+ الرد على الموضوع
النتائج 1 إلى 5 من 5

الموضوع: اماكن الصيد بالشرقية الدمام الأحساء الجبيل القريةسنير

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    اماكن الصيد بالشرقية الدمام الأحساء الجبيل القريةسنير


    حبيت ان اطرح لكم اليوم موضوعي اللي أتمنى أنه يحوز على رضاكم واتمنى الفائدة لأهل الشرقية والخليج واللي حاب يزور المملكة ويشرفنا

    أماكن الصيد في المنطقة الشرقية وسوف أطرح لكم بعض من الأماكن التي تخص منطقة الدمام والأحساء والجبيل والقرية (سنير )

    منطقة الدمام
    1- أمام مناطق السفن وقبل الفانتايم (ليالينا ) او مايمسى مطعم ليالينا تتعدى مركز سلاح الحدود وتواجهك مظلات هناك الصيد وفير والبحر عميق ووقت بعد الفجر وعند الغروب وبآخر الليل فيه صيد وفير مثل الشعوم والقرفان والسبيطي بس السبيطي لازم ترمي بعيد تقريبا 30 متر أنت ومكينتك والعصا يفضل تكون فوق 3 امتار مثلا 4 ونص هذا بالنسبة للسبيطي وبعدين السبيطي يحتاج له صبر واللي عليك انك تشك له ميده وتصلخها من فوق الظهر لحط ماتوصل لحد الذيل علشان تطلع زفرتها ويشمها السبيطي من بعد أو انك تحط سلس صغير يعني أفضل أنك ترز لك خيطين واحد فيه ميده طازجه والثاني فيه سلس لأن السبيطي له مرعى خاص يعني مره يضرب على ميده ومره سبيطي ومره جواف وفيه مشوه وفسكر لكن نادر الفسكر والرزق اذا جا ماحد يقدر يرده بالنسبة للطعم تاخذ معك ربيان وتنشفه تقشره وتتركه الى ماينشف وبعدين تصيد فيه تتركه في الهواء طبعا بس انتبه للقطط ميو ميو ههههه واستخدم الخثاق قطعه صغار وصيد فيه وخل راس الخثاق للسبيطي او الشعوم الكبار

    2- وسط جزيرة المرجان اللي قدام قرية الدولفين وفيها ايضا صيد وفير من شعوم وغيره وهناك المنطقة حجرية

    3- بداية طريق السفن من البداية عند الاشارة الضوئية تنزل تحت وتصيد تلقى حصاه بيضاء كبيره عند الرمل هناك بعد فيه صيد وفير من عريضي وغيرها من السمك بس المنطقة هاذي يعيبها ان يجيك وقت وتلقى الشم مسوي زحمة لك كل ماترمي السنارة تلاقي شم في اللحظة ايش الحل هو انك تروح قدام عند المحل اللي ذكرتة في الفقرة رقم 1

    4- تجيك دخله حق مطعم ليالينا تدخل معها وتروح قدام وتلقى حديدتين صفراء حواجز نفس حق السكرتيه وفيه العمود طبعا تلقاها فاتحه على طول تدخل مع الدخله اللي على يمينك وتروح داخل في بداية الشاطىء مشهور المكان هذا بثلاث انواع من السمك وهم اللخمة والضلعة والشعري بس الشعري يبيله رمي بعيد ووقت الشتاء يطلع الكنعد بس يبيله قوة هناك يعني الضعيف لايروح علشان ماتجره السمكه هههه
    أما لو حاب تروح قدام لازم عندك سيارة جيب دبل علشان الطعوس لأن فيه طعوس حتى بالسيارة الصغيرة تدخل لكن بسرعه وتخفف من هواء التواير هناك معروفة بالشعري لأنها منطقة رملية
    وفي هالمنطقة ناس صادوا في عام 2004 كنعد كبير والسنة هاذي 2007 قابلت لي مجموعة من الشباب وقالوا لي ان المنطقة هاذي قبل يومين ناس صايدين فيها كنعد صغير والآن موسم الكنعد لأن الشتاء قريب

    ملاحظة أخيرة وهامة جداً ويهمني ماأكون أناني وأعلمكم بس دعواتكم لي الله يرضى عليكم في الشهر هذا تاريخ 20/10/1428هـ ركزا معي موسم صيد وتكاثر السبيطي والهامور طبعا الهامور يحتاج منطقة حجرية عميقة ويفضل يكون المكان في عمق يعني ترمي قريب منك تحتك بين الحصى لأن هذا مكان الهامور وبالنسبة للسبيطي لإمره بسيط لأن السبيطي يعيش في المناطق المتوسطة العمق يعني أرمي سنارتك على بعد مايقارب 20 متر أنت ورميتك والرمي الصحيح لابد يكون على ورى ويفضل السنارة 4 أمتار او 4 ونص بس السبيطي يحتاج صبر واللي مايصبر يجلس في بيته أعتقد أني كفيت ووفيت بالشرح

    منطقة الأحساء
    العقير وفيه منطقة أمام مبنى المدرسة القديم داخل شوي تلقى لك السبيطي هناك بس يبيله هدوء ومعروفين اهل الاحساء مع احترامي لهم بالازعاج لما يجون العقير يعني الصيد بعد الفجر او آخر الليل بس النوم هناك مشكله يعني يحتاج لحذر لأن فيه دواب كثير يعني اللي ماعنده خيمة يجلس مكانه ولا يروح

    منطقة قريبة عند المظلات الجدد معروفة بالسمك الأحمر طبعا له موسم وبصراحه مااعرف موسمه لكن السمك الاحمر ممتاز وشكله اكثر من رائع المكان لما تدخل الملف حق المظلات الجدد تقابلك عدة لفات تقريبا 4 لفه تدخل معها ولا اقول لكم بصراحه ماابغى اضيعكم لأني مااعرف اوصف المكان هذا الا لما اروح اعرف طريقي

    منطقة الجبيل
    منطقة التحلية لكن المشكلة اذا ماتعرف لك احد ولا ماتقدر تدخل لأنها منطقة سكنية وفيها والله صيد بالهبل فيها فسكر كبار وشعري وسبيطي واللي يحبه قلبك بس المشكلة اذا ماعندك موظف هناك ولا مافي فايدة ووقت الصيد تقريبا في كل وقت لأن التحلية فيها مكاين والمكاين ترجع السمك ويجي على جهتك وانت تصيده ماابغى منكم غير الدعوة لطفلي المريض بالمستشفى ولكم تحياتي

    شاطىء القرية (السنير خاص للأمريكان)
    القرية فيها صيد والله ياشباب ماحد يتصورة واسألوني عن الصيد هناك كل رميه بنوع أي والله صدنا فيها سمك أسمها عنفوز شكلها أسود وفيها أصفر مثل أسماك الزينة لاتخافون مو فسكر بس عليها سحب مو صاحي وصدنا فيها فسكر ومشوه ومزيزي وخوفعه وكثير من الانواع المشكله عمقها مايقارب 5 أمتار يعني السباحة العمق تشوفه عينك عينك والبحر صافي ماشاء الله وفيها مظلات تجلس فيها وانت تصيد شعنده الأمريكي وفيها الهوامير ترمي تحتك وتلقى خير موقعها تبعد عن محافظة بقيق ب 40 كيلو بس المشكلة اذا ماعندك واسطة تعرف سكرتي بأرامكو والا اغسل يدك تدخل واللي حاب يدخل وماعنده واسطة يراسلني خاص وأطلع معه ونسوي تحدي

    باقي الاماكن بصراحه ماتحضرني لكن اذا ذكرتها راح اضيفها بالموضوع والحقوق محفوظة يعني اللي ينقلها لمنتدى ثاني تراها في ذمته لأن الموضوع والله تعبت فيه وأنا اكتبه يجي واحد بكل برود وينقل الموضوع لمنتدى ثاني
    وأخيرا وليس آخراً أتمنى أني وفقت في شرحي ووصفي للأماكن اللي تبحثون عنها

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: اماكن الصيد بالشرقية الدمام الأحساء الجبيل القريةسنير

    حبيبي ولد الهفوف كلامك معقول وتشكر عليه

    لكن السبيطي قبل افاانتايم والكنعد عند المرجان قدام قرية الدلفين ما دخلت مزاجي ياولد الهفوف

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: اماكن الصيد بالشرقية الدمام الأحساء الجبيل القريةسنير

    الصراحه موضوعي منقول

    يابومحمد

    وهذا صيد في العقير حواقيل

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: اماكن الصيد بالشرقية الدمام الأحساء الجبيل القريةسنير

    مدام منقول ليش ما تكتب منقول عادي ما في مشاكل

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: اماكن الصيد بالشرقية الدمام الأحساء الجبيل القريةسنير

    اشكر مروركم

    فنادق عطلات


+ الرد على الموضوع

المواضيع المتشابهه

  1. رحلات غوص بالشرقية
    بواسطة Robot في المنتدى بوابة الرحلات البريه و البحرية مكشات
    مشاركات: 33
    آخر مشاركة: 12-31-2016, 07:21 AM
  2. هل الطريق من الدمام الى الأحساء سالك؟
    بواسطة Robot في المنتدى بوابة السفر إلى الإمارات U.A.E
    مشاركات: 1
    آخر مشاركة: 02-03-2015, 04:08 AM
  3. طريق الرياض خريص الأحساء قطر بالصور من عسل
    بواسطة Robot في المنتدى قطر العرب المسافرون دليلك السياحي في قطر
    مشاركات: 47
    آخر مشاركة: 01-21-2015, 06:43 PM
  4. مسجد جواثا الأثري في الأحساء
    بواسطة Robot في المنتدى بوابة السفر إلى السعودية
    مشاركات: 10
    آخر مشاركة: 01-15-2015, 12:42 AM
  5. الأحساء و العلا ترحب بكم
    بواسطة Robot في المنتدى البوابة السياحية
    مشاركات: 0
    آخر مشاركة: 01-12-2015, 12:06 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X