المشاركة الأصلية كتبت بواسطة حياة السفر
http://www.arabtravelersforum.com/tr...2/#post2983442
وأخوي عربي قال نطلع من السعودية لطريج يودي الامرات وعمان يعني ممكن اقعد جم يو بالامارات صح ؟
صح يا غالية ، ترى الإمارات حلوة وطيبة جداً
وين احسن مكان ؟
هاذي عاد ما يبيلها أي كلام [ دبـي ] دار الحي ، ديرة ممتازة مولات طيبة ، واماكن سياحية غاية في الروعة والإبداع ، ويمكنك السكن في عدة أماكن متنوعة هناك لأن الديرة مليانه فنادق على مستوى طيب وممتاز .
ولمن اروح عمان شنهي المناطق الحلوة الي فيها ؟؟
شوفي يا الغالية عمان فيها أماكن حلوة وطيبة ، ففي العاصمة مسقط عندك المولات والأماكن الساحية المتنوعة ، وإذا حبيتي تحصلي معلومات أكثر يا ليت تمري على بوابة سلطنة عمان وراح تحصلين الأماكن والمزارات الطيبة في عمان .
وبصراحه في ناس خوفوني قالولي في طريق بري من الامارات لي عمان فيه بسم الله الرحمن الرحيم جن
ساكن فيه صج هالكلام ؟؟
الله يهداك يا أخيتي ترى الجن في كل مكان يعني خلو الأماكن كلها وتوطنو بين عمان والإمارات ، ما عليكي من هالكلام .
ياريت تساعدوني أدري دوختكم بس انتو اخواني وانا مالي غيركم :106:
أكيد كل الموجدين إخوانك وموجدين لمساعدتك ومساعدة جميع الأخوة والأخوات في هالصرح الشامخ الطيب .
ولا تنسون انا معاي 3 يهال الله يحفظهم ويحفظكم :105:
الله يحفظهم لك يا غالية ، ترى هم ملح وبهار الرحلات .
ومشكورين ماقصرتوا على كل شي :24:
اعتمادي على الله ثم عليكم
وإذا في خاطرك سؤال أو إستفسار عن عمان تفضلي وفالك طيب .
تحياتي
رد مع اقتباس
المفضلات