قصيدة في رثاء الأم (الكل يبكيها) للشاعر الحميدي الشمري
خايف عليها من الثرى غطاها....وإلا الحصى حافيه اخاف اذاها
اكرم عليها بالكفن يا مطوع.........بالبيت ضل فراشها وغطاها
اكرم عليه بالكفن هذي امي....وإشهد عليها في ما عطت يمناها
هذي الضحى والليل يتحرونها......هذي السماء و نجومه تنعاها
هذي السوالف مثلنا تبكيها.........والارض تنشد عن اثر لخطاها
هذي الكبيرة كبر هذي الدنيا..........هذي العظيمه جل من سواها
ابكي عليها مو نهار و ليله............ولا سنه تمشي وعد قضاها
ابكي عليها كثر ما شالتني.........و كثر الحنين اللي اختلط بغناها
وكثر الاسامي و كثر من سموها....وكثر النجوم و كثر من يرعاها
ابكي عليها من القهر يا دنيا..................من لي انا عقب فرقاها
من فتحت عيني ولا خلتني..............وشوفوا ولدها بالقبر خلاها
هل التراب بوجها ما قصر..............شفتوا ولدها كيف هو جازاها
لو إنها مكاني ما سوتها.......................لكن اعز عيالها سوها
يا دود يا دود شفها ذابله جنبها...........انا ولدها و حاضر وأفداها
قطعني هاك الي تبي من جسمي..........بس الكريمه لا تجي بحذاها
وأوصيك امانه قل لها تعذرني..........وتكفى تروح تحب لي ماطاها
ابيها تغفر لي مثل ما كانت...............كل خمله مني بطيبها ترفاها
يالله عساها بنعيم الخلد.................وعساها في جنة عدن سكناها
يا فضو هذا الكون يا هو خالي........يا ضيق هذي الدنيا يا مقساها
يا مر طعم فراقها يا مره..................ماني مصدق ارجع ومالقاها
وشلون اجي غرفتها وماهي فيها.......وش عذري لسبحتها ومصلها
وش اقول انا لدولابها ولشنطتها...........واذا سالني مشطها وحنها
وعباتها ومي زمزم ومصحفها............والمبخره ورشوشها ودواها
الكل في غرفتها متفقدها.................حتى الجدار متفطر و يرجاها
الكل يبكيها ماهو ناسيها.................يالله صبرني و شلون انساها
ياليتها ياليتها مارحت و خلتني..............أو وسعت لي بالقبر ويها
الله يحفظ أمهاتنا جميعا ويرحم الموتى منهن ولا يحرمنا رضاهن
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة بوحميـــــــــد
المشاركة الأصلية كتبت بواسطة الصقر 2011
المشاركة الأصلية كتبت بواسطة أبن السعودية
المشاركة الأصلية كتبت بواسطة **نونا**
المشاركة الأصلية كتبت بواسطة Steven Gerrard
المفضلات