الموضوع: مسافرين الى امريكا بااجازة العيد ارجو المساعدة

السلام عليكم و رحمة الله و بركاته

اخواني اخواتي اعضاء و مشرفين المنتدى الاعزاء
سفرتنا باذن الله الى امريكا ستكون مع ايجازة العيد و كالتالي:

تاريخ السفر: 9/8/2013 الى 4/9/2013 يعني 25 يوم
عدد المسافرين: 10 اشخاص
اختان + طفل (5 سنوات)
زوج + زوجة + 3 اولاد (14, 12, 11 سنة)
زوج + زوجة
الطيران: الخطوط الجوية الامارتية
دوحة- دبي- لوس انجلس
لوس انجلس- دبي-دوحة
الاماكن المقترحة للزيارة:
امريكا الساحل الغربي كما ذكرها اخونا الفاضل aziz20012001
لوس انجلس
سان دييغو
سان فرنسيسكو
لاس فيغاس
اورانج كاونتي
اتمنى مساعدتكم في الاتي:
1. تعديل الاماكن المقترحة بالاضافة او الحذف اذا لزم الامر
2. توزيع الاماكن بحيث نعرف من اين نبدا و اين ننتهي حيث الوصول الى لوس انجلس و المغادرة منها الى الوطن
3. مدة البقاء المقترحة لكل مدينة
4. السكن المقترح لكل مدينة و غالبا نفضل الشقق لكبر العدد و اتمنى ان يكون الحجز من مواقع من الممكن استرجاع المبالغ المدفوعة اذا لم يتم السفر لاي ظرف
5. سنعود لاستئجار السيارة لاحقا

شكرا جزيلا و دمتم بود

مواضيع عشوائيه ممكن تكون تعجبك اخترناها لك:

• الاطفال اقل من سنه
• لطلاب امريكا فقط ؟سؤال أرجو الاجابة
• حصلت على الفيزا ولكن ؟
• استفسار بسيط
• استفسار بسيط
• شهر العسل ارائكم النيرة ارجوو
• أفضل خطوط الطيران إلي ولاية منيسوتا؟
• امش حصلت علي الفيزة الامريكية وبعد اسبوع استلم الجواز
• للاستفسار في السفارة الكويت
• فنادق نيويورك ،، ضروري هاليومين
• استفسار بخصوص السكن
• سايت يا جماعه للجو
• الي كل مبتعث لأمريكا فكر اولا
• قدمت على فيزا لأمريكا ورفضوها
• استفسار عن حالة الطقس لوس انجلوس ونيويورك
• من لديه المعلومات عن الفيزا ارسلت الجواز ورد بدون رقم للطلب ؟ كيف استفسر عن الطلب
• تكفون ابي مساعدتكم في التأشيرة
• ما يحتاجه المسافر من اللغة الانجليزية
• للمبتعثين بأمريكا وأهل الخبره
• الأخ ايبكوت خاصه وللجميع ارجو المساعده

ليش ما تطيرون الطيران: الخطوط الجوية الامارتية

بالذهاب دوحة- دبي- سان فرانسيسكو

والعودة لوس انجلس- دبي-دوحة

لان سان فرانسيسكو شوي بعيدة

اذا ماراح تغيرون الحجز فاقترح إلغاء سان فرانسيسكو وتخلونها كالتالي:

من مطار لوس انجلس تروحون مباشرة الي ايرفاين ( اورانج كاونتي) وتقعدون 8 ليالي وبعدين بالسيارة الي سان دييغو 5 ليالي ومنها بالسيارة الي لاس فيقاس 4 ليالي ومنها بالسيارة الي لوس انجلس 8 ليالي

المشاركة الأصلية كتبت بواسطة aziz20012001
http://www.arabtravelersforum.com/tr...8/#post7741818

ليش ما تطيرون الطيران: الخطوط الجوية الامارتية

بالذهاب دوحة- دبي- سان فرانسيسكو

والعودة لوس انجلس- دبي-دوحة

لان سان فرانسيسكو شوي بعيدة

اذا ماراح تغيرون الحجز فاقترح إلغاء سان فرانسيسكو وتخلونها كالتالي:

من مطار لوس انجلس تروحون مباشرة الي ايرفاين ( اورانج كاونتي) وتقعدون 8 ليالي وبعدين بالسيارة الي سان دييغو 5 ليالي ومنها بالسيارة الي لاس فيقاس 4 ليالي ومنها بالسيارة الي لوس انجلس 8 ليالي



شكرااا اخوي الفاضل عزيزلى سرعة الاستجابة

فغلا التذاكر صدرناها من شهر تقريبا
الحل الحين اني بكرة باذن الله باشوف السفريات اذا فيه مجال للتغير بمشي على خطتك و اذا مافيه مجال بتابع معاك بدون سان فرانسسكو و برتب خطة السفر و عدد الايام حسب اقتراحك
و مني لك جزيل الشكر على الرد

اخوي عزيز عندي سوال قبل ما اغير باجر بالحجز اذا كان فيه مجال للتغيير
و السؤال: هل اخلي الروحة الى و الرجعة من سان فرانسسكو الى الوطن ولا الى سان فرانسسكو و الرجعة من لوس انجلس

و سبب السؤال ان حسب ماسمعت ان اجراءات المطار و التعامل بسان فرانسسكو افضل من لوس انجلس؟

تحياتي

انصح اول شى سان فرانسيسكو لان بتقضون فيها مدة اقل واخر محطة لوس انجلس علشان التسوق و الشنط بتكون اكثر

اجراءات المطارات سهالة بكل امريكا .لاتحاتون

المشاركة الأصلية كتبت بواسطة aziz20012001
http://www.arabtravelersforum.com/tr...0/#post7745070

انصح اول شى سان فرانسيسكو لان بتقضون فيها مدة اقل واخر محطة لوس انجلس علشان التسوق و الشنط بتكون اكثر

اجراءات المطارات سهالة بكل امريكا .لاتحاتون



اخوي الفاضل عزيز

تم تعديل الحجز و الحين سير الرحلة كالاتي:

دوحة-سان فرنسيسكو-لوس انجلس- دوحة
على الاماراتية

ممكن و لا عليك امر الحين نرتب الاماكن من وين نبدا و ين ننتهي مع عدد الايام في كل مكان

و بعدين بندخل في تفاصيل و استفسارات اكثر اذا ماعندك مانع

و يعطيك مليووووون عافية

عندكم 27 يوم ( 26 ليلة ) حسب التواريخ اللي حطيتوها

سان فرانسيسكو 4 ليالي ...... وبعدين بالسيارة 7 ساعات الي ايرفاين 6 ليالي .... بالسيارة 4 ساعات الي فيقاس 4 ليالي ....... بعدين بالسيارة 5 ساعات الي سان دييغو 4 ليالي ..... بالسيارة ساعتين لوس انجلس 8 ليالي

هذا اشوفة مناسب،،، شرايكم؟

هل راح تاجرون سيارتين او سيارة؟

المشاركة الأصلية كتبت بواسطة aziz20012001
http://www.arabtravelersforum.com/tr...6/#post7748306

عندكم 27 يوم ( 26 ليلة ) حسب التواريخ اللي حطيتوها

سان فرانسيسكو 4 ليالي ...... وبعدين بالسيارة 7 ساعات الي ايرفاين 6 ليالي .... بالسيارة 4 ساعات الي فيقاس 4 ليالي ....... بعدين بالسيارة 5 ساعات الي سان دييغو 4 ليالي ..... بالسيارة ساعتين لوس انجلس 8 ليالي

هذا اشوفة مناسب،،، شرايكم؟

هل راح تاجرون سيارتين او سيارة؟



ايه باذن الله بامشي على حسب جدولك و خطتك لثقتي فيك وفي خبرتك لاني قريت بعض تقاريرك و مستمرة في قراءة الباقي من تقاريرك

ايه باذن الله بناجر سيارتين

الحين يعني بابدا بقراءة تقريرك عن سان فرانسيسكو و بابدا بالترتيب خطوة خطوة و للحين ما سوينا اي شيء ماعدا التذاكر و الفيز
و باقي فيزة اخوي للحين بالانتظار من اسبوعين مع ان احنا قدمنا و استلمناها ثاني يوم و بكل سهوله
الله ييسر له

السلام عليكم و رحمة الله و بركاته

اخوي الفاضل Aziz قريت جزء كبير من تقاريرك و واااايد استفدت منها الله يجازيك خير

تقريبا حجزت معظم الفنادق اللي نحتاجها بكل منطقة باقي لوس انجلس و فيه مناطق خليت لها اكثر من خيار و أنا شفت ترتيبك للفنادق أتوقع تبدأ من حيث الافضل حسب موقعه و مستواه
المهم و لا عليك امر الحين بس باستشيرك بموضوع الفنادق و بالنسبة لنا كعائلة اي واحد افضل
بحط اسم المنطقة و الفنادق اللي حجزتها و اذا فيه اكثر من خيار و قلت لي هذا افضل بنكسل حجز الفندق الثاني و بعضهم بس تم حجز فندق واحد

سان فرانسسكو: Marriott San Francisco Fisherman's Wharf
The Huntington Hotel

اورانج كاونتي و حسب تقسيمتك للايام 6 ليالي
اما ارفاين او نيوبورت بيتش و لا نوزعها 3 ليالي في كل وحده؟ و اذا فيها تعب علينا بس بنخيلها 6 ليالي في منطقة وحدة ابي رايك لو سمحت و اي فندق نختار؟
Iورانج كاونتي- ارفاين: Residence Inn Irvine John Wayne
SpringHill Suites Irvine John
نيوبورت بيتش: Balboa Bay Resort

لأس فيغاس: The Vention Resort Hotel
و اللي خلاني اختارة ان فيه تقريبا 80 محل للتسوق و العديد من المطاعم مع أني فعلا حسب تقريرك شفت Encore Hotel ارقى ما ادري شرايك ؟

سان دييغو: La Valencia
Grande Colonial La Jolla
Best Western Inn by Sea
اي واحد ممكن ننختار منهم؟

انتظر ردك و اشكرك جزيل الشكر من الموبايل

لأس فيغاس: The Vention Resort Hotel
سكنت فية مرتين ،، ممتااااز ، بالفخامة ممكن يكون الرابع في لاس فيقاس ، لاكني ارشحة بقوة ، لان الغرف أكبر غرف في فيقاس ولانة فية حركة وزحمة ومطاعم ومحلات وايد
.....................................
سان دييغو:
La Valencia
Grande Colonial La Jolla
Best Western Inn by Sea
لافالانسيا الافخم،،،، الأول والثاني تقريبا بينهم 100 متر والثالث دقيقتين مشي منهم
................................
سان فرانسسكو: Marriott San Francisco Fisherman's Wharf

سان فرانسيسكو
Sheraton fisherman wharf
Marriott San Francisco fisherman wharf
Hilton fisherman wharf
Hyatt fisherman wharf
كلهم جيدين وبنفس المنطقة
........................
اورانج كاونتي خلها ال 6 ايام بمكان واحد
Balboa bay resort
The island hotel Newport beach
هذول في نيوبورت ممتازين، انا سكنت في بالبوا قبل 3 سنوات ممتاز بشارع جدا هادي ومقابلة مول صغير
The westin south coast plaza
هذا في كوستا ميسا ،ممتاز ، مربوط بجسر مشاة بمول فخم وهو ساوث كوست بلازا
Residence Inn by Marriott Irvine Spectrum
Doubletree Hotel Irvine-Spectrum
الاثنين في ايرفاين ، بالقرب من السبكتروم مول

شكراا اخوي ما قصرت

بأجر بإذن الله بسوي التعديلات بناءا على اقتراحاتك

الله يعطيك الله من الموبايل

السلام عليكم
بالنسبه لسان فرانسيسكو افضل لكم السكن في اليونين سكوير
منطقه كل الخدمات حولك من الماركات العالميه والمطاعم ومقاهي كل شي قريب منكم واغلب السياح يسكنون في هذي المنطقه
منطقه تعج بالحركه ووسيعه صدر تنفع لكم
ارشح لك
Grand Hyatt San Francisco
يقع في وسط اليونين سكوير
قريب منه مواقف سيارات
اما المنطقه الي اخترتي فيها فنادقكم لا انصح السكن فيها ابدا
من باب العلم في الشي سان فرانسيسكو منطقه بارده
بالعامي فيها هواء يشق الراس خذو احتياطاتكم
اما منطقه لوس انجلس فدائم انصح بتقسيم المده بين شمال وجنوب
الشمال طبعا السكن في منطقه بيفرلي هيلز
والجنوب السكن في نيوبورت بيتش وارشح لك The island hotel Newport beach
او Marriott's Newport Coast villas

ورحله موفقه

المشاركة الأصلية كتبت بواسطة al.mouj
http://www.arabtravelersforum.com/tr...9/#post7760869

السلام عليكم
بالنسبه لسان فرانسيسكو افضل لكم السكن في اليونين سكوير
منطقه كل الخدمات حولك من الماركات العالميه والمطاعم ومقاهي كل شي قريب منكم واغلب السياح يسكنون في هذي المنطقه
منطقه تعج بالحركه ووسيعه صدر تنفع لكم
ارشح لك
grand hyatt san francisco



يقع في وسط اليونين سكوير
قريب منه مواقف سيارات
اما المنطقه الي اخترتي فيها فنادقكم لا انصح السكن فيها ابدا من باب العلم في الشي سان فرانسيسكو منطقه بارده

بالعامي فيها هواء يشق الراس خذو احتياطاتكم اما منطقه لوس انجلس فدائم انصح بتقسيم المده بين شمال وجنوب الشمال طبعا السكن في منطقه بيفرلي هيلزوالجنوب السكن في نيوبورت بيتش وارشح لك


the island hotel newport beachاو marriott's newport coast villas ورحله موفقه

السلام عليكم و رحمة الله و بركاتة

الله يعطيك العافية al.mouj شكرااا و مليوووون شكرا للتوجيهات و النصائح و الشكر موصول للاخ عزيز على اقتراحاته و مجهودة في وضع مخطط الرحلة

رديت على اقتراحاتك 3 مرات و كل مره اشوف الرد ما وصل ماعرف ليش و هذي المرة الرابعة
بالنسبة ل grand hyatt san francisco للاسف حاولت احجز فيه من اول مارشحته لي بس محجوز بالكامل في الفترة اللي بنكون فيها هناك باذن الله فيه فندق قريب منه اسمه Taj Campton Place ماعرف اذا عندك فكرة عنه و هل عندك اقتراح لفندق غيره و قريب من اليونيون سكوير
احنا حاليا حاجزين في فندقين واحد منهم قريب من اليونيون سكوير اللي هو
The Huntington Hotel تقريبا 10دقايق سيرا و ممكن نغير الحجز اذا عندك اقتراح ثاني
شكرا مرة اخرى و بانتظار الرد
و اتمنى هالمرة يوصل ردي

اذا تبي فندق في اليونيون سكوير

The Westin St Francis on Union Square
335 Powell Street San Francisco CA 94102 United States of America 1-866-599-6674
$325
Best Price Guarantee

ممتاز و موقعه في اليونيون سكوير
..................


San Francisco Marriott Union Square
480 Sutter Street San Francisco CA 94108 United States of America 1-855-873-6560
$314
Best Price Guarantee

هذا كذلك ممتاز وفي اليونيون سكوير

المشاركة الأصلية كتبت بواسطة aziz20012001
http://www.arabtravelersforum.com/tr...5/#post7769615

اذا تبي فندق في اليونيون سكوير

The Westin St Francis on Union Square
335 Powell Street San Francisco CA 94102 United States of America 1-866-599-6674
$325
Best Price Guarantee

ممتاز و موقعه في اليونيون سكوير
..................


San Francisco Marriott Union Square
480 Sutter Street San Francisco CA 94108 United States of America 1-855-873-6560
$314
Best Price Guarantee

هذا كذلك ممتاز وفي اليونيون سكوير



شكرااا اخ عزيز تم الحجز في الفندقين اللي رشحتهم
بقارن بينهم و بكنسل واحد منهم

عسا عمرك طويل ماقصرت

قد يكون جراند حياة يسوي ترميم مو معقول يكون محجوز بالكامل

المشاركة الأصلية كتبت بواسطة AL.MOUJ
http://www.arabtravelersforum.com/tr...9/#post7773569

قد يكون جراند حياة يسوي ترميم مو معقول يكون محجوز بالكامل



الله و اعلم ع العموم انا كل فترة راح اشيك يمكن حد ينكسل

شكرااا و تحياتي لك