الموضوع: تورطت وحجزت على رحلة بحرية تبدأ من برشلونة نابلس

السلام عليكم
حجزت في شهر سبتمبر على باخره من شركة نورويجن"norergian"على كروز epic
خط الرحلة برشلونة -نابلس-civitavecchiaليفورنو-نييس -مرسيليا برشلونة
المشكلة ماني عارف اي شي كيف طريقة الخروج والصعود من الباخرة هل في تنظيم من عندهم على الجولة داخل المدن .. كيف الترتيبات قبل الركوب للباخره
الي عنده نصائح او تجارب سابقة يا ليت يفيدني وخصوصا عن الشركة والباخرة
لاني سمعت انهم يهتمون بشهر العسل

مواضيع عشوائيه ممكن تكون تعجبك اخترناها لك:

• حياكـم الله منـدي دجـاج
• الإمارات تونس برًا
• حياكم الله سؤال صغنون
• الــف مـبـــروك الـتــمـيــــــــــز
• حشـوة دجـاج
• اللي عنده اي معلومات عن رحلات الصيد ؟؟
• عبداللطيـف والجـو لطـيف
• الرمال تتشكل على صورة بعيــــر على شواطيء الزلفي صور رحلتنا لبحيرة الكسر
• جــزيـــرة فــيــلكـــا
• ابو طحيح
• رحلتي الى الدهناء في عيد الاضحىهـ ـ
• ماكدونالـدز اشهـى برجـر
• رحالة سعوديون يصلون العاصمة الروسية
• كروز بحري
• فيضة نورة صور عدسة عسل
• قافلة الصحراء عنوان فيلم وثائقي للرحلة العلمية الإستكشافية الشهيرة للربع الخالي
• ¸¸۝❝كشتة نونـــــــــــــا❝۝¸¸
• هل ينفع اسافر تركيا بالباخرة
• الحملة الاغاثية لإعانة الضبان الصمانية ومع صور مأساوية تحكي المعاناة الأليم
• حداق في ابوقميص والعقير

واذا كان عندهم تنظيم جولات هل احجز اول ما اركب ولا ايش نظامهم ..ونظام الاكل لان السعر شامل الوجبات ال 3 مع السناك
وكاني فهمت ان لي اكل بسعر معين لما اتعداه احاسبهم على الزياده ..! يا ليت تفيدوننا

نتمنى نروح على كروز
بالعافية عليكم
اللي شاطر بهذه الرحلات مشرف البوابة الامريكية امباكت
دايما يروح على رحلات للكروز
تقدر تدخل على مواضيعه وتشوف الاجابه على اسئلتك ان شاءالله

الرحلات البحرية الكروز روووووووووعه وما تفوت
بس لازم تشوف حجوزات الرحلات في المدن افضل تحجزها قبل
لان احين تكون زحمه
و لازم تعرف شنو المميز في كل منطقة راح توقفون فيها
و لازم اذا وقفتواا تنتبهون على الوقت و ترجعون قبل موعد الابحار بوقت كافي
و بالتوفيق لا تخاف بالعكس تجربة ممتعه اتمنى اعيد تجربتها في وقت قريب

ما شالله
روح وجرب وتعال قلنا اش اللي صار معاك
لا تفوت رحله زي كذا

يا زين ماخترت ....
نرويجيان ابيك من احسن عشر سفن سياحيه موجوده اليوم.
انا كنت على نفس الرحله قبل شهر.

عندهم خدمات التوصيل من المطار تكلف 30 يورو للشخص يعني لو تاخذ تاكسي للميناء يكلفك المجموع 35 يور للسياره (( التاكسي أرخص وأريح ))
تقول للتاكسي ترمينال A
دخول الباخره سهل جدا مثل اي مطار والخدمات ممتازه ولاتشيل هم بس اهم شي تجهز الحجوزات والجوازات وبطاقه الفيزا واذا حبيت تتعامل نقدا راح يطلبون مبلغ اقل شي 300 دولار
التعامل في السفينه بالدولار الأمريكي - يوجد صراف آلي بالسفينه ومكتب صرف عمله ايضا
أول ماتدخل وتسوي CHECK IN في محلات داخل الميناء اشتر مياه معدنيه الحجم الكبير 1يورو
( داخل السفينه 2,8 يورو )
الأكل بوفيه مجانا, بس المشروبات الغازيه والعصير تدفع قيمتها اذا طلبتها, الماء والشاي والكوفي والايس تي متوفر مجانا.
واذا حبيت تغير توجد مطاعم تجلس وتطلب وتدفع بالبطاقه.

لا تتفاجأ بالفاتوره لأن يحسبون 12 دولار في اليوم لكل شحص رسوم خدمه ( يعني مافي داعي تدفع بقشيش لأحد لأنهم حاسبين البقشيش )
يعني 12 دولار X شخصين X 7 أيام = 168 دولار

البرامج السياحيه عندهم غاليه لو قارنتها بالشركات الأخرى.
في Civitavecchia مافي داعي تروح روما لأن البرامج غاليه والمسافه ساعه ونص بالباص وروما كأنها متحف كبير ماعتقد البرنامج راح يكون ممتع.
ممكن تاخذ باص الميناء (مجانا) الى البوابه وتنزل وتتمشى على البحر شاطيء جميل ومحلات تسوق وكوفي شوبات
الكوفي شوب اللي اسمه fruits عندهم واي فاي الباسوورد 123456789
اذا حبيت تسبح بالبحر خذ معاك مناشف من السفينه.

حط في بالك ان المناطق اللي بتروحها في هلوقت الجو حار !!

أي استفسار انه حاضر