يالله انك تحيي الجميع
......
هذي رحلتي انا وربعي الكرام
يومي الخميس والجمعة
الموافق
5-6\11\2009
وقد وفقنا بآثاري يوم الخميس ولكن الله لم يكتب لنا شي
وفي يوم الجمعة المبارك وفقنا الله بثلاث حباري
اثنتان في الصباح وواحدة بعد العصر
كانت البداية العودة إلى آثاري يوم الخميس
لأننا لم نيأس منها لان الجرة بالمنطقة صعبة شوي
وبعد تقدم احد الربع للموقع وقبلة بحوالي ثلاثة كيلو متر
صوت عندي يالربع جرة خرب
تجمع الربع بموقع الجره
الا واحد تأخر وماشاءالله بعد فتره صوت
يالربع عندي جرة دجاجة ماشاء الله ماشاء الله
يالله يالربع قطعولهن((قصوهن))
يمين يسار ترفع يارعي الطير تراهن اجتمعن
هريب يالربع هريب طلع الطير
هد... حام... رجم...
اجذب طيرك أكيد أخمرن الأرض ماتعطي جرة
استقطعوا يالربع وركزوا شوي الحباري عندنا
حول ياخوي رجل عتقهن القاع صعبه
شوي... طارن... هد... هد... هد
هديت... انت هديت.. ((ضاعت الطاسة))
هد يامذخور ترى رفيقنا ماهد
الحباري راحن بسم الله
هديت يالربع.. اقضبو طيوركم
الله يبارك فيه ويحول بوحدة منهن
يالله لك الحمد والشكر
صور للجلسه ليلة الخميس
وصور المهد الأول
ذمرو الثانية
لحق... لحق... راحت اخفيناة بالدربيل
يالله مشينا على الوجهة ولكن الله ماكتبها ((السالم معزول))
ضحينا بعد المضحى افراج نبي ندور من اول ماخفيناة
ونمشي على الدرجة بالقارمن يعني تمشيط
ولكن لم يكتبها الله والحمدلله على كل حال
غيرو الوجهة اخلينا المنطقة
يتبع ..
نبتدى بالمهد الثاني
وصلنا منطقة قفر
الاوالله يصوت واحد من الربع عندي جرة دجاجة
لاكنة مندفنة الموقع فية سوافي رملية تجمعنا
يالله يالربع قصو الجره
تراة بدت تستجد يالربع
شوي الى الطير يكفخ اناظر قدام
الى وش أناظر ؟؟؟
ياااازين المنظر
تدرج قدامي
برقعت الطير
درج... درج يالربع
وين هي؟؟
هذاه قدامي تاقي بالرمث
شوي شوي نبي نصور.. صور يامصور
مخمر يالله هد حركة للطير
طيرة للطير طارت جاة الطير طبت تكوبر
طيرة يبيها طيار ماشاء الله ماشاء الله ذبح مبروك
وهذي بعض الصور للمهد الثاني
وهذي صوره
للطير صاحب المهد الأول
ارجوا أن تنال رضاكم واستحسانكم
وفقنا الله واياكم وتقبلوا
تحياتي
اخوكم (( مذخور ))
مواضيع عشوائيه ممكن تكون تعجبك اخترناها لك:
- السفر برا من السعودية الى اوروبا ثم اسبانيا والمغرب والعودة الى مصر ثم السعودية
- تائهون في الصحراء نصائح مهمة
- خيام السنيدي
- أرجو الإفادة من أهل الخبرة رحلة للجنوب
- رحلتي مع احباب لي الى منطقة العقير
- البحـث عـن الذهـب الابيـض
- ابي نصايحكم يا اخوان جزاكم الله خير
- عاجل المساعدة ياشباب
- وادي لجب الصدع الإنكساري في أقدام جبل القهر حمد العسكر
- رحلة موادع البرية
- استفسار للسفر برا من دبي الي الرياض
- مواقع رحلات الكروز البحري حول العالم
- قرب الرياض كشتة
- صور ربيع العيص
- زيارة إلى الأقصر و أسوان
- رحلتي البحريةعلى ظهر أورينت كوين الخليجية
- رحلتي الى الدهناء في عيد الاضحىهـ ـ
- فرح الصغارربيع يخضر القلب
- الافكار الرائعه للرحلات البريييييه طبعا هى منقوووله لكن مفيييده
- اليوم الوطني والمناطيد
رد مع اقتباس
المفضلات