مساء الخير اخواني وأخواتي الاعضاء ودي احذركم من شيء حصل معي وما ادري هل الموضوع سبق وطرح او لأ ......ولله الحمد اكملت اجراءات الحجز الى امريكا هذا الصيف وحجزي على الخطوط السعودية بدرجة البزنس قبل اربعة ايام تفاجأت باتصال على جوالي المسجل بنفس الحجز واذا بشخص يعرض علي ترفيع درجة سفري من البزنس الى الاولى بنفس سعر البزنس على ان الغي حجزي وادفع السعر له كاش بتحويل بنكي طبعاً العرض مغري ولكنه بنفس الوقت غير منطقي ابداً سألته وانت تتكلم معي بأي صفة قال حنا شركة سفريات ناخذ خصم من الخطوط السعودية وايضاً هذا غير منطقي ابداً قلت وتعاملكم بس مع الخطوط السعودية قال ايه السعودية بس لان بيننا اتفاقية مالكم بالطويلة انا حبيت اعرف الطريقة وشلون تصير عطيتة اسمي واسم المرافقين معي بالسفر وغيرت بالأسبلينق عشان لا يأثر على حجزي الاول وتعجبت من اصرارة لا تدفع ريال لين تجيك التذاكر على الايميل وتاكد من الخطوط وبعدين حول المبلغ قلتله ولنفرض اني ما حولت قالي ابد راح نلغي الحجز وينتهي الوضع وفعلا وصلني بالايميل الحجز الجديد مع ارقام التذاكر والمبلغ المدفوع حسب السعر الاساسي للدرجة الاولى على السعودية تقريباً 18 الف ريال شيكت على الحجز اون لاين ولقيتة صحيح 100٪ تدرون وين الكارثة !!!!!!! الدفع تم ببطاقه فيزا صادرة من دولة خليجية مجاورة وضحت الامور الان بطاقات إذتمانية مسروقة وانت المسافر الي تروح بين الرجلين ببساطة لانك انت المستفيد من هذة العمليات خدمات هالشخص تشمل كافة محطات السعودية الدولية والداخلية ويركزون على التذاكر الغالية بزنس واولى لانها اربح بالنسبة لهم ..... حبيت انبهكم لهالمعلومة لانها ممكن تحول رحلة سياحية الى مآساة بكل ماتعنية الكلمة من معنى . لكم كل التحية والتقديرمواضيع عشوائيه ممكن تكون تعجبك اخترناها لك:
- مكالمات امريكا
- فنادق لــ أسبوعين في كالفورنيا
- هاااام جدا بخصوص نيويورك
- استفسار هام حجزت موعد على جوازي بعدين جددته
- موعد السفر
- تمت بحمد الله مقابلتي مع السفارة الأمريكيةالتفاصيــل
- سكن شهري في la
- إلغاء فيزا أمريكا
- صــــــــــــــــور من أمريكــــــــــــــــــــــــــــــــا بوسطن
- ساعدوني بجدول لمدينة نيويورك
- هل يمكن استخراج فيزا بدون تحديد موعد السفر
- يااااااااا حاملي الجواز الامريكي كذا صار لي يوم قدمت على استخراج الجواز
- أفضل موقع لحجز السيارات في امريكا
- سؤال مطار واشنطن دالاس
- ابشركم استلمن جوازي الاخ امباكت ضروري
- كثرت الاسئلة وتعددت الاجوبة ومالها بعد اللة الا
- محتاجة مساعدة ضروري
- ماذا بعد نيويورك
- ارجو الافادة ضروري ۔ السفر قريب
- المره الأولى الذهاب لأمريكا وابي مساعدتكم يااخوان
المفضلات