السلام عليكم
هذ اول تقرير لي بلمنتدى من صويري وكتابتي
طول عمري كنت متردد من كتابة اي تقرير لاني اخاف ما اكمل التقرير
ولاكني حبيت توثيق الاعضاء لرحلاتهم وسفراتهم
لهشي تشجعت وحبيت اسوي تجربه وهي صور لمخينا مع عشانا
وهذي راح اعتبرها تجربه واذا حبيت الموضوع اكيد راح اوثق لكم سفراتي الجاية
التقرير بسيط وحاولة اقلل الصور قد ما اقدر
علشان يكون التقرير خفيف عليكم
هو عباره عن كم صوره للمخيم مع صور طبخ عشانا
وراح نبدي الحين اول صوره عبارة عن الاغراض الي جايبينها معنا
اول شي حبيت اضيفكم باحلى كرك او شاي حليب
اتفضلو احلى كرك قطري
ومايحلى الكرك الا بشوية خفايف
وللي مايحبون الحليب ما نسيناهم
اتفضلو مدو ايدكم وبردو على قلبكم
وبعد ماضيفناكم وصرتو من اهل البيت راح نبتدي للطبخ
وعشانا اليوم عباره عن كبسة دجاج وراح اخليكم معاي خطوة بخطوة
اول شي صورا لاغراض العشاء
والحين نبتدي بطبخ اول شي انحط الزيت والسمن والبصل
وبعدها انحط ورق الغار والفلفل الاخضر بس انخله مقفول لان احن نبي نكهه مب حرارة بالاكل
والحين نبتدي بوضع الليمون الاسود واعواد القرفه
ولقطة قريبه علشانكم وقولولي اشرايكم بتصوير انفع مصور ولا لا
والحين انحط اشوي من ورق البقدونس
والحين انحط بهارات الكبسة الصحيحة
والحين انحط الدجاج الي مقطع ومنظف وجاهز من البيت
وبعد ما حطينا الدجاج نبتدي بتشويحه تحريكه
وبعد تحريك الدجاج انحط الخضار مثل الفلفل الرومي والطماط
وبعدها حطينا الماي وبدينا انحركه اشوي
والحين انصكر الجدر اشوي
وناخذلنا استراحة
تاااااااابعوني بعد اشووووويمواضيع عشوائيه ممكن تكون تعجبك اخترناها لك:
- كروز من مصر أو دبي
- رحلتنا لروضة تنهات
- جيوبنا أي كلام شوفوا ذي الصور لجيوبهم
- إلى خبراء البر ، ماهي أماكن تواجد الذئاب في السعودية
- مخيم صيفى
- الف مبروك ميدان مشرف واحة الرحلات البرية والبحرية
- صيام عاشوراء
- ارضك بركة يامدينتي
- وين اكشت بالعائلة بقرب الرياض
- إستفسار عن جهاز جارمن
- زيارتي لمنتزه الثمامة البري اجازةعيد الاضحى المبارك
- كشتتنا بالبر
- كشتة قديمة لقيتها في ذاكرة جوال فيها كبسة ما تخطي الرأس بالصور
- رحلتنا إلى صلالة
- الــصــمــان
- مكن سؤال يا اخون طريق الرياض الامارات وطريق من الامارات الى الدمام
- رحلة بالصور لوادي المعيدن سلطنة عمان
- حمـام مشـوي
- أخ لكم مفقود هل أحد رآه ؟؟
- عفريتة للسيارة
المفضلات