الموضوع: بنسافر لامريكا لاول مره مخطط الرحله مطلوي برنامج يومي لها ؟؟

السلام عليكم ورحمة الله وبركاته

اخواني خبراء امريكا ... هالسنه نوينا نروح لامريكا مع العائله مكونه من الزوجه والاطفال اعمارهم 16-12-10-3
مبدئيا ... رسمت هذا المخطط للرحله
الكويت 20/6 موعد السفر
لوس انجلوس 21/6 - 6/7
اورلاندو 6/7 - 13/7
نيويورك 13/7 - 18/7
الكويت 19/7
شرايكم بمخطط الرحله ,,, هل ابدل فيها ازيد ايام انقص منها ؟؟!!!
عطوني رايكم بارك الله فيكم ؟؟ علشان ابدأ بحجز التذاكر من الان ... وشنو الطيران اللي تنصحوني فيه ؟؟
شرايكم بالبريطانية ... بصراحه افكر فيها لانها بنص المسافه 6 ساعات ترانزيت بعدها يمكن 8-10 ساعات للوس انجلوس ... ننزل نرتاح شوي نمشي على الارض في مطار هيثرو ... والا احسن على طول 14 -16 ساعه مثل القطرية والاماراتيه !!!

ثانيا ... اتمنى يكون عند احدكم برنامج يومي امشي عليه في كل مدينه ...يكون اغطي فيه اهم وامتع الاماكن السياحيه في هالمدينه ؟؟


ثالثا ... اتمنى ترشيح شقق فندقيه في كل مدينه تكون راقيه وحلوه وامنه وهذا اهم شي ... بحثت في بوكينج ولم اجد المناسب ؟؟

شاكر لكم تفضلكم بالاطلاع على موضوعي ... ,,
وبالتوفيق للجميع

مواضيع عشوائيه ممكن تكون تعجبك اخترناها لك:

• استفسار ضروري مره عن
• طلب نموذج تاكيد الفيزا مفقود ؟
• الى عشاق العم سام ؟
• ممكن برنامج لمدة اربع ايام في لوس أنجلوس
• سؤال بخصوص الخدم الي بلييييز
• سؤال لأهل الإختصاص وخصوصاً أمباكت
• يافرحة ماتمت
• تعبئة النوذج هل يشمل الاطفال؟؟؟
• الحين مواضيعي ليه ما تنشر
• شقق فندقيه في واشنطن
• اروح وين بأمريكا
• الغالي امباكت
• إلى خبراء الولايات المتحدة إستفساراتي الهامة
• صيغة تغير موعد الدراسه
• أبغي أحد يدلني على لابتوبات مستعملة
• الدراسة في امريكا
• السفر لأمريكا بعد سوريا؟؟
• مستعجل الله يعافيكم ساعدوني بالفيزا
• اختكم تطلب المساعده مبتعثة لامريكا لدراسة الماجستير في الحاسب
• ممكن مساعدة من خبراء السياحة في امريكا

اولا انت متاخر ولازم تضبط امورك بسرعة.....
هل طلعتوا الفيزا؟؟؟
لازم تخلص اولا من الفيزا بعدين بسرعة تحجز طيران....الاسعار تتغير بسرعة( قبل شهر كانت وايد ارخص)..
نصيحة روح الغرب فقط ( لوس انجلس ...اورانج كاونتى...سان دييغو...سان فرانسيسكو....لاس فيقاس)....تعب تروح الشرق والغرب ...السفرة القادمة لامريكا خلها لمدن الشرق..
الشقق الفندقية ماهوسهل تحصلها لازم بسرعة تدور وتحجز والاسعار نفس الشى كل يوم تزيد...

مشكور اخوي عزيز على الرد والنصيحه ان شاء الله الفيزا هالاسبوع تطلع باذن الله تعالى .... من بعد ما استلم الجوازات اكيد راح احجز تذا كر الطيران
طيب اخوي عزيز ... شتنصحني على اي خطوط اسافر عليها ؟؟
هل اسافر على الاماراتية او القطرية او البريطانية او الالمانيه ؟؟
او فيه طيران اخر تنصحني فيه ؟
طبعا اخذت بنصيحتك وبخلي هالسفره للغرب
وبتكون كالتالي
سان فرانسيسكو 4 ليالي
لوس انجلوس شمال 7 ليالي
لوس انجلوس جنوب 7 ليالي
سان دييغو 5 ليالي
لاس فيقاس 4 ليالي
شرايك بالتوزيعه والترتيب ؟؟
ومن ناحية اي مطار يكون انزل فيه افضل ؟؟ واستلم السياره من وين واسلمها وين ؟؟
تحملني وانا اخوك ... اول مره نروح واحنا عايله ... نبي تخطيط مرتب ممتع سهل التطبيق
ومانستغني عن مساعدتك انت ولاباقي الاخوان ... بارك الله فيك وفيهم


ومشكور مره اخرى

الاماراتية او البريطانية لان هالثنتين يطيرون الي سان فرانسيسكو ولوس انجلس....
الترتيب يكون طيران الي سان فرانسيسكو وقعدة 4 ايام بعدين بالسيارة الي اورانج كاونتي 5 بعدين الي سان دييغو 5 بعدين فيقاس 4 وبعدين اخر محطة لوس انجلس 9 وتسلمون السيارة وتطيرون للعوده

ياهلا وغلا في ولد ديرتي للامانه انصحك بالكويتيه تدري ليش تكون دايركت انا الصيف اللي طاف حصلت ارخص طيران القطريه وبعدها الكويتيه الاماراتيه غاليه شوي


مشكلة الوقت الطيران كان بالصيف اللي طاف تروح المطار الكويت الساعه 1 بعد منتصف الليل وتطلع قطر الساعه 4 الفجر وتقعد بالمطار قطر 6ساعات طبعا معانه اطفال عشان جذي اخذت الكويتيه والاماراتيه نفس النظام

الله يعطيكم الصحه والعافيه ياعيال ديرتي الحبيبه ... كفو الله ماقصرتوا

اخوي عزيز .... تم اعتماد المخطط .. وباذن الله لي رجعه لاكمال الترتيبات اللازمه بعد حجز التذاكر ... فشكرا لك
اخوي بو عبدالله ... بصراحه انا افضل تجزئة الرحله الطويله الى جزئين ... فالرحله على الكويتية او الاماراتية او القطرية ... تعتبر دايركت 16 ساعه متواصله طيران وانا مربط على كرسي !!
احسها صعبه ومتعبه على الكبار ... فما بالك على الصغار !!!
فانا قلت يمكن الافضل ان تكون الرحله على البريطانية او الالمانية ... لان الرحله بتكون 6 ساعات للندن او فرانكفورت ترانزيت وفي المطار نرتاح ساعه ساعتين نتمشى فيها وناكل بالمطاعم .... وبعدين 10-11 ساعه لسان فرانسيسكو مباشره ... والكويتية ماتروح لسان فرانسيسكو ... وهذي بعد نقطه ثانيه !!
فشرايكم ... البريطانية تجزئة الرحله ... او الاماراتية تعتبر دايركت من دبي؟؟!!!!
هل البريطانيه مريحه وممتازة كخدمه ووسائل ترفيه؟؟
ام ان الاماراتيه بخدماتها ووسائل الترفيه فيها راح تنسينا الوقت ومانحس ببعد المسافه ؟؟!!!


وشكرا لكم

الكويتية فقط تطير الى نيويورك و طياراتها متهالكة...

انا افضل البريطانية , لاكن الاماراتية كذلك ممتازة ... وسائل الترفية فى الاماراتية افضل

أخوي مسافر مع روحه
عندي ملاحظات ممكن تفيدك
ملاحظة1:
انا دايما افضل انه اول منطقة اروح لها هي نيويورك
منطقه جميله جدا وفيها سوق رائع وتمثال الحرية وسنترال بارك وتايم سكوير وغيرهم
اختياري انها بالاول بسبب قربها نسبيا ... لان بين نيويورك ولوس انجيليس 6 ساعات بالطيارة
وبالمناسبة القطرية جدا ممتازة ... ووقتها زين .. تطلع من الكويت 5 الفجر وتوصل قطر خلال ساعتين وبعدين ترانزيت ساعة ونص ثم مباشرة لنيويورك .. وخلال الرحلة الطويله اغلبها راح تنامون بسبب انكم مانمتوا عدل ... ثم توصلون نيويورك العصر تقريبا 4
ملاحظة 2:
اورلاندو من اجمل المدن السياحية بلا شك .. ولكن في مشكله انه بالصيف الجو حار جدا ..
ممكن تستبدلها بمنطقة اوراج كاونتي(جنوب لوس انجيليس) وهناك في ديزني (اصغر من اورلاندو) ويوجد سي وورلد في سان دييغو ... ويوجد ايضا يونيفيرسال في لوس انجيليس .. يعني المدن الترفيهيه في أورلاندو ممكن تعويضها بمثلها في لوس انجيلس (ولكن اورلاندو احلى)
ملاحظة 3:
لوس انجيليس جميلة وممكن تقضي فيها فترة السفر كاملة وفي قريب منها عدة مدن سياحية مثل سان دييغو- ايرفاين -سان فرانسيسكو

تحياتي

المشاركة الأصلية كتبت بواسطة kavedas
http://www.arabtravelersforum.com/tr...7/#post6781267

أخوي مسافر مع روحهعندي ملاحظات ممكن تفيدك ملاحظة1:انا دايما افضل انه اول منطقة اروح لها هي نيويورك منطقه جميله جدا وفيها سوق رائع وتمثال الحرية وسنترال بارك وتايم سكوير وغيرهم اختياري انها بالاول بسبب قربها نسبيا ... لان بين نيويورك ولوس انجيليس 6 ساعات بالطيارةوبالمناسبة القطرية جدا ممتازة ... ووقتها زين .. تطلع من الكويت 5 الفجر وتوصل قطر خلال ساعتين وبعدين ترانزيت ساعة ونص ثم مباشرة لنيويورك .. وخلال الرحلة الطويله اغلبها راح تنامون بسبب انكم مانمتوا عدل ... ثم توصلون نيويورك العصر تقريبا 4 ملاحظة 2: اورلاندو من اجمل المدن السياحية بلا شك .. ولكن في مشكله انه بالصيف الجو حار جدا .. ممكن تستبدلها بمنطقة اوراج كاونتي(جنوب لوس انجيليس) وهناك في ديزني (اصغر من اورلاندو) ويوجد سي وورلد في سان دييغو ... ويوجد ايضا يونيفيرسال في لوس انجيليس .. يعني المدن الترفيهيه في أورلاندو ممكن تعويضها بمثلها في لوس انجيلس (ولكن اورلاندو احلى) ملاحظة 3: لوس انجيليس جميلة وممكن تقضي فيها فترة السفر كاملة وفي قريب منها عدة مدن سياحية مثل سان دييغو- ايرفاين -سان فرانسيسكوتحياتي



ياهلا وغلا كلامك صحيح انا جربت الصيف اللي طاف لوس اجلس ممتازه الجو حلو جدا


اما بخصوص الطيران الاماراتيه اكثر من 5 ساعات ترانزيت هذا بالصيف اللي طاف اذا الحين تغير
في ملاحظه قالو الكويتيه فيها من الجنسيه الهنديه كثرين طبعا الكلام صحيح 100٪100 الريحه عجيييبه بس كذا واحد سئلت قالي ترا كل الطيران فيها هنود رايحين نيويورك

جدول ممتاز ... وباذن الله راح تستمتعون جدا بامريكا
ملاحظتي على الجدول انه لوس انجيليس مظلومة نوعا ما ... بس هذا رايي ماادري عن باجي الاخوان
سان دييغو واورانج كاونتي حوالي اسبوعين
لوس انجيليس اسبوع !!!

رايي :
عل الاقل لوس انجيليس 10 ايام (او اكثر)

والسبب: لوس انجيليس من اجمل المناطق في امريكا وفيها سانتا مونيكا وبيفيرلي هيلز و هوليوود غير المجمعات والسوق وفيها يونيفيرسال وماجيك ماونتنز وفيها اوت لت
يعني اسبوع بالكاد تستمتع فيها