الموضوع: مساااااااااااااااكم ورد

مساااااء الورد جميعا واخيرا دخلت المنتدى بعد طول انتظار انا الله يسلمكم رايحه امريكا هالسنه انشاء الله مع زوجي وابنائي الخمسه الكبير 13 والصغير 1ونص حبيت تعطوني الخلاصه في امريكا انا خطتي الرياض واشنطن اسبوع علشان ابراجع عند طبيب هناك بعدين اورلاندو بالسياره واكيد نبي نوقف بالنص باحد الولايات وبعدين نكمل نجلس اسبوعين ونرجع لواشنطن علشان اروح انياجرا او ولايات الشمال القريبه بعدين نيويورك بالسياره بعدين الرياض ونيويرك يمكن يومين 00لاتقولون لوس انجلس طياره مانحب غير كذا مابي لااس فيقاس انا رايحه ادور البراد والخضره انا حايسه عطوني خطتكم اللي تناسبني انا واسرتي وابي طريقه او اسما شقق قريبه من محطات الميترو في ضواحي واشنطن مثل ميرلاند والاكسندريه وكذلك الميزانيه لاني خلاص قصيت التذاكر وخلصت باقي الان الخطه وحجوزات السكن والطبيب اللي راح اروح له راح يكو ن بواشنطن فأرجو منكم مساعدتي ولكم دعوه وكذلك راح انزل تقرير عن رحلتي بأذن الله ودمتم سالمين

مواضيع عشوائيه ممكن تكون تعجبك اخترناها لك:

• تعليم اللغة والعمل
• صيغة تغير موعد الدراسه
• هل يمكن ان يضمني زوج اختي في الضمان المالي ؟
• الاعصار
• استفسارات لرحلة امريكية
• الجارمن في امريكا
• استفسار بخصوص المرافقين في الجواز؟
• استفسار
• احتاج رحلة كروز لكن للولايات البارده
• رحلتي الى الولايات المتحدة الامريكية دنفر
• وين أروح بواشنطن دي سي
• عمل الدكتوراة في امريكا
• ما انعطى وي تولعت يامريكا
• طلب مساعدة مهمه جداً تكفون
• يا ناس هل طبيعي او لا حضرت المقابلة ولكن
• مدينه ماري لاند بالتيمور مساعده
• من جنود الله اعصار يسمى اعصار كاترينا
• الي خبراء لوس انجلوس سؤال مستعجل
• أدور خوي
• لأول مرة الى امريكا

نسيت اقولكم رحلتي راح تستمر شهر بالضبط فاتمنى منكم التفاعل وأرشادي ودمتم سالمين

اذا انتوا بتسافرون بعز الصيف ( شهر سبعة و ثمانية ) بيكون الجو في ولاية فلوريدا حار و رطب و امطار
الله يعينكم

تبين البراد....روحي كاليفورنيا..........اورلاندو حر ورطوبة ومطر يوميا .....مع ان اورلاندو افضل مدينة بالعالم للاطفال....لاكن بالصيف متعبة شوي ...... لازم ايجار سيارة .امريكا بدون سيارة ماتسوي ابدااااااااااااااا
http://www.arabtravelersforum.com/tr...b=user_related

اشكر كل من تفاعل انا اكيد راح استأجر سياره لكن انا ماودي اروح للولايات الغربيه ابخلي الرحله كلها شرقيه وسطي وبما اننا بالسياره اكيد بنلاقي اماكن حلوه واحنا في طريقنا ورجعتنا فارجو افادتي ولاسيما اني قروي بهرته انظار المدينه عقب مصر ماسافرت برا ابدا واجيد اللغه الانجليزيه فأرجوكم خططو رحله حلوه واماكن تخليني انبسط واماكن الاوت ليت في كل ولايه لان الاولاد تكفيهم اورلاندو بينما انا احب الخضره والمتاحف والزحمه 00لتمنى منكم مساعدتي والمشوره علي واخباري بمصاريف الرحله والسكن الرخيص او المتوسط ودمتم سالمين

اوكي مدام ناويين علي الشرق فقط.....
بعد ما تخلصون الاسبوع في واشنطن تروحون بالسيارة الي اورلاندو ( المسافة 14 ساعة بالسيارة بدون توقف، مع الوقفات للراحة والاكل و و بتصير حوالي 17 ساعة )....
نصيحة :-
واشنطن 7 ايام .....بالسيارة حوالي 6 ساعات الي مدينة رالي في ولاية نورث كارولاينا 2 يوم ........ بالسيارة حوالي 6 ساعات الي سافانا جورجيا 2 يوم ........بالسيارة حوالي 5 ساعات الي اورلاندو 15 يوم ........................وبعدين ترجعون بنفس الطريق ولاكن ممكن تقعدون بمدن اخري بدل من رالي وسافانا...

انسي نيويورك ونياقرا. لان طريقهم مختلف ( شوفي الخريطة ).....

وتحتاجون سيارة كبيرة لان العدد 7 اشخاص وحسبوا حساب الشنط ...

هل تذاكركم الذهاب الرياض واشنطن. والعودة نيويورك الرياض ؟؟؟؟؟

اهلين اشكركم . ...اينعم الحجز الرياض واشنطن نيويورك الرياض ....لانه قلنا نجلس بواشنطن نروح من هناك انياجرا وبعد اسبوع نروح اورلاندو ونرجع نيويورك ...وش قلتو دلوني بلييييييييييز

بما انه احنا بالسياره والمده شهر وش المشكله انه مانروح لنيويورك ونياقرا

شوفى الخريطة ومواقع المدن
واشنطن فى النص وفلوريدا فى الجنوب ونياقرا فى الشمال !!!

واشنطن 7 ايام .....بالسيارة حوالي 6 ساعات الي مدينة رالي في ولاية نورث كارولاينا 2 يوم ........ بالسيارة حوالي 6 ساعات الي سافانا جورجيا 2 يوم ........بالسيارة حوالي 5 ساعات الي اورلاندو 15 يوم ........................وبعدين ترجعون من اورلاندو الى نيويورك ولاكن ممكن تقعدون بمدن اخري بدل من رالي وسافانا...

انسي نياقرا. لانها بعيدة وايد...