http://www.tumaer.com/vb/t75277.html


مرحباً بكم في رحلة جديدة .. لم يكتب لها أي تخطيط كعادة الكثير من رحلاتنا ..
المــــــــهــنــــــــــــــــــــــد
كانت البداية .. قبل يومين من بدايتها عندما اتصل أبوعبدالله .. : هاه وش رأيك نوصل الرملة .. ؟؟
رديت عليه : معك لكن وين الربع ..
قال شف واحد وأبشوف لي واحد ..
يالله في أمان الله ..

من بكرة دقيت وسألته لقيت خوي قال إيه يالله ولم العزبة والعفش .. طيب وش أجيب وش أخلي .. قال أبد جب جنب من ضحيتكم وعزبة كشتة عادية ... وأهم شيء جركل بنزين ..

** بسم الله .. كانت البداية من هنا ..من مدينة تمير ومن مركز الصياد :



** للتزود بما قد نحتاج .. الأهم بما خف وزنه .. وصغر حجمه.. فكنت ليلة العيد على أبواب المركز ..



** ما شاء الله تبارك الله ...



** السكاكين السويسرية زينه وقوية .. عطنا منها ..



** الرماية مسوي له دعاية قبل العيد عن هالصفر والأوبينل ..



** من أهم الأشياء في الصحراء الدرابيل وقد حظينا بواحد ..



** فرشات الضو .. ما تأخذ محل ووذفه ..



** حتى السمط شكلها جديد ..



** المراكي تتضيق علينا..



** وداعاً للدوافير مع لواهيب الغضا ..



** ما يندرى هو حر أو برد .. مفارش نوم يمكن ما نحتاجها ..



** شطافات الماء مهمة للتوفير والاقتصاد في الماء ..



** تاوات الاستل استيل جاء لها حاجة زينة .. تشوفونها في التقرير ..



** السكري .. السكري .. الله يكفينا شره.. حلاوى بقر ..



** الكشافات قصيرة المدى .. يفضل استخدامها هناك ..



** وما يمنع واحد من هالكبار لو دعت الحاجة ..



**الثلاجات مالها لزوم .. أما الجراكل وش نختار ..؟؟



** مالها إلا هالجركل وعساه يكفي ..



** الجو بارد .. عطي الله جياك الصحة ..وداعاً يا كولمن ..!!



** خذنا أهم الأغراض اللي نحتاج لها .. من أواني منزلية ..



** ومن أجهزة اتصالات ..



** حتى المركايب ما خليناها .. لأنه يندر نلقى حصى هناك ..



** وفصلنا للمركابة جراب ..




** وتوكلنا على الله من عصر عيد الأضحى المبارك لعام 1431 وكانت الانطلاقة من مدينة تمير إلى الرياض 130 كيلو ومنها إلى الخرج ثم الخروج إلى نقطة التجمع في النفود قُبيل مركز حرض حيث كان المبيت لليلة الأولى ... وكان الجو بارداً بعض الشيء ..





** في الصباح وبعد فنجالاً من القهوة سلكنا طريق الرياض البطحا والذي يبلغ طوله أكثر من 500 كيلو وهو طريق سيء بعض الشيء وجاري العمل لازداوجه ..



** وصلنا إلى حرض .. وأخذنا مستلزمات الفطور وتزودنا من الوقود ..



** ثم شرعنا في السير بعض الوقت لنقف في مكان كان قد فاض علينا من الأجواء الضبابية ... نتيجة الأبخرة الهوائية ..



** وتجاوزنا طريق شيبه لنصل إلى منفذ الامارات مركز البطحا لنتزود بالتموين والوقود والتشييك على السيارات ..



** مركز سحاب ... مركز متكامل من المواد الغذائية ما شاء الله تبارك الله ...



مواضيع عشوائيه ممكن تكون تعجبك اخترناها لك: