[font="Verdana"][color="DarkRed"][size="5"]بسم الله الرحمن الرحيم
طيور البر من ذكور وإناث
السلام عليكم ورحمة الله وبركاتة
هذا العيد كما هي الأعياد نتعيد بديرتنا الرس ...
بهالعيد استأجرنا مخيم يبعد عن الرس 15كم وهالمنطقة تسمى بالقشيعين للي مايعرفها هالقشيعين عبارة عن جبلين واحد يسمى القشيع الأيسر والآخر يقالة القشيع الأيمن ...
بينهم طريق الجنوب اللي يودي للدوادمي وعفيف وهو طريق مكة القديم ....
الأرض جافة ومافيها زود لكن قربها هو اللي خلانا نستأجر فيه خصوصاً بهالبرد اللي جانا ولايخلي البزارين يتأخرون بالمخيم وحدهم 9 بالليل وبعده يالله يالدفا وينه ....
من خلال هالطلعة وعدة الأهل اني اسويلهم عشوة وهي الغدوة " غشا " وطريقة اول مره تمر عليهم وقلت برضه لزوم اهلي بالعرب المسافرون اشركهم بهالغشوه ...
راح اقدملكم طبق اليوم والمسمى " لحم الطشت " ...
الطشت معروف أنه يستخدم لغسل الملابس منذ مبطي وإلى الحين فيه ناس يستعملونه لأنه يغسل ولا يخرب الملابس وأنا أولهم :24:
ومن المعروف بأن الطشت من البلاستيك ولكن اللي اقصدة هنا هو طشت المعدن ...
له مقاسات يبتدي من 1 إلى 5 واللي انا بستخدمة هو مقاس 2 ...
راح اشرح الطريقة بالصور تزوداً بالمعرفة ...
اول شي ودنا بحفرة بشكل دائري تناسب كمية اللحم ومقاس الطشت طبعاً كل شيء تقديري وبالنظر واهم شي ماتكون الحفرة اصغر من الطشت ....
ولو صارت اكبر مهنا مشكلة نقدر نلم الجمر بعدين لين يتناسب مع الطشت ...
زبطنا الحفرة وجهزناها ولازم تكون قعيرة شوي يعني بعمق نص اليد ...
حطينا عودان الرميثات نبي النار تلهلب بسرعة ....
وحطينا عليها كم جرمة سمرة وكله تقديري بس كل ماكان الحطب اكثر كل ماكان جمرنا اكثر ومنها اراح يصير طعم اللحم انضج واسرع بالنضوج ....
لزوم نستغل النار حطينا عليها بريق التفويح وبريق شاهي حسايف هالنار والله ....
سن السكينة ساولد لو على بلكة...
قطع لحمك قطع صغيرة كبر الكف ولو حصل نسويها مثل الستيكات فهو شي احسن ...
لاتنسون الضلوع لزوم العرمشة :11ight: ....
هذي الوالدة الله يخليها تقطعلنا اللحم وبعد ماتقطعه نقوم ونملحه حسب التقدير بكمية الملح وكل على هواه ...
مارغبنا بالبهارات واللي وده ببهارات يحط وحسب ماتشتهي لحمك وش تبيها من طعم ....
بعد ماتملحها ياليت انكم تنشرونها للهواء علشان تجف من الخارج ولو تخلونها ساعه ولا أكثر مايضر ...
كان ودي اني مصورها بس المصور حقنا توه يتعلم التصوير ففوت هالنقطه وانا بعد ما نبهته ...
جمرة نارنا ويازين جمرها وتجهزت للشغل الحامي ....
قربنا لحمنا ورتبناها على مساحة النار مثل هاللي بالصورة ..
طبعاً نصف اللحم على الجمر على طول بدون مانحط شي بينهم ...
خل شغلك سريع صُف اللحمة بسرعة وعلى طول حط الطشت عليها .. سكر على النار واللحم ...
ثم قم وبسرعة ودفنها بالتراب ....
بعد ماتدفنها جبلك جرمتين من الحطب وحطها فوق الطشت ...
وقت ساعك على حسب اللحمة ...
اذا هي لحمة تيس وجمرك كثير فخلها اقل من ساعه ..
واذا هي لحمة نعيمي ولا هرفي حسب حجم الذبيحة فزد عليها نص او ساعة ...
احنا خليناها ساعتين بالضبط ....
اعرف ان لحمك ماراح يحترق بإذن الله بس مانبيها تذوب ولا نبي الجمر يطفى وتروح حرارتة ولا ينضج اللحم ...
وقتنا ساعتنا وقلنا خل نستمتع بالبر ومع هالشباب نطقطق معهم بالدباباتمواضيع عشوائيه ممكن تكون تعجبك اخترناها لك:
- رحـ ـلــ ـــة
- بمناسبة رالي حائل رحلة من سجل الرحال لمرابع حائل
- إذا كنت في البر شلون تبرد الماي والمشروبـات ؟؟
- الربيع والصيف في قطر
- صور اول طلعة باجازة الصيف بالشعيبة
- كشتتنا للصمان فيضة ام قرو هـ
- رحلة السبعان إلى أرض السودان
- اولى رحلات العام كشتتنا الى منيفة مع احبتي اهل البر والمكشات
- النار فاكهة الشتاء مشبات الدوادميالشاطيء نموذج رائع للدفء هناك صور
- جولتي على متن السفينة دولوس أكبر معرض كتاب عائم
- طريق السفر إلى سوريا
- مقناص القطا والغزلان في براري السودان عبدالله العمير
- مساعدة من اهل الخبرة بخصوص السفر من بنغلاديش الي الجزائر
- عريس البحر
- تقرير رحلة ملحمة وحوش الليث
- السفر برا من البحرين الي الكويت؟
- مخطط لرحلة كروزمحتاجة رايكم
- صور عن البرد اليوم في الرياض
- سؤال عن السفر لايطاليا عن طريق البحر من الاسكندرية او بورسعيد مصر ؟ والطرق البرية
- هل استطيع تنظيم رحلة صيد بحرية للزملاء في جدة ؟؟
المفضلات