الموضوع: تكفوون يااصحاب الخبره

السلام عليكم ورحمه الله وبركاته

اهنيكم علي هذا الصرح العظيم وعلي مجهودكم اللي اكثر من رائع والمبدع

والله يعطيكم الف عافيه علي مواضيعكم الباهره

اخواني واخواتي انا ناويه اسافر مع زوجي بالي اندونيسيا تقريبا باذن الله

في تاريخ 5 ديسمبروناويين نتم فيها 10 ايام وعندي اسئله ياليت تفيدوني وماتقصرون معاي

ان شاء الله وجزاكم الله الف خير انا راح احجز علي الخطوط السعوديه بس لاحظت انه الرحله توصل لجاكرتا

طبعا احنا اول مره راح نسافر في عمرنا كله فتحملو اسئلتي بليييزز...

سؤالي كيف اخذ الفيزا هل صحيح انه اقدر اخذها من الخطوط السعوديه

وهل اذا وصلنا لجاكرتا كيف الطريقه علشان نوصل لبالي

وكان عندكم موضوع للبرامج السياحيه في بالي بس كان قديم كثير ومااشوفه ياليت تعطوني اسماء شركات او مواقع نحجز فيه ايام سياحيه باليوم لانه نبي نقضي ال10 ايام

كل يوم بمكان ... وفيه لكم موضوع لموقع لحجز الفنادق اسمه airbnb

في ايش تنصحوني فيه ولا بوكينق احجز منه وياليت ولاعليكم امر اذا عندكم ارقام سواقين كويسين

وطبعا مااستتغني عن نصايحكم انصحوني بكل شي لانه مثل ماقلت هالرحله اول مره لنا وموعارفين شي

ونبي اسواق شعبيه رخيصه وتنصحوني اخذ اجهزتنا ولاهناك فيه سرقات وهل ناخذ شرايحهم للاتصال ولا شرايحنا

وكم تتوقعون نحط لنا ميزانيه وهل نحول العمله ونصرف من السعوديه او نصرف من عندهم

واذا كان من عندهم باي مكان نروح ؟ وكم تترواح قيمه الفيزا للشخص وهل تاخذ وقت طويل
لاتبخلون علي باي شي تكفووون وجزاكم الله الف خير وبنتظار ردودكم
واسفه عل الاطاله
الله يعطيكم العافيه

مواضيع عشوائيه ممكن تكون تعجبك اخترناها لك:

• استفسار على تذاكر اندونيسيا
• رأيكم أهل الخبرة
• استفسار عن فندق Harris Resort Kuta Beach
• إستفسارات متعددة للعضو ابوالسعاده
• مسافر واريد مساعده
• محتار واحتاج مساعدتكم تكفون لشهر العسل
• رايكم بالفنادق التي تم اختيارها؟واستفسار بخصوص شرائح الاتصالات
• واخيرا حجزت استفساراتي حتى موعد سفرتي
• أرجو المساعدة في ترتيب رحلتي من الجميع
• الهاي سيزون في اندونيسيا
• أول مرة أسافر الى الصين
• مساعدة بخصوص ساعات الطيران
• نظموا رحلتي
• السفر الى اندونيسا لشخصين
• مطلوب خبرة لسفر العوائل
• مساعده شركات الاتصالات ؟
• رحلتي الى بالي لومبوك احتاج مساعدة
• ممكن مساعده لاهل الخبره بأندونيسيا
• استفسار بخصوص السفر الى اندونيسيا
• سؤال عالطاير طلعت اسئلة هه

وعليكم السلام ورحمة الله وبركاته





1- الفيزا طال عمرك لمن توصلين المطار هناك مكتب لبيع الفيز تشترينها بـ 25 دولار أمريكي للشخص الواحد يعني خلي معك ورقة من فئة 50 دولار عشان تكون لشخصين وما تأخذ منك غير ثواني وليس دقيقه


الخطوط السعودية توزع عليكم كرت الدخول لإندونيسيا فقط


هذا رابط لطريقة تعبئة كرت الدخول وشرح وترجمة


http://www.arabtravelersforum.com/travel515644/




2- لازم يكون عندك حجز طيران داخلي من جاكرتا إلى بالي والعودة كذلك لأنه بالطياره تقريباً ساعه وخمسين دقيقه


فيه موقع ليون أير إذا حابه تحجزي عن طريقة يعتبر طيران إقتصادي
http://www.lionair.co.id/Default.aspx


طبعاً لو حابة توصلون جاكرتا وتريحون يوم فيها أو توصلوا على جاكرتا ومنها تطلعون على بالي بس لازم تغيروا التيرمنل لأنه عندهم 3 صالات للطيران تطلعينها بتاكسي تقريباً


يعني الصالة اللي تنزلي فيها تيرمنال 2 ومش متأكد أي تيرمنال اللي فيها طيران ليون لاكن عند عملية الحجز وشراء التذكرة يذكرون لك رقم التيرمنل


3- أختي أتمنى تمرين على المواضيع المميزة في المنتدى راح تحصلين فيها فوائد كثيره ومعلومات أكثر من اللي تبيها


4- هذا رابط للسائقين
http://www.arabtravelersforum.com/travel876827/


http://www.arabtravelersforum.com/travel389407/


5- بالنسبة للإتصال داخل اندونيسيا خذي من شرايحهم أنا أخذت شركة XL والاتصال للسعودية خليه عن طريق الواتس ومكالمات الفيديو وانتي في الفندق


والأجهزه ضروري منها والسرقات في كل مكان بس هذا يعتمد عليكم أنتم في الفندق حطوا ورقة عدم الازعاج اذا كنتوا خارج الغرفة عشان لا أحد يدخل الغرفة أو ينظفها ويلعب في اغراضكم أو يسرقها


وبرا الفندق لا تسيروا معرضين نفسكم للسرقة بس البلد طيب وحلو مش بلد سرقات وجرايم


6- بالنسبة للميزانيه أنا ما جربت رحت بالي أنا قبل ثلاثه أيام راجع من أندونيسيا بس كنت في الجبل وباندونق وجاكرتا وأنصحك بالجبل صراحه لأنه بالي مو حلوه للعوايل المحافظه من وجهة نظري والكل عارف الشيئ ذا


الجبل راح تستمتعوا فيها كثير فكان صرفي في المدن اللي رحتها لمدة 15 يوم 14ألف ريال شامله كل شي من سكن وطيران وتاكسي واكل وترفيه فأتوقع من 10 إلى 15 تكون معكم هناك حلو بس إذا أنتي رايحه بالي الأفضل إنك تأخذيها دولارات أمريكيه لأنه سعر صرف الدولار أفضل في بالي وباقي المدن لاكن بالي أفضل دولار كون أكثر زوارها أجانب


حتى الجبل وجاكرتا سعر صرف الدولار كويس فيها وأفضل من الريال واللي معه دولارات الأفضل يحولهم من البنوك الرسميه لأنه بتحصل سعر الصرف فيها أفضل من محلات تحويل العملة


أعذريني على الإطاله عليك وعلى عدم الرد على بعض الأسئلة كونه ما عندي فكره عنها إن شاء الله يفيدونك ذوي الخبره في الأشياء الباقية


تقبل مروري


أخوك علي

يعطيك الف عافيه اخوي علي وماقصرت وجزاك الله الف خير

افدتني بهالمعلومات القيمه

وان شاء الله بعد البقيه مايقصرون علينا

والف شكر لك اخوي علي علي ردك الوافي وسرعه اجابتك

اختي الفاضله


اذا كنتي تريد فقط جزيرة بالي
ولا تريدي الذهاب الى اي مدينة
فالافضل لك جدز رحلتك على القطرية
يوجد لديهم رحلات مباشره الى بالي
ولكنني انصحك باخذ جولة على اندونيسيا
والاستمتاع باكثر من منطقة

اخي نديم الصبر اشكرك علي ردك ونصيحتك
واكيد ابي اروح ازور اماكن كثيره علشان كذا طلبت نصيحكتم وخبرتكم
الله يعطيك الف عافيه

اختي الفاضله


اذا لابد من زيادة عدد الايام
10 ايام لاتكفي للزيارة بالي وجاكرتا والجبل
هل هناك امكانية لزيادة الايام؟

اخي نديم الصبر
للاسف مانقدر نزيد عدد الايام
فتنصحني باي منطقه اكثر اروح لها هل بالي او جاكرتا او الجبل ؟
والله يعطيك الف عافيه علي مجهودك

يوم الوصول للراحة في جاكرتا

وبقية الايام الجبل وبالي
بالي يكفيها 5 ايام ,,,

altayyar
الف شكر لك ... ودي باسواق شعبيه وين تنصحوني ووين مكانها
الله يعطيكم العافيه