مرحبا اخواني واخواتي بصراحه بغيت انقللكم تجربتي اليوم في السفارة الامريكيه في أبوظبي وبغيت أنبه الاخوان الي بيقبلون على تقديم الفيزا وانبهم
كان موعدي الساعه 9 ورحت الساعه 8 وبصراااحه نصيحه نصيحه الي يقدر يروح امبجر يكون افضل المهم كنت ماخذ ورقة الموعد الي هي بأسمي وعلى اساسه خذة زوجتي وخدامتي واوراق عيالي الي كلهم اقل من 14 سنه يوم رحت بصرااحه مذله وبهدله وقعده في الشمس يا أخي ذالينا واحنا في بلادنا بس يالله تحملنا يوم قالولي قوم بتدخل عشان تفتيش قالولي مايصير أدخل زوجتك ولا خدامتك قلتلهم ليش هم عايلتي قالو لا لازم كل واحد موعد حاولت حاولت بس مارضا السيكي الي عند الباب وبصراحه نرفزني بس الحمد الله اني مسوي احسابي ومسولهم موعد بعدي بيومين ولا لو الحين وين بلاقيلهم غير شهر 8 بس الحمد الله كن مسوي احتياط عقب ييت بدخل اوراق عيالي داخل رفضووووو اصدقووون 😳ليش يا ناس ياعالم انتو قلتو اقل من 14 سنه ما نيب العيال السفاره ليش مش راضين تاخذون اوراقهم قالو لازم تاخذ لكل ورقه موعد وبصراحه تنرفزت وضايقت وقلتلهم اعيالي صغار وين بلاقي موعد الحين غير شهر 8 مايصير انا ابوهم ومسؤل عنهم يعني ليش تعقدونها كفايه المدام ماطاعو يدخلونها المهم الهنديه كانت بصراحه متفاهمه ومشت عيالي وخذت الاوراق والحمد الله تيسرت
بس الي اريد انبهكم انه كل شخص موعد تفادي للغلاسه الي بتواجهك المهم موعد نفس اليوم مو مهم الساعه اذا كانت زوجتك 8 وانته 11 وعيالك 12 مو مهم المهم نفس اليوم الساعه ولا حد يسأل عنها بس بغيت افيدكم والله يوفق الجميعمواضيع عشوائيه ممكن تكون تعجبك اخترناها لك:
- فزعتكم عن جامعة رتشموند
- استفسار بخصوص الكى ثرى فيزا
- كالفونيا في نوفمبر وديسمبر
- ومنكم نستفيد واستحملونا
- مساعدة رفض طلب الفيزا ؟؟
- هل احلم ام يمكن تحقيق الحلم في الحصول على فيزا حتى نهاية شهر جولاي
- استفسار عاجل عن بيتسبيرغ، بنسلفانيا
- استفسار عن فنادق كاليفورنيا
- افضل الفنادق في راي الخبراء
- مسافرين الى امريكا بااجازة العيد ارجو المساعدة
- توضيح بخصوص الفيزا
- شرق الولايات مع
- اسعار التكاسي داخل مانهاتن
- رايكم في الخطوط المصرية للسفر لامريكا
- عاجل بنت الصقور والخبراء
- ضروووري جداً موعدي الاحد في السفارة ساعدوني
- ما هي افضل اماكن في كالفورنيا و واشنطن
- المعيشه في نيويورك منهاتن
- بنتي جوازها بينتهي شلون استفيد من الفيزة
- مساعدة في رحلة الصيف كاليفونيا
المفضلات