الموضوع: زيارتي للسفارة الأمريكية في البحرين للحصول على الفيزا

السلام عليكم ورحمة الله وبركاته
في البداية أحب أشكر كل القائمين على هالمنتدى الجميل اللي بالمواضيع والتقارير الموجودة فيه تفيد جميع الفئات من شباب ورجال ونساء في تعلم الكثير عن السياحة الخارجية من خلال طرح مواضيعهم ومشاكلهم مع الحلول المناسبة لكل اللي واجهوه عشان محد يقع في نفس المشكلة أو ان القارئ يكون فكرة عن الديرة اللي حاب يسافر لها .
انه عن نفسي ما كنت ناوي أسافر أمريكا بس من خلال تصفحي للمواضيع والتقارير إلي تنقل لنا الأماكن الجميلة والطرح المثير والحماسي للتقارير اللي صراحة متعوب عليها واايد وتغري الكل حق المكان بشكل كبير، حبيت إني أشوف بنفسي وأعيش اللي عاشة بعض أعضاء المنتدى خلال زيارته للولايات المتحدة .
انه إن شاء الله راح أسافر بنية شهر العسل ، في البداية قررت إني أروح للسفارة وأقدم حق الفيزا السياحية ، بس البعض نصحني إن أسوي الحجوزات في البداية وبعدين أقدم بشرط أن يكون قبل فتره كافية عشان تجهز الفيزا ، فقمت بعمل بحث عن الفنادق وأسعار التذاكر والحمد لله قدرت احصل على سعر حلو مقارنه بالفترة اللي راح أسافر فيها ، حجزت على طيران KLM وهو الطيران الهولندي وكان سعر التذكرة للشخص 453 دينار يعني 4530 ريال سعودي وكان الحجز في نهاية شهر يونيو ( 6 ) بتاريخ 29/06/2012 والعودة راح تكون بتاريخ 11/07/2012. وحجزت حق الطيران الداخلي على الجت بلو استنادا على بعض النصائح من الأعضاء .
المهم بعد الحجوزات دخلت موقع السفارة ومليت استمارة الفيزا السياحية وهي نموذج 160 ويحتوي على اسأله طويلة نسبيا ومملة والحمد لله كملت النموذج خلال ساعتين تقريبا مع العلم إني جمعت كل الأوراق والمستندات المطلوبة قبل البدء بتعبئة النموذج عرفت اللي احتاجه من خلال قراءتي لبعض المواضع التي تخص الحصول على الفيزا وخبرات المشاركين في هالمواضيع أفادتني بشكل كبير وقمت بطابعة البار كود اللي يطلع بعد الانتهاء من النموذج .
بعد تعبئة النموذج دخلت على موقع السفارة لأخذ موعد للمقابلة لي ولزوجتي في نفس اليوم والوقت ، وكنت متوتر شوي يومها لكن الحمدلله عدت الأمور على خير .
في البداية عن الدخول للسفارة الأمريكية في البحرين يتم تفتيش الأشخاص عبر المرور من جهاز المعادن والجلوس في الاستراحة للانتظار حتى يحين وقت المقابلة ، وبعد الانتظار ما يقارب الربع ساعة في الاستراحة توجهنا إلى داخل السفارة وتحديدا في قسم المقابلات وهناك كان موجود 4 نوافذ ، النافذة الأولى في شخص يتأكد من الأوراق المطلوبة وهي ورقة الموعد وورقة تعبئة نموذج 160 إلي فيها البار كود وجواز السفر وصورة شخصية والأوراق المساندة ( يقصد فيها أوراق البنك ، شهادة الراتب ) وبعد التأكد منها يطلب منك مبلغ الفيزا وهو 53 دينار ( و بداية من تاريخ 13/04/2012 راح يكون 61 دينار ) ويعطيك رصيد ويقولك انتظر لين يتم استدعائك من خلال الرقم الموجود على الرصيد في إحدى النوافذ الباقية، وعند الجلوس كانت النافذة رقم 2 والنافذة رقم 3 اهم اللي يسوون فيهم المقابلات أما النافذة الاخيرة كانت فاضية مافيها احد، والمقابلة تكون عبر الوقوف عند النافذة ويكلمك الموظف من الداخل عبر ميكرفون وسماعات خارجية وطبعا كل الموجودين يسمعون الإسئله الموجهة لك ، وبعد انتظار دام نص ساعة تقريبا سمعت رقمي فتوجهت انه والمدام للنافذة رقم 2 وكانت الموظفة ولله الحمد بشوشة طلبت البصمات و وجهت لنا الاسألة المعتادة وهي :
1. ليش بتروحون أمريكا ؟
شهر عسل
2. الفتره الي راح تقعدون فيها هناك ؟
ما يقارب الاسبوعين
3. المناطق اللي راح تزورونها ؟
نيويورك لمدة 3 ايام و اورلاندو لمدة 10 ايام ان شاء الله
وكانت الموظفة واايد بشوشة وطيبه وتضحك وتسولف بشكل عادي مو كأنها مقابله أو شي مما يريح الشخص ومايخليه متوتر وعلى اعصابة ، بعد المقابلة قالت لي الفيزا حقت المدام راح تجهز خلال يومين لكن أنت راح أتطول شوي على ما نكمل الإجراءات وهي إجراءات بسيطة نسويها عند التقديم للفيزا ، فسألتها طيب ليش الإجراءات هاذي ما راح تسوينها حق المدام بس انه

هاي اللي صار معاي وأتمنى إني قدرت أفيدكم ولو بالقليل
سامحوني على الإطالة .
أخوكم الوحيد

مواضيع عشوائيه ممكن تكون تعجبك اخترناها لك:

• الف دولار او اقل
• استشارة واستفسار
• الاخ لو سمحت ضروري
• القنصلية ما اخذو اورقنا
• مساعدة لو تكرمتو بخصوص طيران اليونايتد
• معلومات عن أختبار التوفل
• وبنت الصقور وخبراء نيويورك واورلاندو ممكن تساعدوني
• برامج الملاحه على الايفون
• المسافة من مطار دالاس الى واشنطون دي سي؟
• مخطط رحلتي والخطوط احتاج مشورتكم
• ايفون والمطارات
• شلون اتابع الفيزا عن طريق او السفاره الامريكيه
• العمل بـتأشيره الزياره
• استفسار بالنسبة لرسوم السفرة
• يا قاتل يا مقتول
• ابحث عن رحلة مع قروب في كاليفورنيا
• من منكم ذهب الى نيويورك ارجو المساعدة رجاءا وجزاكم الله الف خير
• ذهاب وعوده
• سان فرنسسكو الله يسترعليكم
• محتآأإأآرهـ محتآأإجه آرائكم

بالتوفيق ان شاء الله وراح تستلمها خلال اسبوعين بأذن الله

ألف ألف مبروك الزواج القادم إن شاء الله..

وجمع الله بينكما في خير...

شكرا لمشاركتنا تجربتك في أهم خذوة للوصول لأمريكا وهي التقديم على الفيزا...

أن شاء الله تستلمون الفيزا قريبا وتبشرنا...

بس لي رأي أا سمحت لي بالتدخل

12 يوم على أمريكا قليل جدا..ما يمدي الواحد يريح من السفر إلا قالوا له قوم سافر وارجع

موفق يارب

الله يوفقكم ويسعدكم ياغالي ,
والف شكر لك على المعلومات ,
واعذرني جداً بالتأخر بالرد عليك على استفسارك أخوي ,
ان شاء الله الليلة تلقي رد شافي وافي ,
وعذراً مرة اخري ,
تقبل احترامي وتقديري , , ,

المشاركة الأصلية كتبت بواسطة ساري الظلام
http://www.arabtravelersforum.com/tr...1/#post6810291

بالتوفيق ان شاء الله وراح تستلمها خلال اسبوعين بأذن الله

تسلم اخووي ساري الظلام ما قصرت على مروورك الكريم

و ربي يسمع منك انشالله

المشاركة الأصلية كتبت بواسطة قطرية كول
http://www.arabtravelersforum.com/tr...5/#post6811045

ألف ألف مبروك الزواج القادم إن شاء الله..

وجمع الله بينكما في خير...

شكرا لمشاركتنا تجربتك في أهم خذوة للوصول لأمريكا وهي التقديم على الفيزا...

أن شاء الله تستلمون الفيزا قريبا وتبشرنا...

بس لي رأي أا سمحت لي بالتدخل

12 يوم على أمريكا قليل جدا..ما يمدي الواحد يريح من السفر إلا قالوا له قوم سافر وارجع

موفق يارب

يبارك فيج الرحمن اختي قطرية و ربي يعطيج العافيه على مشاركتج الطيبة ،

اما بالنسبة حق الفتره انه ادري انها قصييره واايد و انه ودي اطولها اكثر بس ظروف عمل زوجتي ما تسمح الا لاسبوعين فقط ، لكن ان شاء الله نعوضها بسفرة ثانيه بعد فتره و ناخذ راحتنا فيها بشكل اكبر ..

تسلمين اختي مره ثانيه ولا تحرمينا من طلتج

المشاركة الأصلية كتبت بواسطة waleed8818
http://www.arabtravelersforum.com/tr...9/#post6811349

الله يوفقكم ويسعدكم ياغالي ,

والف شكر لك على المعلومات ,
واعذرني جداً بالتأخر بالرد عليك على استفسارك أخوي ,
ان شاء الله الليلة تلقي رد شافي وافي ,
وعذراً مرة اخري ,

تقبل احترامي وتقديري , , ,

تسلم اخوي وليد على مروورك على موضوعي البسيط والمتواضع

وهاي ولا شي بالنسبة حق المعلومات الي قدمتها ومازلت تقدمها حق اخوانك وخواتك الاعضاء في البوابة ومشورتك بكل رحابة صدر وطولة بال ، لان اللي قاعد تسوية للاعضاء ان دل فيدل على حسن اخلاقك ورقيك وحب الخير للغير ..

ف انه اللي اشكرك اخوي على اللي قاعد تسوية لي ولباقي الاعضاء

ربي يعطيك العافيه

السلام عليكم
والله موضوعك كتبته بوقته لان احنا مقابلتنا بعد يومين وحابة اسألك كم سؤال عشان اروح متطمنه ان مانسينا شي وخصوصا اني احس انا تأخرنا بس الله يسهل لنا ان شاءالله ومايتأخر شهر عسلنا

- اولا : بالنسبة للموعد هل موعد واحد كافي لي ولخطيبي ؟؟ لاني قرأت البعض كانو كاتبين ان موعد واحد كافي للعائلة كاملة بس المهم كل فرد يكون له نموذج 160 منفرد ،، لان انا لحسن حظي حصلت موعد واحد فقط في هاليوم واخذته باسم خطيبي
- ثانيا : الاوراق المطلوبة ورقة الباركود مالت النموذج 160 وورقة تأكيد الموعد + كشف حساب للآخر 3 شهور وعقد العمل + الصور
هل في ااوراق مطلوبة غير اللي ذكرتها ؟؟ وهل لازم نطبع نموذج 160 كامل ؟؟

اتمنى تجاوبني على اسئلتي وان شاءالله ماكون ثقلت عليك بالاسئلة

المشاركة الأصلية كتبت بواسطة town-sara
http://www.arabtravelersforum.com/tr...9/#post6814179

السلام عليكم
والله موضوعك كتبته بوقته لان احنا مقابلتنا بعد يومين وحابة اسألك كم سؤال عشان اروح متطمنه ان مانسينا شي وخصوصا اني احس انا تأخرنا بس الله يسهل لنا ان شاءالله ومايتأخر شهر عسلنا

- اولا : بالنسبة للموعد هل موعد واحد كافي لي ولخطيبي ؟؟ لاني قرأت البعض كانو كاتبين ان موعد واحد كافي للعائلة كاملة بس المهم كل فرد يكون له نموذج 160 منفرد ،، لان انا لحسن حظي حصلت موعد واحد فقط في هاليوم واخذته باسم خطيبي
- ثانيا : الاوراق المطلوبة ورقة الباركود مالت النموذج 160 وورقة تأكيد الموعد + كشف حساب للآخر 3 شهور وعقد العمل + الصور
هل في ااوراق مطلوبة غير اللي ذكرتها ؟؟ وهل لازم نطبع نموذج 160 كامل ؟؟

اتمنى تجاوبني على اسئلتي وان شاءالله ماكون ثقلت عليك بالاسئلة



الله يهنيكم يارب ويجمعكم ان شالله العمر كله

عن الموعد اختي لازم كل نموذج 160 له موعد بروحه انه خذيت موعد لي وموعد ثاني حق زوجتي بس نفس اليوم ونفس الوقت ويوم دخلت السفارة عطيت الموظف اللي يتأكد من الاوراق الموعدين مع بعض والاوراق بعد مع بعض ، عشان لين ينادونه حق المقابله نكون مع بعض وهاي اللي صار .

و السؤال الثاني اختي الاوراق المطلوبه من السفاره اهي :

1- الموعدين.
2- نوذج تعبئة 160 ( بس الباركود ما يحتاجون الاجابات كلها ) مالج ومال خطيبج.
3- الجوازين الحالي والقديم ( القديم بس احتياط لان ساعات يسألون عنه وعشان ما يرجعونكم على ولا شي ).
4- كشف حساب 3 اشهر يكون فيه مبلغ كافي لتغطية رحلتكم ( كشف حساب خطيبج بس انتي ماله داعي ).
5- شهادة راتب من العمل ( موضح فيها الراتب + تاريخ بدأ العمل ) اذا كنتي موظفه انتي بعد .
6- اذا كان خطيبج عسكري شهاده عدم ممانعه من الجهه اللي يشتغل فيها .
7- الصور 5*5.
8- الحجوزات ( تذاكر الطيران + السكن ) هاي مو اجباري بس يفضل انج توديهم معاج عشان يمشون الفيز اسرع ويتأكدون انكم راح تردون .

وحياج الله اختي اي وقت وانه حاضر حق اي استفسار

مشكوور اخوي وماقصرت على ردك المفصل

انا حاليا عندي مشكلة ياليت اللي يعرف شاسوي يساعدني
انا حجزت موعد حقي بنفس اليوم بس الوقت كان غير ،، وقتها كنت شابكة في الايباد فماطبعت الكونفرميشن للموعد وسيفت اللينك عشان ابطله مرة ثانية بس لما فتحته تبطلت لي الصفحة الرئيسية ،، مليت استمارة ds-160 جديدة عشان احجز موعد مرة ثانية ولكن على الرغم من اختلاف الباركود الا انه يقولي ان انا عندي حجز و لتغييره لازم ادخل رقم الكونفرميشن اللي ماطبعته
شنو الحل الحين ؟؟؟ شلون ممكن احصل على هالرقم ،، لان حتى لو تغير الباركود ماقدر احجز موعد ثاني لان بياناتي ورقم الجواز نفسه
هل راح يقبلوني اذا طبعت الصفحة اللي تبين ان انا عندي موعد لان يبين فيها الوقت واليوم

المشاركة الأصلية كتبت بواسطة town-sara
http://www.arabtravelersforum.com/tr...3/#post6817793

مشكوور اخوي وماقصرت على ردك المفصل

انا حاليا عندي مشكلة ياليت اللي يعرف شاسوي يساعدني
انا حجزت موعد حقي بنفس اليوم بس الوقت كان غير ،، وقتها كنت شابكة في الايباد فماطبعت الكونفرميشن للموعد وسيفت اللينك عشان ابطله مرة ثانية بس لما فتحته تبطلت لي الصفحة الرئيسية ،، مليت استمارة ds-160 جديدة عشان احجز موعد مرة ثانية ولكن على الرغم من اختلاف الباركود الا انه يقولي ان انا عندي حجز و لتغييره لازم ادخل رقم الكونفرميشن اللي ماطبعته
شنو الحل الحين ؟؟؟ شلون ممكن احصل على هالرقم ،، لان حتى لو تغير الباركود ماقدر احجز موعد ثاني لان بياناتي ورقم الجواز نفسه
هل راح يقبلوني اذا طبعت الصفحة اللي تبين ان انا عندي موعد لان يبين فيها الوقت واليوم

حياج الله اختي أي وقت

اما بالنسبة حق سؤالج الثاني اختي ترا رقم الباركود اهو نفسة رقم نوذج 160 اللي عبيتيه أول مره ما يفرق كلش ( لان كل نموذج لة رقم بروحه يتكون من أرقام وحروف )، وعشان تغيرين الموعد لازم تدخلين رقم الباركود إللي اهو في الاساس رقم النموذج اللي عبيتيه مع رقم الجواز و راح تنفتح صفحة المواعيد عشان تغيرين الموعد حسب اللي يناسبج اختي.

السلام عليكم ..
الحمدلله تمت مقابلتنا بس قاعده احاتي بالنسبة حق فيزا خطيبي =(
باكتب شصار معانا وشنو قالت لنا و بغيت اعرف هل نفس الحجي قالوه لك .. اسمحلي اخوي مب فضول مني بس حابة اتطمن لان نبي نحجز قبل لاترتفع الاسعار علينا
احنا بعد الحمدلله الموظفة كانت بشوشه وسالفت وظحكت معانا يمكن نفسها لان احنا بعد نافذة 2 ،، بالنسبة لفيزتي قالت اوكي وعطتني الرصيد مع ورقة عشان استلمها يوم الاحد ان شاءالله اما خطيبي فقالت له انت راح تطول فيزتك بسبب الاجراءات وبعض الاعمال الادارية الروتينية وتاخذ من 4-6 اسابيع =( ورجعت له الجواز عشان احتمال ان يسافر وقالت بس نكمل بنتصل فيك ونطرش لك ايميل
هل نفس الشي صار وياك وقالت لك نفس المدة ؟!؟؟ حابة اتطمن

المشاركة الأصلية كتبت بواسطة town-sara
http://www.arabtravelersforum.com/tr...9/#post6828309

السلام عليكم ..









المشاركة الأصلية كتبت بواسطة town-sara
http://www.arabtravelersforum.com/tr...9/#post6828309

الحمدلله تمت مقابلتنا بس قاعده احاتي بالنسبة حق فيزا خطيبي =(

باكتب شصار معانا وشنو قالت لنا و بغيت اعرف هل نفس الحجي قالوه لك .. اسمحلي اخوي مب فضول مني بس حابة اتطمن لان نبي نحجز قبل لاترتفع الاسعار علينا
احنا بعد الحمدلله الموظفة كانت بشوشه وسالفت وظحكت معانا يمكن نفسها لان احنا بعد نافذة 2 ،، بالنسبة لفيزتي قالت اوكي وعطتني الرصيد مع ورقة عشان استلمها يوم الاحد ان شاءالله اما خطيبي فقالت له انت راح تطول فيزتك بسبب الاجراءات وبعض الاعمال الادارية الروتينية وتاخذ من 4-6 اسابيع =( ورجعت له الجواز عشان احتمال ان يسافر وقالت بس نكمل بنتصل فيك ونطرش لك ايميل
هل نفس الشي صار وياك وقالت لك نفس المدة ؟!؟؟ حابة اتطمن

هلا والله اختي أول شي مبروك على فيزتج ، وان شالله الدور حق خطيبج يارب

وتطمني اختي تقريبا نفس الكلام قالته لي في اجراءات روتينيه راح تاخذ وقت شوي وقالت لي من 4 إلى 6 اسابيع بس يمكن قبل بعد ..

بالتوفيق مقدما

أنا الوالد نفس حالتك بعد

بس بشر استلمت ولا ليحين ؟

السلام عليكم ؛ انا موضوعي نفسج ساره زوجتي عطوها عقب يومين من الموعد في السفاره وكان الموعد تاريخ اعتقد 6-5-2012 وانا ؤجعوا الجواز وقالولي نفس الكلام الله كريم انشالله وانا موعد سفرتنا انشالله اذا الله كتب لنا انشالله تاريخ 1-7-2012 علي طيران الامارات -لوس انجلوس

المشاركة الأصلية كتبت بواسطة Bnt il Gbayel
http://www.arabtravelersforum.com/tr...9/#post6887629

أنا الوالد نفس حالتك بعد

بس بشر استلمت ولا ليحين ؟

ربي يعطيج العافيه على الرد

أما عن سؤالج فالحمد لله امس طرشولي السفارة ايميل يخبروني فيه ان فيزتي جاهزة

وكان نص الايميل كالتالي :

Greetings!!!

The administrative processing for your US Visa is now complete. Please drop off your passport to the consular section at the US Embassy at the following times. Anyone can drop off the passport for you. If you delay in dropping off your passport, your application may require more time (possibly many more weeks) for additional administrative processing.

وكاتبين لي التاريخ اللي اودي فيه الجواز ومتى استلمه
مقابلتي كانت بتاريخ 11-4-2012 و كان ردهم امس يعني ما يقارب ال6 اسابيع تقريبا مثل ما قالتلي الموظفه اللي سوت المقابلة
الفال لكم ان شاء الله بس لاتنسين اختي تراجعينهم وتطرشين لهم ايميل بين فتره والثانيه عشان اهمه بعد يحسون انج متابعه السالفه مو مخليتها على الحظ وهاي اللي كنت اسويه كل اسبوعين تقريبا اطرش ايميل اسال فيه عن وضع الفيزا ووين صارت

وبالتوفيق للجميع

المشاركة الأصلية كتبت بواسطة makarkshum2012
http://www.arabtravelersforum.com/tr...9/#post6918549

السلام عليكم ؛ انا موضوعي نفسج ساره زوجتي عطوها عقب يومين من الموعد في السفاره وكان الموعد تاريخ اعتقد 6-5-2012 وانا ؤجعوا الجواز وقالولي نفس الكلام الله كريم انشالله وانا موعد سفرتنا انشالله اذا الله كتب لنا انشالله تاريخ 1-7-2012 علي طيران الامارات -لوس انجلوس

كلنه نفس الشي اخوي لان هاي الاجراءات اللي يسونها في سفارة البحرين يالغالي ،

بس انت بعد مثل ما قلت حق الاخت فوق طرش ايميل تسال عنه شصار ووين وصلت الاجراءات حتى لو تدري انها ما برزت بس على الاقل يحسون انك متابع وياهم واذا تبي الايميلات اللي طرشتها للمتابعه قولي و بطرشهم لك اخوي

انه سفرتي راح تكون بتاريخ 29/6/2012 يعني قبلك بيومين وانشالله فيزتك راح تجهز بس لا تفقد الامل لانك مقدم متاخر شوي ف الفيزا بتتاخر اتوقع لي اخر شهر سته تقريبا

واتمنى انك عطيتهم تفاصيل رحلتك مع موعد السفر لان ساعات القنصل يتساعد وياك في هالموضوع ويسرع فيها شوي .

بالتوفيق اخوي

سلام عليكم إخواني وأخواتي اتمنى كلكم تتيسر أموركم وتطلع ألفيزا لكم
ما شاء الله هنا لسنه في بحرينيون رايحين امريكا وانا بعد رائحة تاريخ 7/6
بالسلامة للجميع والله يسهل أموركم
أنا من الللعاام طلعها الفيزا أنا وزوجي وطبعا زوجي نفس حالاتكم طولت لزوجي بس عطونا بعدين

هلا والله الوحيد مبروووك الفال لنا انشالله -الوحيدزممكن تعطيني الايميل مالهم والصيغه شنو اكتب فيها لهم علاشان يسرعون فيها ممكن تفيدني -مشكور

المشاركة الأصلية كتبت بواسطة ام يوسف22
http://www.arabtravelersforum.com/tr...9/#post6920859

سلام عليكم إخواني وأخواتي اتمنى كلكم تتيسر أموركم وتطلع ألفيزا لكم
ما شاء الله هنا لسنه في بحرينيون رايحين امريكا وانا بعد رائحة تاريخ 7/6
بالسلامة للجميع والله يسهل أموركم
أنا من الللعاام طلعها الفيزا أنا وزوجي وطبعا زوجي نفس حالاتكم طولت لزوجي بس عطونا بعدين



شكرا على مرورج اختي
وان شاء الله الكل تتيسر امورة مثل ما قلتي
اما عن سفرتج فتروحين و تردين بالسلامه ان شاء الله
وهالله هالله بالتقرير عقب الرده

المشاركة الأصلية كتبت بواسطة makarkshum2012
http://www.arabtravelersforum.com/tr...1/#post6921531

هلا والله الوحيد مبروووك الفال لنا انشالله -الوحيدزممكن تعطيني الايميل مالهم والصيغه شنو اكتب فيها لهم علاشان يسرعون فيها ممكن تفيدني -مشكور

يبارك فيك الرحمن يالغالي الفال لك تحصلها وترتااح ان شاء الله
بالنسبة حق الايميل اخوي اللي قابلك كان المفروض يعطيك ايميله مال الشغل عشان اتابع مع اللي قابلك اما اذا ما عطاك راسلهم على ايميل السفارة العام وهو:

ManamaConsular @ state . gov

مع مراعاة حذف المسافات لان مومسموح لي ادخل اي لنك

اما عن الايميل اخوي فمافي ايميل يسرع العمليه لكن مجرد متابعه التأشيره عشان الموظف يعرف انك متابع معاه لا اكثر ..
وهاي الايميل الاول اللي طرشته واذا بغيت الباقي انه حاضر اخوي

good afternoon ,

i came to the interview at 11/04/2012 with my wife, she has her visa already, but you told me that it will take about 4 to 6 weeks for my visa , and maybe less than that period.

i just want to ask you about my visa, is it still under processing until now or its ready?

and if it not ready yet do you think it will take a long time because i began to worry about it ?




my information :

name : Your name
Date of birth : 01/01/1900
Passport N# : 1111111
Date of issue : 01/01/19000
Date of Exp. : 01/01/1900

thank you for your concern

Your name

واي استفسار انه حاضر الغالي

الوحيد ؛ اخوي طرشت لهم اول شي ايميل وردوا طرشولي ان في شي خطاء من الي ارسلتة ورديت طرشت ايميل علي نفس الي انت كاتبه بس علي اسمي -- الي بسالك ياه هل يردون يطرشون شي عن الي ارسلته او شنو الي يخليني اتاكد ان وصلهم الايميل الي انا ارسلتة لهم شكرا

الوحيد بعد ردوا طرشولي ماعرف يعني شنو يقصدون ممكن حد يفهمني انا مطرش ايميل لهم ونفس طريقه الوحيد يردون يطرشولي هاي الكلام ممكن حد يفيدني
ATT00001 (0.3 KB)
No Subject.eml (3.8 KB)
This is an automatically generated Delivery Status Notification.

Delivery to the following recipients failed.

mailto:[email protected]





--Forwarded Message Attachment--

To: mailto:[email protected]
Subject:
Date: Thu, 31 May 2012 02:58:51 +0300

المشاركة الأصلية كتبت بواسطة makarkshum2012
http://www.arabtravelersforum.com/tr...5/#post6947435

الوحيد بعد ردوا طرشولي ماعرف يعني شنو يقصدون ممكن حد يفهمني انا مطرش ايميل لهم ونفس طريقه الوحيد يردون يطرشولي هاي الكلام ممكن حد يفيدني
ATT00001 (0.3 KB)
No Subject.eml (3.8 KB)
This is an automatically generated Delivery Status Notification.

Delivery to the following recipients failed.

mailto:[email protected]





--Forwarded Message Attachment--

To: mailto:[email protected]
Subject:
Date: Thu, 31 May 2012 02:58:51 +0300



صباحك خير يالغالي
اعتقد اخوي سبب هالرساله اللي وصلتك انك اول شي مطرش الايميل بدون عنوان ( Subject ) وهاي اكتب فيه أي شي مثلا ( visa ) أو اي شي ثاني المهم عنوان
وثاني شي أعتقد انك مدخل الايميل غلط
[email protected]
هاي الاميل اللي انت مطرش عليه اتوقع
[email protected]
وهاي الايميل الصحيح

اتمنى ترد اتطرش لهم ايميل ثاني وتتأكد من ان المعلومات صحيحة و تغير تاريخ المقابله اللي فوق لي تاريخ مقابلتك وان شاء الله خير ..

This is an automatically generated Delivery Status Notification.

Delivery to the following recipients failed.

mailto:[email protected]

كتبت عنوان ونفس الرد ياني والايميل الي طرشته لهم نفس الايميل الي انت حاطه بس الرد ايني من هالايميل mailto:[email protected]

المشاركة الأصلية كتبت بواسطة makarkshum2012
http://www.arabtravelersforum.com/tr...9/#post6947789

This is an automatically generated Delivery Status Notification.

Delivery to the following recipients failed.

mailto:[email protected]

كتبت عنوان ونفس الرد ياني والايميل الي طرشته لهم نفس الايميل الي انت حاطه بس الرد ايني من هالايميل mailto:[email protected]



تم الرد على الخاص

توني مطرش ايميل علي هاي العنوان mailto:[email protected] ونشوف الرد الله كريم انشالله

Attachments, pictures and links in this message have been blocked for your safety. Show content
ATT00001 (0.3 KB)
visa.eml (3.8 KB)
This is an automatically generated Delivery Status Notification.

Delivery to the following recipients failed.

mailto:[email protected]

وهاذا الرد الي يردون علي



--Forwarded Message Attachment--
From: طرشولي ايميل
To: mailto:[email protected]
Subject: visa
Date: Sun, 3 Jun 2012 02:40:46 +0300

-----------------------------------------
good morning ,
i came to the interview at 6/5/2012 with my wife, she has her visa already, but you told me that it will take about 4 to 6 weeks for my visa , and maybe less than that period.
i just want to ask you about my visa, is it still under processing until now or its ready?
and if it not ready yet do you think it will take a long time because i began to worry about it ?
my information :
My name:
Date of birth :
Passport N# :
Date of issue :
Date of Exp. :
طبعن هاي الرساله الي ارسلتها لهم وردوها لي

ممكن حد يفهمني شنو يقصدون

معنى الرسالة فشل تسليم الايميل و هذا راجع الى ان الايميل خاطئ

المشاركة الأصلية كتبت بواسطة makarkshum2012
http://www.arabtravelersforum.com/tr...5/#post6955705

ممكن حد يفهمني شنو يقصدون

صباح الخير
اللي يقصدونه اخوي ان الايميل غلط !!!!!
مع ان هذا اهو الايميل اللي موجود في موقع السفارة في البحرين !!

انزين اخوي انه طرشت لك ايميل ثاني ع الخاص جربت و طرشت له ولا ليلحين ؟؟

لان الايميل اللي طرشته مال نائبة القنصل واهي نفسها اللي سوتلي المقابله وكان كل تعاملي معاها من ناحية الاستفسارات مثل ما قلت لك قبل ،
طرشلها و يمكن تقدر تفيدك في شي ..

من 6-5-2012 الي تاريخ اليوم 19-6-2012 ماعطوني فيزا من السفاره الامريكيه في ( البحرين )