الموضوع: البطاقات الإتمانية ومعاناة البعض

مساء الخير انا توي رجعت من امريكا وان شاء الله اذا جت فرصة نزلت تقرير عن زيارتي لاورلاندو انا والعائلة في شهر فبراير 2012 اللي حاب اوضحه للأخوان اليوم البطاقات الإتمانية ومشاكلنا كسعوديين مع البنوك وبطايقهم والخوف من المشاكل في امريكا او غيرها كستئجار سيارة او عدم قبول هذه البطاقات في بعض المحلات ...

زيارتي هذي جربت بطاقتين إتمانية debit card وليست credit card
بطاقتين مسبقة الدفع والشحن كان من فلوسي ومن حسابي بعيدا عن فلوس البنك ومشاكل البنك ومديونياتهم وفوائدهم , وكانت التجربة ممتازة ورائعة ولم اواجه اي مشكلة ولله الحمد ورجعت وما علي التزامات لا لبنك او لغيره ...

1- بطاقة مسبقة الدفع بنك الرياض ( الاسم مطابق للجواز , الارقام والحروف للبطاقة محفورة وبارزة وليست مطبوعة ) تم استئجار يوكن كبير من شركة ناشيونال من مطار اورلاندو والبطاقة كانت ممتازة تم قبولها في الحال ...
2- بطاقة مسبقة الدفع بنك الراجحي ( تسوق) (الاسم مطابق للجواز , الارقام والحروف محفورة وبارزة وليست مطبوعة ) تم سؤال شركة ناشيونال عن ان كانت مقبولة او لا فقالت الموظفة تحب نغير من البطاقة الأولى للثانية قلت لا خليها ع الاولى فكانت التجربة ممتازة ( طبعا مصرف الراجحي لم جيت اصدر البطاقة هذي الاخوان في الفرع اصدروا البطاقة الاسم مخالف للجواز ومطبوعة وليست محفورة وما فعلت البطاقة لما اخذتها منهم ورحت للادارة في عقارية العليا خدمة العملاء الدور الثاني الساعة 8 صباحا وسويت الطلب هناك مع صورة من الجواز وقالي الموظف حظك زين جيت قبل 9 الصباح عشان تستلم البطاقة العصر لكن لو جيت 9 وفوق تستلم البطاقة بكرة جيتهم العصر واستلمتها وكانت الحروف والارقام بارزة طبعا لو سألت الفرع عن الحروف والارقام البارزة بيقولون ما عندهم او ان بطاقة مسبقة الدفع ما تجي محفورة الارقام والحروف بس تجي مطبوعة فهذا ما هو صحيح وتأكدوا ان البطاقة ما يكون في الخلف خاصة مصرف الراجحي مكتوب عليها electonic use only فهذي ما راح تقدر تأجر فيها سيارة ...
جربت البطاقات في المشتريات وتأجير سيارات وكانت ممتازة جدا
اتمنى التوفيق للجميع ...

مواضيع عشوائيه ممكن تكون تعجبك اخترناها لك:

• استفسار من الاعضاء البحرينيين عن الفييزا ؟؟
• استفسار لـوبخصوص الكروز والفيزا
• ممكن معلومات عن شيكاغو
• نصحية لجميع المسافرين على الطيران الداخليالاميريكان ايرلاين وغيره
• شنو الافضل الخطوط الاماراتية والا البريطانية
• لـ أصحاب الخبرة في كاليفورنيا مشورتكم
• اقدر اطلع فيزا بريطانيه خلال وجودي بامريكا؟
• إلى كل الخبراء والمسافرون المميزون في بوابة امريكا
• الي يعرف يجآوبني العمر المسموح به ضروري
• هذا ماحدث في المقابلة
• و فيزا
• وجهة نظري عن زيارتي لهيرشي نوفمبر
• فيزة الخدامه شلون
• اوت لت نيويورك او أوت لت لوس انجلوس
• سؤال مهم ومستعجل
• انتهى الفيزا
• الأخ أمباكت تم رفض طلبي
• صديقى سعودى سنه مقيم بالكويت غير موظف وليس طالب
• إلى يقدر يساعدني بمدينه أونتاريو
• لمن اراد القبول في الجامعات الامريكيه

هلا وغلا اخوي الموضوع الفايدة من طرحه للفائدة لكل من يبي يسافر ومن خبرات بعض نسهل كثير من الامور لبعض ونستفيد بحيث المشاكل اللي مر فيها الاخرين ما يمرون فيها اخوانا وانت مسموح تنقل الموضوع يالغالي ومن غير ما تستشيرني ...

بالنسبة للبطاقة اللي معك ومكتوب عليها من الخلف الكترونيك يوز اونلي انا جربتها في مطار دبي وللأسف كل مكاتب الايجار لما يشوفون هالعبارة ما يأجروني ...واذا اللي معاك مسبقة الدفع لا تكنسلها خلها معك تستفيد منها والادارة في العليا في العقارية تخلي العقارية يمينك وانت متجه شمال مع طريق العليا العام قبل تنتهي العقارية شوفهم في هالمبنى تقريبا اللي على يمينك الدور الثاني مرهم واطلبها وانا اشوف لو تكون البطاقة مكتوب عيها electronic use only عديمة الفائدة راح فقط تستفيد منها في شيء محدد لكن لما ما تكون هالكلمة غير موجودة راح تستفيد منها في كل شيء والمصرف راح ياخذ عليك 100 ريال رسوم البطاقة فحرام يصدرها بفلوسك ويحددها على كيفه الا اذا انت طالب هالشيء تقبل تحياتي

شششكراً ماقصرت
اللي معي ما راح الغيها على الأقل تفيدني بنقاط البيع والحجوزات بالنت وخلأفه ..
وهي مسبقة دفع اللي معي وبارزة الأرقام وكل شيء تمام فيها الا العبارة المشأومة بالخلف .
شكراً تعبناك الله يوفقك ،،

اخوي بورومث منور بالعكس الفايدة للجميع واي سؤال حياك ربي

سؤالي يالغالي الفيزا اللي معي مكتوب اسمي واسم العائله لكن اسم الاب مكوب اول حرف فقط يعني مو مثل الجواز مكتوب الاسم كامل هل تتوقع ماتكون مقبوله عند التسوق او المشتريات وغيره في امريكا؟؟
عادي يالغالي في المشتريات والتسوق راح تكون مقبولة حتى لو اسمك غير مطابق للجواز

ولكن لو تبي تأجر سيارة او تذاكر طيران هناك لازم يكون الاسم مطابق للجواز ..

وسؤالي الثاني انا ماراح اخذ معي كاش اباخذ الفيزا واباخذ بطاقتين من الحساب الجاري لكن بعد ماشفت موضوعك تاكدت من بطايق الحساب الجاري واشوف الارقام طباعة مو حفر هل معناها ماراح تصرف من الصرافات هناك؟؟
وش رايك هل تايدني ما اخذ كاش واخليها في البطايق فقط؟؟
البطايق العادية تختلف عن الفيزا والماستر كارد
بطاقة الصراف العادية اللي نستخدمها هنا اكيد حروفها مطبوعة واحتمال الحروف غير مطابقة للجواز فهذا الشيء عادي تقدر تستخدمها هناك في الصرف من اجهزة الصرف هناك لكن :
حط في بالك لو نقول بطاقتك تابعة لمصرف الراجحي لما تجي تصرف هناك فلوس من عند جهاز صراف في امريكا ,,, مصرف الراجحي راح ياخذ من عمولة لما تصرف وكذلك الجهاز اللي صرفت منه راح ياخذ منك عمولة حدود3 دولار وبعض اجهزة الصراف هناك تعطيك حد اقصى 200 دولار وبعضها حد اقصى 800 دولار فلو بغيت تصرف هناك حاول تصرف مرة وحدة مبلغ يكفيك عشان ما تصرف مره ثانية وياخذون منك عمولة ثانية ....

الكاش اخذ معك ومر مصرف الراجحي وخذ مسبقة الدفع بمية ريال يطلعها لك خلال نص ساعة واشحنها وارتاح وخلي البطايق العادية عند الحاجة والضرورة اذا احتجت فلوس تصرف منها بالتوفيق يالغالي واي سؤال حياك الله ....

شكرا على طرح هالموضوع وبالفعل وارد ان توفر عقبات او مشاكل بخصوص بطاقات الائتمان .... اولها هو عدم تفعيلها من البنك وهالشئ للاسف حصل معي وقت كنت بزيارة قصيرة لاحد الدول الخليجيه .... ِ

اخوي رحال عازب حياك الله ونورت الموضوع والمفروض انك اول ما طلعتها مريت على صيدلية او بنده واشتريت لك حاجة وتأكدت انها تشتغل البنوك عندنا كل يغني على ليلاه لا تعتمد على كلامهم ولا تثق فيهم الا لما تتأكد من الشيء بنفسك ...

أخوي رحال تفعيل البطاقة يكون عن طريقك أنت ..
إذا بطاقتك الفيزا من بنك الراجحي تقدر تدخل خدمة المباشر وتفعلها أو عن طريق الهاتف المصرفي .. وأنا فعلت بطاقتي بالتلفون ..
وكذلك بطاقتي الأخرى من الأهلي فعلتها عن طريق التلفون ..
شكلك تحسب البنك بيفعلها لك وتورطت برحلتك

يعني راح تكون لبنك الراجحي مثلا ...

11 ريال للفيزا في دول الخليح ...

21 للفيزا برى ...

وقرابة ال 35 ريال للصرافة العادية

^
نقلته لكم من عضو الله يجزاه خير
ولكن دام الفيزا أقل عموله من بطاقه البنك العاديه ..
على كذا إن شاءلله بستخدم الفيزا في الخارج وأتجنب بطاقه الصراف العاديه

عادي يالغالي في المشتريات والتسوق راح تكون مقبولة حتى لو اسمك غير مطابق للجواز

ولكن لو تبي تأجر سيارة او تذاكر طيران هناك لازم يكون الاسم مطابق للجواز ..




افااااا
انا خاجز طيران من هنا لكن مابعد خصموا الا تبع الدهاب من نيويورك الى اورلاندو لكن العوده مابعد خصموها يعني تتوقع ابتوهق في هالنقطه؟؟ومايقبلون الفيزا وهي مو مطابقه نفس الجواز؟؟





بطاقة الصراف العادية اللي نستخدمها هنا اكيد حروفها مطبوعة واحتمال الحروف غير مطابقة للجواز فهذا الشيء عادي تقدر تستخدمها هناك في الصرف من اجهزة الصرف هناك لكن :
حط في بالك لو نقول بطاقتك تابعة لمصرف الراجحي لما تجي تصرف هناك فلوس من عند جهاز صراف في امريكا ,,, مصرف الراجحي راح ياخذ من عمولة لما تصرف وكذلك الجهاز اللي صرفت منه راح ياخذ منك عمولة حدود3 دولار وبعض اجهزة الصراف هناك تعطيك حد اقصى 200 دولار وبعضها حد اقصى 800 دولار فلو بغيت تصرف هناك حاول تصرف مرة وحدة مبلغ يكفيك عشان ما تصرف مره ثانية وياخذون منك عمولة ثانية ....



انا بطاقتي سامبا واللي سمعته فيه بنك هناك اسمه سيتي بنك ولاياخد عموله على بطايق سامبا اللهم يسب عليك سعر صرف اللي هو فرق العمله..

ماقصرت اخوي على تجاوبك والمعلومات اللي استفدت منها,,








حتى لو كانت بيانات بطاقة الفيزا مطبوعة وليست بارزة تقدر تستخدمها بحجوزات النت ونقاط البيع وحتى من الصراف الألي للسحب الكاش..
لكن الأختلأف بأن الأرقام تكون بارزة علشان محلأت تأجير السيارات فقط .
أما بخصوص أن الأسم يكون مطابق للجواز مثل ماوضح أخونا صاحب الموضوع الله يوفقه أعتقد ضروري الأسم يكون مطابق للجواز عند حجوزات الطيران وخلأفه .




ان شاء الله مايكون فيه مشكله وتمشي الامور زين لاني بكره الثلاثاء فجرا اقلاعي ولا عاد يمدي اسوي شي ) :

ومشكور على ردك وتجابك اخوي..

لا عادي الامور طيبة بالنسبة لتذاكر الطيران حتى لو كان الاسم مختلف قد سافرت عام 2008 من واشنطن لاكلاهوما وحجزت العودة من مطار واشنطن عند كاونتر اليونايتد ولما عطيتهم الفيزة وكان الاسم مختلف ترددت شوي ودخلت داخل ورجعت لي وقصت التذكرة لكن المقصد كان الواحد يخلي اموره في السليم واختلاف الاسم في الفيزا وارد واهم ما عليهم ياخذون الفلوس وبس ولكن الواحد يريح باله من اي شيء يكون مصدر ازعاج ترجع بالسلامة ان شاء الله

بالنسبة لسامبا والعمولة واتفاقيته مع بنوك اخرى ما عندي خبر يالغالي الله يوفقك وترجع بالسلامة

اخوي سترينجر مان الله يسعدك على الطرح المميز واتوقع ما شاء الله الاخوان في قطر خدماتهم المصرفية افضل من اللي عندنا في السعودية لان على حسب علمي البنك اللي اتعامل معه هنا لايوجد اتفاقية بينه وبين اي بنك في اوربا او امركيا
الله يعطيك العافية على طرحك ومرورك اللي بيفيد اي واحد يقرأ الموضوع تقبل تحياتي لك

المشاركة الأصلية كتبت بواسطة بورمث
http://www.arabtravelersforum.com/tr...1/#post6712001

أخوي رحال تفعيل البطاقة يكون عن طريقك أنت ..
إذا بطاقتك الفيزا من بنك الراجحي تقدر تدخل خدمة المباشر وتفعلها أو عن طريق الهاتف المصرفي .. وأنا فعلت بطاقتي بالتلفون ..
وكذلك بطاقتي الأخرى من الأهلي فعلتها عن طريق التلفون ..
شكلك تحسب البنك بيفعلها لك وتورطت برحلتك



هلا بك والله ...
بخصوص البطاقه اللي كنت اذكرها هي بطاقة الصراف نفسها .... ويتم تفعيلها عن طريق البنك مباشرة ... في حال إستلمتها من البنك وليس من البريدد.... وهي بطبيعة الحال تعتبر في الخارج بطاقة ائتمان لانها تحمل شعار الفيزا ومساءلة الدفع بها لا يحتاج رقم سري عند استخدامها بالخارج.... انا كان قصدي وقت اللي استلمتها من البنك اكدت من المسؤؤل انها مفعله وطلبت منه يدخل الكمبيوتر ويأكد لي تفعيلها وهذا الي حصل لكنه ذكر لي لا تستخدمها الان ومجرد وقت وتتفعل معك بشكل مباشر .... وبناءا على هالجمله الماسيه ثاني يوم حملت حالي وسافرت لجوله خليجيه بالجوار وحصل ماذكرته لكم سابقا ووقت رجعت للمسؤؤل بعد يومين اكلمه دون ادنى مسؤؤليه قال لي كان المفروض افعلها (الكلام عن نفسه) واكمل حصل خير .. وشكرا للزميل النصيحه والتجربه اللي ذكرها لكني حبيت اوضح اكثر احيان اخطاء الاخرين توقعنا بإحراجات ومتاعب

ياشباب فيه احد جرب بطاقة الراجحي تسوق في تأجير السيارات في امريكا ياليت احد يفيدني لاني اخاف اذا وصلت اتوهق

هلا اخوي لو قريت الموضوع زين لقيت الإجابة
اذا البطاقة تسوق ارقامها وحروفها بارزة ومطابقة للاسم مقبولة انا مجربها

رحال عازب الله يرزقك العروسه اللي تريح بالك واشكر الجميع ................انا مسافره هالصيف امريكا انا وعيلتي اول مره وانا وزوجي معنا الفيزا كارد هل تكفي مع بطاقاتنا حقه البنوك ؟؟لاني مافهمت اللي قلتوه كله ؟؟بالعربي فهموني حبه حبه كيف اطلع البطاقات اللي تناسب امريكا .....الله ينور عليكم

موضوع جداً مهم بارك الله فيك لانه بالفعل تم الاستفادة منه وبشكل كبير

اخواني عندي استفسار
يوجد مسافة في اسم العائلة بين al وباقي الاسم وفي الجواز لا يوجد مسافة علما بأن السبلنج مطابق. بصراحه اخاف يدققون عند استئجار السيارة

عندي نفس المشكله واضطريت اعدل بطاقة الفيزا مابي مفاجأت غير ساره

ألف شكر على الدعوة ... وإنشالله قريب الإجـــابه ..
بخصوص بطاقات الإئتمان هي ببساطه المطلوب التحقق انها مفعله ... وهالنقطه اقصدها بالأخص للبطاقات الحديثه والتي لم يتم إستخدامها بعد... لأن السابقه اللي لها أكثر من ثلاثة أو أربعة أشهر لابد وسبق إستخدمتيه\\ا فيالتعاملات الشرائيه .... وأقصد كذلك تكون مفعله بالخارج...
خلاف ذلك فقط تكون بحاله جيده وواضحه للإستخدام والقراءة لان البعض من المحلات ترفض لو كان هماك نقص أو شطب لحرف على البطاقه او تلف بشكل البطاقه نفسها
ومثل هالامور طبيعيه لدى اي شخص سبق له السفر اكثر من مرة ... لكن لا يمنع ان المفاجأءة قد تكون ... مثل ماحصل لي ببطاقتي المصرفيه

المشاركة الأصلية كتبت بواسطة للحياه معنى
http://www.arabtravelersforum.com/tr...1/#post6768681

رحال عازب الله يرزقك العروسه اللي تريح بالك واشكر الجميع ................انا مسافره هالصيف امريكا انا وعيلتي اول مره وانا وزوجي معنا الفيزا كارد هل تكفي مع بطاقاتنا حقه البنوك ؟؟لاني مافهمت اللي قلتوه كله ؟؟بالعربي فهموني حبه حبه كيف اطلع البطاقات اللي تناسب امريكا .....الله ينور عليكم



تكفي بس احنا كنا نتناقش فيما يخص ايجار السيارات والبطاقات المسبةق الدفع فكان فيه لبس من نحاية هذا الموضوع وتم حل هذا اللبس

المشاركة الأصلية كتبت بواسطة tx55tx
http://www.arabtravelersforum.com/tr...3/#post6768873

موضوع جداً مهم بارك الله فيك لانه بالفعل تم الاستفادة منه وبشكل كبير

اخوي مرورك وردك اسعدني وهذا ما كنت اتمناه من طرح الموضوع تقبل تحياتي

المشاركة الأصلية كتبت بواسطة mohd6677
http://www.arabtravelersforum.com/tr...7/#post6769057

اخواني عندي استفسار
يوجد مسافة في اسم العائلة بين al وباقي الاسم وفي الجواز لا يوجد مسافة علما بأن السبلنج مطابق. بصراحه اخاف يدققون عند استئجار السيارة



المسافة عادية المشكلة لما يكون كالتالي :
اسمك في الجواز hamad وفي الفيزا الإتمانية التالي : Hemid

المشاركة الأصلية كتبت بواسطة غادة الرياض
http://www.arabtravelersforum.com/tr...5/#post6769205

عندي نفس المشكله واضطريت اعدل بطاقة الفيزا مابي مفاجأت غير ساره



نعم التعب في التخطيط للرحلة والاستفادة من اطروحات الاخرين هو بمثابة سفرك بدون مفاجات قد تضيق صدرك

اخواني عندي اكثر من سؤال مهم جدا بالنسبة لي ،،!!

بعد ماقريت الموضوع عرفت اني لازم يكون معاي بطاقتين ، وحدة تكون حقت الحجوزات والي هي فيزا التسوق والبطاقة الاخرى هي بطاقة الحساب الجاري عشان السحب !!

طيب السؤال الحين انا عندي فيزا تسوق في نفس بنك حسابي الجاري الي هو الراجحي ، لكن الارقام مطبوعة ، طيب نفرض اني مثلا ماابي الراجحي هل اقدر اطلع فيزا تسوق من بنك اخر غير الراجحي ؟ وكيف بقدر اشحنها ؟
سؤالي الثاني اذا افترضنا اني بزود مبلغ شحن فيزا التسوق وانا في امريكا خلاص سافرت ، وش الطريقة ؟ لانه احتمال كبير يكون جوالي مفصول هناك ؟ كيف راح اشحنها بدون جوال ؟!

السؤال الاخير بالنسبة للسحب انا بروح لفترة طويلة تقريبا شهرين وعشر ايام ، فيه واحد من الزملاء اقترح علي اني افتح حساب في بنك اوف امريكا ، هل يعني الافضل اخلي الاهل يحولون لي الفلوس على البنك هناك ولا ماراح تفرق ومالها فايده ؟ اذا الدعوه ثلاثة دولار على كل سحبة ماعندي مشكلة خلها توصل الى خمسين دولار بس اذا اكثر لا والله مشكلة صراحة

يعطيكم الف عافية

المشاركة الأصلية كتبت بواسطة Kaplan
http://www.arabtravelersforum.com/tr...5/#post6808825

اخواني عندي اكثر من سؤال مهم جدا بالنسبة لي ،،!!

بعد ماقريت الموضوع عرفت اني لازم يكون معاي بطاقتين ، وحدة تكون حقت الحجوزات والي هي فيزا التسوق والبطاقة الاخرى هي بطاقة الحساب الجاري عشان السحب !!
بطاقتك فيزا التسوق تقدر تسحب كاش منها وتقدر تستخدمها بالنت
طيب السؤال الحين انا عندي فيزا تسوق في نفس بنك حسابي الجاري الي هو الراجحي ، لكن الارقام مطبوعة ، طيب نفرض اني مثلا ماابي الراجحي هل اقدر اطلع فيزا تسوق من بنك اخر غير الراجحي ؟ وكيف بقدر اشحنها ؟
تقدر تستخرج من البنك الأهلي ماستر كارد مسبقة الدفع وما يشترطون يكون لك حساب عندهم عشان تستخرجها ، بعكس بنك الراجحي اللي يشترطون فتح حساب عندهم عشان تستخرج فيزتهم التسوق
سؤالي الثاني اذا افترضنا اني بزود مبلغ شحن فيزا التسوق وانا في امريكا خلاص سافرت ، وش الطريقة ؟ لانه احتمال كبير يكون جوالي مفصول هناك ؟ كيف راح اشحنها بدون جوال ؟!
بسيطة تقدر تشحن فيزا التسوق عن طريق حسابك البنكي بخدمة المباشر بموقع الراجحي في الأنترنت ، هذا غير الهاتف المصرفي والصراف الألي كذلك
السؤال الاخير بالنسبة للسحب انا بروح لفترة طويلة تقريبا شهرين وعشر ايام ، فيه واحد من الزملاء اقترح علي اني افتح حساب في بنك اوف امريكا ، هل يعني الافضل اخلي الاهل يحولون لي الفلوس على البنك هناك ولا ماراح تفرق ومالها فايده ؟ اذا الدعوه ثلاثة دولار على كل سحبة ماعندي مشكلة خلها توصل الى خمسين دولار بس اذا اكثر لا والله مشكلة صراحة
يعني راح تكون لبنك الراجحي مثلا ... 11 ريال للفيزا في دول الخليح ...

21 للفيزا برى ...

وقرابة ال 35 ريال للصرافة العادية



^

يعطيك العافية اخوي بورمث ، بالنسبة لشحن فيزا التسوق ، اوكي اشحنها من المباشر بس المباشر يطلب منك الرقم السري المؤقت الي يوصلك عن طريق الجوال ، المشكلة جوالي بيكون مفصول هناك !! ولا اقدر استخدمها ولا الهاتف المصرفي ، هذي المشكلة !!

طيب ياليت تعطيني نبذة عن ماستر كارد الاهلي اذا تعرف عنها شي ، وبالنسبة للسحب انا كنت اتوقع ان المبلغ الي ياخذونه من سحب الكاش من فيزا التسوق اكثر من مبلغ السحب من بطاقة الصراف العادية ! لكن حسب كلامك فهمت انه العكس !!

يعطيك العافية

المشاركة الأصلية كتبت بواسطة Kaplan
http://www.arabtravelersforum.com/tr...1/#post6808951

يعطيك العافية اخوي بورمث ، بالنسبة لشحن فيزا التسوق ، اوكي اشحنها من المباشر بس المباشر يطلب منك الرقم السري المؤقت الي يوصلك عن طريق الجوال ، المشكلة جوالي بيكون مفصول هناك !! ولا اقدر استخدمها ولا الهاتف المصرفي ، هذي المشكلة !!
صحيح كلأمك والمعذرة راح عن بالي الرقم السري المؤقت للجوال
عموماً تقدر تحط رقم دولي يعني إذا أستخرجت رقم أمريكي أكتبه بدال رقمك السعودي

طيب ياليت تعطيني نبذة عن ماستر كارد الاهلي اذا تعرف عنها شي ، وبالنسبة للسحب انا كنت اتوقع ان المبلغ الي ياخذونه من سحب الكاش من فيزا التسوق اكثر من مبلغ السحب من بطاقة الصراف العادية ! لكن حسب كلامك فهمت انه العكس !!
الماستر كارد نظامها نفس فيزا التسوق بالضبط يعني تقدر تستخدمها بالنت وتسحب كاش
وفرقها عن فيزا التسوق ما يشترطون فتح حساب بالأهلي عشان تستخرجها بعكس الراجحي
وتقدر تحول المبلغ اللي بالماستر لحسابك الجاري ، طبعاً إذا عندك حساب بالأهلي ..
أما الراجحي ماتقدر تحول الفلوس من فيزا التسوق للحساب الجاري
والفرق الأخر أن السحب الكاش من الماستر بصرافات الأهلي مجاناً ما ياخذون عمولة وهذا ممتاز
لكن فيزا التسوق إذا سحبت كاش من صراف الي تابع للراجحي العمولة تقريباً أعتقد من 11 إلى 16 ريال
ومن صراف غير تابع للراجحي وبالخارج تقريباً 21ريال وأنا غير متأكد من مبالغ العمولة لكن هذا اللي أذكره بهالحدود ويجي من يأكد ..
وبطاقة صراف الراجحي العادية عمولتها 35ريال إذا سحبت من خارج المملكة

يعطيك العافية



الله يعافيك ويوفقك أخوي كابلن ،،

السلام عليكم ،

توني جاي يااخوان من البنك الأهلي ، والحمد لله قدمت على ماستر كارد الاهلي مسبقة الدفع !!

مايطلبون منك الا بطاقة الأحول او اقامة سارية لغير السعوديين ، ومبلغ مئة ريال رسوم البطاقة + مئة ريال للدي اتش ال !!

مزايا البطاقة كثيرة منها عدم اشتراط حساب في البنك الأهلي ، وارقامها تكون بارزة وتستخدم للحجز

بالنسبة للسحب ، ان كان داخل السعودية ماتاخذ منك ولاريال ، لكن خارج السعودية تاخذ مبلغ ثلاثين ريال للسحب الكاش !! انا كنت متوقع انها ماتاخذ ولاريال للسحب خارج السعودية لكن طلع فقط داخل السعودية ماياخذون منك ، وهو امر ايجابي ، لانه مثلا بطاقة فيزا التسوق الراجحي ياخذون مبلغ 12 ريال على السحب داخل السعودية !!!!!

قالوا لي عشر ايام وتطلع البطاقة ،!

بالنسبة للأسم كتبت لهم الأسم الثلاثي كامل كما هو في الجواز !! لكن ماادري هل تفرق مثلا اذا حطيت فراغ بين الاسم الاول والثاني والعائلة ، ولا اذا كان اسم الاب اول حرف فقط ولا وش النظام ، الله اعلم ، اهم شي اني كتبت الثلاثي كامل مثل الجواز !

سؤال اخير اذا احد عنده معلومة عن السحب الكاش كم عمولة بنك الراجحي من بطاقة الحساب الجاري خارج السعودية ؟ لانه اذا اكثر من ثلاثين ريال للسحبة شكلي بستخدم الماستر ايضا للسحب الكاش !! بس المشكلة بتتلخبط حساباتي ، بين حجوزات وسحب في نفس البطاقة وهذا شي ماابيه !!! اذا احد عنده حل ياليت يااخوان

شكرا

شاكر لكم مروركم جميعا وبالنسبة لاقتصار اسم الاب ع حرف اشوف انه عادي اذا الاسم الاول والاخير موجود

الإسبوع الماضي تكررت معي مشكلة البطاقه.... هي اني متجه مع زميل لي نهاية الاسبوع للشرقيه ..... وبس وصلنا فجأءة أكتشفت البطاقة منتهي تاريخها.......... موقف كان صعب

.،،.

موضوع مفيد للغايه و نورتونا بصراحه عافاكم الله .،

انا بطاقتي "تسوق" الراجحي .. و الارقام و جميع البيانات مطبوعه للاسف
المشكله من المحتمل ان يكون سفري قريب هاليومين و البطاقه في حال اردت تغييرها يبي لها وقت طويل !

السؤال هنا هل استطيع الدفع "كاش" لمحلات استئجار السيارات و خطوط الطيران و نفتك من سالفة التغيير هذي كلها !!؟؟
لان كل النقاشات و المشاكل من وضع البطاقات مع محلات الاستئجار و الخطوط الجويه فقط !

شاكرين لكم يا اخوان

محلات ايجار السيارات كا تقبل الا بطاقات ائتمانية !!