الموضوع: رحله عائليه لاندنوسيا بعدالعيد طبعا بمساعدتكم الله لايحرمكم الاجرودعواتي وانا صائمه ل

[right]اخواني واخواتي يااحلى منتدى بالعالم انا كنت كاتبه موضوعي بقسم استفسارات سيلانكا لكن ابوالشباب ماهي داخله مزاجه سيلانكا يقول هي اجواء حلوة بس ماتصلح لعيالي ابغى اندنوسيا كلها ملاهي وحأئق خاصه للاطفال ينبسطون اكثر قلت بكيفك المهم الله يجزاكم خير حنا الى الان ماحجزنا زوجي يقول ابحجز بعدكم اسبوع اهم شي سفرتناراح تكون سادس عيدالفطروطبعا اول مرة نروح لاندنوسيا نبى جدول مرتب من الى واحب اطمنكم زوجي مايحب التنقلات يعني راح ناخذ بس جبل بونشاك وبالي المده 8ايام وتكفون ساعدونا بوضع الجدول وكذلك التكاليف والجبل افضل فله والا كيف وترى 8ايام من غيرالذهاب والعوده بنتظار ردودكم اللي تفتح النفس[/rig] ولاتنسون على اي رحله نحجز تذاكرنا علشان ادخل اشوف الاسعار

مواضيع عشوائيه ممكن تكون تعجبك اخترناها لك:

• مطلوب جدول لرحله من اهل الخبره
• وضع خطة سير لرحلتي لبلاد الاندومي
• خطأ في الاسم بتذكرة السفر إلى أندونيسيا بالخطوط القطرية نصائحكم
• المصباح
• أنشطة بحريه في جزيرة بالي
• ارجوا مساعدتكم احبتي
• أول مرة أسافر الى ماليزيا واندونيسيااحتاج مساعدتكم
• استفسار عن العمه
• ارجوكم سعادوني طالب الفزعة
• استفسار من الخبراء لو سمحتو او من لديه معلومه تفيدني
• استفسار وطلب مساعدةبليييييييز
• ما هو الافضل ؟؟؟
• أول مـرة أروح اندونيسيا مشورتكم وتخطيطكم يالخبببرة
• استفسار بسافر بعائلتي شخص
• رحله عائليه الى اندونيسيا لمدة عشرين يوم
• محتاااااااااار سااااعدوني ابغى مشورتكم
• طلب
• ممكن تدخل وتدلوا ببنصيحة لاخوك
• استفسار معرض كانتون اكتوبر
• خبراء الحجز عن طريق النت استفسار بسيط ممكن ؟

8 ايام بين الجبل وبالي متعبة لكم والوقت قليل ( من وجهة نظري ) ,,, من رأيي انكم تخلونها الجبل وباندونق وجاكرتا واذا استقريتي على المدن عطينا خبر والموجودين ما راح يقصرون

خلاص شورك وهداية الله ياطارق اهم شي مايتعبون عيالي وتكون مريحه ربي يسعدك لا اخوي تكفى اهم شي بالي علشان ابوالعيال مايعصب هو رايح علشان بالي والجبل

اعذرني اذا تاخرت بالردعليك لاني اتصل من جوالي والشبكه astضعيفه عندي اهم شي ارجع واشوف بركاتك اخوي بوضع الجدول والفنادق والبرنامج والتكاليف هههههههه شحاذه واتشرط والله مالي الا الله ثم انتم الله لايحرمكم الاجر والله اني صايمه وادعي لك ان ربي يسعدك ويطول بعمرك ويجعل حياتك امان وسعاده

قلت لك اختي الوقت ما يكفي تروحون بالي والجبل في 8 ايام بيكون تعب عليكم

يعني لو قسمنا الايام بتكون كالتالي

اول يوم بيكون ضايع لانكم واصلين من سفر طويل وتبون ترتاحون ( وصعبة على العائلة تطلع للجبل على طول ) ونفرض ان اول يوم في الجبل ( تجلسون فيه 4 ايام )

خامس يوم بتطلعون من الجبل الى جاكرتا حتى تروحون بالي ( المسافة من الجبل الى جاكرتا تقريبا ساعتين او على حسب الزحمة وبالطيارة من جاكرتا الى بالي تقريبا ساعتين وهناك فرق ساعة بين جاكرتا وبالي في التوقيت وبتوصلون وتقريباً ضاع عليكم يوم ) بتجلسون في بالي 3 ايام مع يوم الوصول من جاكرتا

ثامن يوم وهو يوم سفر تتجهون من بالي الى جاكرتا وتحرصون توصلون الى جاكرتا قبل طيارتكم بوقت كافي ,,,

تتوقعين توزيع الايام بهالشكل مناسب لكم كعائلة ؟

اذا مناسب لكم مع انه متعب جداً ردي لي حتى ارشح لكم الفنادق ولا تنسين تعطيني التواريخ بالضبط

اخوي الغالي طارق والله هذا راي زوجي يقول بس بين الجبل وبالي و9ايام كافيه طبعا من غيرالذهاب يعني عادي ماتفرق 8او9 وبالنسبه للتواريخ يالغالي مثل ماقلت يعتمدعلى جدول الرحلات يعني احنا نبغى بعدسادس العيد اهم شي يكون الرحله من الدمام طبعاوعلى اي خطوط انا معتمده على الله ثم عليك بكل شي اهم شي تشوف لناافضل التذاكر وكذلك ارفنادق واكون ممنونه لك طول العمر

اخوي نسيت اقولك دخلت على الخطوط السعوديه وسجلت تا يخ الذهاب تقريبا 13/8/2013والمغادرة حوالي 23تخيلي طلعت التذاكر ب 15،900انصدمت غاليه جدا

المشاركة الأصلية كتبت بواسطة الريم الجافل
http://www.arabtravelersforum.com/tr...3/#post7831023

اخوي نسيت اقولك دخلت على الخطوط السعوديه وسجلت تا يخ الذهاب تقريبا 13/8/2013والمغادرة حوالي 23تخيلي طلعت التذاكر ب 15،900انصدمت غاليه جدا



الحجز لكم شخص ؟
لاني حصلت على السعودية الذهاب 14 والعودة 23 ب 4589 للشخص الواحد

وارخص تذاكر طلعت معي على الخطوط القطرية الذهاب 13 والعودة22 ب 4003 ريال بس عيبها الترانزيت طويل في الذهاب 17 ساعة والعودة 16 ساعة !!

اشوفها متعبة جداً الترنزيت الطويل والمدة قصير في اندونيسيا

خلاص اخوي طارق ان شاء الله على الخطوط السعوديه هالحين شوف لنا الفنادق الكويسه وامجموع اسعارهم وبكذا اجمع التكاليف كامله واعلم زوجي وماقصرت اخوي بنتظار ردك اصلن زوجي يبغى الخطوط السعوديه

تبون فنادق اقتصادية ونظيفة والا تبون منتجعات ؟

اخةي انا ماعرف شورك وهدايه الله يعني الجبل انت تشوف الافضل فله والا فندق وكذلك بالي الافضل منتجع والا فندق يطل اهم شي نبغى شي نظيف وحلو وراقي انت شوف الانسب لنا وياترى بالي منتجع افضل والا فندق وترى معي عيالي 6و5سنين

تكفى ياخوي حاولي تعجل علينا لان زوجي بياخذ قرض بسيط حوالي 23الف وبنشوف تكفي للرحله والا لا
ونسيت اقولك بطاقه الفيزا مثل ماليزيا نخصم منها الفنادق والا لا كاش والا وش السالفه ههههههه

اخوي طارق انا شفت تقرير الاعضاء ينصحون العوائل ياخذون بالجبل فله خاصه افضل واريح وش رايك اخوي

ونسيت اقولك بطاقه الفيزا مثل ماليزيا نخصم منها الفنادق والا لا كاش والا وش السالفه ههههههه



نفس نظام ماليزيا ما فيه فرق ( بعض الفنادق تسوي حجز للمبلغ قبل الوصول وبعضها لا )






اخوي طارق انا شفت تقرير الاعضاء ينصحون العوائل ياخذون بالجبل فله خاصه افضل واريح وش رايك اخوي



حلاة الجبل ان الواحد يسكن في فيلا ،،،

الوصول يوم 13 ميلادي يوم الثلاثاء - سكن في فندق Hotel Ciputra Jakarta وسعره 505 ريال
رابط الفندق في موقع بوكنق
http://www.booking.com/hotel/id/cipu...et&aid=1329869

الذهاب الى بالي عن طريق طيران اير اسيا والتذاكر سعرها 720 دولار ( 2736 ريال ) الذهاب في تاريخ 14 والعودة 18

السكن في بالي عندك شقق اسمها Sara Residence
رابط الشقق في بوكنق
http://www.booking.com/searchresults...ml?aid=1329869

سعره في 4 ايام 1395 ريال
اذا بتاخذون سواق خاص بيكون يوميته من 120 الى 160 ريال

تاريخ 18 الرجوع الى جاكرتا ومنها الى الجبل لمدة 4 ايام
السكن في الجبل يكون في احد الفلل وهناك الكثير منها في البوابة ومتوسط سعرها 320 ريال لليوم
الرجوع الى جاكرتا يوم 22 للذهاب الى السعودية
سعر السواق في الجبل من 180 الى 200 ريال في اليوم

تقريبا التكلفة لمدة 9 ايام هي ( 7356 ريال ) وتشمل التالي ( سكن جاكرتا + تذاكر من جاكرتا الى بالي + سكن بالي + سواق خاص في بالي + سكن الجبل + سواق خاص في الجبل )

طبعا مصاريف الاكل والشرب والتمشيات غير شاملة للسعر اعلاه

ولو قلنا مصاريفكم لليوم الواحد بالكثير 1000 ريال ( للاكل والتمشيات ) في 9 ايام = 9000 ريال وبيكون المجموع النهائي = 16356 ريال ( غير شاملة تذاكر السفر من الدمام الى جاكرتا )

اخوي طارق مستغ به ليش على طول لبالي ليش مو جاكرتا بعدين الجبي وثاني شي السكن في بالي انت اخترت شقق غريبه ليش مش منتجع اوفندق

واخوي طارق يعني راح يطلع لنا مع التذاكر حوال 35500 صح هههههه يبغى لنا قرض

اخوي طارق مستغ به ليش على طول لبالي ليش مو جاكرتا بعدين الجبي



دائما افضل ان بالي تكون في بداية السفر لانه يبي لها نشاط ... وتقدرين تخلين اول ما توصلون جاكرتا على طول الجبل وبعدها من الجبل على المطار ثم بالي ( يعني تقدرون تغيرون في ترتيب المدن )






وثاني شي السكن في بالي انت اخترت شقق غريبه ليش مش منتجع اوفندق



الشقق هذه لها تقرير وتقييمها في بوكنق عالي وسعرها ممتاز جدا على عكس المنتجعات ارخص شيء بحدود 1000 ريال في اليوم

7400اخوي تكلفة الفنادق حوال 7400والبطاقه فيها 5000 يعني ادفع اول 3ايام كاش

فلل الجبل بتدفعون لها كاش لانهم ما يقبلون البطاقات

ماجاوبتني يعني تكفينا 35الف صح

المشاركة الأصلية كتبت بواسطة الريم الجافل
http://www.arabtravelersforum.com/tr...5/#post7834645

ماجاوبتني يعني تكفينا 35الف صح



مدري كم اسعار التذاكر الدولية !!!

يعني شوفي كم حصلتوا التذاكر على السعودية واضيفي الرقم على المجموع وبس

ربي بسعدك والله ماقصرت والله يعينك علينا وعلى تحملك لاسئلتنا بس تدري اخوي زوجي رافض الشقق في بالي يقول الناس تسكن فنادق تطل على الشاطى وتسكن منتجعات علشان العيال ينبسطون وانتي تقولين شقق

منتجع Mahagiri Villas & Spa Dreamland
تقرير عن المنتجع
http://www.arabtravelersforum.com/travel744111/
رابط الفندق في بوكنق
http://www.booking.com/hotel/id/maha...FXMPtAodKiQAXQ

سعر الفندق لمدة 4 ايام 3361 ريال
وان شاء الله يعجبكم

اخوي عندي سؤالين هو لازم ناخذ العده والا موضروري؟ السؤال الثاني اقدر احجز الفنادق من هالحين واذا ماسافرنا عادي نلغيها يعني اختار الغاء مجاني صح ؟ وسؤالي الاخير التذاكر كذلك اقدر احجزهم من هالحين والا اخليهم بنص رمضان

العزبة انا اشوفها ضرورية لانها بتوفر عليكم كثير ,,,
الافضل حجز الفنادق ( تكون قابلة للاسترداد ) من الان لانها بتكون اقل سعر وكذلك التذاكر لانه في نص رمضان ممكن ترتفع قيمتها او ما تلقون حجز في الايام اللي تبون

اخوي الحقني رحنا بنحجز على الخطوط السعوديه حصلنا مافي مقاعد تخيل مافي الا الخطوط السيرلانكيه وش رايك اخوي نروح معها والا مش كويسه

المشاركة الأصلية كتبت بواسطة الريم الجافل
http://www.arabtravelersforum.com/tr...5/#post7836245

اخوي الحقني رحنا بنحجز على الخطوط السعوديه حصلنا مافي مقاعد تخيل مافي الا الخطوط السيرلانكيه وش رايك اخوي نروح معها والا مش كويسه



الخطوط السريلانكية كويسة جربتها قبل 3 سنوات بس انتم رحلتكم كلها 9 ايام وحرام يضيع عليكم يومين في الترانزيت يوم في الذهاب ومثله في الرجعة واذا ما لقيتوا على السعودية اختاروا اي طيران ثاني بشرط يكون الترانزيت في الذهاب والرجعة ما يتعدى ساعتين

اخواني انا لماسافرت ماليزيا حولت المبلغ اللي اصرفه فيها من السعوديه وبكذا ارتحت وش رايكم احول 20الف الى دورالات هنا افضل اخاف نحوس هناك ومانعرف ويشغلونا العيال واعرف زوجي كسول مش افضل شورو علي

ممتاز حولي ال20 الف الى دولارات ومن هناك في محلات الصرافة حوليها الى روبية