الموضوع: ماحقيقة الرجل والاربع بنات في البر اللي مغرزات

[frame="7 80"]أنـا واربع بنات في البر....

--------------------------------------------------------------------------------


البر وما أدراك ما البر ... فيه وناسه وفيه بعض الأحيان تعاسة
...
في ربيع هالسنه 1427هـ أتفق الشباب في الاستراحة على طلعت بر .. وقالو لي يابو ثامر نبيك معنا فيها قلت والله ياجماعة الخير أشتريكم وأشتري أمخاواكم بس عندي شرطين ولا تضحكون علي .. قالوا هات ما عندك يا بو ثامر قلت الأول أم أعيالي أبشاورها .. والثانية أبروح في سيارتي ولا أبي أحد معي ... قالو أفأ ليه قلت من غير ليه .. قالوا أبشر والوعد بكرة في ( أم أرقيبة ) الساعة 12 الظهر عشان ندخل الصمان بدري قبل تظلم العين .... شاورت أم العيال ولا مانعت .. حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم صليت الظهر والحمد لله مافيه أحد تخلف من العيال .. دخلنا الصمان ويازين الصمان أرض خضراء ودفى ووناسه .. جلسنا في أم أقرين ومشينا فيه الين مناخ .. قضينا في الصمان خمس أيام راحة كنها ليلة .. أنا أنشغل بالي مع أم العيال والعيال وأمي .. قلت للربع أنا أبمشي للديرة .. قالوا أن مشيت مشينا .. قلت هذا المقصد يوم أجيب سيارتي معي .. أنتم وسعوا الصدر وأنا أبقطع النفود ثم أتوجه يم الديرة .. قالو ما نقول شي خذ راحتك بس خل الكنود شغال وبرمج المكان على القارمن والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .. قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت ( الأعصل ) وادي شرق تمير عرفته من الطلح يوم كنا نصيد فيه ..
الوادي يمشي مشي ضعيف والمطر وقف قلت هذي ساعتك يابوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة ..
الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات ..

غاب القمر يا ناس والراس محتــــــاس .... في وسط وادي كل أرضه حصاني
لا جيت أنا أبمشي فيه والموتر الشاص .... قـام يتمايــل فوق رمــــث حدانـــي
شبيت ناري واعتـــــــلآ النار محمــاس .... لعل ضيـــفي شــم نــــاري وجانــي
هبــــت جـنوب فوقها الـبـــــرق رقــاص .... بــــرق حـقـــوق أرتـفع لـي وبانـي

وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته ..
بس الصياح كنه أرتفع وأرتفع معه أزعاق وكن أحد يحاول يسكته بالقوة ......
الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة يوكن حمراء وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة .. السيارة أمظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .. أنا قلت هالكلمة ولا الصياح يوم طلع من السيارة .. فتح الباب ولا وش أشوف أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت لها أسمعني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر .. سحبتها وانقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر أمر .. وأنا أحاول أركب البكرة في موترهم الآ والسواقة طابة معي في الطين قلت يا بنت الناس استريحي ما عليك من شي أذا أحتجتك ناديتك قالت عيب علينا حنا بنات أرجال ... أنت ما قصرت أتعبناك ودمرنا سيارتك .. قلت أبد ما عليك الغريب للغريب نسيب ..
وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي ..

أوا هني اللي علي النـفد نايـم ... أمجاور نار الدفا من غضاها
قناص أو كشـات فوقـه عـزايم ... ربعـه يدلـونه الي هو نـواها
تركت أنا الصمان والجوغـايم ... قاصـد أبي الديرة وقلبي نواها
لقيت أنا المزيون والقلب صايم ... عن الحرام اللي أبعد هواهـا

.. ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وتركيه .. أنا الحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة قالن حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس ..
قلت ورطنا .. قالت السواقة ليه .. قلت الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن ( غار عليه باب مفكوك ) قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله ..
قالت السواقة ما قصرت الله يعفيك بس أبي رقم جوالك قلت لية قالت بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موترك أندمر من السحب والبرد قلت نعم .. قال وش تبي المكافأة قلت أبي سلآمتك بس .. قال لا .. أنت مثلك في هالديرة قليل .. قلت لا بل كثير قال: تقولي لا من أنت يا لوح علشان تقولي لا .. مسك الدلة وظربني بها علي راسي ( وأنا أقوم من النوم وأتعوذ من الشيطان وأنقلب علي جنبي الثاني وأنام )


منقول :24:


اخوكم المحب [/frame]

مواضيع عشوائيه ممكن تكون تعجبك اخترناها لك:

• من أجواء الصمـان الطرفيه
• إهداء خاص لمحبي فصل الشتاء
• وش قصة هذه الحيوان اللي أزعجنا
• كروز بحري
• القهوة الشمالية في البلاد الشامية وعلى سفوح جبال حلبون الثلجية
• مجرب السفر الى اوربا الشرقية بالسياره
• المملكة العربية السعودية
• بشائر الخير على مدينة دبا
• رحلتي الاوربيه على الكروز النرويجيه فبراير
• ممكن مساعده ولكم جزيل الشكر
• ام رقيبــــــه هـ
• رحلتي لإكتشافات كهوف الصمان باحث اثار
• رحلة لأجمل مناطق حرّة كشب بالفديو وتغيير لنمط التوثيقرحال الخبر
• ارجو مساعدتي
• الخرب الاعرج وحبارى العجاجمذخور
• رحلة رحال الخبر لمعالم حرة خيبر البركان الابيضفدك التاريخيةكهف ام جرسان
• اود السفر من البحرين الى اوروبا بالسياره ماهي نصائحكم
• مندي التبن في وجه العدو على الكيف وبأقل التكاليف بالصور
• كشتة قميري في أرض الصمان هـ
• اعطال متعمدة بالسيارة

كنت حاسس يالباخض انه فيها مقلب . وابغ انزل لنهاية الموضوع قلت عيب احرقها على حبيبنا .
وطلع ظني صح .
كل سنة وانت طيب وشهر مبارك .

ههههههههههههههههههههههه
ياسلام عليك , حتى في المقالب باخص .....
تحياتي ...

حسبى الله على عدوك

وانا مصدقه ومندمجه مع القصه

لاوبعد تأثرت لما جو اخوانها ياخذونك قلت المسكين ابتلش

ولما قالك الشايب يالوح قعدت اقراها خمس مرات مانى مستوعبه

على العموم حلوه

وبعدين شنو صار فيك بعد ما ضربك بالدله كمل ترانا متابعين

[frame="7 80"]





المشاركة الأصلية كتبت بواسطة bagher


كنت حاسس يالباخض انه فيها مقلب . وابغ انزل لنهاية الموضوع قلت عيب احرقها على حبيبنا .
وطلع ظني صح .
كل سنة وانت طيب وشهر مبارك .



الغالي عشرين مره تسمينا الباخض !! عس ماشر لسانك فيه شيءّّّّ!!!!! اسمي الباخص بحرف الصاد
تصدقني عاد من كثر ماتكرره انت بالباخض جاني بلا في لساني !!


اشكرك على الباخض


اخوك المحب :101: [/frame]

ماشاء الله عليك حتى في حلمك بر ونفوذ

الحقيقه حركه حلوة والقصه هم حلوة مثلك

[frame="7 80"]





المشاركة الأصلية كتبت بواسطة نمر الرويس


ههههههههههههههههههههههه
ياسلام عليك , حتى في المقالب باخص .....
تحياتي ...



اخوي نمر قول وفعل نمر بر ومكشات

نشكر مرورك يالغالي:114: :24:


اخوك المحب :101: [/frame]

روووعة وما قصرت بس لا تعودها ترى ما هو ازيلك .... ترى بنصقعك بالدله صدق

المشاركة الأصلية كتبت بواسطة bagher


كنت حاسس يالباخص انه فيها مقلب . وابغ انزل لنهاية الموضوع قلت عيب احرقها على حبيبنا .
وطلع ظني صح .
كل سنة وانت طيب وشهر مبارك .



الحمد لله .. والله وقلت الرجال نشمي ويلزم كشته معه ويكفينا شر التقرير بعد .. لكن لو انه حلمك كان بعد يمكن .. لكن منقول وحلم .. :112:

:114: :114:

وبعدين وش صار ؟؟؟:114: :114:






الله يقطع ابليسك ....:109: .........والله لو تشوف التعابير على وجهي ... الفم فاغر والعقل ساهي

والحلم وارد

واتخيل الموقف كانه فلم مصور قدامي ,,,, قاعده اقول والله يصلح فلم سينمائي :109: :109:


لكن الصراحه حلم يجنن ........:24:

لكن الله يهديك لو ماقلت لا ....:109:

كان كملنا القصه وش صار :109:

شكرا لك واستمر هذه الكتابات الرائعه ...............

تحياتي :24:

[frame="7 80"]





المشاركة الأصلية كتبت بواسطة عاشقه دبي


حسبى الله على عدوك
وانا مصدقه ومندمجه مع القصه
لاوبعد تأثرت لما جو اخوانها ياخذونك قلت المسكين ابتلش
ولما قالك الشايب يالوح قعدت اقراها خمس مرات مانى مستوعبه
على العموم حلوه



ستر الله علي ولو انه حلم غيري
بس بغينا نروح فيها .. صفعة الدله تعور لو انك ولد جيرانهم .



اخوكم[/frame]

الباخص الله يهديك تحمسنا و خشينا جو



و اخرتها تحلم ؟؟؟؟:109:

بصراحه موضوع باخص
وشعر جميل

تكفا كمل لو كذب لوحلم اللى هو
ولاتعود تقوم من النوم في احلي المقاطع
ياخي ليتك قمت يو صكتك السلسله وريحتنا
والله ضيقت صدري يابو عبدالرحمن
لاكن ابشر بقضاها

السلام عليكم و رحمة الله وبركاته

ماشاء الله عليك
اندمجنا في السالفه

و آخر شي تطلع مقلب

يعطيك العافية
أجمل تحية من أخوك
بوراشد

[frame="3 80"]





المشاركة الأصلية كتبت بواسطة رمروم


:114: :114:
وبعدين وش صار ؟؟؟:114: :114:
الله يقطع ابليسك ....:109: .........والله لو تشوف التعابير على وجهي ... الفم فاغر والعقل ساهي
والحلم وارد
واتخيل الموقف كانه فلم مصور قدامي ,,,, قاعده اقول والله يصلح فلم سينمائي :109: :109:
لكن الصراحه حلم يجنن ........:24:
لكن الله يهديك لو ماقلت لا ....:109:
كان كملنا القصه وش صار :109:
شكرا لك واستمر هذه الكتابات الرائعه ...............
تحياتي :24:



ههههههههههههههه رمرومه كلتها ياحيك للقصص شايفتني عجوز اقص عليكم ههههههههه

ابشري بسعدك لو الدله على راسك .. :109: :109: :109:


اخوك المحب :101: [/frame]

مبدع حتي في احلامك الصمانيه
من كثر ولك بالصمان قمت تحلم بالكشتات والمقانيص
عموما حاول تعطيها كبسه سحوور دسمه ونام ممكن يكون في تكمله للقصه

أنت وراي وراي يا أبو عبدالرحمن الله يهديك ..
حتى حلومي تعرفها أنا وش بيني وبينك ..
بس قرب أبقولك شيء .. قرب بعد ..
أنا أعرف أن القصة حقيقية ..
لكن التفاصيل مختلفة ..
والنتيجة حقيقة ..
وليست حلم ..
والتفاصيل ..
فيما بعد !!

المغامر ؟

حرام عليك وقصيده وانت تسحب السياره حلووووووووووووووه

الله يرجك
انا خشيت جو لا قلت اكيد بيزوجونه المزيونه وانت توسطلي عندهم يزوجوني اختها

المشكله دايم اكل مثل هالمقالب لكن يوم شفت سالفة قصيد لا والتوصيف بالملي صدقت

ماودك تشوفلنا حلم ثاني,,

لاوالله ودك الصقعه من ام العيال يوم قال بيت الشعر...............منهي المزيون هههههههههاه علمني

مشكور على الحلم الجميل

بس تصدق ان احلامك في النوم تشبه احلامي في اليقظة :101:

ابوعبدالرحمن
اسعد الله جميع اوقاتك بالمسرات.


القصة لها تكملة وخل عنك الكلام ترى هاالنهاية الدرامية ماقريتها في القصة الاصلية وفي النهاية حلم:114: .

النهاية اللي قريتها انا.. ان ابو البنات عرض عليه وحده من البنات للزواج خصوصا اللي كانت تحاول تساعده..:101:
لذا سأبحث عن الرابط الاصلي للقصة كما قرءته واضعه هنا بعد اذنك.

ختاما لا تنقل مثل هذه الاحلام وبجانبك ام عبدالرحمن لأن النهاية اكيد فيها:112:

تقبل تحياتي ووافر احترامي

:112: :112: :112: :112: :112: :112: :112: :112:
:112: :112: :112: :112: :112: :112:
:112: :112: :112: :112: :112:
:112: :112: :112: :112:
:112: :112: :112:
:112: :112:
:112:
الى الحين مافكيت من هذا المقلب :110: :110:

زين طلع دم من راسك ولا لا.......؟؟؟؟؟؟؟؟؟؟؟؟؟

[frame="7 80"]





المشاركة الأصلية كتبت بواسطة مشاري-Q8
http://www.arabtravelersforum.com/tr...57/#post934057

مبدع حتي في احلامك الصمانيه
من كثر ولك بالصمان قمت تحلم بالكشتات والمقانيص
عموما حاول تعطيها كبسه سحوور دسمه ونام ممكن يكون في تكمله للقصه



اخي الحبيب يسعد قلبك
اتشرف بك وبكشتات الصمان ترى الخير مقبل ولله الحمد والمنه


اخوك المحب :101: [/frame]

:109: :109: :109: :109: :109: :109: :109:

تصدق اني دخلت جو مع القصه ويوم قراءة انك صحيت من النوم :112: :112: :112: سخت شويه عليك وبعده :109: :109: رجعت لي الابتسامه .

[frame="7 80"]





المشاركة الأصلية كتبت بواسطة ميدان
http://www.arabtravelersforum.com/tr...90/#post939890

حرام عليك وقصيده وانت تسحب السياره حلووووووووووووووه



من حبنا للقصيد والشعر حتى في الحلم نظمناه ..:24:

اخوك المحب :101: [/frame]

حسبي الله على بليسك
وانا خاش جو في السالفة
الله يهديك

حسبي الله عليك يالباخص

والله يااني دخلت جو لدرجة إني خضت في الماء معهم وأحس أنه جاني البرد وفي الأخير تســــــــــــــحيب في تســـــــــــحيب ليت تكمل لنا وتحط في القصة بكرة دال الواير اللي انقطع وتسلم يالغالي.

السلام عليكم ورحمة الله وبركاته
حياك الله يا الباخص الله يسعد قلبك
قصة جميلة ونهاية أجمل
لكن أحببت أن أذكر هذه الفائدة للجميع
الفائدة :
وللكذب أنواع :
يكون في الرؤيا فالنبي صلى الله عليه وسلم يقول: ((من أفرى الفرى أن يري عينيه ما لم تر))(1)رواه البخاري رحمه الله.

والفرية: هي الكذبة العظيمة ومعنى الحديث أن من أعظم أنواع الكذب على الله أن يقول الإنسان رأيت في منامي كذا وكذا وهو في الحقيقة كاذب، فالرؤيا الصالحة جزء من ستة وأربعين جزءا من النبوة .

ويقول صلى الله عليه وسلم: ((من تحلم بحلم لم يره كلف أن يعقد بين شعيرتين ولن يفعل)) (2).رواه البخاري.

وهذا عقابا له إذ لا يستطيع أحد ان يعقد بين شعيرتين كما يعقد بين حبلين.

جعلنا الله من الوقافين عند حدوده .
قد تكون هذه القصة حلم صادق لكن إذا كانت قصة من نسج الخيال فتلك مصيبة .
تقبل مني التحية يا أبا عبدالرحمن
أبوسفيان

المشاركة الأصلية كتبت بواسطة sofian43
http://www.arabtravelersforum.com/tr...8/#post1069288

السلام عليكم ورحمة الله وبركاته
حياك الله يا الباخص الله يسعد قلبك
قصة جميلة ونهاية أجمل
لكن أحببت أن أذكر هذه الفائدة للجميع
الفائدة :
وللكذب أنواع :
يكون في الرؤيا فالنبي صلى الله عليه وسلم يقول: ((من أفرى الفرى أن يري عينيه ما لم تر))(1)رواه البخاري رحمه الله.

والفرية: هي الكذبة العظيمة ومعنى الحديث أن من أعظم أنواع الكذب على الله أن يقول الإنسان رأيت في منامي كذا وكذا وهو في الحقيقة كاذب، فالرؤيا الصالحة جزء من ستة وأربعين جزءا من النبوة .

ويقول صلى الله عليه وسلم: ((من تحلم بحلم لم يره كلف أن يعقد بين شعيرتين ولن يفعل)) (2).رواه البخاري.

وهذا عقابا له إذ لا يستطيع أحد ان يعقد بين شعيرتين كما يعقد بين حبلين.

جعلنا الله من الوقافين عند حدوده .
قد تكون هذه القصة حلم صادق لكن إذا كانت قصة من نسج الخيال فتلك مصيبة .
تقبل مني التحية يا أبا عبدالرحمن
أبوسفيان



الغالي اباسفيان
جوزيت خيراً على كل تذكير تقوم به .. وهذه الحكاية انما ذكرت اسفل منها وقلت انها منقولة ..
اي انها ليست من حبك واعداد محبك ..


-------------
اخوك المحب :101:

طيب...ليش طلبت رقم جوالك؟؟؟
abonjoud

المشاركة الأصلية كتبت بواسطة koogak
http://www.arabtravelersforum.com/tr...8/#post1068348

حسبي الله على بليسك
وانا خاش جو في السالفة
الله يهديك



لهذا السبب نقلنا القصة هنا في منتدى الاحبة لمثلك وشرواك ولكي تدخل الجو الرهيب الذي اخره كئيب ..


-------------
اخوك المحب :101:

:110: :110:
ههههههههههههههه
قصه جميله
ومقلب اجمل

ههههههههههههه

أحلام سعيده وكوابيس بعيده

المشاركة الأصلية كتبت بواسطة علي الاسود
http://www.arabtravelersforum.com/tr...3/#post1070483

:110: :110:
ههههههههههههههه
قصه جميله
ومقلب اجمل



مرحبا اخوي علي
وياحيك

-----------
اخوك المحب :101:

ههههههههههههههههه

والله كنت متحمس واقول كل يوم اطلع للبر ولا نشوف الا العرابجه

الصراحة قصة حلوة

المشاركة الأصلية كتبت بواسطة باب هداج
http://www.arabtravelersforum.com/tr...0/#post1069100

حسبي الله عليك يالباخص

والله يااني دخلت جو لدرجة إني خضت في الماء معهم وأحس أنه جاني البرد وفي الأخير تســــــــــــــحيب في تســـــــــــحيب ليت تكمل لنا وتحط في القصة بكرة دال الواير اللي انقطع وتسلم يالغالي.



هلا بالغالي ابومصعب
هههه اشوفك خذت جو بالفعل .. ومن بعدها كثرت المكشات لعلك تجد مثلهم في كشتة من مكاشيتك :114:


[line]
اخوك المحب :101:

المشاركة الأصلية كتبت بواسطة abonjoud
http://www.arabtravelersforum.com/tr...8/#post1069498

طيب...ليش طلبت رقم جوالك؟؟؟
abonjoud



حتى الحلم بتحسدونهم عليه .. :114: :109:


[line]
اخوك المحب :101:

وااااااااااو

انا صدقت والله وحزنت عليهم

الف شكر اخوي على الموضوع

يعطيك العافيه..

ابو عبدالرحمن يعطيك العافية ومانتبهت انك قلت ابو ثامر بس دخلت جو

طيب..علمني انا بس..
abonjoud

لاتعودها .

هههههههههههه
صح انا كنت متحمس بس كلت مقلب حلو:112: :112: :112:

والله شديتنا و قريت الموضوووووع بس حلوووه

أأأأاااااااااااااااه منك ياباخص والله أتحمست معك في القصة طلعت الهرجة مقلب
مشكور ويعطيك العافية بس حلوة منك

مشكور علي الملف

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه

سحبتني تسحيب بس الله يسامحك

بس عجبني الشايب يوم قالك مين انت عشان تقولي لا ،،، وصكك بالدله على راسك ،،، شكل الشايب راعي افلام اكشن.........................


بس حلوه القصه لاني تحمست معها






والسلام،،،

انا خفت على البنت ايش سوالها ابوها
:110: :110:
بس طلعت السالفة كذا
:112: :112: :112:

هاهاهاها لا تخاف هل حلم خير ان شالله بتاخذ حرمه جديده

عزالله انها قصه زينه واحلا مافيها قصيدها والله يعطيك العافيه

عز الله انها قصه رائعه واحلا مافيها قصيدها والله يعطيك العافيه
وعساك علقوه

عزالله انك شغمووووم والله شكل القصه صدق وماتبيناندري لكن تصدق عااااد والله ان قصيدتك ناااااااهيه ووالله العظيم اني شاك ان بيطلعلي في الاخيرياحليب السعوووديه اوحليب نييييييدوو لكن طلع حلم على العموووم لومايجينامن الحلم الا هالقصييييييييده ووجهك ابيض..

هههههههههههههههه
يووووووووووووووووووووووووووه انا دخلت جو مع القصه اندمجت الى ابعد الحدود

بس اتخيل نفسي مكان هالبنات(كان اموت في ساعتها من الخوف)

بس يعطيك الف عافيه......وكل حلم وانت بخير....

حلوه لولا آخر سطرين

يمكن لو كملت كان زوجك وحده منهم

السلام عليكم


أخوي البااااخص بعد التحية أشكرك على قصتك الحلوووة والتي شدتني من بدايتها وأنا أمدح فيك وأقول والله الرجال الكفو وكثر الله من أمثاله ولكن في النهاية طاح وجهي وقلت وش ذا الخرطي وما عاد أقدر أقول لك الا لا عاد تكثر من النوم مرة ثانية ونقل المواضيع:11ight: ....وفي انتظار المزيد من مواضيعك الجميله والشيقة .


تقبل خالص تحياتي ؛؛؛

هههههههههههههههههه
والله في البداية انك رفعت راسي

لكن خربتها في الاخير ههههههههه

يعطيك العافية

ههههههههههههههههههههههههههههههههههههههههههههه
انا مندمج مع السالفة وماسك خط واتخيل نفسي المنقذ واقول تخيل انه انا وبالاخير طلعت السالفة خرطي