بسم الله الرحمن الرحيم
نبدا
بحط لكم 3 مواضيع في موضوع واحد
كانت المقابلة في يوم 2013/03/14
سويت المقابلة في السفارة الامريكية وافقو يعطوني التاشيرة بس بعد شهر لان دراستي باقي 5 شهور ونظام التاشيرة لازم اقل من 120 يوم ويطبعو التاشيرة قالو
انتظر لين تاريخ 19-04-2013 قلت اوكي
السلام عليكم
انا جبت
1- ورقة موعد سفارة
2- عبيت DS-160 ومعي الورقة
3- معاي I-20
4- سددت رسوم السيفس 200 دولار معي ورقة السداد + ورقة السيفس
5- معي سداد سامبا
6- معي شهاة بنكية بمبلغ 90 الاف ريال من الاهلي + كشف حساب الاهلي + كشف حساب الراجحي
7- معي صور شخصية 5*5 عدد 8 صور
8- معي تعريف براتب من شركتي موجة للسفارة مصدق من الغرفة التجارية
9- معي قبول جامعة + قبول المعهد
10- معي برنت من جوزات الرياض بسفريات
11- اخذت معي شهادة اول ثانوي وثاني ثانوي وشهادة الفصلالدراسي الاول لمرحلة ثالث ثانوي لان انا جبت قبول مشروط من الجامعة
بشهادة ثاني ثانوي
12- خل معك صرف 65 ريال لفيدكس اذا من الرياض انت انا صاحبي نسى يجيب صرف
قالو لة عادي اطلع برا في فيدكس برا روح ادفع هناك وتنتهي امورك الدعوة سهلة
مشيت من البيت 6 الصباح وكنت لابس ثوب بدون شماغ
وصلت بدري 7 وكان قدامي 8 اشخاص انتظرت لين يفتحو البوابة
فتحوها اتوقع 7.20 الصباح
جهزت الاوراق كاملة عطيت الشباك الاول
1- الجواز
2- سداد رسوم السفارة ورقة سامبا
3- ورقة الموعد الخاص بسفارة
4- ورقة ds-160
حطت الاوراق في الجواز ورجعتهم لي
بعدها رحت للشباك للي بجنبة سائلني معك جوال قلت لا ما عندي
شي بس بطاقة احوال
بعدها دخلت بوابة التفتيش على الجهاز ما فتشوني بس دخلت
على الجهاز اول ما طلعت من الباب رحت على اليسار
دخلت بوابة السفارة شفت سوداني اخذ من عن عندي الجواز للي
بجنبة فلبيني مدري اندونيسي عطاني رقم وكان رقم7
دخلت الغرفة انتظر رقمي يمكن 5 دقائق وصل رقمي
وصلت الشباك طلعت فلبينية
قالت كيف الحال
وردينا عليها وسائلتني هل بتسافر سياحة ولا دراسة ارتبكت شوي كنت سرحان قلت لا دراسة
وطلبت من عندي اوراق
1- i-20
2-كشف الحساب
3- ورقة السيفس
4-شهادة بنكية
5- اخرشهادة دراسية
6- الجواز
بعدها بصمتني اليد اليسري اول شي اول اربع اصابع وبعدين سبابة اليسري
بعدها اليمني نفس اليسري بضبط
بعدها قالت روح للغرفة الثانية انتظر لين ينادو رقمك قلت اوكي
ورحت للغرفة الثانية وانتظر شوي تاخرو يمكن 20 دقيقة ومنتظرين بعدين نادو الارقام وكان رقمي 7
رحت للقنصل للي سواء معي مقابلة اول ما جيت عندة
قال
السلام عليكم
قلت
وعليكم السلام
قال صباح الخير
قلت صباح النور والقلب يطق ويرجف
قاعد يفتش في الاورق
سائلني راح تدرس لغة وبعدين بكالوريس قلت اي
قال وين في اي ولاية
قلت لة في نورث كارولينا
قال ممتاز
وقاعد يفرفر في كشف الحساب دقق شوي في الكشف يمكن اقل من دقيقة وسائلني قال في فلوس واجد من وين لك هذا
قلت انا موظف المبلغ للي عندي 90 الاف ريال
وانا قلت لة انى موظف وعطيتة اسم الشركة وكان عندي خطاب من الشركة تعريف براتب ما حبيت اعطية
بعدين سائلني
قال وين سافرت اخر 5 سنوات
قلت لة
الكويت والمغرب والبحرين والامارات
قال اوكي
قال مين بيصرف عليك قلت انا
وانا موظف
بعدها قال اوكي موافق وعطاني الورقة الصفراء وكلم الموظفة السورية
قال ببتاخر اوراقة لان دراستة مطولة انا قلت للموظفة عارف ان ما تطلع الفيزا لازم اقل من 120 يوم قالت بلفعل
قالت تبي الجواز وترسلة بعد شهر قلت خلوها ما احتاج الجواز الان قلت اوكي
وكتب ملاحظة القنصل على الورقة وقال روح سدد فيدكس
موجودة الملاحظة في المرفقات
ان الفيزا بتصدري بتاريخ 19-4-2013 لان دراستي بشهر 8 يوم 22
نصيحة من عندي خلصو اموركم بدري يعني مو تبي تخلص بشهر او شهرين قدم قبل الدراسة 5 شهور
يوم سويت المقابلة كانت بتاريخ 2013/03/14 قالو ما نعطيك التاشيرة الان قلت متى قالو بتاريخ 2013/04/19 قلت اوكي ننتظر ما ورانا شي وكنت اشيك يوميا على الفيزا ما في اي تحديث قلت بعطيهم كذا يوم بنشوف
ما في شي قلت خلوني ارسل ايميل للسفارة يمكن نشوف منهم رد يوم ارسلت ايميل لهم بلعربي ما فهمو فكرت انهم يردو بلعربي
ايميل السفارة
[email protected]
بعدين ارسلهم لهم ايميل اخر قلت لهم ابي استفسر عن الفيزا وردو على ان فيزتك في المرحلة الاخيرة كان بيوم 2013/04/22 هذا اخر تحديث في الموقع وشيكت يوم 2013/04/23 حصلت حالة الفيزا
صدرت ويوم 2013/04/24 استلمت الفيزا من فيدكس
Wed 24/04/2013 02:58
Delivered
Signed for by: .TALAL
كلفتني الفلوس عشان اصدر الفيزا
رسوم جامعة 65 دولار اتوقع
605 ريال رسوم السفارة الامريكية
200 دولار رسوم السفيس
200 ريال ترجمة 3 شهادات + تعبئة طلب الجامعة
بنسبة لقبول الجامعة والمعهد اخوي ابو عبدالله ساعدتني وراسل الجامعات
وخلص اموري بدون اي مقابل الله يجزاه كل خير
صورة الفيزا في المرفقات
اتمني يفيدكم الموووضع وشكرا
مواضيع عشوائيه ممكن تكون تعجبك اخترناها لك:
- مواقع خطوط الطيران
- روايـة القنصلية الأمريكية بـالظهران
- احتاج مساعدتكم في سفرتي لامريكا
- الفزعة الفزعة الفزعة ياعيال العم
- محاولة للمرة الثالثة للسفارة الاميركية
- استفسار من الاخ وليد
- طلب مساعده من الخبراء
- هل أطلب جوازي القديم ؟ أفيدونا بارك الله فيكم
- افضل محل لتحويل الريالات إلى دولار
- المسافة بين نيويورك شيكاغو
- منو مجرب هذي الفنادق في اورلاندو ؟؟؟ الرجاء المساعدة
- أسأله كثيييير أبي من يفيدني فيها وله مني الدعااء
- بخصوص تغير الموعد ضروره القصوى
- مطلوب تقرير
- ساعدوني سكن في نيويورك اورلاندو لوس انجلوس سان فرانسيسكو
- اخيرا طلبوا جواز السفر و بعد كم يرجعوا الجواز ؟؟
- رحلتي في الى امريكا ارجو افادتي بخطة السفر
- قدمت على الفيزا بس
- مساعده في مدينه سينسيناتي ولايه اوهايو
- ضروري الله يوفقكم
رد مع اقتباس
المشاركة الأصلية كتبت بواسطة امريكاا
المفضلات