يعطيك ألف عافية
جزءين رائعين عن مملكة ديزني الرائعة
ديزني مدينة تناسب الكبار والصغار...وفيها تعيش أحلام الطفولة المفقودة
فعلا ترتيب وتنظيم وأمكانيات وابهار ينسيك أي شئ آخر في تلك اللحظات
أحي فيك مشاعر الأبوة الجياشة تجاه ابنتك لانا وربنا يحفظها لك ويرزقك برها ..وتعيش وتعوضها بأحلى سفرة لأمريكا قريبا إن شاء الله
تحياتي لك وبانتظار القادم بشوق
السلام عليكم ورحمه الله وبركاته هلا اخوي ابو لانا يسعدني تكون اول مشاركه لي في تقريرك الرائع استفدت كثير الله يسعدك من تقريرك وخصوصا ان سفري بعد 3 اسابيع لامريكا ومن ضمن الخطط ان شاء الله راح ازور اورلاندو وكاليفورنيا كثير اعجبوا في تقريرك وخصوصا سردك للتفاصيل الصغيره وسجلني اول معجبي تقريرك الرائع ماقول الا سلمت اناملك وماقصرت حيل ومنتظرين بكل لهفه وشوق بقيه الرحله
رحنا مكان فيه شمس ونشفنا شوي وكملنا طريقنا للجبل الثلجي علشان نركب لعبة
Expedition Everest
وهو عبارة عن قطار سريييييييع واللي يخاف مايركب لكن أبو لانا لا يخشى ولا يهاب الارتفاعات قوية شوي بس مشوها لي اوكيواكتشفت شي ان الأفضل انك تصف طابور اذا كان مدة الإنتظار بالكثير 15 دقيقة للعبة افضل من انك تروح وتقص الفاست باص وتضيع وقتك عالفاضي, المهم بعد ماجا دورنا ركبت أنا وأم لانا طبعاً هي كانت تتنافض من يوم امس يوم ركبنا لعبة Space Mountain فكانت مسكينة وخايفة لكن أنا غصبتها علشان اضحك عليها لما تخاف فوق
وبيني وبينكم انا اللي كنت اتنافض بس مابينت لها , وبعدها طلعنا من اللعبة وبدت ملابسنا تنشف وفرفرنا وتلاحظةن هاللوحة فيها اقسام المدينة وكل قسم فيه العاب غير
وتوجهنا لقسم DinoLand
والمناظر الخووورررررااااافيه ماتنتهي
والقسم هذا كله ديناصورات
وتوجهنا للعبة Dinosaur
لقينا اللعبة صافين فيها طابور طوييييل والانتظار اكثر من 30 دقيقة فكان جنب البوابة مكان قص الفاست باس
قصيت لي ولآم لانا تذاكر الفاست باس
وعلى بال مايجي وقت الفاست باس لقينا جنبها لعبة كان فيها علامة FP بالخريطة وماكان عليها زحمه فدخلنا والإنتظار كان 5 دقايق بس واحنا في الطابور لقينا عائلة سعودية وانواع توزيع الابتسامات بين الحريم تحس انهم فرحانيين انهم شافونا واحنا والله كنا فرحانيين اننا شفناهم والحمد لله لقينا كثييير عرب وحجبات الحمد لله شي يثلج الصدر, المهم هذي صورة واسم اللعبة
Primeval Whirl
جاء دورنا بسرعة وبسم الله طلعنا وكنا لحالنا
صورة لبداية اللعبة
اللعبة بصراحة حلوة تناسب الأعمار من 10 سنوات وفوق ممتعة وحلوة ويمديك تركبها اكثر من مرة عليها زحمة لكن بسرعة يمشي الطابور, وبعد مالعبناها جا وقت الفاست باس للعبة Dinosaur وتوجهنا للعبة ودخلنا على طول
واللعبة عبارة عن مركبة على شكل سيارة جيب تركبون فيها والسيارة تفرفر فيكم وتسرع وظلام وحركات ويطلع بوجهك ديناصورات ومجسمات كثير واللعبة بشكل عام حلللوه والمؤثرات اللي فيها تعيشك جو الديناصورات وتحس انك في غابة ابدااااع تستاهل التجربة, وبعدها ياحبايبي توجهنا لعرض مسرحي اسمه
Theater In The WildFinding NEMO The Musical
وتلاحظون اوقات العرض موضحة في الصورة
وقربنا نوصل
وصلنا ولله الحمد لبوابة الدخول ومايحتاج فاست باس انت روح في الوقت المحدد وفيه كراسي توسع الجميع
طبعاً اول ماتدخل للمسرح تلقاه ظلام وفيه انوار بسيطة وكالعادة أبو لانا لازم يفجر الفلاش بوجيههم علشان القط صورة لعيونكم
العرض المسرحي مدته 25 دقيقة تقريباً وهو عبارة عن اشخاص يمسكون مجسمات للسمكة نيمو والشخصيات اللي معاه ويحركونها ويغنون ويحكون لكم القصة بطريقة غنائية ... بيني وبينكم العرض جاب لي النوووم لكن العرض 1000000 % بيعجب الأطفال لكن بالاول والأخير مبدعين حتى بالمسرح الديكورات جناااان والإضاءه والمؤثرات الصوتية كلها على بعضها حلوه
يتبع ....
الإخوة الكرام رجعت لكم بعد تغيب 3 ايام فأرجوكم تعذروني...
طبعاً في اليوم التالي مارحنا مباشرة للملاهي فأخذنا يوم للراحة بسبب المشي اللي كسر رجولنا ... المهم واحنا نفرفر في اولاندو كان ودي اروح احلق فقعدت ادور على حلاق ومثلكم عارفين ان الحلاقين هناك يمكن يختلفون عننا هنا في السعودية او في الخليج او في الدول العربية ... فتذكرت ان فيه حلاق ملاصق لسوق القاهرة فحبيت اني ادخل اجرب الحلاقة عنده وهذي الصور
BABYLON HAIR SALON
مكان الجلوس والإنتظار وفيه مجلات عربية من عهد جدي
صورة للصالون بشكل عام
فيه كراسي اطفال وشكل الصالون مجهز تمام
[b][center][b][size="5"]هذي الجهه من الصالون مكتوب فيها للمحجبات لأن فيه حرمه موظفه معاهم خاصة بالحريم (بدي كير, ومني كير ودلع وحركات و و و و و
أشكرك يا الغالي على التقرير الرائع .. والله يوفقكــ ويجزاكــ خير على شرحك وتفاصيلك ...وحملت بموبايلي برنامجSygic وشكلي بلغي فكرة شراء قارمن بسبب وجود البرنامج المذكور دامه يفي بالغرض .. الله يجزاك خير
المشاركة الأصلية كتبت بواسطة mmmr240;7832967 align="center"[B
ولعوا النار وجات دبابات وجت سكي .... المهم العرض خووورااافي جابوا السعودية بالتفحيط[/B]
اذا كان هناك تنظيم في الدول العربية للي عندهم هواية في السيارات كان شفنا السعودية من اكبر الدول اللي تسوي اقوى عروض السيارات والتفحيط واخطرها على مستوى العالم لكن ..............
أتفق معك 200%ويكفيك أنهم قياديين بالدرجة الأولى وحركاتهم بدون أي مؤثرات أوحركات والأعيب هولييود اللي يلعبون علينا بها ..كلأمك ذكرني بطلاب درسوا معي برازليين وأتراك وليبيين اللي يقولي ودي أشوفها على الطبيعة واللي يقول عطني فيزتكم بزوركم ..ما قلت لنا كيف جابوا السعودية في العرض ؟ يعني عرضوا بعض الفيديوهات والا كيف ؟
والله موضوعك تحفه ياتحفه بس حاب اسألك سؤال بما انك يمني زيي هل حققو معاك زياده او او حطوك في استراحه للاسئله الروتينيه لانه مكلمني واحد من اصحابي طلع هو واخته زوجته امريكيه واخته زوجها امريكي بس كان بيستنيها بامريكا فحطوها بغرفه صغيره بيسألوها اسئله روتينيه ومن ضمنها هل انتي حامل اولا عفوا ع الاطاله بس كمان هل كمان موضف الجوازات ع الكونتر كمان سأل زوجتك نفس الا سئله الي سألك ياها.
عفوا ع الاطاله وبيض الله وجهك من الموبايل
أخيرا الحلقه اللي طاال أنتظارها
صراحه أبدعت بتقريرك وبوصفك لجميع الألعابصراحه من تقاريركم صرت أتمنى أروح أورلاندو
و الله يفرج همك و ييسر امورك ان شاء الله ويعطيك اللي تتمناهوتأكد ان كل شي خير
وصلاح من رب العالمينعسى أن تكرهوا شيئا وهو خير لكم
تأكد ان كل اللي اللحين مضايقك خير وصلاح لك
لأن رب العالمين اللي أختاره لك
المفضلات