الموضوع: جدول شهر العسل امريكا هل من مساعد ؟

السلام عليكم ورحمه الله وبركاته



كيف الحال ..


اخواني واخواتي الكرام .. انا ان شاء الله مسافر أميركا بتاريخ 4 - 20 / 2 ..


يعني 16 يوم ..


وحجزي بيكون إلى ومن نيويورك ..


فكرت ان يكون جدولي كالأتي .. :


اوصل نيويورك .. واريح يومين .. واروح لوس انجلس بالطياره .. واقعد فيها 10 ايام ..
من لوس انجلس إلى فيقاس لمده 3 أيام بالسياره
من فيقاس إلى نيويورك .. يوم .. نريح فيه .. ونرجع إلى قطر ..


لكن كنت محتار .. هل أغير الترتيب بين فيقاس ولوس انجلس ؟


هل أدخل سان فرانسسكو فالموضوع واقلل من ايام لوس انجلس ؟




وبغيت طريقه تأجير سياره .. يعني أأجرها في لوس انجلس واخليها في فيقاس أو العكس .. وشتنصحون فيه ..




انا قريت مواضيع كثيره عن رحلات وتقارير عن أمريكا .. بس كل واحد وضعه مختلف .. وايامه وميزانيته مختلفه ..


على العموم .. الميزانيه ان شاء الله انها مفتوحه .. وأهم شي نستانس ..


شرايكم ؟ كيف أخطط للرحله ؟ وكيف اقسمها .. ووين أسكن ؟


والله يجعله في ميزان حسناتكم

مواضيع عشوائيه ممكن تكون تعجبك اخترناها لك:

• سؤال بخصوص مواصلات نيويورك؟؟
• عاجل لخبراء سان فرانسيسكو
• تكفون مابقى وقت الفزعه للموزع
• نداء الى مشرفنا الغالي امباكت
• تاريخ السفر في الموعد يختلف عن الفعلي إيش الرأي ؟؟ موعدي الأسبوع القادم
• استفسااار بسييييييط
• البلاك فرايدي في شيكاغو
• الى خبراء لوس انجلوس ارجو المساعده
• شباب الحقوني والله مني عارف ايش السالفه
• ساعدوني واعطوني رأيكم في برنامجي الرحلة في سبتمبر القادم
• سؤال عن تغيير ميعاد بداية الدراسة وعن ايش معناها
• موضوع استأجر شقه في نيويورك
• شباب سؤال لخبراء المطارات ضرووووووووري
• كيف انقل الفيزا الى الجواز الجديد؟؟
• تم وبحمد الله
• الرجاء المساعدة مقابلتى بعد يومين
• استفسار بسيط عن مدة استخراج الفيزا
• المقابلة الشخصية والورقة الزرقاء
• كشتتي إلى مدينة اوجون كيوت المصورة
• معلومات عن منطقة لكل العرب

بشهر 2 الجو روعه بميامي واورلاندو
ليش ماتروحون نيويورك 3 ميامي 3 اورلاندو 9 نيويورك 1

فيقاس ولوس انجلس بالغرب والمسافة الي نيويورك 6 ساعات طيران

يا اخ قطراوي للأبد
هل انت بتسافر الى امريكا بروحك و لا معك شباب و كم عددكم
او معك عائلة و اطفال . . . ؟
علشان نعطيك الرأي المناسب
ارجو لك التوفيق

لا الشيخ انا وزوجتي .. وهي ترغب هالاماكن

هي ترغب الألعاب .. والأماكن الترفيهيه .. ديزني ويونيفيرسال ستيديوز .. إلخ ..

بالإضافه ان المناطق جميله هناك .. ونيويورك حاليا ثلج وبرد ..

نيويورك طبعا ثلج وبرد

ممكن نيويورك ، ميامي ، اورلاندو
او
نيويورك 2 ، فيقاس 3 ، سان دييغو 3 ، لوس انجلس 7 ، نيويورك 1

اورلاندو فيها اكبر وافضل مدن الملاهي
فيقاس طبعا جميلة والشوز اللي فيها خيال

المدن كلها حلوة ، اختار وان شاء اللة نساعدك

نيويورك 2 ، فيقاس 3 ، سان دييغو 3 ، لوس انجلس 7 ، نيويورك 1

سان دييغو شاللي ممكن أسويه هناك ؟ وماتحس ان 7 ايام بسيطه في لوس انجلس ؟؟

سان دييغو فيها السي وورلد ، ليغولاند ، سان دييغو زو ، لاهويا بخلاف أماكن أخري وأسواق

أسبوع كفاية علي لوس انجلس

والله ياخي احترت !!! مابقى شي عالسفر وانا لين الحين ماحجزت شي ..


ناس يقولون لي لوس انجلس 9 ليالي ويادوب تلحق

وانت تقول لي 7 ايام كثيره !

وناس يقولون لي لاتروح لوس انجلس روح اورلاندو .. ربعي .. وانت الله يجزاك خير ..


لكن مادري والله وين اروح ! تبهدلت ..

حيالله القطرواي والقطروايه كلهم مع اني مب متعصب بس هالنادي له محبه في قلبي ..

المهم .. اذا تبي الرخص والاماكن الزينه والسوق والجو المعتدل والقرب من نيويورك تعال فلوريدا .. عندك اورلاندو جميله وفيها كل اللي تتمناه ومنها تقدر تقضي احلى الاوقات ووقتك مافيه زحمه ، انا ساكن حولها مب بعيد وارشحها لك ، الفنادق مب غاليه والبترول ارخص من الولايات الثانيه والتاكس في فلوريدا ارخص من كاليفورنيا النيوكلولكشن تقدر تحصله في ميامي او نيويورك في طريق رجعتك .. ،، والتذاكر الداخليه ان شاء الله تلقى شي يناسبك واساساً هي مب غاليه لان المسافه قصيره نوعاً ما من نيويورك الى اورلاندو والرحلات كثيره .. فكر فيها وان صملت ابشر بسعدك معاك الى ماترجع الدوحه ان شاء الله سالم غانم ، اخوك بومحمد

بومحمد جزاه اللة خير اختصرها لك

شوف اول رد لي كذلك

امريكا يا الغالي قارة كبيرة ومو بسفرة وحدة تقدر تشوفها