بسم الله الرحمن الرحيم
اسعد الله اوقاتكم بكل خير
مع بداية الموسم الي ان شاء الله يبشر بالخير ابارك لكم بلأمطار الله الي عمت ارجاء البلاد الله يطرح البركة
الكل يستعد لهذا الموسم في تجهيز امور البر من سيارت ولوازم وخلافة .
يوم السبت الماضي الموافق 23/11/2013 كنت مرتب نفسي اني ابداء في تفحص عزب البر (اغراض البر) وقلت بشوف ايش الي ناقص استعداد للطلعات والمكاشيت
وفي صبيحة ذاك اليوم طلعت الساعه 10 الى احد المحلات المشهورة في تجهيزات البر وبديت اتمشى واتفرج واشوف ايش الجديد اخذت لي حوالي 45 دقيقة الا وتجيني رسالة على الجوال من الغالي ابو عمر ونصها
وين الرفيق الي يخاويني نتغدى في البر في احد الشعبان
ياوالله الي تلخبط البرنامجلأني وافقت من قريت الرسالة لأنها من عزيز وغالي ولا ودك ترد رفيقك اذا له شف وخاطر على مثل هلأمور
واتصلت على ابو عمر
صباح الخير صباح النور وش العلم قال العلم سلامتك صحيت وشفت الجو زين قلت في خاطري ودي اتغدى في البر ومالى الا الله ثم ابو حصه
قلت والله الساعة مباركة بس انا لا جهزت عزبة البر ولا باقي الأمور
قال انت ما عندك ما نع قلت لاوالله ماعندي مانع
قال اجل تعال ربك بيسرها
قلت اجل بروح البيت اجيب لي لبس يتقي من البرد وبعض اللوازم واروح الجزار بجيب لنا لحمة حاشي قال توكل على الله انا احتريك
والله واروح البيت واخذ لي اغراض واجهز لي ترمس ماء حار (بعدين اقولكم ليه) وامر على الجزار واخذ لحمة الغداء واتوجه لبو عمر
واطق الباب ويطلع لي ابو عمر واسلم عليه سلام حار لأنه توه جاي من سيرلانكا
الا والله كل شي مجهزة من العزبة والحطب والتموين الله يغنية
ونصلي الظهر في المسجد الي جنب بيته (مشاء الله مجاور المسجد ) ونتوكل على الله وفي الطريق نتشاور وين الوجهه ونتفق على شعيب اخبره زين وجاني علمه انه قبل بليله سايل
وفي الطريق مرينا على التموينات اخذنا ماء شرب ولبن وماء للغسول وتوكلنا على الله مكملين الطريق في الحقيقة مشاهد طيبة الي شفناها مناقع الماء والارض رويانة الله يطرح البركة الى ان وصلنا المكان المقصود تقريباً الساعة 2:20
https://s.yimg.com/qn/up/travel/3/4/...33e13c8a2a.jpg
https://s.yimg.com/qn/up/travel/7/d/...16ea2d7712.jpg
ابو عمر قال نعم قلت وش العلم قال بس وقف المكان زين ولا يضيع الوقت
وقفنا ونزلنا اغراضنا فرشنا فرشتنا وقسمنا المهام توليت شبة النار والقهوة والشاي وابو عمر الله يحفظة تولى الغداء
https://s.yimg.com/qn/up/travel/6/d/...ebb3fc6b57.jpg
https://s.yimg.com/qn/up/travel/c/c/...40ad6c3200.jpg
اول ما ولعت النار حطيت دلة تلقيم القهوة وصبيت فيه الماء الحار الي معي في الترمس وعلى طول قامت تطبخ بسرعة عشان نستفيد من الوقت لا نتأخر في هذه الأثناء ابو عمر يجهز الغداء
https://s.yimg.com/qn/up/travel/d/5/...6f25bcedb5.jpg
https://s.yimg.com/qn/up/travel/7/f/...fef0a0a417.jpg
https://s.yimg.com/qn/up/travel/3/6/...35cc07a48b.jpg
جهز كل شي الله يعطية العافية وقفل الكاتم .، الا والقهوة والشاهي زاهبة (جاهزة)
https://s.yimg.com/qn/up/travel/2/8/...8d914250c2.jpg
قلت بما انه كل شي جاهز خلنا نصلي العصر وبعدها نجلس على راحتنا نتقهوى .
صليني العصر وقعدنا نتقهوى
https://s.yimg.com/qn/up/travel/c/3/...50b324d18b.jpg
ونسولف وناخذ علوم بعضنا ويعطيني علوم رحلته الى سيرلانكا والمواقف الي فيها ويتكلم عن طبيعة البلد وعن توجهها السياحي
وبعدها تقهوينا من هالشاهي جايبة معه من ديرة الشاهي
https://s.yimg.com/qn/up/travel/0/c/...d4783d0831.jpg
مشاء الله تبارك الله طعم شاهي وفعلاً كااااايف
قام ابو عمر وشيك على الغداء وكب الرز وكتم القدر ووزن النار وقمنا نتمشى حولنا
https://s.yimg.com/qn/up/travel/9/e/...05b6068f3a.jpg
مشاء الله تبارك الله الباذر طالع
https://s.yimg.com/qn/up/travel/d/2/...81ab1a5815.jpg
https://s.yimg.com/qn/up/travel/0/0/...3b0852597f.jpg
كان الجو جداً جميل ودافئ والشعيب مشاء الله منظرة يسر الخاطر
https://s.yimg.com/qn/up/travel/0/6/...41d03a45b5.jpg
https://s.yimg.com/qn/up/travel/d/5/...42577d9ed4.jpg
ابو عمر الله يسلمة مايخلي ابداعاته
يابو عمر لا تطيح بعدين نبلش قلا ما عليك رفيقك غواص
طيب
المهم قال ترى غدانا جاهز
غسلت الصحن جهزنا السفرة وحطينا الكبسة
https://s.yimg.com/qn/up/travel/c/2/...befdd989c0.jpg
مشاء الله تبارك الله
تسلم الأيادي يابو عمر
اقربو الله يحييكم
في الحقيقة كبسة لذيذة
تغدينا ورتبنا امورنا .،الا والله مابقى على المغرب شي قمنا توضينا وجهزنا نارنا من جديد وسوينا شاهي ثاني
صلينا المغرب والعشاء جمع وقصر وجلسنا نتقهوى الا والله بداء البرد وبداء الجو يكون صاقع زدنا في النار في أجواء ممتعة مع كاسة الشاهي في هالجلسة الطيبة الى ان جائت الساعة 8 تقريباً .
جعنا اغراضنا وشيكنا على المحل بحيث كيون مثل ما كان نظيف وخالي من اي شي سقط مننا وتوكلنا على الله راجعين الى الرياض .
استمتعنا في هالكشته السريعة والخفيفة والي كانت بدون ترتيب مسبق وبصحبة اخ وعزيز الله لايحرمنا منه ولا منكم ومما زادها متعة الجو الجميل والماء الي في الشعيب والباذر الي استبشرنا خير إن شاء الله تكون سنة ربيع
في الختام اتمنى اني وفقت في نقل شي بسيط من أولى كشتات الموسم وإن شاء الله الجاي احلا
دمتم في حفظ الله ،،،مواضيع عشوائيه ممكن تكون تعجبك اخترناها لك:
- اسئلة عن رحلات الكروز البحرية
- رادارات وخرائط الرياح والأمطار والطقس عامة محدّثة
- اسرار الرمال الذهبية
- مقناص القطا والغزلان في براري السودان عبدالله العمير
- سؤال عن كروز بحري
- بوابة القنص أو المقناص
- رحلتي لصمان مصوره
- رحلة بحرية من الاسكندرية الى قبرص
- يالربع شرايكم بالمحول الكهربائي ونوعه
- من ارشيفي وادي لجب
- هل يوجد جهاز في خرائط لسوريا والأردن ولبنان ومصر؟
- ياحلوووووو مكشاتنا بالبر
- هل استطيع تنظيم رحلة صيد بحرية للزملاء في جدة ؟؟
- البحـث عـن الذهـب الابيـض
- سيول رهيبة حول الرياض
- كشتة نايلات
- أرجو المساعدة دورات الغوص في شرم الشيخ
- استفسار عن الرحلات البحريه
- مندي التبن في وجه العدو على الكيف وبأقل التكاليف بالصور
- فرعتكم ابي خريطة اليمن للقارمن تكفووون
رد مع اقتباس
المشاركة الأصلية كتبت بواسطة ام هلاله
المشاركة الأصلية كتبت بواسطة عزوز العمير
المشاركة الأصلية كتبت بواسطة amin.sadek89
المفضلات