الموضوع: سؤال لخبراء جاكرتا

مساكم الله بالخير

أنا توي أصل إلى جاكرتا من بوقور

أبي اعرف كم يومية السواق هنا .. لاني كلمت واحد وقال 600 الف
لان البنزين ارتفع ومدري ايش انا احس المبلغ كبير
لكن حسب خبرتكم كم سعر اليوم المناسب
ثانيا انا فترة اقامتي في جاكرتا 3 ايام فماهي الاماكن التي تستحق الزيارة

شكرا للجميع من الموبايل

مواضيع عشوائيه ممكن تكون تعجبك اخترناها لك:

• عاجل بخصوص صرف العمله
• يااهل الخبره ارجواعمل برنامج لرحلتي
• جزيرة بالي أسعار متفاااااوتة من أكثر من موقع أفيدونا
• ساعدوني مسافره اول مره لبلاد الاندومي
• سؤال لأهل الخبرة تكفون
• اول سفرة لي بعد شهر لآندونيسيا وأبي مساعتدكم
• اريد الذهاب الى باندونق من المطار
• سؤال سريع لخبراء بالي بخصوص اماكن النشاطات المائية
• المساعدة في السكن وكذلك جدول الرحلة اول مره اندونيسيا
• أراء الخبراء مهمه في هذا الموضوع فلاتبخلون علينا
• استفسارات متعدده جداويالشرقية
• استفسار حول اسعار التذاكر الداخلية طيران
• ماهي افضل الخطوط للسفر الى جاكرتا
• ممكن كرت الدخول يأخوان ؟
• طارق والأخوان ابيكم بكلمة راس ممنوع دخول جوالات الكاميرا
• أرجوا الرد للعارفين بالصين والمطارات
• السلام عليكم اين اجد باكيجات رخيصه الى اندونيسيا
• استفسار الله يعطيكم العافية
• مسافر جديد لـ اندونسيــا استفسارات لاهنتــم
• الغلاء الفاحش

شوف تقرير أخونا http://www.arabtravelersforum.com/user7912/



http://www.arabtravelersforum.com/travel823853/

بالنسبة ليومية السواق بين الجبل وبوقور وما جاورها بين 500 الى 550 الف بالكثير

من يوم الإثنين الماضي وانا في جاكرتا ولا دريت ان فيه اماكن مثل هذي
اللي اعرفه ان اسواقهم تسكر الساعة 9 المساء

نعم البنزين ارتفع عندهم وتم رفع سعر اليوميه للسيارات الي 600 الف لمنطقه بونشاك تقريبا
جاكرتا عاده اقل قيمه من بونشاك لان مشاويرها زحام مافيها صرف بنزين واجد كاسر ان كنت مظطر للسواق الخاص وان كنتم شباب يكفيكم تكسي واحد وتنقلاتكم محدوده فالتكسي اوفر لكم
يوم تسوق بمنقا دوا اي تي سي اذا تبي هدايا
ويوم انشول
ويوم تمان ميني
هذه 3 اقتراحات ل3 مواقع ل 3 ايام ورتبها حسب حاجتك

اخوي جاكا
قبل امس طلبت من التاكسي يوديني لمانقا دوا قال لي فيه اربعة مانقا دوا
المهم وصلنا مانقا دوا مول قلت له وقف هنا
ودخلت علشان اشتري هدايا مالقيت الا اجهزة كمبيوتر وطابعات
رحلتي للرياض بكره إن شاء الله وش اسم مانقا دوا اللي ممكن القى فيه هدايا متنوعة
ممكن تكتب اسمه بالإنجليزي لو سمحت ؟

منقا دوا مول اللي اللي وصلك له التكسي وفيه طابععات واغلب محلاته كمبيوتر وكاميرات والكترونيات وفيه بزاويته بالدور الارضي بيتزا هوت هذا منقا دوا مول
فيه جسر يربطه بسوق قدامه بالشارع اللي قدامه هذا اسمه منقا دوا itc وهو المطلوب والارخص والاكثر تنوعا
وهو الارخص والاكثر شعبيه ومتنوع البضائع ملابس شنط ساعات اكسسوارات الخ

وكلام التكسي صحيح فيه اكثر من منقا دوا منقا دوا سكواير هذا بتشوفه قريب من الشارع العام ومو بعيد عنه منقا دوا wtc هذين مو رخيصين بعد يعني فيهم بضاعه مميزه بس مو رخيص
الارخص هو الل يوصفته لك اخوي اسمه itc
وكاسر فيه قد ماتقدر وتراه شعبي يعني بدون تكييف ويقفل بدري من منتصف العصر للمغرب يعني خل طلوعك له بدري من الصبح عشان تاخذ راحتك بالتدوير والتفتيش

اكتب هذا الاسم للتكسي بالاندونسي
ITC Mangga Dua

راح اوضح لك بالصور حتي ماتتوه

هذي صوره منقادوا مول



صوره مقربه للجسر

غالبا انت سائح بيجيبك التكسي لمنقا دوا مول السوق اللي باليسار
وركز بالجسر اللي يربط بينه وبين سوق قدامه بالشارع المقابل له
تدخل للجسر وتروح للسوق الثاني اللي قدامه سوا بالجسر او بالليفت
اذا ما وجدت ضالتك فيه فيه مول قريب منهم اسئل عنه وهو ايضا رخيص اسمه منقا دوا باسار باقي هذي الاسواق تنفع للهدايا

واذا ماتبي زحام وكم هديه بسيطه فقط وانت ساكن بوسط البلد انصحك تزور مول امباسادور فيه شي بسيط ساعات وشنط وجلديات بسيطه كهدايا بسيطه يعني مو ارخص من منقا دوا لكنه يفي بالغرض للي بيشري هدايا بسيطه عدد بسيط وما يبي يتغربل بزحمه منقا دوا ويضيع عليه اليوم وساكن بوسط العاصمه مثلا ولا يبي يروح لشمالها مشاوير عشان اغراض بسيطه
رحله موفقه ابوي

الله يجزاك خير ما قصرت انا رحلتي المسا وابروح للسوق الصبح يعني فيه وقت
السؤال
منقا دوا آي تي سي ما اقدر اوصله إلا عن طريق الجسر او يقدر التاكسي يوقفني عنده مباشرة ؟

يقدر يوصلك له مباشره بس غالبا بيجيبكمن الهاي واي من جهه شارع منقا دوا مول بيوقفك عند منقا دوا مول لانه اقرب غالبا من انه يروح يلف بك لفه وسط شارع مزحوم واليوتيرن فيه غالبا ياخذ وقت
سوا هنا او هنا ان وقفك عند الجسر اطمر برجليك اسرع من خلال الجسر افضل من الانتظار بالتكسي لليوتيرن الا اذا هو جاي من جهه مول اي تي سي بيوقفك قدامه مباشره
الجسر فيه اصنصير بالدور الارضي تطلع للدور الثاني وتنتقل منه للسوق المقابل
او تطلع من نفس السوق منقا دوا مول للجسر مباشره من الدور الثاني او الثالث للسوق المقابل له



لاتنسي تحسب حساب زحام جاكرتا بالروحه والرجعه للسوق وايضا للمطار
بالاخص وقت خروج الموظفين بتكون عفسه الشوارع اذا سكنك مو قريب من المنطقه

ابروح بدري اول ما يفتح ورحلتي الحضور 9 ونص والإقلاع بعد منتصف الليل يعني يمدي ان شاء الله
بالنسبة وين انا ساكن فيه والله مدري هو قريب من المطار او بعيد
انا في فندق Alia cikini
اظن اسم المنطقة cikini