الموضوع: بليييز خبراء امريكا ساعدوني الله يجزاكم الف خير امريكااااااا

السلام عليكم

اولا اشكر صاحب المنتدئ والاداره والاعضاء علي المنتدئ الاكثر من رائع
وجزاكم الله خير لانه فايد الكل بالسياحه

موضوعي
هو انني ابي خطه لرحلتي لامريكاا وماعندي خبره فيهااا... فقط بأورلاندوا
والله يجزاكم خير اللي يساعدني لاني متوهقه ولازم احجز التذاكر

السفره لشخصين انا
وابيها لمدة 20 يوم مو اكثر بالصيف نص شهر 7

وابي اروح للمناطق الجميله فقط اللي تستحق الروحه
وماابي اكرر اورلاندوا نهائيا مافيها طبيعه وسوقها ماعجبني عادي ....

المهم اني اعشق امريكا من لطف ناسها وذرابتهم بالكلام ومحترمين ويحترمونا وماشفت منهم الا الخير
ومشكلتي اني ابي اروح نيويورك لان الكل يمدحها .... وابي لوس انجلوس والمناطق اللي قريبه عندها ابي اروحلها بالسياره وابي الناطق الحلوووه

بليز ياجماعة الخير يااهل الخبره ساااعدوني ارجووكم

والله ماعندي خبره ابي اخطط لسفره ما عرفت الوجهه وين؟؟ ومنوين ارووح؟؟
ابي الخبراء امريكا ابيكم تساعدوني بسفرتي بالضبط ؟؟

انا صديقتي تقولي روحي نيويورك قعدي 5 ايام وبعدها بالطياره لي لوس انجلوس وافتر بالمناطق القريبه منها ؟؟؟؟؟
شرايكم
بس صديقتي استغرت بمكان وكانت تسافر للمناطق المجاوره وترجع لهاا
انا ماودي جذي

ماودي اتعب رايحه راجعه فهمتوني ؟؟؟؟

يعني ابي كل منطقه اسكن فيها انام فيها عالاقل لوليله بالذات اللي اكثر من ساعتين طريج..؟؟؟ فهمتو قصدي ...؟؟ ابي تكون مثل الرحله
وابي مناطق تسوي حلوه
وبالذااات سوق الاوت لت

وسفرتي 20يوم ماتزيد والله يعطيكم العافيه وجزاااااه الف خير اللي يساعدني ؟؟؟؟


واشكركم جميعااا واتمني المساعده جزاكم الله الف خير

مواضيع عشوائيه ممكن تكون تعجبك اخترناها لك:

• رحلتي إلى كاليفورنيـا لاس فيغاس في صيف تقرير كامل مصور
• استفسار عن مخطط الرحلة الي امريكا
• استفسار عن رقم الحالة في القنصلية الامريكية
• استفسار عن التنقل في لوس انجلوس ارجوكم ساعدوني
• خطتي هذا الصيف إن شاء الله
• مطلوب معرفة المدة الزمنية لجميع أنواع الفيز للولابات المتحدة الإمريكبة
• أرجو المساعده ضروري جدا
• المحمول وتفتيش المطار
• استفسار
• كراتيييييين الشحن
• أبشركم الفيزآ طلعت فقط في يومين
• لاس فيغاس ميامي ارجوا مساعدتي بالجدول
• رفضوا الطلب وش الحل ؟
• معالم واشنطن الله يعافيكم
• رحلة العمر الي الاسكا وجبال الروكي
• اورلاندوا والسيارة
• رأيك يهمني
• إلى الأخ استفسار بخصوص كشف الحساب
• مطلوب معهد لغة اي جامعه تقدم تجارة الكترونية
• مطلوب مساعدتكم يالاجاويد ببرنامج سياحي

تكفوووون بليييز لاتهملوون رسالتي تكفووووون ارجووووكم والله متوهقه حددددي

اذا فقطً20 يوم خليها مدن الغرب فقط ....لوس انجلس 10 ، سان فرانسيسكو 3 ،،سان دييغو 4 ،لاس فيقاس 3 ......مافي داعي تروحون نيويورك لانها تبعد 6 ساعات طيران

مشكور خبير امريكااا

وانا ابي نيويوكلان فيها سوق الاوت لت واهواكبرسوق واروحلها اول شي مومشكله لان الكل يمدحهاا وانها احسن منطقه ...؟ واروحلها بالطياره اكيد شرايك ؟؟

خبير امريكا بليزممكن مساعده ؟؟؟
اذا حطينا نيويورك من ضمن الرحله راح نقلل من المده بلوس انجلوس..؟

ابي الخط الافضل شلون لرحله... يعني احجز التذاكر بالضبط من وين ؟؟؟؟
كويت؟ ؟ ؟؟ ؟؟ كويت

ابي الافضل وشنو اخر منطقه اروحلهاا؟؟

بليز لوسمحتووو

اذا بطب نيويورك اي مطار؟؟؟؟ مبين عندي جم مطار ؟؟؟ شنو المطار الزين؟؟؟؟بللليز ابي الاجابه ؟؟؟

واي طيران الافضل ؟؟جزاكم الله خير ؟؟؟
انا من الكويت؟؟ شنو الطيران الدايركت ؟؟

عليكم السلأم
فيه أخطاء أملائية
استغرت = أستقرت
طريج = طريق
جم = كم
أختي الكريمة مثل ما تفضل خبيرنا بما أن المدة 20 يوم خليها للشرق أو الغرب
أنا مثلكم 20 يوم وحبيت تكون كل المده بجهة وحده بدال البهذلة بالشرق والغرب لأن المدة قليلة نوعاً ما .
وبخصوص مطار نيويورك فيه مطار كنيدي
وإذا تبين الخطوط الدايركت أكيد فيه الخطوط الكويتية تروح لنيويورك مباشرة وغيرها من الخطوط يبيلكم ترانزيت .

وطولي بالك الأخوان بيردون لاتشيلين هم

الكويتية تطير الي نيويورك مباشرة....لاكنها ما تطير الي لوس انجلس.........علشان التذكرة ماتطلع غالية لازم تروحون وترجعون من نفس المطار في امريكا......المطار الرئيسي في نيويورك هو جي أف كي jfk...
المدة قصيرة لسفرتكم وأمريكا بعيدة ونيويورك تبعد 6 ساعات طيران عن لوس انجلس..اذا مصممة علي نيويورك خليها نيويورك 3 ايام .....لوس انجلس 10 ....سان دييغو 3 ... لاس فيقاس 3 .....نيويورك 1

اختي رمضان بيكون إن شاء الله تاريخ ١٩ / ٧ تقريباً

وهناك نهارهم طويل مُتعب بالصوم

ايضاً كاليفورنيا فيها مجموعه متنوعه من الاوت لت ،، غير ان الاسواق الفخمه متنشره في الولايه ،، خصوصاً لوس انجلس

http://www.arabtravelersforum.com/travel357243/

فـ انا اقترح عليكم تخلونها في لكاليفورنيا فقط لانها سياحيه ، ومن كثر الاماكن السياحيه والاسواق ، يبيلها اكثر من شهر

والاماراتيه تطير دايركت عليها واسعار التذاكر للبزنس او الاكنومي معقوله اشوفها مقارنه بالخطوط الاخرى

والراي الاول والاخير لكم

مشكووور عالرد
وناطره الرد من الجميع الخبراء ...امريكا ...

مشكوين عالرد ويعطيكم العافيه


وصراحه اقنعتوني اني اكنسل نيويوك دام لوس انجلوس حلوه وفيها اوت لت ؟؟؟
خلاص ابي خطه لكاليفونيا ؟؟؟
شرايكم ابي المناطق اللي تسوي الروحه ؟؟؟
ابي خطه من جديد؟؟؟؟
سامحوني عالبدليات
في كاليفونيا فقط ؟؟؟؟

ادري عذبتكم الله يجزاكم خير

خلاص عيل ،، حددي الوقت والمده وان شاء الله الاخوان يساعدونج

اتمنالك سفره ممتعه
تقدرين تمرين تقريري بالتوقيع موضح فيه اغلب الاماكن والنشاطات
وعدلي عليه باللي يناسبك .. وأي استفسار محدد حااااااضرين

السلام عليكم
ويعطيكم العافيه كلكم عالمشاركه
اليوم انا كلمت السفريات وقالولي افضل تذكره
كويت ..ترانزيت عمان...نيويورك4 او5 ايام وبعدين لوس انجلوس ...ايام الباقيه لسفره....
والعوده من لوس انجلوس الي.... نيويورك ترانزيت ساعتين الي 4ساعات...بعدها عمان ساعتين ...الكويت ...والحمدلله

شرايكم ؟؟؟ الله رزقني ترانزيت نيويورك عشان اروحلها ...الحمدلله

وسلامتكم؟؟؟ابي رايكم بالتذكره ؟؟؟حلوه ولاااا

وسؤالي للخبراء واللي عندهم خبره ؟؟؟؟؟

اذا وصلت للوس انجلوس وين اروح بالضبط ؟؟؟يعني بالبدايه اول يوم اروح وين.؟؟؟؟
وشنو المناطق اللي تستحق الروحه؟؟؟ الاماكن الحلوه فقط ؟؟؟
وصراحه ماابي اتعب نفسي واروح لمناطق بايخه.. ابي اروح المناطق الحلوه فقط ؟؟؟

وابي سكن في نيويورك الافضل مكان وين ؟؟ابي يكون قريب عند الاماكن المهمه؟؟؟

وابي سكن في لوس انجلوس بعد يم الاماكن المهمه الظروريه والتسوقيه ؟؟

اختي الكريمة للاجابة على استفساراتكم

يرجى منكم قراءة التقارير المصورة في بوابة التقارير

ومنها تقريري لكالفورنيا عام 2008م في التوقيع

وان شاء الله بيجيب كثير من استفساراتكم وبعدها يمكننا مساعدتكم بالي تبون !!

بالتوفيق ,,

ابشركم حجزت التذاكر والحمدلله
عاليونايتد كويت واشنطن تنرانزيت بعدين نيويورك اسبوع بعدها لوس انحلوس 16 ليله وبعدها من لوس انجلوس تنرانزيت واشنطن بعدها الكويت



والحمدلله

الله يخليكم ابي السكن بنيويورك احسن مكان ويكون قريب جدا من كل شي لمدة اسبوع
ولوس انجلوس 16 يوم شقه صغيره عشان اطبخ مجابيس

وابي افضل الاماكن بليييز والامناطق يم لوس انجلوس والاحداثيااات بليييز
مااقدر احك راسي من اعيالي جننوني ؟؟؟ ابي تساعدووني بليز

http://www.arabtravelersforum.com/travel501320/
......
http://www.arabtravelersforum.com/tr...b=user_related
.......
http://www.arabtravelersforum.com/tr...b=user_related

شقة 16 يوم صعب.....العادة ياجرون شهر واكثر...........تشيكي علي ماريوت رزدنت ان ،هذا فندق نظام شقق ويكون فيها مطبخ ، عندهم اكثر من موقع بلوس انجلس
http://www.arabtravelersforum.com/travel545328/