السلام عليكم ورحمة الله وبركاته، تقرير رائع ماشاءالله ومجهود كبير لخدمة اخوانك الله يقدرنا ونخدمك اخي العزيز وتقبل الله صيامكم وقيامكم.
استفسار: مسافر الى لوس انجلوس ان شاءالله مع صديقي من مطار ابوظبي بتاريخ 9 اكتوبر 2014 والعودة بتاريخ 22 اكتوبر من لوس انجلوس الى ابوظبي
احتاج الى معرفة البرنامج المناسب لاستغلال الوقت وتقسيمها بين مدن غرب امريكا بافضل طريقة علما باننا اول مره نسافر امريكا وسنقوم باستئجار سيارة ان شاءالله. وجزاك الله خيرا
السلام عليكم ورحمة الله وبركاته الله يعطيك العافية اخوي عزيز على الموضوع اللي اختصر لنا شي كثير من البحث
موضوع متكامل ما شاء الله
انا و صديق ان شاء الله مسافرين الى امريكا من السعودية يوم 5 سبتمبر الى 8 اكتوبر و بودي انك تعطيني رايك عن مخططي للرحلة
وايضا ابغى توقعك للتكلفة الاجمالية تقريبا واذا فيه امكانية نصائحك للسكن والكروز
5 سبتمبر - 8 نيو يورك
8- 12 بوسطن
12- 15 اولارندو
15 -19 ميامي
19- 23 كروز للباهاماس
23 -28 سان دييقو
28- 2 اكتوبر لاس فيقاس
2- 8 لوس انجلوس
شاكر لك ومقدر جهودك الله يعطيك العافية
المشاركة الأصلية كتبت بواسطة aziz20012001
http://www.arabtravelersforum.com/tr...1/#post8301761
بوحمدان 2213
حياك الله يا الغالي
عدد الايام بسيط فاقترح اول شي من مطار لوس انجلس الي سان دييغو 2 ليله ومنها للاس فيقاس 3 ومنها للوس انجلس 7 ليالي
شكرا على اقتراحك الطيب وجزاك الله خيرا
السلام عليكم و رحمة الله
ماشاءالله تقرير اعجز و اشكركم عليه.. الله يجعله في ميزان حسناتكم جد افادني في كل مرحله من التخطيط لرحلتنا
انا و زوجي ناويين نزور امريكا لاول مره في شهر اكتوبر ان شاءالله 20 يوم من ( التاريخ قابل للتغيير لان في انتظار اصدار الفيزا)
ياريت تعطونا رايكم بمخطط الرحلة ؟ و ايضا هل الجو مناسب لزيارة ولاية فلوريدا في هالفترة؟
نيويورك (3 ليالي)
ميامي ( 3 ليالي)
اورلاندو ( 6 ليالي)
لاس فيقاس ( ليلتين)
لوس انجلس ( 5 ليالي)
و العودة من لوس انجلس الى البحرين
ماشاءالله ماشاءالله روعه تقريرك ومرجع مهم بارك الله فيك وجزاك الله الف خير
والله يجعله في ميزان حسناتك يارب
مشرفنا القدير عندي استفسارات
طال عمرك العيال مأذيني من كم سنه يبون امريكا والسنه قلتلهم بفكر ، وانا يالسه أبحث وأقرأ واشوف شو المناسب
في البدايه حددت لو وافقت ع أمريكا انه نسير صوب سياتل وفانكوفر ولوس انجلس
وطيران الامارات لها خطوط ع هالجانب
ففكرت تكون الروحه ع سياتل والعوده من لوس انجلس
بالنسبه للوس انجلس انته ماقصرت حطيت كل الاماكن السياحيه والاسواق في كل منطقه فيها وهذا سهل علينا الكثير
السؤال ...
اذا انا يايه من سياتل وين أول شي انزل
هل انزل مطار لاس فيجاس وعقب اتنقل ع المدن الثانيه ولا انزل مطار لوس انجلس
السؤال الثاني
من المطار اللي بتقترحه ننزل فيه ونحن يايين من سياتل اباك ترتبلي المدن اللي نيلس فيها حسب قربها من بعض بحيث آخر شي نرجع من مطار لوس انجلس ع الامارات
السؤال ثالث
حددلي اذا ممكن في كل منطقه نيلس فيها كم تستاهل من الايام والسكن المناسب
والسكن مب شرط يكون فندق بس
ممكن شقه أو فيلا الافضل للعائله من ناحية الامان والموقع
السؤال الراابع
عندك معلومات عن الجانب الثاني صوب سياتل وفانكوفر وهذا الصوب
الصراحه بعدني ماقريت عنهم لازلت في مرحلة البحث
سؤال مهم وايد بالنسبه لي وهو اللي متعبني
مدة الطيران وايد طويله وهذا اللي مخلني متردده وايد
لين سياتل 14 ساعه
ولين لوس انجلس 16 ساعه
عندك فكره عن أي طيران ، اذا بغيت آخذها ترانزيت وايلس في بلد يوم واكمل رحلتي ثاني يوم
بس مهم تكون هاي الطياره معروفه انها مريحه من كل النواحي ؟
أذكر من سنوات لما سافرنا استراليا نزلنا ترانزيت في سنغافوره وثاني يوم طرنا ع استراليا والصراحه الطيران السنغافوري كان قمه وروعه والحمدالله ماحسينا بالتعب رغم انه هاذيج الايام طرنا ع السياحيه
السموحه كثرت عليك بالاسئله
الله يعينك عليه
هداوه
حيج الله اختي
يعتمد على المدة . كم يوم السفره
اذا انتوا من الامارات فنصيحه مباشره
الذهاب دبى - سياتل والعوده لوس انجلس - دبى
فانكوفر فى كندا فتحتاجون فيزا لكندا بخلاف الفيزا الامريكيه
نصيحتى اذا مثلا بتسافرون 30 يوم
سياتل واشنطن 5
بورتلاند اوريغون 3
سان فرانسيسكو كاليفورنيا 5
سان دييغو كاليفورنيا 5
لاس فيقاس نيفادا 3
لوس انجلس 10
ممكن الغاء بعض المدن اذا حابين او الفتره اقل
ممكن التوقف بلندن بالذهاب والعوده اذا حابين , لاكن الافضل مباشره
المشاركة الأصلية كتبت بواسطة aziz20012001
http://www.arabtravelersforum.com/tr...7/#post8338107
هداوه
حيج الله اختي
يعتمد على المدة . كم يوم السفره
اذا انتوا من الامارات فنصيحه مباشره
الذهاب دبى - سياتل والعوده لوس انجلس - دبى
فانكوفر فى كندا فتحتاجون فيزا لكندا بخلاف الفيزا الامريكيه
نصيحتى اذا مثلا بتسافرون 30 يوم
سياتل واشنطن 5
بورتلاند اوريغون 3
سان فرانسيسكو كاليفورنيا 5
سان دييغو كاليفورنيا 5
لاس فيقاس نيفادا 3
لوس انجلس 10
ممكن الغاء بعض المدن اذا حابين او الفتره اقل
ممكن التوقف بلندن بالذهاب والعوده اذا حابين , لاكن الافضل مباشره
أشكرك أخويي ع أجوبتك
وان شاءالله بآخذ بعين الاعتبار اقتراحاتك
بس هاي ماعرفتها
بورتلاند اوريغون
وشوفيها ؟
وفي رأيك هل سان فرانسيسكو كاليفورنيا تستاهل العنوه ؟
بالنسبه لفانكوفر ممشكله بنطلعلها فيزا وبنحطها في القايمه اذا تستاهل ؟
شوفى خريطه الغرب الامريكى
اذا ناويين نروحون سياتل ولوس انجلس فممكن تزورون المدن اللي بالنص وتنقلاتكم كلها بالسياره اذا حبيتوا
سياتل وبورتلاند الطبيعه فيهم حلوة وايد
سان فرانسيسكو ممتازه وتسوى
فانكوفر بكندا ما اظن تستاهل الفيزا والتعب
يعتمد كم يوم السفره علشان نقدر نقترح عدد المدن وهل تحبون السفر بالسياره او لا
المشاركة الأصلية كتبت بواسطة The Wolf1001
http://www.arabtravelersforum.com/tr...9/#post8357729
هل 5 الاف دولار كافية كـ مصروف لشخصين لمدة 23 يوم في امريكا؟؟
طبعا هاذي تشمل فقط الاكل والبخشيش والبنزين والمواقف ومصاريف روتينية يومين
المدن التي سيتم زيارتها نيويورك - فيجاس - سان دييجو - لوس انجلوس .. والسيارة في كاليفورنيا فقط
أتوقع تكفى الاكل والشرب والقهاوي والسينما والبانزين لسياره صغيره والاشياء الخفيفه
لاكن ماتكفى لتذاكر الملاهى ولا تذاكر الطيران ولا الفنادق ولا ايجار السياره ولا التسوق
المشاركة الأصلية كتبت بواسطة aziz20012001
http://www.arabtravelersforum.com/tr...3/#post8359383
أتوقع تكفى الاكل والشرب والقهاوي والسينما والبانزين لسياره صغيره والاشياء الخفيفه
لاكن ماتكفى لتذاكر الملاهى ولا تذاكر الطيران ولا الفنادق ولا ايجار السياره ولا التسوق
أي اكيد ماراح تشمل أي شي من الامور اللي ذكرتها مع اني افكر اخذ مبلغ اكبر من 5 الاف
لدي استسفسار اخر: افكر اقضي 14 يوم في كاليفورنيا بين لوس انجلوس وسان دييغو لكن محتار كيف اقسمها
ايش افضل سان دييغو 4 ايام - شمال لوس انجلوس 10 يام
او
سان دييغو 3 ايام - اورانج كاونتي 4 ايام - شمال لوس انجلوس 7 ايام
ايهم افضل؟؟ او في مخطط اخر افضل من الاثنين؟؟
المفضلات