الموضوع: لجميع اللي سافرو لاندنوسيا ارجو الدخول

السلام عليكم جميعا
اولا اشكر جميع القائمين على المنتدى بما يعم من فوائد للجميع
اخواني انا مقبل على زواج وحجزت تذاكر لقضاء ايام العسل ببلاد العمه(اندنوسيا)
استفسرت كثير بس احس مخي ما جمع شي
انا بمشيئة الله بتكون عدد الايام 17 يوم مع يوم الذهاب ويوم العوده

مواضيع عشوائيه ممكن تكون تعجبك اخترناها لك:

• آحتآج مسآعدتكم للضروره آسعدكم الله
• إستفسار بسيط
• عاجل لاخبراء بونشاك ابي فزعتكم تكفون
• استفسارات عاجلة
• استفسارات متعدده حبيب مي
• مسافر جديد
• ضروري مافي وقت مسافر اندونيسيا
• السواق في جزيرة بالي باقي على رحلتي يومين فقط
• استفسار عن بالي في هذي الأيام
• استفسارات اندونيسيا
• فنادق رحلتي الى هونج كونج كوانزو شنقهاي
• فيدوني عن ميزات كل فندق يا خبراء اندونسيا
• ويش رأيكم ؟؟؟
• بخصوص السفر من من سنغافوره الى اندونيسيا
• استفسار لاهل الخبرة
• للترتيب سكن وموصلات في أندونيسيا
• استفسار الله يفرج لكم
• طلب العون
• اسئلة على الطاير
• اتمنى احد يساعدني مالي غير الله ثم انتم

وعليكم السلام


لاتشيل هم وتطمن ياغالي ان شاء الله بنفيدك بكل الي نقدر عليه


لكن ابغاك ماتنساني من دعواتك


شف ياغالي اتوقع انك اول مره تسافر وعادي تحصل امور التردد في المره الاولى وماهو شي جديد


مسألة المناطق والاماكن هذي تعتمد عليك لأن ممكن تعجبك منطقة ولكن انا ماتعجبني وكلن وجوه وهواه


يعني كمثال انا احب جزيرة بالي حتى مع العائلة لكن غيري مستحيل يروح لها بسبب كثرة الاجانب واللبس الخادش هناك


مدتك الصافية 15 يوم وكافية جداً لزيارة العمة



مدري بسألك كم سؤال وبعدها بنعرف وش تحب ونضبط امورك ان شاء الله


هل تحب الرحلات البحرية ؟


هل تحب التسوق والمجمعات ؟


هل مفكر تسكن في فلة وفيها بركة سباحة ؟ وتعيش جو الفخامة ؟


وش الي تكرهه ؟


بالنسبة لي اكره المتاحف والمناطق الأثرية


ادري اسألة مدري وش تبي ههههه لكن ابي اشوف وش تحب ووش تكره


ونضبطك ونغير اسمك الى ( عريش متضبط )

هلا وغلا اخوي علي الله يعطيك العافيه والله اثلجت صدري والله الشاهد اني اول ماشفت بداية ردك طلعتلك دعوه من صميم القلب
وبقولك كل شي حتى الميزانيه
اول شي ابعدني عن التسوق والمتاحف ما ابيها تكون بالرحله خير شر انا ابغى طبيعه للجبل ونفسي اضبط نفسي لبالي بسكن فيه مسبح خاص وجو عرسان لو يومين ع الاقل ميزانيتي بدون التذاكر 20 الف واللي ناقصك ومحتاج تعرفه انا موجود وكل شوي بدخل ع المنتدى واشيك لان الموضوع شاغل فكري كثير

ويــــــــــــــــــــنكم يا اهل الفزعااات

بقولك حاجه حلوة مفلطحه من الجانبين :
خذ ورقه وقلم وخذ لفه في المنتدى .. وسجل الجداول .. المقترحه وتقريبا عندك 3 مدن بلا هياط
(جاكرتا والجبل وبالي وجاكرتا مره ثانيه ) طيب وزع الليالي
2 جاكرتا
6 الجبل مثلا
5 بالي
3 ليالي جاكرتا وانت راجع او ربما تزيد الجبل شوي


طيب الان حددت المدن
ادخل على خيارات السكن وحده وحده
جاكرتا فندق وبوكنج يهرج
الجبل ياكثر التقارير عن الفلل حدد لك فيلا واتصل عليهم اتصال او القط رقم سواق
وهكذا ..


شغل اسبوع كل ليله ساعه على الانترنت تطلع لك الرحله بنسبه 80 % والباقي الشباب مايقصرون


ودمت مبسوطا ايها العريس المزركش

يعطيك العافيه اخوي الاعرابي والهياط لابد منه لزوووم الكشخه ماقصرت نبذه حلوة وزركشه احلى واتمنى اخواني الباقي يشاركوني واسمع ماهو مفيد من الكل

ما قصروا الشباب الله يعطيهم العافية ..
الميزانية طيبة جداً يعني يوميتك شاملة السكن والتنقلات والتذاكر الداخلية 355 دولار وهذه
تعطيك خيارات ممتازة للسكن ..
توزيع الأيام طالما لا تحب الأسواق والمتاحف نقلل أيام جاكرتا ..
جاكرتا 1 -- بالي 5 -- باندونق 3 -- الجبل 5 -- جاكرتا 1
إذا ما تحب التنقلات الكثيرة تلغي باندونق من الجدول وتختصر أيامك على 3 مناطق :
جاكرتا 1 -- بالي 5 -- الجبل 7 -- جاكرتا 2
نتفق على التوزيع وبعدها نحدد خيارات السكن يا عريس ..

الله يسعدكم جميعا وجزا الله خير كل شخص فيكم كتبلي حرف
لاني احتاج خبرتكم من واقع انكم زرتوها وافهم مني فيها
اخوي المصباح ياهلا فيك يامشرفنا
الجدول الثاني جميل جدا بس بسوي عليه تعديل وراح يكون كالتالي
جاكرتا 1 -- بالي 4 -- الجبل8 -- جاكرتا 2
وماعندي اي مانع اني اتقبل نصيحة اي شخص

استفسار حتى تكون الصورة واضحة .. !!
متى تاريخ رحلتك !! هل وصولك جاكرتا في وقت متأخر بالليل حتى نحدد الفندق لأنه إذا كان
بالليل يكون السكن بالقرب من المطار وإذا في الصباح نختار فندق قريب من مولات وأسواق ..
الجبل طبعاً خيارك الأفضل فندق سيروني 3 لأن الفيلا كبيرة عليك وما تحتاج مسبح فالجو بارد
في كل الأحوال ولا تستفيد منه حسب رأيي بعكس بالي ..
فندق جاكرتا في الأيام الأخيرة من رأيي بولمان سنترال لعدد من المميزات منها أنه قريب من المطار
وقريب من المولات ويناسب العرسان ..
وإذا تحب تدلع نفسك على الأخير هناك خيارات أفخم بكثير ..
معلومات سريعة ..
-- حجز الطيران الداخلي عن طريق اسيا اير ..
-- تحتاج فيزا دخول وقيمتها 25 دولار للشخص الواحد وهذه تأخذها من مطار جاكرتا
-- في الطائرة يوزع عليكم كرت الدخول وتعبيه وهناك موضوع يترجم الكرت إذا كانت
اللغة الإنجليزية عندك ضعيفة ..
-- تحتاج سائق خاص في الجبل ويوجد موضوع مثبت بأرقام السائقين تتفق مع أي واحد منهم
وهذه موضوعها سهل إن شاء الله ..

ماقصرو الاخوان الخبراء افادوك كثير


انا اشوف تمشي على الجدول الثاني لحبيبنا المصباح


جاكرتا 1 -- بالي 5 -- الجبل 7 -- جاكرتا 2


اما جدولك حلو لكن 8 ايام في الجبل كثيرة


تقدر تزور الجبل او شي بعدين تروح بونشاك


والخيار لك بلغنا ونفيدك لأن اذا تبغى بالي لاتحجز على جاكرتا خذلك حجز على بالي ثم بعدين احجز من بالي الى جاكرتا وزيارة بونشاك


بس على فكرة بخصوص بالي كيف لغتك الانجليزية ؟


بالنسبة لجاكرتا لاتجيها دامك منت راعي تسوق ابداً لكن تقدر تأخذها محطة ترييح قبل السفر اذا حاب تريح

هلا وغلا اخوي المصباح + اخوي علي الشهري
بجاوب على اسئلتكم
بخصوص اسئلة اخوي المصباح
تاريخ وصولي الى جاكرتا 3ابريل الساعه 8.30 صباحا ان شاءالله
لغتي الانقليزيه مره ضعيفه دخلت على موضوع طريقة تعبأت الكرت وحفظته حفظ
واللحين جا دور اجاوب على اسئلتك اخوي علي الشهري
توكلت على الله ومثل ماتفضل اخوي المصباح
جاكرتا 1 -- بالي 5 -- الجبل 7 -- جاكرتا 2
بالنسبه للحجز انا شريت التذاكر وبتكون لجاكرتا
بخصوص اللغه ضعيفه جدا جدا جدا
واذا الشعب فبالي كلهم انقليزي عز الله تورطتنا مالنا الا لغة الاشاره

للمعلوميه

حسابي الاول ماني عارف ليش مو راضي يدخل للمنتدى عشان كذا سويت حساب جديد

طالما هذا وقت وصولك وحتى تكون قريب من المطار وفي نفس الوقت حولك مولات وجلسات
حلوة أنصحك بفندق بولمان سنترال بارك ..
http://www.arabtravelersforum.com/travel756085/
طبعاً حجزك لجزيرة بالي من الإنترنت ويكون جاهز وطيران اسيا اير خيار اقتصادي ومجرب ..
http://www.airasia.com/ot/en/home.page/
والسعر حسب موقعهم بتاريخ 4 إبريل والعودة يوم 8 إبريل لشخصين 207 دولار تقريباً ..
بالنسبة للجبل أنا مع رأيي مميزنا علي الشهري بأن 8 أيام ممكن تكون كثيرة ولكن أنت إذا وجدت
أنك مبسوط ومرتاح في الجبل يمكنك الجلوس وتجعل لجاكرتا يوم قبل المغادرة ولذلك لا تحجز
من هنا بالنسبة لجاكرتا بل من الجبل وعندك مكاتب مثل كاها وغيره في الجبل ..
سوف أعطيك جدول للجبل ونترك بالي لمميزها أخونا علي الشهري ..

الجبل (بونشاك)
اليوم الأول :
أولاً : زيارة حديقة تمان سفاري Taman Safari Indonesia
1) جولة لمشاهدة الحيوانات وإطعامها بالسيارة
2) حضور عروض الحيوانات المميزة .. وهذه مواعيد العروض
-- الساعة 1 الظهر النمور
-- الساعة 1.30 الظهر كلب البحر
-- الساعة 1.45 الظهر الصقور
-- الساعة 2 الظهر الكاوبوي
-- الساعة 3.15 العصر الطيور والقرود
-- الساعة 4.30 العصر الفيلة
3) تلفريك تامان سفاري
4) زيارة شلال شروق جاكسا في سفاري من أجمل الشلالات
5) زيارة منطقة الزواحف
6) ركوب الفيلة
7) التصوير مع الحيوانات المفترسة
8) زيارة حديقة الطيور
9) ملاهي الأطفال
10) تناول الطعام في أحد المطاعم في الحديقة
ثانياً : زيارة مركز BRASCO وهو منافذ المصانع Out Let ومحل لبيع منتجات Copy One
//////////////////////////////////////////////////////////
******************************************
اليوم الثاني :
أولاً : حديقة سيبوداس Cibodas Botanical Garden
ثانياً : مجمع كوتا بونقا Kota Bunga
1) بحيرة فينيسيا والتجول فيها عن طريق قارب الجندول
2) ملاهي الأطفال والحديقة الجراسية Jurassic Park
3) خيول للتأجير
ثالثاً : زيارة حديقة الزهور Taman Bunga
رابعاً : زيارة سوق شيبيناس الشعبي
اليوم الثالث :
أولاً : زيارة غابات و شلالات شليمبر
ثانياً : بحيرة الليدو Lido Lake ‏
ثالثاً : حديقة الشمس متهاري TAMAN WISATA MATAHARI
رابعاً : مطعم شيموري Cimory Resto بمزرعة الأبقار
//////////////////////////////////////////////////////////
******************************************
اليوم الرابع :
أولاً : تجربة ركوب البراشوت
ثانياً : مسجد التعاون
ثالثاً : مصنع ومزارع الشاي
رابعاً : حديقة الفراولة
خامساً : زيارة بحيرة الألوان Telaga Warna
سادساً : زيارة مطعم رينو علم Rindu Alam
//////////////////////////////////////////////////////////
******************************************
اليوم الخامس : زيارة مدينة بوقور
أولاً : حديقة النباتات Botanical Garden كيبون رأيه بوغور Kebun Raya Bogor
-- النباتات النادرة
-- متحف الحيوانات المحنطة
-- الهدايا التذكارية
-- القصر الرئاسي Presidential Palace
-- حديقة Orchid Garden في الركن الشمالي الشرقي من الحدائق النباتية ..
-- مقهى ومطعم Cafe Dedaunan يقع في الجانب الشرقي من الحدائق النباتية ..
ثانياً : زيارة غابة حديقة الألعاب المائية ببوقور The Jungle Wisata Air Warga Bogor
ثالثاً : زيارة بعض المولات مثل Botani Square - Eka Lokasari Plaza

طبعاً يمكنك توزيع الأماكن حسب وقتك يعني ليس كل الأماكن تزورها باليوم نفسه خاصة أن
أيامك كثيرة بالجبل ..

ماقصر استاذنا الكبير


اللغة امرها بسيط خذلك نظرة شاملة من الآن عن البرامج السياحية الي بتحجزها عشان على الأقل تعرف وش نظامها وهذا اهم شي


تقدر تأخذلك كتيب بسيط للغة الانجليزية في السياحة وراح يساعدك ان شاء الله


مثل ماذكرتلك معرفة البرامج السياحية هي اهم نقطة بعدها تقدر تمشي وضعك بالإشارة واذا وصلت تقدر تأخذ سائق يتكلم عربي ويكون معك ع طول مع اني مانصح فيه


النشاطات في بالي كثيرة وهذي نبذة من اهم المعالم والاماكن في بالي


شلالات جت جت - بحيره براتان - منطقة بيدقول وملعب الغولف - المياة البركانية آير باناس - مزارع الأرز - مزراع القهوة -


مرتفعات كنتماني - منطقة أوبود للتماثيل والمعابد - بـحـيـرتـي بـويـان وتـامـبـلـيـنـقـان - القرية المائية واتر بومب - عشاء غروب في شاطئ دريم لاند - شاطئ نوسا دوا للالعاب البحرية


سفاري بالي - رحلة هاي بالي البحرية - التجديف - الغوص العادي - الغوص المشي تحت البحر شاطئ سانور ونوسادوا


حــديــقــة بـــالــي الـنــبــاتــيــة Bali Botanical Garden
جـبـل وبـحـيــرة بــــــاتــــــور Batur Mount & Lake



ابحث عن المناطق الي ذكرتها لك وشوفها حتى لو مدحتها لك لازم تشوفها يمكن ماتعجبك


قبل لا ابدأ في البرنامج اليومي خذ في بالك انك لازم تكون قبل الساعة 8 المغرب موجود في بالي عشان تحجز برنامج اليوم الثاني


بسم الله


اليوم الأول :


شلالاتجت جت

بحيرة براتان

منطقة بيدقول الساحرة

المياة البركانة آير باناس

شاطئ تناه لوت

اليوم الثاني :


لعبة الرافتنج

مزارع الأرز

مزارع القهوة

مرتفعات كنتماني

منطقة أوبود

سينما بلانت هوليود

هنا كل الاماكن متكاملة يعني مابتتعب بس نسق مع احد السائقين يقابلك بعد ماتخلص رحلة التجديف ( الرافتنج )


من أجمل رحلات بالي رحلة التجديف لاتفوتها ابداً وعادي بالنسبة للمدام العباية ماعندك مشكلة وتقدر تشوف تقريري موضح فيه هالأمور العائلية

اليوم الثالث :

يوجد رحلة في غواصة بحرية تحت البحر 100 متر تجربة فريدة وجديدة لكن مافيه شي تحت البحر يحمس تنزلة

اذا بتحجزها تظيف لها عشاء على شاطئ الغروب دريم لاند

اليوم الرابع :

فيه برنامجين اختار الي يناسب وضعك

البرنامج الأول

الغوص والمشي تحت البحر شاطئ سانور : وهذي تجربة جداً رائعة لن تنساها مرجان عجيب تحت البحر بالنسبة لي نزلتها لحالي

هنا لازم المرأة تكون بالحجاب فقط يعني ماتقدر تغوص اذا الوجه مغطى

البرنامج الثاني

الذهاب الى شاطئ نوسادوا والاستمتاع بالألعاب البحرية وبعدها الذهاب الى القرية المائية واتر بومب

واحذر ان واتر بومب كلها اجانب واللبس الله بالخير بقوة لكن بالنسبة لي مابخليهم صراحة يوقفون متعتي وسفري

اليوم الخامس :

راحة واستعداد للسفر وانتبه لازم تتوجة للمطار وتحسب حساب الزحمة على الطريق وهالامور

اكرر ان بالي راح تشوف فيها الاجانب ولبسهم في رحلاتك يعني فهم المدام كل شي عشان لاتنصدم وتقلب السياحة نياحة ههههههه

موفق خير واي استفسار حاضرين ياغالي

بعدين وش بلاك ماغيرت اسم العضوية هههههه قلنالك عريس متضبط

لاتحرمنا من دعواتك

عزيزي واخوي واستاذي المصباح الله يعطيك الف الف الف عافيه انت والاخوان جميعا
اثلجت صدري والله بتفصيلك لرحلتي الله يجزيك الجنه
وكتبت الخطه حرف حرف
بخصوص الفندق ضحكت جدا من مسماك للفندق((فندق القليل الادب)) ههههههههههه
ولو خيرتك كوني كعريس جديد وبيكون وقت وصولي لجاكرتا لي كم يوم متزوج
تنصحني اختار اي فندق اللي تفضلت واخترته لي او فندقHotel Ciputra Jakarta
بالنسبه لحجزي ع خطوط اسيا اير عادي احجز من اليوم او عند الوصول...؟
وسامحوني تعبتكم معاي وان شاءالله اخدمكم بيوم من الايام واذا ماخدمتكم لكم دعوات صادقه من صميم القلب

هلالالالالالالا وغلالالالااالالالالا اخوي اعلي
والله نسيت اغير الاسم احس من بعد مشورتكم لي مو عريس متظبط وبس الا متضبط متكشخ متدلع
فهمت المدام من بدري مع ان مخها مقفل شوي لدرجة تقولي تخيل نضيع تخيل يسولنا زي الافلام حراميه ومسدسات المهم مخها فلم هندي كامل تتخيل انها اذا طلعت من السعوديه انواع الاجرام خلها على الله بس حبه حبه بدت تلين
عموما اخوي علي انا سجلت اللي كتبته لي للجدول باقي الشي المهممم
السكن اذا ماعليك امر
ابي سكن عرسان يعني مسبح خاص وجاكوزي وحركات وامن جدا جدا

الله يعافيك ويسعدك يا عريس ..
ترى فنادق قليلة الأدب هي موضة الفنادق في إندونيسيا حالياً وكل فندق العام الماضي أسكن فيه
نفس الطريقة .. !!
إذا تخيرني بين فندق بولمان سنترال وفندق شيبوترا ورغم أن سعرهما واحد على بوكنق في
تاريخ رحلتك أفضل بولمان بدون تردد لأن محيطه خاصة بالليل جميل للعرسان وأمان جداً
لأنك بمحيطه وعندك مطاعم وكافيهات عالمية ..
طبعاً فندق شيوبترا يبقى خيار جيد وهذا تقارير عنه والكل له وجهة نظر ..
http://www.arabtravelersforum.com/travel484226
http://www.arabtravelersforum.com/travel730747
وهذا أحدث تقرير عنه :
http://www.arabtravelersforum.com/travel802950

حجزك لجزيرة بالي من هنا وقبل سفرك لأنه لا يوجد وقت عندك للحجز من هناك
والأفضل من موقع طيران اسيا اير وبالفيزا وإذا بدرت تجد سعر أقل ..

اخوي واستاذي المصباح وبدون اشوف تقارير فندق سيوبترا بمشي بمشورتك بولمان سنترال وجزاك الله الف خير
وابشرك تم الحجز بحمد الله

حياك الله ياعريس


ههههه شي طبيعي من كثر الي تسمعة تخاف لكن خلها تأخذ فرة على التقارير العائلية وبتلين ان شاء الله


والله الفلل كثيرة وبتضيع من كثرها خاصة في سيمنياك لكن انا افضل دايم الاختيار من التجربة وتفضل هذي فلة بالي ريتش



http://www.arabtravelersforum.com/travel707673/


سعر مناسب وخصوصية جميلة


وع العموم الامان موجود في كل مكان ولاعليك من الهذره والكلام المخربط مايقولك مافيه امان الا شخص ماراح وهذا حنا نحب نتفلسف وحنا ماجربنا

يسعدك ربي اخوي الغالي علي الشهري وجزاك الله الف خير ع وقفتك معاي انت والشباب
افدتووني كثير وانا بروح هناك ((وبعمج )) والباقي على الله وباذن الله اذا رجعت بالسلامه اطرح التقرير
مشكورين جميعاً
باقي سؤال يطرح نفسه بالطياره يعطونا وجبات او نجيب معنا لوزين

الله يوفقك ويسهل دربك وأي استفسار الجميع ما يقصروا إن شاء الله ..
لا تشيل هم في الطائرة وكل الوجبات تحصلها من فطور وغذاء وعشاء !! يوم كامل وأنت
بالطائرة تنام وتصحى وأنت بالطائرة .. بالتوفيق