مســــــــــــــــــــــــــــاء الخــــــــــــــــــــــــــــــــير
مرااااااااحب
هذا مشواري وطلعتي لفيضة على طريق أم رضمة في الشتوية الماضية وهالمشوار قطعت فيه تقريبآ 435 كلم
انا خابر الفيضة من سنوات وانها ما شاء الله دايم تربع لكن هالسنة ربيعها ما هو الربيع اللي انا خابره عنها
بس الحمد لله المشوار والتعب ما راح بلوشي والفيضة فيها شوية ربيع ومنظرها يسر الخاطر
مع انه فيه فياض وراء هالفيضة افضل واحسن ربيع بس كانت مشكلتي ان السيارة ما تساعدني اني اروح لها
سبحان الله
من يتوقع ويقول انه وراء هالحزوم فياض وربيع ومناظر تشرح الصدر
لما وصلت للفيضة لقيت فيها حلال
رحت للراعي وسألته عن كفيله راعي الحلال قالي ما هو فيه
لأني بصراحة اريد استأذن منه بالجلوس فيها
وللمعلومية
اكثر راعين الحلال هذي طريقتهم من يشوف له طرف عشب بدأ ينبت بأي فيضة طق خيمته عندها وجاب غنمه
وبهالحالة ينقال عنه انها حاميها يعني صارت له ههههه
وللأسف ان البعض من راعين الحلال ما يخلون احد يدخل ويجلس بالفيضة
ويمكن البعض سمع عن مشاكل صارت بسبب هالسوالف
والوكاد لما قلت للراعي الهندي اريد اجلس بالفيضة
قال لي فيه غنم
قلت له اي غنم تشوفني جاي بكامري وتقولي معك غنم
قال ما فيه مشكلة
قلت اكيد كفيل ما فيه مشكلة اذا شافني بالفيضة انت مسؤول
قال ما فيه مشكلة
وعلى قولة المثل ابعد عن الداب وشجرته او ابعد عن الشرير وخله يدندن لحاله
انا حبيت استأذن حتى اجلس بالفيضة وانا مرتاح وما يكون اللي حاميها راعي مشاكل ثم ادخل بمشاكل انا غني عنها
المهم اني جلست بطرف الفيضة حتى الراعي والغنم ياخذون راحتهم هههههه
وبدأ الشغل السنع الغداء اللي قطعت ومشيت مئات الكيلومترات عشان اسويه كخخخخخ
مواضيع عشوائيه ممكن تكون تعجبك اخترناها لك:
- القارب الدلفين عروض مائية ساحرة
- اسئلة عن رحلات الكروز البحرية
- التريبتك
- فرجو عني لله يفرج عنكم ؟
- اهل الخبره في الرحلات البحريه في مصر
- صناعة السمن
- رحلتي لصيـد سمـك الجـش
- الرعب في وسط الصحاري والقفار
- قافلة الصحراء عنوان فيلم وثائقي للرحلة العلمية الإستكشافية الشهيرة للربع الخالي
- تعلم كيف تعبئ فريون التكييف بنفسك
- رحلتنا للخفس ومحارق والتنهات وروضة خريم
- من البحرين إلى تونس برا
- الى محبي طلعت البراري
- الكشتة الأميز لروضة العوشز من النوخذة الأحسائي
- شئ من الماضي المساكر
- عبري روضة الخشم
- جلسة عشا في سيح الخرّار بصحية الأخيار
- استفسار عن القارمن ، الفئة بالتحديد
- جلســــــــــــــــــــة في النفــــــــــــــــــود صورة
- مشورتكم واقتراحاتكم وابتكاراتكم
المفضلات