الموضوع: ترتيباتي لزيارة بلاد العمه

بسم الله الرحمن الرحيم
السلام عليكم ورحمة الله وبركاته

اول شي احب اشكر جميع اعضاء المنتدى وبالخصوص اعضاء القسم الاندونيسي
انا من شهر 5 ادور على مكان اسافر له واروق فيه وبعد الاجتماع مع اعضاء الرحله في شهر 6 قالو لي ان بالي هي ثاني احسن مكان فالعالم لجذب السياح وقلت خلني ابحث فالنت لين طحت على هذا المنتدى اللي بصراحه ابداع....

ومن بداية شهر 6 وانا اجمع معلومات عن اللتي تسمى بلاد العمه او بلاد الاندومي وصرت اكتب واضبط جدول الرحله وحجزنا في بداية شهر 8 على اندونيسيا وقالو لي رشحناك انت تكون امير الرحله !!!!!!!!!!! توهق البطل

وبعد اجتماع طويل عريض قررنا نحن الخمسة اعضاء ان القطيه تكون كل واحد يدفع 11 الف شامله لكل شي بدون تذكره الطيران وبدون المصاريف الشخصيه مثل الهدايا
يعني 55 الف تقسم 20 الف في فيزا شحن الراجحي و20 الف فيزا شحن الاهلي و15 الف ناخذها كاش
هل المبلغ كافي ام لا ؟؟؟؟؟؟؟؟؟؟؟؟

طبعا انا بعرض لكم برنامجي للرحله والاماكن اللي بزورها واتمنى من اصحاب الخبره انهم يوجهوني على الشي الصح والشي الخطأ علما بأن جميع الاعضاء اول مره يسافرون .. وانا اول مره بعد ::::::: طيب اختصر يالحبيب
تم الحجز على الخطوط القطريه بسعر 2550 للشخص
تاريخ الرحله من 12-9-2012 ونوصل المطار في نفس التاريخ الساعه 10 بالليل
وتاريخ العوده 2-10-2012 نركب الطياره بداية اليوم الساعه 12 ونص بالليل ونوصل الدمام الساعه 9 ونص الصباح
يعني 19 يوم هناك ويوم رايح ويوم راجع والمجموع 21 يوم

تقسيم الرحله / يوم جاكرتا ^^ 9 ايام بالي^^يومين باندونق^^ 4 ايام الجبل بونشاك ^^ ثم 3 ايام جاكرتا واحنا راجعين

مستلزمات الرحله:
[olist][*]بروفين وبندول اكسترا (مسكن)[*]دواء لقرص الناموس / دواء لدوار البحر / مضاد حيوي لنزلة البرد[*]فلوتاب + بندول كولد اند فلو (للزكام الاول يجيب النوم والثاني لا)[*]افياش من نوع خاص لاندونيسيا ( لشحن الجوالات واللاب توب )[*] مكسرات وحلويات [/olist]

جاكرتا

بنوصل المطار الساعه 10 ونص بالليل وبروح مكتب كاها على طول احجز على شقق استون اللي قريب من انشول او احجز في ميركوري اللي في انشول
بنروح ننام وبنقوم الصباح واول شي بشوف لي مكتب طيران عشان احجز حق بالي عشان بالليل نطير على بالي
وبرجع اتغدى في مطعم بندر للمأكولات البحريه واروح عالم البحارفي انشول ودنيا فنتازيا في انشول لين موعد الطياره على بالي
واهم شي مشاهدة الفلم 4D في انشول

بالي

اول ما اوصل بالي في مكاتب حجوزات للفنادق فالمطار بحجز على فندق كلاب بالي ميراج وهذا الفندق شفته في تقرير الاخ حيو مافي زيو وتحمست كثير للفندق بقعد فيه يومين
ثم بروح للفنادق القريبه من شاطئ كوتا وبحاول اني كل يومين اجرب فندق قريب من الشاطئ مثل الهارد روك او رمادا او جياكرتا او بونتي هوتيل او best western kuta اللي تكلم عنه الاخ العضو الطائر الجريح مشكورا ...
البرامج في بالي اللي خططت اني اروح لها :
[olist][*]الغوص (اهم شي)[*]ركوب غواصه والنزول الى عمق 10 امتار اتوقع[*]النزول في قفص تحت البحر في وسط اسماك القرش [*]زيارة جزيرة lembongan [*]زيارة الحديقه المائيه وتربوم [*]الذهاب لشرب قهوة الحيوان [*] الذهاب الى احد الشواطئ وركوب البانانا ولعبة الدونات والباراشوت[/olist] *تناه لوت مكان حلو تروح له العصر (بصراحه مدري شنو هذا بس كاتبه عندي فالجدول كذا)
*الذهاب الى مطعم المأكولات البحريه في شاطئ جومبران وقت غروب الشمس لشرب الشاي والشيشه (مايمدحون الاكل فيه )
*اهم الشواطئ في بالي (شاطئ كوتا + شاطئ سيمتاك)
*في مطعم هندي يقولون انه لذيذ اسمه اووو انديا قريب من فندق السن سيت لازم اجربه وان شاء الله انزل تقرير عنه اذا رجعت


واذا في اقتراحات منكم ممكن اني احطها في البرنامج حقي (اتمنى انكم تقترحون علي يا اصحاب الخبره)

باندونق

* يوم للذهاب الى البركان والمياه الكبريتيه الحاره ومزارع الفراوله
* ويوم للمجمعات لان يقولون مجمعات تقليد الماركات العالميه درجه اولى في باندونق (ياليت اللي عنده اسماء المجمعات يفيدني فيها )

خيارات السكن : kedaton hotel او فندق استون
المطاعم : kampong daun للمأكولات البحريه // وهذا مخبز يمدحونه في المنتدى kartika sari bakery

الجبل بونشاك

طبعا انا اذا وصلت بدور وبشوف الفلل على الطبيعه واذا احد يبي يقترح علي فله اكون شاكر له واهم شي عندي انا الحديقه والبركه يكون شي مرتب وتكون من ثلاث غرف الى 5 غرف
حمسني احد الاخوان في تقريره على فلل جاياكرتا اذا وصلت بروح اشوفها
المطاعم في الجبل :
* كنتاكي وبيتزا هت
* المأكولات العربيه ( مطعم كمانانا / مطعم ياهلا)


البرامج اللي مخطط لها وقريتها من تقارير الاعضاء مشكورين :
[olist][*]سفاري يبيلها يوم كامل (اهم شي عرض الكوبوي)[*]الشلالات السبع وبحيرة الليدو يوم كامل[*]حديقة الزهور والبراشوت والشلال الكبير يوم كامل[/olist]

جاكرتا

ثلاث ايام تكون مجمعات وتسوق
واهم المحلات اللي مخطط اني اروح لها :
[olist][*]محل للدونات اسمه J.CO DONUTS[*]سارينا بيتزا هت [*]مطعم الباشا ومطعم الجزيره للمأكولات العربيه ..[/olist]
وبكذا اكون انتهيت / سامحوني هذي اول مره اكتب فيها شي في منتدى


اتمنى ان اي احد تكون عنده نصائح لي انه يقدمها بلا تردد
اتمنى اني افدت اي احد بشي من هذا الكلام كله
وان شاء الله اتوفق في الرحله ولما ارجع اقل شي اني اقدم تقرير متكامل للمنتدى المبدع هذا

تحياتي

مواضيع عشوائيه ممكن تكون تعجبك اخترناها لك:

• الذهاب للعمه بالصيف ام بعد عيد الفطر
• الجبل الاخضر بونشاك
• إحتاج الى ارائكم ونصائحكم بجدولي
• رجعت لكم بالجدول لاتحرموني ارائكم
• ممكن مساعدتي
• بكرة رحلتي ومحتاج سوال ضروررري جداا
• استفسار من مسافر ولاول مره
• افيدووني قرب السفر
• فندق جراند مكارم هل سكن فيه منكم احد ؟
• سفرتي بكرةوين الاقي مساج يقوم بة رجال؟؟
• مسافر جديد أبغى افادة
• ابغى فزعتكم عشان خويي
• إستفسار من أهل الخبرة أرجوكم أفيدوني
• خبراء بالي طريقة حجز السكن
• السكن في بالي الله يرزق من يساعدني
• عشقت العمة من تقاريركم فهل ما سأفعله مناسب ؟
• حبابي انتم ممكن تردون علي
• ساعدوني لتخطيط ايام في بالي
• استفسار عاجل
• منطقة انشول

يا هلا ومرحبا


بـس لتنويه قبل لا تجي وتدور موضوعك اللي كاتبه ترا راح ينقلونه الاخوان لقسم الاستفسارات


http://www.arabtravelersforum.com/travelarab150/


وانا بفيدك باللي برائي والاخوان الخبرا مايقصرون

المزانيه




الميزانيه 55 الف ريال كافيه بـذن الله وزود
لكـن هناك غلط بنظري لتقسيم الفلوس


الفيزا لا يبقى فيها الا 20 الف يعني تقسم 10 الراحجي و10 الاهل


وقسم 30 الف ريال الى قسمين قسم دولارات فئة 100 والدولار لا تستخدمه الا في بالي فقط لن الريال رخيص في بالي اما في جاكرتا وباندوق متساوي


اتوقع صرف اليوم لكم في بـالي 2000 ريال بالكثير شامل كل شي




لن هناك التعامل كاش الا في الفنادق وقله من المطاعم لذالك المبلغ الفيزا يعتبر احتياط وتوزيع الفلوس كل واحد معاه مبلغ يحتفض فيه لين يطلبه امير الرحله


والصرف هناك خله باليوميه بالكثير شامله السكن والسائق والمزرات والاكل وكل شي لا تتعدا 5 مليون روبيه



توزيع الايام


بالنسبه لتوزيع الايام اشوفك عطيت بالي الاحق الاكبر لو انها تستاهل لكن بنظري بونشاك تستحق اكثر من 6 ايام


وجاكرتا لا تستحق الجلوس ثلاث ايام خلها اخر يومين


بالايام وليس الليالي
جاكرتا 1 بالي 8 باندوق 2 بونشاك 6 ايام جاكرتا 2




وبشكل تفصيلي اكثر


12/9 الوصول :جاكرتا
13/9 :الخروج الى بالي
من 13 الى 20 /9 :بالي
21/9:الخروج الى باندوق
22/9:باندوق
23/9: الخروج الى بونشاك
من 23 الى 28 :بونشاك
29/9 :جاكرتا حتى العوده الى الديار





[font="Arial Black"][color="#008000"]

يعطيك العافيه اخوي سلطان بصراحه كفيت ووفيت

حياك الله اخوي معانا والشباب اللي معاي شباب مثلك وشرواك تحطهم على يمناك

والله هذي الادويه من وجهة نظري ماشاركت احد من الشباب فيها لازم اشوف كل واحد شنو مشكلته واجيب له الدواء المناسب

ما قصر والله مميزنا الشمالى سلطان بالرأي والنصيحة والجدول الله يعطيه ألف عافية ..
أخوي مثل ما قال لك مميزنا وصولك متأخر بالليل ورحلتك ثاني يوم لبالي يعني ما عندك وقت للبحث عن مكتب
يحجز لك ويمكن ما تلقى حجوزات وتتوهق !! وبعدين الشيك أوت الساعة 12 ظهراً فهل تبحث عن
مطعم ومكتب حجوزات وأغراضك معك وتدور على سائق !!
السكن قريب من المطار مثل فندق FM7 Resort Hotel وحجزك لبالي من الإنترنت وعندك طيران
اسيا اير ولهم موقع على الإنترنت ..
هذا خيار أو تذهبوا للجبل وتبحثون عن فيلا ومن هناك تحجزون في أي مكتب بالجبل لبالي ..
استون مارينا تحجز فيه أثتاء عودتك لجاكرتا أو أي فندق ثاني وطبعاً الشقق الفندقية مناسبة لكم وهناك
خيارات كثيرة وتجدها على الرابط ..
http://www.arabtravelersforum.com/travel432214

المدة ما شاء الله حلوة وميزانيتكم حلوة ويش رأيك تضعون سورابايا بالجدول بدل باندونق !! يعني :
جاكرتا 1 سورابايا 4 بالي 7 الجبل 5 جاكرتا 2

[center]اهلين اخوي يوسف
ترى اول مشاركه لي في المنتدى يعني ابي احلى صفقه ههه

الموهم ندخل في صلب الموضوع

امورك كلها في السليم و وضعك تمام بس وضع الفلوس م ارتحت له ابد بما إني موظف في البنك
وش الله حادك لبطاقات الفيزا مع العلم ان مالك غنى عنها لاكن انا اشوف تحطلك في البطاقة 15 الف
و الباقي كاش يكون معكم مثلا شنطة لاب توب او شنطه صغيره تحط فيها كل شي مهم
مثل جوازات و فلوس و كذا احسن بكثير لانك إذا استخدمت الفيزا بيصير وضعك
ع قولت المثل كنك يبو سعيد م غزيت بتروح تحجز من بوكينج وبلفيزا بتحجز
بتجي عندهم و تخليهم ياخذون من الفيزا بيحسب عليك فرق العمله من البنك الاندونيسي
بعدين توصل العمليه للبنك هنا و يحولونها بعملتنا الريال وياخذون فرق العمله وفوقها رسوم الخدمة
بلعرب بيلهطون دراهمك كل عمليه 200 او 300 ريال خذ كاش و السيفتي بوكس عندك في الاوتيل
وفي الجبل خله الدراهم مع واحد ثقه و يقفل باب غرفته ويحطها تحت مفرشه الافضل تكون شنطه لاب توب
او شنطه صغيره بنسبه لوضع الصرف انت شوف التقرير اللى منزلينها هنا و حط لك حد للصرف اليومي
نقول انه بما انكم 5 اشخاص تاخذ 5 مليون لليوم و الباقي في السيفتي بوكستطلع ومعك مبلغك اليومي
يصادفك شي لا سمح الله تطيح الفلوس او تنسرق او تضيعها او تنساها في مكان تكون فلوسك باقيه معك واللى راح مبلغ يوم
ثاني شي اول م تنزل هناك في الاوتيل خذلك ي طويل العمر صورة من كل الجوازات ولا تطلع من الاوتيل الا معك الصور
طبعا كل اللى اقولك احتياط يصير شي لا سمح الله او تطيحلك في عسكري يبي هديه و ياخرك و يستهبل وين الجواز و كذا
تصير تصكه بجبهته ولا يعطلك عن باقي يومك ميزانيتكم حلوه و إذا رحت لراعي الدونات لا تنسانا خلك من الدونات الصغيره
م تكون معروضه يسويها لك خلك كثير وحطه عندك في الثلاجه و ادعيلي ي حبيبي انا م رحت لبالي ولا باندونق بس رحت جاكرتا و بونشاك
بعطيك الاماكن عن جاكرتا و بونشاك حسب معرفتي و زيارتي

جاكرتا..
الاتريوم ، مانجا دواء ما انصحك فيه ، سمنقي بلازا
تشنباكا ماص

يعطيك العافيه اخوي وماقصرت

والله ياخوي al-mosbah انا ماقريت عن منطقة سورابايا من قبل
وما اعرف بشنو تتميز هذي المنطقه وشنو البرامج اللي فيها

ان شاء الله بكره بسوي بحث عنها وبقرا المواضيع المتعلقه فيها
واذا كانت احسن من باندونق مايمنع اني اروح لها

مرحبا اخى يوسف
واشكر بعنف اخوى الشمالى سلطان ماشاء الله ما قصر ابدا

كما ذكر لك اخى سلطان طالما عندكم فيزا احجزوا من هنا وريحوا بالكم سواء فنادق او طيران داخلى لان مكتب كاها راح يكون مقفل
وقت وصولكم
بالاضافه اللى انك ذكرت ان ثانى يوم بتتوجه لاحد المكاتب للحجز لبالى ليلا وبعدها التوجه لانشول
وهاذا صعب جدا لانه ماراح يسعفك الوقت انك تسوى كل هذه الانشطه اضافه الى ان وقت خروجكم من الفندق 12 الظهر
وصعب عليكم التنقل مع العفش والسفر ليلا لان فيه ارهاق كبير
ومن راى احجز فى فندق جوه المطار اسمه fm7 حلو وسعره 300 ريال للغرفه وثانى يوم
تتوجهون لبالى على رحله 10 او 11 الصبح بالكثير .. طبعا تكون حاجز الرحله من هنا وخالص منها

نقطه ثانيه انت ذكرت انك كل يومين تبى تسكن فى فندق وهاذا خيار خاطى وراح يحرمك من الاستمتاع بالفعاليات
لانها تبدا من الصبح الى المساء
والتغير الكثير للفنادق يمنعك من الخروج للفعاليات لانها بعيده وتاخذ وقت وانت ملزم انك ترجع للفندق نص اليوم
لاجراء عمليه التشيك اوت
والحل اختر السكن فى فندقين فقط

الميزانيه ممتازه جدا ولو جعلنا ميزانيه السكن 1000 ريال فى اليوم = 19000 ريال
والمصروف 1000 ريال فى اليوم = 19000 ريال
المجموع = 38000 ريال ويبقى لك 12000 احتياط
ولو رفعت ميزانيه السكن ل 1500 ريال فى بالى فقط اصبح مجموع الميزانيه
42500 ريال

اسم المطعم الهندى كوين اوف انديا وله فرع بالخبر وفى نفس الشارع
عندك مطعم ليالينا التركى وكلهم فى منطقه كوتا قرب ديسكفرى مول

هلا هلا اخوي هلالي
لي الشرف اخوي ان اول مشاركه لك تكون رد على موضوعي
ويعطيك الف عافيه على النصائح الحلوه

والله ياخوي بالنسبه للفلوس انا خايف ان يصير شي ولا شي ويغتالوني الشباب هناك اذا صار شي بالفلوس

وانا قريت في احدى المواضيع في المنتدى ان حدثت سرقات من السيفتي بوكس اللي بالفنادق
فلما اترك الفلوس في سيفتي بوكس الفندق مشكله واذا طلعت اتمشى وفي جيبي 50 او 60 الف ريال بعد مشكله فوالله مو عارف ايش اسوي

مافجرت راسي اخوي بالعكس استمتعت واستفدت من كلامك

هلا والله اخوي حيو مافي زيو
عالعموم ترا اول موضوع قريته فالمنتدى موضوع من مواضيعك وانت اكثر واحد حمستني لهذي البلاد الحلوه
يعطيك الف عافيه على النصائح

ان شاء الله بحجز من هنا الفنادق
بالنسبه للفندق اللي قلت لي عنه فالمطار fm7 احجزه عن طريق النت بعد ولا اذا وصلت هناك احجز فيه؟؟؟؟؟؟
خلاص هونت بالنسبه للسكن كل يومين في مكان بسكن في كلاب بالي ميراج اللي شفته في احد مواضيعك وبشوف لي سكن ثاني في كوتا
بالنسبه للطيران الداخلي الى بالي من وين احجزه وانا بصراحه ودي اجرب طيران الجاروده لان الكل يمدحه
وهل تنصح اني لما احجز تذكره على بالي اني اخذ طريق روحه فقط وتذكرة الرجعه اخليها من بالي بسبب اني ما ادري عن وضعي في بالي وما ابي التزم في وقت رجعه محدد؟؟؟؟؟؟

اخوي يوسف اشوفك ماذكرت العزبه العزبه لازم لبونشاك

رز ومعلبات الفطور وخذها قد الايام بونشاك وبهارات الاكل

ان شاء الله بناخذ معانا عزبه
وبما اني امير الرحله كلفت واحد من الشباب بهذي المهمه لاني عينته رئيس الطباخين
وقلت له ابحث فالمنتدى ايش الاشياء اللي لازم ناخذها معانا عشان الطبخ والشوي

يعطيك العافيه اخوي

هذا انا يوسف داخل من لاب توب خويي ونسيت اني اطلع من اليوزر حقه وادخل من اليوزر حقي

الله يصلحك وانا شككت اني حايس السالفه

العزبه لا تكثرون منها ,,, اول شي عشان الوزن والشي الثاني عشان التنقل


احسب العزبه واهم شي كثر من المعلبات للمده المفروضه في بونشاك


الكبسه وبهارتها , معلبات الفطار كمى تحبون , عزبة القهوه كامله ,,


اما البقيه متوفره هناك