السالفة وما فيها انا سعودي وزوجتي اجنبية حابين نسافر الى اندونيسياوطبعنا الزوجة تحت كفالتي بمهنة زوجة مواطن المهم رحت للسفارة وحاب اشوف وش الشروط رحت لم السفارة وقالو صورة الاقامة وصورة تاشيرة خروج والعودة وتعبية الاستمارة الخضراء وصور شخصية وقلت لهم طيب الحبيب انا وش الشروط قالوا دايركت من المطار تصرف تاشيرة لمدة شهر فكرت وحبيت اخلص شغلي اول باول واقدم من سفارة الرياض ورحت احجز تذاكر وفنادق عبر بوكينج سمعت واحد من الشباب يقولي احجز وهمي بسرعة علشان تخلص الااجرات من هنا وماتصف طابور في المطار ساعتين ورحت واستفسرت عن التذاكر الوهمية قالي يتكلفك 1000 ريال قلت ياولدبلا وهمي بلا خرابيط المهم رحت لمكتب طيران الامارات وقلت بحجز واتشاور انا والغالية ام عيالي في المستقبل انشااللة (((( ادعولي ياشباب ان ربي يرزقني بطفل بحكم مرور زواجي 6 سنوات))) المهم قالت وش رايك نسافر من الرياض الى دبي برا ومن دبي الى جاكرتا ثم من جاكرتا على طيرانهم الجارودا الى كوالالمبور ومن ثم الى دبي فكرت وقلت اوكية على بركت الله المهم حجز ت من طيران الامارات (( دبي جاكرتا(( جاكرتا كوالالمبور طبعنا ماقصيت التذكرة قلت اذا رحت اندونيسيا بحجز من هناك)) كوالالمبور دبي)) بسعر اعتبرة انا حلو بمبلغ ((6016)) للشخصين حجزن وتوكلت على الله وبعدين قلت ياولد احجز الفنادق واروح اخش موقع بوكينج واحجز الفنادق لمدة 15 يوم اشيل الاوراق اروح لم السفارة واصف سرا على شباك رقم 2 واعطية الاوراق وعلى طول يقولي جيب حجز اوكية بلغة العربية المكسرة قلتة مسوي حجز اوكية وشاف التذاكر وكاتبين OK طيران الامارات قعد شوي وفكر وشاور خوية الى جنبة وقالة اوكية وشوي طلع بشور ثاني قال جيب ورقة من الكفيلحق زوجتك قلتة انا الكفيل وش الورقة الي تبية قالي اكتب خطاب موجهة الي مدير قسم التاشيرات ( المهم كلام خرطي) والله الى شوية خوية يجيب ورقة من الشباك الثاني وقاعد يكتب الخطاب المهم واثناء كتاب خوي الخطاب الى شوية قاعد يسئلني ويقول وين تذكرة من الرياض الى دبي قلتة يابن الحلال انا مسافر برا الى دبي ومن ثم بركب الطائرة الى جاكرتا وجلس قاعد يفكر وقال جيب رقم جوالك قلتة ليش قال بنشوف القنصل اذا وافق اوكية اذا ماوافق بنكلمك قلت الله يستر المهم استلم الاوراق وسلمني ورقة استلام الجواز وقال 340 ريال قلت خذا ولوتبي زود ابشر بس لا تخرب المزاج قاعد يضحك وطلعت من عندهم قلت لابارك الله فيكم ولافي دولتكم وش اسوي للغالية حطت في راسة اندونيسيا المهم يالربع وش المخوفني انة يرفض الطلب بسبب انة مافية تذكرة طيران من ((جاكرتا الى كوالالمبور)) وش رايكم ياشباب اغير خطة الرحلة واتوجه الى ماليزيا على طول وش تنصحوني فية لا وبعد تذكرة طيران الامارات مكتوب علية تحت بالانجليزي((NOT VALID FOR TRAVEL)) وحط علية دائرة بالقلم اذا احد عندة معلومة عن الجملة الانجليزية يفهمنا
مواضيع عشوائيه ممكن تكون تعجبك اخترناها لك:
- شهر عسل ل يوم
- استفسارات عن جدول الرحلة والفنادق قبل الحجز النهائي
- انا الحين في بالي وارجو المساعدة
- رحلة عائلية من الخيال لمدة ليلة
- رحلتي غير
- ايهما افضل عائليا اندونسيا ام ماليزيا ؟؟ وماذا عن الفنادق الرخيصة الموجودة في بوكنق ؟
- محتااااره واحتااااج المساعده من الجميع
- رأي في جدول جاكرتا باندونق لومبوك
- سبل الاتصال داخل الصين رجاء المساعدة
- عضوة جديدة طالبتنكم استفسار عن باندونق
- باقي على رحلتنا أقل من شهر يوم فعلية اتحفونا
- سواق كويس في جاكرتا
- فزعتكم استشاره مهمه وفنادق
- سؤال عن المشد الاندونيسي وين احصله
- بخصوص البوكنق وفندق سينسا وسحبهم للفلوس
- استفسار الله يخليكم
- حَكٌتهَا الأيامُ { إندونيسـ 2011ـا } ذِكـرىَ جَمِيلَةٌ |(مميز)
- رايكم في سعر التذكره
- سؤااااااااال يبي له اجابة ؟؟؟؟؟؟
- استفسار بسيط
رد مع اقتباس
المشاركة الأصلية كتبت بواسطة احمد ال حسين
المفضلات