الموضوع: سكن في سان فرانسيسكو

ممكن المساعده في فنادق سان فرانسيسكو نحن عائله من زوجين و 4 اطفال

لقيت البعض يمدح الماريوت و والفيرمونت والهلتون

بس لما دخلت على مواقع البوكنق لقيت اكثر من ماريوت و2 فيرمونت
احترت فيهم ... ممكن المساااعدة .؟

مواضيع عشوائيه ممكن تكون تعجبك اخترناها لك:

• سؤال بخصوص فيزا المرافق ضروري يا اخوان
• تحويل موعد تأشيرة سياحية إلى موعد تأشيرة دراسة؟؟؟
• استفسار بسيط
• اخواني ارجو المساعده سريعاً
• مساعده من مراقب بوابه السفر الى امريكا
• الكريسمس بآمريكآ وين آفضل مكآن ؟ بليز سآعدوني ،،
• ما هي اجراءات استخراج فيزا من كندا الى امريكا
• عاجلافيدوني اثابكم الله
• ابغى اعرف وش الافضل ؟
• الرجاء من اصحاب الخبره
• امريكا بريطانيا استراليا نيوزلندا
• تخطيط سفر لامريكا رحال عازب وجميع الخبراء
• استفسار اماكن حلوه بالليل في لوس انجلوس
• مساعدتكم اخواني
• هذا اول مشاركه لي في هذا المنتدى ارجوا المساعدة
• ياخبراء الجي بي اس
• معلومات عن السفر وخصوصا الغرب
• كلية بسياتل لتعليم اللغة
• مساعدة بالسكن في نيويورك الفناادق جدا غالية
• ما هي افضل مدينه في امريكا

http://www.arabtravelersforum.com/travel687479/
شوف الجزء الخاص بفنادق سان فرانسيسكو

جزاك الله خير اخوي ... تم الحجز في الهيلتون كان تقييمه زين في البوكنج 8,3

الحين في لوس انجلوس .. من قراءتي للتقارير ولبعض المواضيع البعض يسكن في الشمال والجنوب
وانا ابي اخليها بس الجنوب افضل لان معاي عيالي والمده مب طويله تقريبا 10 ايام ماتسوى اتنقل بين الشمال والجنوب ولا وشرايكم ؟؟؟؟

ياهلا وغلا فيك أخي الفاضل


أنصحك بقوه بهذا الفندق عن تجربتي الصيف اللي طاف كل شئ تحتك الباص السياحي والسوق

وفي منطقة سان فرانسيكو

Westin san frarcesico

بوعبدالله مشكور اخوي خلاص حجزت في سان فرانسسكو

اليوم طول الوقت وانا احاول ادور فندق عائلي في الجنوب وتضايقت لان اغلب الي ابغيهم مالقيت فيهم حجز للاسف
الله المستعان بكره بحاول انتهي من حجز لوس انجلوس

بس انصدمت بالاسعار .كلها غاليه مافي شي سعره متوسط توقعت امريكا ارخص من كذا

شوف هالموقع لتقييم الفنادق ،، ولاتعتمد اعتماد كلي على بوكينق لانه مافيه الا اراء فقط ،

هالموقع خاص بالتقييم ، وفيه الاف الفنادق حول العالم وهو امريكي وتقييمه للاراء والصور والفيديو ، ومن خلاله تقدر تحجز من عدة مواقع اشهرها واحسنها اكسبيديا وهو افضل من بوكينق برأيي

http://www.tripadvisor.com/

وانت حدد وين تبي تسكن فالجنوب لان فيه عدة مناطق !!

مع اني انصحك انك تقسمها لان الزحمه رهيبه ، بدون زحمه والطريق سالك ساعه من بيفرلي هيلز الى ايرفاين ، ومع الزحمه ساعتين ونص ، هذا من تجربتي بالمنطقه

فـ نصيحتي لك انك تتعرف على المناطق اللي فالشمال واللي فالجنوب وعقبها بنشور عليك بالفندق اللي يناسبك

والاسعار صحيح غاليه بس مع البحث المستمر والمتكرر بتلقى السعر اللي ودك به

تحياتي

جزاك الله خير اخوي سترينجر بالفعل موقع ترب ادفايزر لا استغنى عنه ابداااااااااااااااااااااااااااا
تلقاني فاتحه على البوكنج وكل ماشفت فندق بحث تقييمه في الترب ادفايزر
وغير كذا يعجبني انه شاااامل وفيه تقييم لكل منطقه

الحمد لله انتهيت من حجز لوس انجلوس... حجزت في البيفرلي هيلز وحجزت في ارفاين او ارفين كلها تابعه للماريوت

الحمد لله شلت سان دييغو من البال ولا كنت حاطتلها 3 ايام من ارفين فقلت بيكون تنقلنا صعب مع اليهال وغير انها قريبه نقدر نروح لها بالسياره ماعندنا مشاكل الحمد لله

الحين وصلنا لاس فيغاس ابي احجز فيها ليلتين
لقيت المندرين تقييمه نمبر 1 في الترب ادفايزر شورايكم شوروا علي
مع العلم اني متخوفه من لاس فيغاس لان معاي مراهقين بنت وولد 14 سنه و 12 سنه وطفلين 6 و4 سنوات

انتو تبون فندق ولا تبون نظام سويت وشقق ؟

لان فيه فندق زين نظام سويتات غرفه وصاله وغرفتين وصاله ،، ٣ نجوم بس نظيف وتقييمه عالي في ترب ادفايزر وسعره مناسب ،، ومكانه اول الستريب ، خلف فندق نيويورك نيويورك

http://www.tripadvisor.com/Hotel_Rev...as_Nevada.html

اما بالنسبه لسان دييغو ، فـ انا ارشحها لانها حلوه وصراحه تستاهل العنوه مع انها قريبه من ارفاين تقريباً المسافه ساعه ونص اذا مافي زحمه

اذا في امكانيه غيرو الحجز واحجزو في سان دييغو

تحياتي

شكرا اخوي .. مب مهم شقه او غرف فندقيه
اهم شي يكون المكان حلو ويستاهل ...

بالنسبه لسان دييغو للاسف كنسلت المبيت فيها والسبب قصر مده الرحله

رايك يعني الغي لاس فيغاس واخلي اقامتها الاخيره في سان دييغو قبل الانتقال الى نيويورك لان رحلة العوده بتكون على القطريه من نيويورك

والله يا اخي / اختي

بكتب رأيي في المدينه ، وهذا رأي شخصي ،، واحاول اكون محايد قدر الامكان

المدينه عباره عن شارع وعلى الجانبين فنادق اغلبها فخمه ..

فخامة الفنادق من مساحتها الكبيره وصالات القمار و المجمعات التجاريه اللي تضمها وتصميم الغرف ،، فندق فينشيان داخله مجمع يشبه فيلاجيو عندنا

اسعار الفنادق الفخمه رخيصه مقارنه بمثيلاتها بـ أي مدينه سياحيه اخرى

اغلب الفنادق تضم صالات القمار وغالباً يكون تحت في اللوبي ، وانتو داخلين وانتو طالعين مبينه عندكم صالة القمار والناس يلعبون

تضم عروض سيرك او مسرحيه بعضها ملائم للعائله وبعضها لا ( ممنوع التطرق لعروض المسرحيات والسؤال عنها بناءً على قوانين المنتدى )

الديره حاره فالصيف ولازم سياره

المدينه فيها حركه خصوصاً اذا غابت الشمس على هالشارع

مسموح الشراب بالشارع وهذا على ماشهدته ، لان لو ماكان مسموح ماشفناهم ، لان الامريكان ملتزمين بالقانون

لقيت اكثر من عائله خليجيه هناك مع اطفالهم

برأيي ان سان دييغو احلى منها بالجو و البحر والسوق والاماكن الترفيهيه للعائله

واعتذر ان الكلام شوي مب متناسق ومثل ماذكرت ان هذا رايي الشخصي ، ممكن غيري معجب بالمدينه

والراي لكم

تحياتي

جزاك الله خير اخوي سترينجر ... واشكرك على النصيحه
حجزنا في لاس فيغاس لمدة ليلتين فيها ..
السؤال الحين هل نحتاج السياره في لاس فيغاس ولا نسلمها اول مانوصل ؟؟؟
لان بعد الاقامه فيها ليلتين بنطير الى نيويورك ان شاء الله ...