[font="Verdana"][color="DarkRed"][size="5"]بسم الله الرحمن الرحيم
طيور البر من ذكور وإناث
السلام عليكم ورحمة الله وبركاتة
هذا العيد كما هي الأعياد نتعيد بديرتنا الرس ...
بهالعيد استأجرنا مخيم يبعد عن الرس 15كم وهالمنطقة تسمى بالقشيعين للي مايعرفها هالقشيعين عبارة عن جبلين واحد يسمى القشيع الأيسر والآخر يقالة القشيع الأيمن ...
بينهم طريق الجنوب اللي يودي للدوادمي وعفيف وهو طريق مكة القديم ....
الأرض جافة ومافيها زود لكن قربها هو اللي خلانا نستأجر فيه خصوصاً بهالبرد اللي جانا ولايخلي البزارين يتأخرون بالمخيم وحدهم 9 بالليل وبعده يالله يالدفا وينه ....
من خلال هالطلعة وعدة الأهل اني اسويلهم عشوة وهي الغدوة " غشا " وطريقة اول مره تمر عليهم وقلت برضه لزوم اهلي بالعرب المسافرون اشركهم بهالغشوه ...
راح اقدملكم طبق اليوم والمسمى " لحم الطشت " ...
الطشت معروف أنه يستخدم لغسل الملابس منذ مبطي وإلى الحين فيه ناس يستعملونه لأنه يغسل ولا يخرب الملابس وأنا أولهم :24:
ومن المعروف بأن الطشت من البلاستيك ولكن اللي اقصدة هنا هو طشت المعدن ...
له مقاسات يبتدي من 1 إلى 5 واللي انا بستخدمة هو مقاس 2 ...
راح اشرح الطريقة بالصور تزوداً بالمعرفة ...
اول شي ودنا بحفرة بشكل دائري تناسب كمية اللحم ومقاس الطشت طبعاً كل شيء تقديري وبالنظر واهم شي ماتكون الحفرة اصغر من الطشت ....
ولو صارت اكبر مهنا مشكلة نقدر نلم الجمر بعدين لين يتناسب مع الطشت ...
زبطنا الحفرة وجهزناها ولازم تكون قعيرة شوي يعني بعمق نص اليد ...
حطينا عودان الرميثات نبي النار تلهلب بسرعة ....
وحطينا عليها كم جرمة سمرة وكله تقديري بس كل ماكان الحطب اكثر كل ماكان جمرنا اكثر ومنها اراح يصير طعم اللحم انضج واسرع بالنضوج ....
لزوم نستغل النار حطينا عليها بريق التفويح وبريق شاهي حسايف هالنار والله ....
سن السكينة ساولد لو على بلكة ...
قطع لحمك قطع صغيرة كبر الكف ولو حصل نسويها مثل الستيكات فهو شي احسن ...
لاتنسون الضلوع لزوم العرمشة :11ight: ....
هذي الوالدة الله يخليها تقطعلنا اللحم وبعد ماتقطعه نقوم ونملحه حسب التقدير بكمية الملح وكل على هواه ...
مارغبنا بالبهارات واللي وده ببهارات يحط وحسب ماتشتهي لحمك وش تبيها من طعم ....
بعد ماتملحها ياليت انكم تنشرونها للهواء علشان تجف من الخارج ولو تخلونها ساعه ولا أكثر مايضر ...
كان ودي اني مصورها بس المصور حقنا توه يتعلم التصوير ففوت هالنقطه وانا بعد ما نبهته ...
جمرة نارنا ويازين جمرها وتجهزت للشغل الحامي ....
قربنا لحمنا ورتبناها على مساحة النار مثل هاللي بالصورة ..
طبعاً نصف اللحم على الجمر على طول بدون مانحط شي بينهم ...
خل شغلك سريع صُف اللحمة بسرعة وعلى طول حط الطشت عليها .. سكر على النار واللحم ...
ثم قم وبسرعة ودفنها بالتراب ....
بعد ماتدفنها جبلك جرمتين من الحطب وحطها فوق الطشت ...
وقت ساعك على حسب اللحمة ...
اذا هي لحمة تيس وجمرك كثير فخلها اقل من ساعه ..
واذا هي لحمة نعيمي ولا هرفي حسب حجم الذبيحة فزد عليها نص او ساعة ...
احنا خليناها ساعتين بالضبط ....
اعرف ان لحمك ماراح يحترق بإذن الله بس مانبيها تذوب ولا نبي الجمر يطفى وتروح حرارتة ولا ينضج اللحم ...
وقتنا ساعتنا وقلنا خل نستمتع بالبر ومع هالشباب نطقطق معهم بالدباباتمواضيع عشوائيه ممكن تكون تعجبك اخترناها لك:
- الغوص في اعماق الوطنفرصة لاتعوض
- يوكون ؟؟؟؟؟؟؟؟؟؟؟؟؟؟؟؟؟ وماجلان
- لقاء الصفـــــــوة في روضــــــــة التنــــهات
- كورنيش التحلية بالشعيبة لا يفوتك
- رحلة من الخليج الى الخليج عبر افريقيا واوربا
- رحلتي الى بوبيان – الكويت
- مساعدة بشأن رحلتي البحرية
- اريد مساعدتكم
- طبيعة بكرية وجو لطيف منطقة لم تعرف بعد
- استفسار عن الطريق البري الدولي بين ينبع والأردن
- انا ابغى احجز على برنسس كروز
- ممكن مساعدة بخصوص مناقل الشوي
- تقرير رحلة ملحمة وحوش الليث
- رحلة الـ كيلو الساحل الغربي هـ
- السفر برا الى لبنان
- وين الرفيق الي يخاويني نتغدى في البر ؟
- فزعتكم يا من يعرف من أهل صلالـــه أو شبوه
- معدات البر
- كــوكــتيل العــربــي منــدي دجااج مشــااااوي
- رحلة في ضيافة جارنا وبعدستي
المفضلات