الموضوع: طبخة من غير مقادير وسط أجواء الربيع العليل

مسّــاكم الله بلخـــيير جميــعا.......


هذي الطبخه مثل ماتفضل بها العنوان ....

من أجمل الاوقات الي أتسمتع فيها وقت الربيع و تخصيص معظم الاوقات في البر والروض الخضراء و

الطبخ والاعتماد على النفس في هذه الكشتات الي الواحد لايكاد يمل منها و طبعا بما اني (شيف ) الجروب

دائما الي معاي :109: الا اني ارتقيت منذ 3 سنين الي مستوى الأشراف وتعليم الشباب و ابناء عمي الشباب

مهارات الطبخ في الكشتات ...والطبخه الي بتشاهدونها عباره عن تيس مشوي ومحشي بحمسة خضرا و

البهارات اضافة الي عيش الشلاني على الحطب و اقلط رجل شرقي والباخص أولا على الصحن ...وثانيا

باقي أعضاء المنتدى الي ايحبون الاكلات البريه الكشاتيه .....

طبعا هذي الصور من الربيع الماضي لهاذي السنه في شمال قطر ... فيها العافيه والله ايحيكم .....





طبعا هنا المراحل النهائيه لبدء المصارعه العشائية





والآن مارئيكم ...زين الي صورته قبل لايتحول هيكل عظمي ....شايفين الي على اليمين كيف متهدد

نشاء تكون الطبخة أعجبتكم ....واذا كان التصويت بالاجماع من (فيتوا المنتدى)

باعزمكم الربيع الجاي نشاء الله على عشاء ايبيض الوجهه .... البنات داخل الروضه و الشباب فوق الحزم

للحراسه :109:

آمل أن العرض البسيط هذا يعجبكم ... و أتمنى ان هذه البواب تعيد نشاطها ياما قبل حسيت اني وحيد فيها
ولا به حد حولك لافي مواضيع ولا ردور ...لووول ....

مواضيع عشوائيه ممكن تكون تعجبك اخترناها لك:

• كشتة خفافية وخبيزات لذيذة وشهية في نفود الغضاء بعنيزة صورة
• اللي عنده اي معلومات عن رحلات الصيد ؟؟
• ممكن اتساعدوني
• السفر برا من السعودية الى اوروبا ثم اسبانيا والمغرب والعودة الى مصر ثم السعودية
• زيارتي لمنتزه الثمامة البري اجازةعيد الاضحى المبارك
• ممكن مساعده ولكم جزيل الشكر
• طريق السفر إلى سوريا
• استفسار بخصوص رحلات الكروز البحرية و النقاب أو اللثام ؟
• جلسة عشاء دسمة تقرير مصوّر
• حباري الروياء والحبارى وبيضها مذخور
• ماذا تفعل اذا انفجر اطار سيارتك و انت مسرع؟؟؟
• إستفسار عن الرحلات البحرية المتجهه من المملكه العربية السعوديةجدة وينبع
• إنتبههيئة المواصفات العالمية زيت السيارة يعمل بكفاءة حتى عشرين ألف
• اقتحموا مجاهل الأمازون
• مناظر للعشب في بيشه بعد الامطار هـ م
• فطـور إنتركونتننتـال
• الرحلات الجويه مناطيد
• مندي أبو نورة وأحلى عيديه بكشته برية من الأراضي الجداوية
• هل ينفع اسافر تركيا بالباخرة
• وانيت فورد غمارتين تصميم للرحلات البريه‎

الله يعطيك العافيه على الصور

ولو شافها احد قبل الفطور (بدون تعليق) ههههههههههههههههه



تحياتي

[frame="7 80"]يسعد مساك اخوي سفيرنا سلطان

ههههههههههههههههههههههههههههههه

تبي الجد والا ولد اخوه يااخوي سلطان .. تبي الجد مشكلتك طحت في يد واحد اقشر شويه

لا وبعد قاعد يمدح روحه ويعلم عيال عمه وعيال جيرانهم واهل الديار البعيده اللي راح لها

هذا رز والا سليق !!!

انت صادق تيس والا دجاجه هاي لا ومحروقه بعد !!

هههههههههههههههههههههههههههههههههههه
بس تبي الجد في البر ناكل كلش .. والله لو تفصخ روحك كلناك حسبناك مضبي ..

يبيلنا مخاوة الطيبين شراوك في البر واخص الصمان يبالها كشتة يحبها قلبك بس بشرط !!









يبالنا مثل اللي فوق اذا انت من اهلها ..!!

مانبيك تطبخ نبيك ضيف شرف .. قل تم :109:



اخوك المحب:101: [/frame]

المشاركة الأصلية كتبت بواسطة Hot Chocolate


الله يعطيك العافيه على الصور
ولو شافها احد قبل الفطور (بدون تعليق) ههههههههههههههههه
تحياتي





لوووووووول .... ارمضان الجاي بنسوي عليه صدقات افطار صائم ...لوووول

الله ايحيك اسعدني مرورك ....

الباخص ....ولكم مره ثانيه وثالثه ومليون ......

الربيع الجاي أن قالها الله بتعيني موجود حولكم ....اما للمقناص ماعندي الا الي أيسرك ....السلقان موجودين والطيور موجوده لاكن مشكلتنا التطوف من المراكز عليها مشاكل ....

اما بالنسبه للتيس ... ابشرك أنه تيس على حافر وقرن ....ولايغرك السواد أن كانك تبخص في اللحم يالباخص شوف ألحمت الارقبه ......و مثل هذي الطبخه افضل بها التيوس لاني جربت الهروف ماتطلع بنفس لذة طعمه .....وان قربنا نشاء صوب دياركم باخليك أتجربه .....شرط انك تطلع من عندنا تناقز على رجل لين مخرج 15 :109: ........


شرواك الطيب يا طويل العمر وتشرفنا خوتكم .......:101:

[frame="7 80"]





المشاركة الأصلية كتبت بواسطة السفير سلطان


الباخص ....ولكم مره ثانيه وثالثه ومليون ......
الربيع الجاي أن قالها الله بتعيني موجود حولكم ....اما للمقناص ماعندي الا الي أيسرك ....السلقان موجودين والطيور موجوده لاكن مشكلتنا التطوف من المراكز عليها مشاكل ....
اما بالنسبه للتيس ... ابشرك أنه تيس على حافر وقرن ....ولايغرك السواد أن كانك تبخص في اللحم يالباخص شوف ألحمت الارقبه ......و مثل هذي الطبخه افضل بها التيوس لاني جربت الهروف ماتطلع بنفس لذة طعمه .....وان قربنا نشاء صوب دياركم باخليك أتجربه .....شرط انك تطلع من عندنا تناقز على رجل لين مخرج 15 :109: ........
شرواك الطيب يا طويل العمر وتشرفنا خوتكم .......:101:



يسعد قلبك ياغالينا
على فكره تراي امس امزح معك والا ماشاء الله اللحم فعلاً واضح انه شغل ( باخص ) يعني بجد فنان طباخ

لنا الشرف بمرورك علينا في اي وقت ومثلك وشرواك ياسعادة السفير شوفته منوه !!


مرحبا بك في اي لحظه ياغالينا :113: :113:



اخوك المحب:101: [/frame]

و أتمنى ان هذه البوابه تعيد نشاطها ياما قبل حسيت اني وحيد فيها
ولا به حد حولك لافي مواضيع ولا ردود

أفا عليك موجوديين محبيين هذه البوابة ..فهي الأصل..:24:

ورااائعة تلك الرحلة وذلك الطبخ وسط البر له نكهه خاصة.



ماشاء الله واضح إنه ذبيحه صغيره .ولحمته بيضاء..

لكن عندي ملاحظه إذا سمحت ...
بدونا في الامارات ممنوع عندهم تحط للضيوف الرقبة لييييش ما أعرف؟؟؟؟
ياترى وأنتم نفس الشي ولا عادي..!!!

وجزاك الله خير.

ررروعة وما قصرت واكرمك الله ....

الدار .... يا هلا وغلا فيك .....

تسلم لي عزيزي ......

مثلك عارف ياطويل العمر شبه الجزيره العربيه تختلف فيها بعض العادات ولاكن كله تصب في قالب واحد وبمدأ واحد .... يعني على سبيل المثال حن عندنا مانقدم للضيف تيوس وانما بالخرفان وهاذ سلم معظم الخليج .... وكذلك أيضا لا يقدم بمثل طريقة الصورة الي شفتها وانما هاذي تخبر كتشتات مع أخوان وربع و مافيها رسميات ..... بنالنسبه لعندنا حن مهب عيب عندنا ان نضع الارقبه ولاكن في نفس الوقت ما نبديها عن سائر الذبيحه ....يعني أهم حاجه عندنا ولي تبيض الوجه على اللقن ....هو سمانت فقار(أي ظهره) الخاروف و كبر حجم الكفل (أي الشحوم الي في مؤخرة الخاروف) و يفصل عنه الرأس و الكراعين و الأرقبه و الجوانب ....والبعض يجعلها في نفس القن والبعض يضعها في لقن آخر ....

ارجوا اني وضحت لك بصورة شامله عما كنت تودّ أن تعرفه ........

وتسلم يا طويل العمر ع المرور .....

المشاركة الأصلية كتبت بواسطة محبكم احمد


ررروعة وما قصرت واكرمك الله ....





بقيك الله يا أحمد .... شرفني مرورك والله ايحيك

ياخوي هذا التيس شكله من الخضورات اللبنانية الي على خط الغرافه هههههههههههههههه

بس الصراحة خوش طبخـــه ههههههههه
يعطيك العافية .. وننتظر العزيمـــه

المشاركة الأصلية كتبت بواسطة Jassim


ياخوي هذا التيس شكله من الخضورات اللبنانية الي على خط الغرافه هههههههههههههههه
بس الصراحة خوش طبخـــه ههههههههه
يعطيك العافية .. وننتظر العزيمـــه




يا الله حيه بجاسم .... هلا وغلا بطويل العمر .... التيوس طبعا بما انك من هل قطر .. أماكنها معروفه و متعدده ...والمكان الي ذكرته أيبيع منها وآخذ منها من عنده أحيانا وقت الفجر قبل لا يثلجهم ...ولاكن آخذه طبعا أبد على تحلله ...يعني ماخليه أيضيف أي شي عليه ..والباقي كله عليّ .... لاكن عرفت انا وين منبع أفكارك ....و الوعد الربيع الجاي نشاء الله ....والله ايحيك ....لوووول

المشاركة الأصلية كتبت بواسطة na9erq8


ما اقول الا اني شفت الطبخه الروعه هذي وانا صايم ؟؟؟؟؟
عاد شنو يسكت البطن الحين
صور حلوة خصوصا للصايم وهو مو متسحر امس والحين جوعان
غربل الله ابليسكم الحين تطلع سوالف الطبخ وينكم من زمان يعني حبكت الحين وحنا صيام




وسع سدرك .... الاجر على قدر المشقه ....ابشر بالأجر ...لووووووول ....

وبعدين لما تحط نفسك في موقف خلاف مع النفس تراها تصير رياضه روحيه تهيئك للي اكبر منها ...يعني على سبيل المثال لو انك تشاهد هالمناظر لمدة سنه وانت صايم وتعيش الصراع ...ترا عادي تروح تعيش في الصومال طول حياتك ماعندك مشكله ترى ...لووووووووووووووووول

تسلم لي ع المرور وحبيت أدابك بهالتحليل البسيط ... والله ايحيك

[frame="7 80"]





المشاركة الأصلية كتبت بواسطة السفير سلطان


يا الله حيه بجاسم .... هلا وغلا بطويل العمر .... التيوس طبعا بما انك من هل قطر .. أماكنها معروفه و متعدده ...والمكان الي ذكرته أيبيع منها وآخذ منها من عنده أحيانا وقت الفجر قبل لا يثلجهم ...ولاكن آخذه طبعا أبد على تحلله ...يعني ماخليه أيضيف أي شي عليه ..والباقي كله عليّ .... لاكن عرفت انا وين منبع أفكارك ....و الوعد الربيع الجاي نشاء الله ....والله ايحيك ....لوووول



سفيرنا الشيخ سلطان شدعوه يبالنا نجيكم قطر ناخذ تيوس من عندكم يبدو انها تختلف في الحجم والطعم والذوق .. والا شرايك متى نجيك نجربها ؟



اخوك المحب :101: [/frame]

المشاركة الأصلية كتبت بواسطة الباخص


[frame="7 80"]
سفيرنا الشيخ سلطان شدعوه يبالنا نجيكم قطر ناخذ تيوس من عندكم يبدو انها تختلف في الحجم والطعم والذوق .. والا شرايك متى نجيك نجربها ؟
اخوك المحب :101: [/frame]





الباخص .... التيوس عندنا مالها استهلاك قوي ...ولا هي بأزين من الي عندكم ....... شرايك حنا أنجيك مع شباب البوابه كلهم .....:x1: :x1: خخخخخخ

[frame="7 80"]





المشاركة الأصلية كتبت بواسطة السفير سلطان


الباخص .... التيوس عندنا مالها استهلاك قوي ...ولا هي بأزين من الي عندكم ....... شرايك حنا أنجيك مع شباب البوابه كلهم .....:x1: :x1: خخخخخخ



مرحبتين ولنا الشرف بمثل وشرواك ومن ينتسب لهالبوابة
بس بشرط المسيار علينا الا وهو /

يتم المسيار علينا خلال العشر الاواسط هذه ..لكي تكون حار بحار وانت على يديك الدعوة فقط وان تحت تصرفك ويديك من هاي لهاي ,
ابشر بسعدك وفالك طيب .. ترانا نستنا الموعد خليته لكم تحددونه لامشكلة عندي بس بشرط فيما بين 10... الى 20 رمضان .. :24:

اخوك المحب :101: [/frame]

المشاركة الأصلية كتبت بواسطة الباخص


[frame="7 80"]
مرحبتين ولنا الشرف بمثل وشرواك ومن ينتسب لهالبوابة
بس بشرط المسيار علينا الا وهو /
يتم المسيار علينا خلال العشر الاواسط هذه ..لكي تكون حار بحار وانت على يديك الدعوة فقط وان تحت تصرفك ويديك من هاي لهاي ,
ابشر بسعدك وفالك طيب .. ترانا نستنا الموعد خليته لكم تحددونه لامشكلة عندي بس بشرط فيما بين 10... الى 20 رمضان .. :24:
اخوك المحب :101: [/frame]



وييييييين الله يرضى عليك من 10 الي ع20 رمضان ....بدري واجد ...انا اذا باجي دياركم في ذا الوقت باقولك انتظرني عند مفرق صلبوخ ...ولين شفتك باشغل لك الدنجر عشان تتبعني ......ولاني بموقف الا عند الحرم .....لووووووول

الصراحة انه شههههههههي ماشاء الله عليك يا لسفير سلطان و مع الصوم بعد يصير الوضع خطييييييييييييييييير

المشاركة الأصلية كتبت بواسطة extream


الصراحة انه شههههههههي ماشاء الله عليك يا لسفير سلطان و مع الصوم بعد يصير الوضع خطييييييييييييييييير




ياهلا وغلا بك طويل العمر ....لوووووول ....تماك نفسك لين الأذان ..... خخخ

تسلم لي عزيزي ع المرور ....والله ايحيك