثير احب ازبن في محل .. ولهالسبب خايف تكون اختياراتي مالها سنع


ابي شوركم في الترتيب .. دخلت موضوع احد الاخوان وشفت ترتيب سفرته واعجبني فندق في بالي منطقة سوبادوا او شي زي كذا


تكفى يابوي سنع اموري الله يسنعلك امورك بدنياك واخرتك

شوف اول شي ضبط اومورك وين بتروح في العمه يعني تقسيم رحلتك

من يوم وصولك الين رجعتك ونصيحتي تخلي بالي قبل بونشاك

يعني جاكرتا تخليها يوم وصولك ويوم ثاني
منها راحه ومنها تزور الانشول وتقضي يومك فيه
وبعد الانشول الغداء مع العشاء متجمعه في بندر جاكرتا
بعد ماتطلع من اتلانتس الي هي المدينه المائيه
ثم سافر على بالي واخذ فيها 4 ايام ولا اقدر اخدمك
في سكن في بالي لني سفراتي كنت اخذ بكج كامل
من بالفقيه وهذا اكبر غلط ارتكتبه في سفراتي
السكن في جاكرتا عندك استون اريسونا
وبوري كازبلانكا
والانشول كلها ممتازه وازيد لك استون مرينا
بس اسعاره ارتفعت كثير عن السابق
اوما بونشاك عندك
سيروني 3 والمطل الرائع منه

وفيه موضوع اخوانا سلطان الشمالي زوره

وراح تحصل الي يسرك
وفي باندوك في سنسا على ماعتقد
بس انا ما سكنت في باندوق كنت
انزلها من بونشاك
اول شوف الايام الي بتقضيها بكل مدينه
لازم اتفصيل وابشر بالفزعه هنا ولا هناك

هلا بالحبيب

يعني انا بوصل ان شالله 4 شوال الساعة 11 الظهر ..


انا اقول خلني اقضي يومي في جاكرتا واشوفلي رحلة العصر اليوم الثاني لبالي


لعدة اسباب .. منها التعب مره وحده ومنها تكون الخاتمه في جاكرتا اطول ويكون عندي سعه اكبر في تحليل الوقت بين انشول والي حولها


يعني نقول ليلة في جاكرتا ..


و4 ليال في بالي


وبعدها بونشاك 3 ليال في سيروني3


ويومين في باندوق حقت الجبل الظاهر .. والباقي في جاكرتا




حلو كذا مبدئياً والا ؟


الاخ سلطان الشمالي كاتب ارقام مكتب وسواق .. جربتهم انت قبل كذا ؟ يعني لو احجز عن طريقهم بيضبطون اموري او اخلصها من هنا

كنكم نسيتوني

المهم قررت على كم فندق لبعض الاماكن ورايكم بكل تاكيد يهمني

بالنسبه لجاكرتا اول يوم في فندق الريتز كارلتون

بالي يومين هنا Komaneka Rasa Sayang Bali-Ubud. الغرفه الديلوكس ب 940 ريال يعني يومين 1880

دخلت موقعهم وحصلت عندهم فلل بكج خاص لشهر العسل وبشوف اسعارهم كيف

بالنسبه لليومين الباقيات فيه منطقه شكلها كويسه بس عجزت القاها بدورها بعدين الظاهر انها بسيمناك


بعدها بونشاك 3 ايام في سيروني مع اني شايف تقرير قبل شوي يذم خدمتهم وفطورهم وغرفهم وان مافيها خصوصيه فما ادري كني قلقت

بعدها اروح باندوق والسؤال الي يطرح نفسه هل بالفعل تحتاج زياره؟ ولحد الحين ماحصلت سكن عليه الكلام

واخيرا العوده لجاكرتا وجاري البحث عن فنادق كويسه ومنها زيارة لانشول

ولاهنتو بالنسبه للسفر الداخلي كيف ارتبه من هنا ؟ وايش الي اسافر له بطياره ووش الي عادي سياره او قطار

واخيرا لو جبت معي كتب تعريف بالاسلام او تعليم الامور الصحيحه بالاسلام هل فيها مشاكل؟

والله يعطيكم العافيه ادري ان قلق بس الشكوى لله وانتوا فيكم الخير واحتسبوا الاجر والله يوفقكم جميع

* من الموبايل

معليش مااقدر اعدل بالرد فبضيف رد جديد

بالنسبه لبونشاك فيه فندق اسمه ياسمين احد يعرف عنه شي؟

وبالنسبة لبالي الخيار الثاني غير الي فوق وش افضل سيمناك او. نوسادوا ؟ الاختيار يكون لسبب القرب من ابود وبرضو كافضلية من ناحية الشواطئ والهدوء والمنتجعات السنعه




واللع اني مستحي منكم الله يرزقكم الجنه ودعواتكم الله ييسر لي امري الاسبوع الجاي الملكه* من الموبايل

اولا الف مبروك ياعريس
وابشرك دعمنا السياحه الداخليه ونشفوا جيبونا بس الحمد لله لحقنا على البرد اللى جاكم فى ابها

بالنسبه لفندق سيرونى فهو من افضل فنادق الجبل ولكن ركز على سيرونى 3 او 2
اما فندق ياسمين فقد سبق لى زيارته ولكن لم اسكن فيه لانه كان فل بس من اللوبى يبدوا انه فخم ومن اهم مميزاته ان مياه المسبح يتم تدفئتها
والفندق يقع فى منطقه داخليه وهادئه جدا فى وسط الطبيعه ولا يوجد حوله اى خدمات

بالنسبه لمنطقه نوسادوا فبها فنادق فخمه جدا ومطله مباشره على البحر والمنطقه حلوه وهاديه ولكن لا يوجد بها فلل
والافضل هو السكن فى احد الفلل اتى تشتهر بها سيمناك والتمتع بالخصوصيه الكامله

ولى عوده ان شاء الله