الموضوع: اود السفر من البحرين الى اوروبا بالسياره ماهي نصائحكم

السلام عليكم

مرحبا شباب كيف حالكم

شباب باذن الله بسافر من البحرين الى اوروبا برا ...

بطلع من البحرين الى المملكه العربيه السعوديه الى الاردن ثم سوريا .. تركيا .. .. بلغاريا ... مقدونيا ... صربيا ... هنغاريا ... النمسا ...التشيك ... المانيا ... هولندا ... بلجيكا ... فرنسا ... سويسرا ... ايطاليا ... سلوفينيا .. كرواتيا ... صربيا ... مقدونيا ... اليونان ... تركيا ... سوريا ... الاردن ... السعوديه .. البحرين


عندي بعض الاستفسارات اخواني

الدول اللي كتبتها هل لها منافذ بريه للدخول والخروج منها ؟
وهل يتم مصادرة اللابتوب وكامرة الفيديو اذا خذتهم معاي ؟
وكم المدة المتوقعه للوصول من البحرين الى بلغاريا مثلا ؟
وماهي افضل سياره للسفر من البحرين الى هذه الدول برا ؟
وكيف اجرائات الدخول والخروج برا من هذه الدول ؟
وما نصائحكم بخصوص المبلغ الذي اوفره لهذه السفره ؟
وهل العمله المستخدمه في بلدان اوروبا هي اليورو ؟

اسف اخواني لكثرة الاسئله لاني اول مره اسافر فاعذروني يااخواني

اتمنى يااخواني افادتي بالنصائح المفيده.

مواضيع عشوائيه ممكن تكون تعجبك اخترناها لك:

• ابي اسافر عن طريق البحر او اماكن
• صور جميع الرحلات البرية في شتاء و مابين أبوظبي و دبي
• مواقع الأرصاد الجوية لدول مجلس التعاون
• بعض النصائح لمحبي الكشتاااااااااتأدخلوو لاتخافووون
• شوفوا وش سوينا في شعيب صميغان صور مغرية جداً
• بعض من رحلات الربع الخالي يصاحبها بعض الطبخات
• استفسار عن السفر للسعودية
• حدد وبدقة قبلتك بأجهزة شرح مدعم بالصور
• رحلةكروزاوروبية
• رحلة الصحب والخلان إلى الرائعة أم الحيران
• فطوري الخفيف بيض بلدي بالبقدونس وزيت الزيتون الأصلي
• أحبتي اليكم هديتي بمناسبة لمحبي المكشات والبر والربيع
• بروح العمرة بسيارة خاصة
• رحله بحريه من بريطانيا مرورا بخمس دول اوربيه وروسيا
• تجربتـي مـع المظبـي
• تجربي وملاحظاتي مع الكروووز الاوربي
• رحلة القهوة
• الحــــــق جرب الضـفـادع لايفوتك
• صور لترميم قرية لعمل فيلم سنمائي
• ارجو مساعدتكم

ماشاالله عليك
طيب ليش هالتعب هذا كله !!

هل لانك هاوي التغيير من طريقة السفر !!


يعطيك العافيه
وان شاءلله الاعضاء مابيقصرووون معاك


صعب انساه

انت شوقتني لرحلتك .۔ بصراحة المغامرة شيء جميل لكن اهم شي الامان والسلامة بالرحلة ..۔
خصوصا ان سفرتك طويلة جدا ومتعبة وانتبه هل الدول اللى راح تمرها مستقره سياسيا وداخليا بالامن يعني مافي حروب مثل سوريا والمشاكل اللى فيها راح تطوف بسلامة منها او الدول الاوروبية مثل صربيا وغيرها هل اذا شافوك عربي او مسلم راح يتعاملون معاك بسلاسة ؟؟ انا ما عندي اجابات عن اسألتك لكن حبيت افيدك بكم ملاحظة.....

احسها مغامرة قوية
خصوصا مشاكل سورية كيف بتدخل فيها
في شخص هنا بالمنتدى راح من الكويت الى اوروبا بس مين مااعرف ان شاء الله الاعضاء يفيدونك
بس انا ماانصح فيها طيارة كم ساعه وانت هناك

خذ لك طيارة لـ ألمانيا واستأجر لك سيارة بسواق ولف الدول اللي تبي ابرك لك من التعب والمصاريف والتعامل السئ من الجوازات والتفاتيش ۔

المتعة بالسفر برا تكون سيئة عندما تطول المسافة ، ولا تنسى سعر البنزين فهو غالي برا الخليج بشكل عام



بالتوفيق لك

المشكله الوحيده مرورك بسوريا فقط البقيه ما فيه اي عقبات وفيه تقارير قرأتها هنا ويا ما ناس سافروا اخرتها اعتقد اخوان من عمان

الله يوفقك وين مااتروح - شباب الريال شكله يحب المغامرات - انا اقولك اذا بغيت اتسافر بالسيارة
لازم يكون وياك شخص عشان يساعدك في كل شي - اذا بروحك انا ماانصحك بالمرة، تحياتي

ماشاء الله۔
رحله موفقه

بالتوفيق بس انتبه

السفر بالبر متعه وانا مرتين اروح من جده على الخبر ومن الخبر على الكويت ومن الكويت للبحرين ومن البحرين لدبي

بجججججججججججد متعه السفر وافضل سياه الجيب 4*4 بس رحلتك هذي يبيلك 3 يعني كلكم 4 اشخاص

لانها تختلف عن رحلة الطيران ...۔

بالنسبة للريق ماشوفيه مشاكل غير بسوريا لو تقدر تسافر على لبنان وتشحن سيارتك هناك وتكمل الطريق هذا اقتراح


والاقتراح الثاني مثل ماقالولك الاعضاء تروح بالطياره لأوروبا وتستأجر سيار هناك


ورحلة سعيده ياعم

لالالالالالالالالالالالالالالالالالالالالالالا
ما أنصحك مخااااطررره

هلابك وحياك وتخطيط حلو ومغامره ممتعه بس يبيلها صبر لكبر مشقتها

الدول اللي كتبتها هل لها منافذ بريه للدخول والخروج منها ؟
نعم لها منافذ بريه او عن طريق العبارات تحمل السياره الى البر.
وهل يتم مصادرة اللابتوب وكامرة الفيديو اذا خذتهم معاي ؟
لا . ما يتم اخذ شي
وكم المدة المتوقعه للوصول من البحرين الى بلغاريا مثلا ؟
الجواب http://maps.google.com/maps?saddr=%D...mra=ls&t=m&z=4
وماهي افضل سياره للسفر من البحرين الى هذه الدول برا ؟
سياره عائليه او سياره سيدان اهم شي تكون جديده
وكيف اجرائات الدخول والخروج برا من هذه الدول ؟
وما نصائحكم بخصوص المبلغ الذي اوفره لهذه السفره ؟
اذا كان الغرض ترحال وتمشي له ميزانيه واذا فيه شوبينق تزيد الميزانيه اذا كان فيه زيارة متاحف ومناطق سياحيه تزيد الميزانيه

وهل العمله المستخدمه في بلدان اوروبا هي اليورو ؟
بالنسبة للدول الداخله تحت مسمى الاتحاد الاوربي عملتها اليورو ماعدا سويسرا فعملتها الفرنك غير دول الشنغن فكل له عملته.
http://maps.google.com/maps?saddr=Ba...mra=pr&t=m&z=3

وتحياتي لك

ربعي راحو كذا مره اوربا بسياره من الكويت إلي وسط اوربا

بس ترا تكلفتها جدا جدا مكلفه

لو كنتو اربعه مثلا كل واحد يدفع اقل شيء 30 الف ريال سعودي صدقني ماقاعد ابالغ ولله

ومافيها متعه علي حسب كلامهم مجرد ارضاء غرورهم مثل ماتقول وحب للتحدي

استأجر لك سياره اهناك وللف علي راحتك وحط فلوسك بجيبك افضل لك وللصحتك

ماتسوى عليك بكره جايك ديسك في ظهرك بسبب السياره

دش اليوتيوب وشوف شباب الكويت بسفراتهم للاوربا

اكتب ( اشتراكيه ) ورقم السنه

الله يوفقك والاخوان ماقصروا معاك في ردودهم

لما قرأت استفسارك وشو ناوي عليه تذكرت فيلم شاهدته قبل 20 سنة تقريباً

اسمه (( رحلة الشقاء )) على ما اعتقد ، والله تذكرته فجأة بس إن شاء الله

تكون رحلاتك جميعها ممتعه وشيقة ويبعد ربي عنكم الشقاء في الدنيا والآخرة .

والله ماقصروا الاخوان

ومااقول الا الله يسهل عليك سفرك ويطوي عليك بعده ۔