الموضوع: نيويورك حاليا

السلام عليكم

الحمد الله بعد معاناة بالطائرة لمدة 14 ساعة وصلنا إلى نيويورك أمس الساعة 7 بالليل
وكان بانتظارنا عاصفة ثلجية !!
طبعا أهل نيويورك ما يسمونها عاصفة ، بس بالنسبة لنا كانت قوية لأن مو متعودين على هذي الأجواء ، ثلللللج وهوااااا وبررررررررررررررررد ومانعرف نمشي نتزحلق

ترى الصور مو مبينه قوة وكثافة الثلج
بس على الطبيعة كان ينزل بغزااااااااااارة
مطر مثلج يعني

هذي المدرجات الحمراء المفروض تكون مزحومه من الناس والسواح ن شوفوها شلون فاضيه !!!

ما قدرنا نشوف شي من كثر الثلج والسنو والهوا والبرد القارص
رحنا تعشينا ورجعنا فندقنا على طول
وهذا فندقنا

أحب أشكر كل الأعضاء الي ساعدوني بحجز وترتيب هذي السفرة وخصوصا الأخ بو عزيز
http://www.arabtravelersforum.com/user343540/

مواضيع عشوائيه ممكن تكون تعجبك اخترناها لك:

• خبر يضيق الصدر
• ثلج نيويورك وجنة الأطفال اورلاندو
• احترت وقررت
• ابي اسواق مفتوحه مثل اللاكنتيرا سان انتونيو
• نيويورك
• نيويورك او هونغ كونق ؟؟؟ايهم ارخص شوي
• محتاجه مساعدتكم لرحلتي انا وعائلتي لأمريكا
• لمن لديه خبره بـ
• كيف الجو في شهر اكتوبر ؟
• اقترحاااااااااتكم ياخبراااااااء نيويورك برنامج مدة ليالي
• مشكلة في طباعة إستمارة الفيزا
• الافادة عن سكن لعائلة أشخاص زوجين و أولاد في سان خوسيه
• شـــحـــن الـــعـــفـــــش
• شباب من يفيدنا ضروري
• رحلة في الغرب ابتداءا من بورتلاند
• سؤال لمشرفنا العزيز والخبراء
• حجزوشراءالتذاكربالنت
• عاجل فنادق لاس فيجاس
• تعتقدون اقدر ازور هذي المناطق كلها مره وحده ؟
• الحقو تذاكر لامريكا بسعر رخييييص

الحمد الله اليوم توقف الثلج وراحت العاصفة
الجو حلو لكن باااااااااااااااااااااااااااااااارد لأبعد الحدود
أبرد من أمس بوقت العاصفة !!
المشكلة ان اغلب الأماكن السياحية مغلقة اليوم بسبب العاصفة
تمثال الحرية والباص السياحي وانتر..... مادري شنو اسمها كلهم مغلقين
حسافة
هذي الصورة أول ما طلعنا من الفندق انصدمنا فيها

طبعا هذي الصور الصبح بالجو الباااااااااااااااااااااااااااارد جدا
بس لما صار بالليل ...... خلالالاص

لا مجال للسياحة ولا للمشي ولا لأي شي غير الفننننننننندق

والطامه الكبرى
ان احنا ماشاء الله عددنا 6 أشخاص ، انا وزوجتي وعيالي 4 ومنهم واحد رضيع ، بس مثل ما قلتلكم الباص متوقف عن العمل والتكاسي الزفت
ما يرضون يركبونا كلنا بتاكسي واحد
يقولون ممنوع حدكم 4 أشخاص
انزين شسوي يعني آخذ تكسيين ولا أأجر سيارة ولا شنو

قوانين بايخه
قزرناها مشي
ما يندرى باجر شنو بيصير لنا ، دعواتكم يا جماعة الخير

هلا بوسعود

معليش حظكم جذى , عاصفة ثلجية بامريكا واعلان حالة الطوارى بخمس ولايات . بس ان شاء اللة اورلاندو بتنبسطون

دير بالك وخلكم جاهزين لالغاء او تاخير الطيران

الحمد لله على السلامة

على حظكم عاصفة ثلجية
استمتعوا بالسنو خاصة الاطفال الله يحفظهم

معوضين بفلوريدا لأن جوها حلو الايام هذي

متابعين معاك

المشاركة الأصلية كتبت بواسطة Omarssk
http://www.arabtravelersforum.com/tr...9/#post7558179

حمدالله على سلامتكم والله يحفظكم ويسعدكم



الله يسلمك أخوي عمر
ومشكور على الدعاء
والله يحفظ غاليك

المشاركة الأصلية كتبت بواسطة aziz20012001
http://www.arabtravelersforum.com/tr...1/#post7558451

هلا بوسعود

معليش حظكم جذى , عاصفة ثلجية بامريكا واعلان حالة الطوارى بخمس ولايات . بس ان شاء اللة اورلاندو بتنبسطون

دير بالك وخلكم جاهزين لالغاء او تاخير الطيران




هلا أخوي بو عزيز
والله طلع حظي مع نيويورك مو حلو ، الله كريم ان شاء الله يتعدل الحظ باورلاندو
شفت لما سألتك عن موقع القري لاين ودليتني عليه ، طلع المكان قريب كلش مثل ما قلتلي بس على حظي لما رحت هناك ووصلت بستلم التذاكر طلعت الباصات مسكره بسبب العاصفة
هذا الحظ ومايسوي
مشكور على التواصل وعلى التنبيه ، وإن شاء الله ما تتسكر المطارات باجر
دعواتك بو عزيز

المشاركة الأصلية كتبت بواسطة Stranger Man
http://www.arabtravelersforum.com/tr...9/#post7558589

الحمدلله على السلامه بوسعود .. مثل ماقال بوعبدالعزيز ان من اول امس ضربت عاصفة على نيويورك ورود ايلاند وبعض الولايات وتوقفت الحركه حتى السيارات امنعوهم عن الحركه ..
بالنسبه لفلوريدا الجو حلو هالايام خاصه في ميامي الحراره من عشرين الى اربع وعشرين في النهار وفالليل تنزل الى ١٥ وحولها ..
اورلاندو جميلة جداًَ وبتستانسون إن شاء الله ،، لي يومين فيها ومستانس .. ان شاء الله بكره ارجع الى مدينتي ويوم الخميس رايح بعد اورلاندو عندي شغل مع جامعتها عسى الله يسهل امري وامركم ..
طمنا عن اخبارك بوسعود
اخوك بومحمد




هلا أخوي بو محمد
الله يعطيك العافية
انا سألتك عن الجو بفلوريدا قبل ما أسافر بجم يوم وقلتلي ان الجو حلو ...... بس نسيت اسألك عن الجو بنيويورك !
الله كريم
وصح كلامك وكلام بو عزيز بسبب العاصفة تسكرت مطارات وشوارع وحتى أماكن سياحية
اخترب الجدول الي كنت مرتبه ، بس الحمد الله على كل حال
ان شاء الله باجر بنجيكم بفلوريدا ويكون حظنا حلو فيها
والله يسهل كل أمورك بالجامعة وبالدراسة وبحياتك يارب
مشكور وما قصرت يا بو محمد

رحلتكم بو سعود رحلة ثلجيه ،،، بعد الواحد في حياته مايشوف الثلج الا يوم يروح مثل هذي الدول ،،، استمعت ومتع العيال وباذن الله ونسمع اخبارك بشكل يومي علشان تطمنا عليكم

المشاركة الأصلية كتبت بواسطة الحوسني
http://www.arabtravelersforum.com/tr...7/#post7558597

الحمدلله على السلامة اخوي بوسعود ورحلة موفقه بإذن الله يعينكم على هذا الجو الثلجي وطمئنا عليكم

الله يسلمك أخوي الحوسني
والله يعين الجميه إن شالله
والحمدالله وضعنا جيد ليلحين
وانشالله يكون ممتاز باورلاندو

تقرير رائع تسلم يمينك

الحمد لله على السلامة وان شاء الله تعوظونها في فلوريدا

هذه الايام معروفة وقت تقلب اجواء في نينورك والجزء الشمالي !!

الحمدلله على السلامه اخوي ابوسعود وان شاءالله تستانسون برحلتكم

عندي سؤالين وان شاءالله ترد علي : شنو طلبات فيزا ولدك الصغير الله يخليه لكم ؟؟؟؟؟
كم علبة حليب اسمحوا انكم تدخلون معاكم ؟؟؟؟؟؟؟

المشاركة الأصلية كتبت بواسطة كل حزني
http://www.arabtravelersforum.com/tr...2/#post7560252

تقرير رائع تسلم يمينك



مشكور عزيزي
والله يبعد عنك الحزن ان شاء الله

المشاركة الأصلية كتبت بواسطة aziz20012001
http://www.arabtravelersforum.com/tr...8/#post7560308

oخوش لقطات للسنترال بارك بالثلج , حتى البحيرة ثلجت !
ان شاء اللة بتستانسون فى اورلاندو



اي والله يابو عزيز البحيره ثلجت والنافورة وشغلات وايد
ان شاء الله لما أرجع على خير بحط كل الصور

المشاركة الأصلية كتبت بواسطة ghezlan2012
http://www.arabtravelersforum.com/tr...8/#post7560458

ربي يحفظكم ان شاء الله ...
وان شاء الله تستانسون بآورلاندو...
وومنتظرين بقية التقرير ....بالتوفيق من الموبايل

تسلمين اختي غزلان
والله يحفظ غاليج
وانشاء الله تكون اورلاندو فيها استمتاع أكثر من نيويورك ان شاء الله
شكرا على المتابعة وعلى الدعوات
تحياتي

المشاركة الأصلية كتبت بواسطة وسيـم
http://www.arabtravelersforum.com/tr...0/#post7560890

اول مره اشوف صور للسنترال بارك مثلجة
الف الحمد لله على سلامة الوصول اخوي
واستمتع برحلتك ترى فرصة الواحد يشوف الثلج والاجواء الجديدة هذي
ولاحق بعدين على الحر والشموس والغبار



هههههه اي والله لاحق على الشمس والغبار والحر
السنترال بارك وايد حلوه بالثلج ، صج ما جربناها بالخضره لكن بالثلج روووووعة
مشكور اخوي وسيم على المتابعة والمشاركة

المشاركة الأصلية كتبت بواسطة Impact
http://www.arabtravelersforum.com/tr...0/#post7563320

الحمد لله على السلامة وان شاء الله تعوظونها في فلوريدا
هذه الايام معروفة وقت تقلب اجواء في نينورك والجزء الشمالي !!



الله يسلمك أخوي امباكت
وولكم باك للمنتدى بعد تغيبك
الأيام هذي معروفه لكم يا خبراء أمريكا بأن فيها تقلبات الجو لكن احنا كأول مره نزورها ما توقعنا هذا الشي
عموما شي عدى وراح والحمد الله ما صارت لنا أي مشكلة
شكرا على مرورك

المشاركة الأصلية كتبت بواسطة om fahad kw
http://www.arabtravelersforum.com/tr...2/#post7563612

الحمدلله على السلامه اخوي ابوسعود وان شاءالله تستانسون برحلتكم
عندي سؤالين وان شاءالله ترد علي : شنو طلبات فيزا ولدك الصغير الله يخليه لكم ؟؟؟؟؟
كم علبة حليب اسمحوا انكم تدخلون معاكم ؟؟؟؟؟؟؟

الله يسلمج أختي أم فهد مشكوره
بالنسبة لأسئلتج :
1- طلبات الفيزا حق ولدي الصغير نفس طلباتنا ما فرقت عنها نهائيا !
صور ومبلغ 48 دينار تحطينهم في بنك برقان وبس
2- احنا كنا ماخذين معانا 6 علب حليب حق يوسف الصغير والحمد الله ما فتشونا نهائيا مع العلم اني كتبت بالورقة مالت الجمارك اني يايب معاي أكل بس الحمد الله ماكلمونا على أي شي سواء الحليب أو غيره

الحمد الله رب العالمين
وصلنا اورلاندو على خير بدون أي مشاكل وبدون أي تأخير
قعدنا الصبح عشان نرتب الشنط وشفنا المطر شغااااااال
وهذي آخر صورة للتايم سكوير قبل مانروح المطار

اتفقت مع التاكسي ان يمرنا الساعة 11 وياخذنا المطار والطريج كان مزحوم بسبب الأمطار والحوادث الي بالشوارع ، والحمد الله وصلنا المطار بدون ما نتأخر

وهذي صورة المطار مع الثلج والمطر

ووصلنا اورلاندو على خير ، ورحت استلمت السيارة وبعد معاناة وأعصاب وتوتر وقراءة نص القران عرفت شلون احط العنوان بالجي بي اس ورحنا حق البيت الي مأجرينه
هذا بيتنا وهذي سيارتنا

الجو باورلاندو لطيف ، معتدل مائل للحراره !
ما توقعنا جذي عبالي بيكون مائل للبروده

بعد ما كنا مثلجين بنيويورك

قمنا نتسبح بالهواء الطلق باورلاندو

وبجذي أكون خلصت معاكم هذا التقرير الموجز عن نيويورك وثلوجها
وان شاء الله إذا صارت سفرتنا أوكي ورجعنا الكويت راح أكتب تقرير عن اورلاندو

شكرا لكل الي تابع التقرير ودعا لنا بالخير
ما قصرتوا
وإذا تبون اي شي من اورلاندو أو بتسألون عن اي شي فيها انا حاليا موجود هناك وحاظر وبالخدمة
مع خالص التحية

سعيد جداً بسلامتكم

وان شاء الله تعوضونها في فلوريدا

فلوريدا اجوائها قريبة من الاستوائية بحكم قربها من خط الاستواء !!

بالتوفيق

حمد اللة على سلامتكم
استمتعوا فى اورلاندو وهلاهلا بالفيتامينات لليهال لان الجو باورلاندو متقلب ( حر وسباحة وتكييف )

ماشاء اللة البيت شكلة عجيب ...فى كاسيمى ؟ نبى التفاصيل
تحياتى

ماشاء الله تبارك الله .. كبر الصغير الله يخليه لك ويقر عينك به ووخيانه .. رحلة موفقة وسعيد إن شاء الله : ) ’’





تسجيل حضور من المتابعين إن شاء الله

ماشاءالله يا حلو الصبيان الله يخليهم ويحفظهم

ما قصرت اخوي ابوسعود ع الرد

هلا بوسعود الحمدلله عالوصول و ان شاء الله تستمتع برحلتك في اورلاندو من بعد البرد في نيويورك

لا تطوف عرض la nuba " سيرك " في الداون تاون دزني

بعد ماكانت الاجواء ثلجية تحولت الى استوائية والعيال الله يحفظهم هذا اللي يريدونه سباحة مافي احلى عن هذا عن الاطفال ،،،

الحمدلله على السلامه بوسعود

اورلاندو اجوائها في الشتاء مختلفه جميله ..

تمنياتي لكم برحلة جميلة

المشاركة الأصلية كتبت بواسطة Stranger Man
http://www.arabtravelersforum.com/tr...8/#post7566608

الحمدلله على السلامه بوسعود
اورلاندو اجوائها في الشتاء مختلفه جميله ..
تمنياتي لكم برحلة جميلة

الله يسلمك بو محمد
الأجواء جميلة نعم لكنها صج غرييييييييييبة

اليوم الصبح برد والجو مغيم ، رحنا اليونيفيرسال ولما صارت الساعة 10 تقريبا راحت الغيوم وصار الجو عجيييييييب ولما صار الظهر صار حرررررررررررررررررر والمغرب رجع الجو جميل والهوا عليل وفجأه وبدون أي مقدمات نهائيا وبتاتا تجمعت الغيوم وطق علينا المطر بسررررررررررررررررررررررررررعة !!!!!
ما عرفنا حتى شلون نركض وننحاش من الحديقة
تسبحنا

شكرا على مرورك بو محمد

المشاركة الأصلية كتبت بواسطة wkjowkjo
http://www.arabtravelersforum.com/tr...2/#post7565672

هلا بوسعود الحمدلله عالوصول و ان شاء الله تستمتع برحلتك في اورلاندو من بعد البرد في نيويورك
لا تطوف عرض la nuba " سيرك " في الداون تاون دزني



هلا فيك أخوي wkjowkjo
والله يسلمك
بسألك عن العرض الي تقول عنه ، هل يصلح للعوائل والأطفال ؟
والسيرك المشهور عندهم هل يصلح للأطفال والعوائل ؟
وشرايك بعرض البلو مان ؟ يستاهل أروحله ولا أروح غيره ؟؟؟
ومشكور مقدما

المشاركة الأصلية كتبت بواسطة الحوسني
http://www.arabtravelersforum.com/tr...8/#post7566308

بعد ماكانت الاجواء ثلجية تحولت الى استوائية والعيال الله يحفظهم هذا اللي يريدونه سباحة مافي احلى عن هذا عن الاطفال ،،،



اي والله يا الحوسني هذا أكثر شي يحبونه اليهال ، حمام سباحة + حديقة الألعاب
والحمد الله اورلاندو فيها الشغلتين هذيله متوفرين

المشاركة الأصلية كتبت بواسطة om fahad kw
http://www.arabtravelersforum.com/tr...4/#post7565654

ماشاءالله يا حلو الصبيان الله يخليهم ويحفظهم
ما قصرت اخوي ابوسعود ع الرد

تسلمين أختي أمم فهد
والعفو ما سوينا شي تستاهلين أكثر

المشاركة الأصلية كتبت بواسطة aziz20012001
http://www.arabtravelersforum.com/tr...8/#post7565158

حمد اللة على سلامتكم









المشاركة الأصلية كتبت بواسطة aziz20012001
http://www.arabtravelersforum.com/tr...8/#post7565158

استمتعوا فى اورلاندو وهلاهلا بالفيتامينات لليهال لان الجو باورلاندو متقلب ( حر وسباحة وتكييف )

ماشاء اللة البيت شكلة عجيب ...فى كاسيمى ؟ نبى التفاصيل
تحياتى

الله يسلمك بو عزيز

اي والله الجو متقلب ، اليوم الصبح الجو حلو والظهر حر وشمس حنانه والعصر طق علينا مطر وصار براد
البيت بمنطقة كاسيمي ، نفس الي رشحته لي
وان شاء الله التفاصيل بكتبها بالتقرير لما أرجع
بس بسألك : شنو أحلى مدينة العاب مائية باورلاندو ؟ ودي أزور وحده ومادري شنو أزور لأن ما توقعت الجو يكون حار ومشمس فما قريت عن الألعاب المائية نهائيا
ومشكور مقدما

المشاركة الأصلية كتبت بواسطة Impact
http://www.arabtravelersforum.com/tr...0/#post7565070

سعيد جداً بسلامتكم
وان شاء الله تعوضونها في فلوريدا
فلوريدا اجوائها قريبة من الاستوائية بحكم قربها من خط الاستواء !!
بالتوفيق



تسلم أخ امباكت
وانا اسعد بمتابعتك
الظاهر فلوريدا مناخها مثل دول شرق آسيا ! ما عندهم فصل شتاء بمعنى الكلمة
مو مثل نيويورك كلش
بس والله الجو حلو ومعتدل ، ينفع للسياحة إن شاء الله بشرط ما يطق المطر
تحياتي

المشاركة الأصلية كتبت بواسطة بقايا ليل
http://www.arabtravelersforum.com/tr...8/#post7565408

ماشاء الله تبارك الله .. كبر الصغير الله يخليه لك ويقر عينك به ووخيانه .. رحلة موفقة وسعيد إن شاء الله : ) ’’
[IMG]http://www.arabtravelersforum.com/attachment.php?attachmentid=2735881&d=1338242274[/IMG
تسجيل حضور من المتابعين إن شاء الله

حياك الله بقايا ليلي
وشكرا على دعائك
يسعدني متابعتك لتقريري القديم والجديد
ومثل ما قلت ..... العيال كبرت
وإن شاء الله لما أرجع من السفر بسوي تقرير عن اورلاندو إذا نجحت سفرتنا لأن نيويورك ما طلعنا فيها أماكن وايد
شكرا على مرورك

المشاركة الأصلية كتبت بواسطة أبو سعود Q8
http://www.arabtravelersforum.com/tr...8/#post7566808

حياك الله بقايا ليلي
وشكرا على دعائك
يسعدني متابعتك لتقريري القديم والجديد
ومثل ما قلت ..... العيال كبرت
وإن شاء الله لما أرجع من السفر بسوي تقرير عن اورلاندو إذا نجحت سفرتنا لأن نيويورك ما طلعنا فيها أماكن وايد
شكرا على مرورك

بإذن الله نريد منك تقرير مميز ،،، بس حاليا طمئنا عليك مب طالبين منك غير هذا

تقبل تحياتي

مثل ماقلت بوسعود ، عموماً فلوريدا جوها متقلب .. المدينه اللي موجوده فيها حالياً تعتبر ابرد مدينه في فلوريدا .. الحراره تكون اول الليل ٢٠ والفجريه سبحان الله تنزل الى ٢ تحت الصفر !!

الظهر من نفس اليوم توصل ٢٤ والعصر ٥ والمغرب ١٠

جو غريب

ماعاد تدري شتلبس والمشكله ان دوام الجامعه طويل عشان جذيه الجاكيت في السياره متى مابدا البرد رحت لبسته

عرض بلو مان ما رحت له يقولون مو للاطفال ... لكن عرض لانوبا في دزني يصلح للعوائل و الاطفال

الحمد لله على السلامة .. الله ييسر لكم ويحفظكم

ما شاء الله تبارك الله

استمتعوا بأجواء الثلوج تغيير عن الجو عندنا وإن شاء الله تعوضون ما فاتكم بفلوريدا







جميلة الصورة ربي يحفظه






رائعة

بما أنك زرت آسيا وأمريكا واستراليا سياحة عائلية فياليت لو تكرمت تعطينا مقارنة بسيطة بينهم ...
وكم تعطي كل دولة من 10


ورحلة سعيدة يا رب

فديته الله يخليه لكم ويخلي أخوانه وأمهم لك ويخليك لهم

حاشتني البرووودة ودي أجيب دفاية أدفيه ههههههههههه عندنا الحين بالكويت حر ونعتبره باااارد على اليهال فديتهم
الله يخليهم لنا

خووش تقرير مباشر والله ودي بأميركا وخصوصا اورلاندو ( ديزني الأم )
بس مثل ماتفضلت 14 ساعة
سبب التراجع

أبعد شئ عندنا 7 ساعات أوروبا

عليكم بألف عافية وديروا بالكم الحلوووو وأخوانه الحلوين
إن شاءالله رحلة تستمتعون فيها لين الرجوع للوطن الغالي
وبإنتظار تقرير أورلاندو لنعيش معاها
مثل سنغافورا جزيرة سنتوزا

ماشالله تبارك الله

رحلة موفقة يارب وترجعو الكويت بالسلامة تصويرك رائع جداً والتقرير مباشر

أنا من المتابعات للنهاية

ما تقصر ابوسعود
والله يحفظكم
وبانتظار التقرير

Disneys Blizzard Beach
او
Aquatica-Sea World's
اعتقد هذول افضل مدينتين ملاهى مائية

ننتظر الجديد يابوسعود...

حمد الله على سلامتكم اخوي ابوسعود ,
صور وتغطية اكثر من رائعة ومتميزة ,
الله يحفظلك سعود وعائلتك الموقرة ,
والله يوفقكم ويسعدكم ياغالي , , ,

Thanks a lot Abu Saud من الموبايل

متابعين طال عمرك و الله يخليلك عيالك و يوفقهم بادنيا و الاخرة
ويخليك لهم و من شفت الثلج على سيارة الزبايل و انا خالص من نيويورك بس اكيد اورلاندووو ير و زينة للسباحة الانها حارة

بسم الله ماشاء الله ............. الله يحفظ ليك عيالك يالغالى

هل عندك خبر كيف بتكون الاجواء في نيويورك بشهر جون؟

الحمدلله على السلامة أخوي بوسعود وباين من الصور الثلج ما شاء الله لكن اتصور فيه متعه أحسن من الحر عندنا بالخليج، بوسعود سؤال هذا الرحلة الثانية لك لأمريكا باين عليك عشقتها من أول مرة؟ ولما شفت تقريرك هذا حسيت أني راح استمتع مع العيال وراح اروح كل سنة ههههههه