الموضوع: شهر العسل واختيار المدن

السلام عليكم

قريت كذا تقرير ومواضيع كثيره جميله ،، يعطيكم العافيه يارب على جهودكم


ودنا نقضي شهر العسل بامريكا
مده اسبوعين ان شاء الله في شهر اغسطس
الله يسهل وتطلع الفيزا على خير

عموما فكرنا نزور سان فرانسيسكو لان جوها حلو
ومحتاره بالاماكن الثانيه مدينتين تكفي او ثلاث

احتاج اقتراحاتكم ونصايحكم بحيث يكون خط سير مريح مافيه توتر وزحمه
ابي اذكر اننا ماراح نستأجر سياره نبي نكون رايقين فنحتاج نزور اماكن فيها مواصلات عامه مريحه


هل تنفع نيويورك مع سان فرانيسكو ؟ او عندكم اقتراحات ثانيه.
لو تنفع نيويورك كيف بيكون خط السير ؟

فكرنا بهاواي الساحره بس مدري كيف بيكون خط السفر
يعني ينفع الدمام - نيويورك - سان فرانسيسكو - هاواي - الدمام ؟؟ ولا صعبه

وفكرنا بأورلاندو بس حسيتها ماتناسب شهر العسل غير ان جوها بيكون حار

بالنسبه لخطوط الطيران اي خطوط تنصحون
من الشرقيه الدمام او البحرين مناسب

والميزانيه اسعار فنادق نيويورك وسان فرانسيسكو تقريبا فوق الف ريال لليله ٤ نجوم

٥٠ -٦٠ الف ريال تكفي ميزانيه اسبوعين مع الفنادق والطيران او نحتاج اكثر؟

جزاكم الله كل خير يارب
بانتظاركم

مواضيع عشوائيه ممكن تكون تعجبك اخترناها لك:

• ترتيب سفرة الى جزر هاواي فأرجو منكم المساعدة
• استفسار بخصوص المقابلة بالله عليكم
• الفنادق السّكة
• سؤال عن صلاحية الفيزا
• مساعدة من خبراء السياحة في امريكا
• ياجماعه معقوله مافي مواعيد الا بعد ايام
• ابغى اتاكد من موعد السفاره
• استفسار بخصوص التاكس
• للمسافرين في صيف
• الى جميع اهل الرأي والمشورة
• هل اختيار الفترة صائب
• مدينة مونتيريه في كاليفورنيا ؟؟؟؟؟؟؟؟؟؟؟؟؟؟
• فلوريدا واجازة كرسمس
• ابي اسواق مفتوحه مثل اللاكنتيرا سان انتونيو
• اللي موجود في كوليج ستيشن
• هل اسعار هذه الفلل حقيقيه؟
• استفسار عن خطه السير والسفر لامريكا
• تطعيمات
• تمت المقابلة يوم امس
• سؤال عن المصليات و مدن الالعاب و المجمعات التجارية ؟

أحس ان اسبوعين قليلة جدا علي امريكا

بدون سيارة ! المدن محدودة ، المدن الممكن الاستغناء عن السيارة هي نيويورك وسان فرانسيسكو ولاس فيقاس
نيويورك بالشرق وسان فرانسيسكو بالغرب والمسافة بينهم 6 ساعات طيران ! لاس فيقاس حلوة وايد لاكنها حارة جدا بالصيف ، هاواي تبعد عن سان فرانسيسكو 6 ساعات طيران كذلك !


نصيحتي اذا ناويين علي امريكا ( لازم سيارة وتروحون فقط سان فرانسيسكو ولوس انجلس وسان دييغو )

شكرا عالرد اخوي مشرف امريكا

هل في طيران دايركت لـ سانفرانسيسكو؟

طيب يناسب لو تكون رحلتنا سان فرانسيسكو وهاواي؟

اظن كلهم ينفعون بدون سياره


ياليت تفيدنا والف شكر لك

الاماراتية تطير مباشرة دبي/ سان فرانسيسكو 16 ساعه..... سان فرانسيسكو /هونولولو 6 ساعات

بنظري امريكا بدون سيارة ماتسوي !

يعطيك العافيه بنشوف الاماراتيه

الظاهر بنخليها نيويورك وسان فرانسيسكو اسبوع لكل وحده

ودنا نقضي يومين في منتجع نلقى هالشي في هالمدينتين ولا ؟

والف شكر اخ عزيز

او نخليها سان فرانسيسكو - لوس انجلوس
وكم المسافه بينهم وممكن نروح لوس انججلوس بقطار؟

وهل تنفع لوس انجلوس بدون سياره؟

صدقيني امريكا بدون سيارة ما تسوي ابداااااااا

نيويورك فقط ما تحتاجون سيارة أبدا ، وهي غالية جدا بالسكن و 4 او 5 ايام كافي عليها

سان فرانسيسكو ولاس فيقاس ممكن الاستغناء عن السيارة ولاكن انا افضل السيارة

ماكو قطار الي لوس انجلس و أصلا لوس انجلس بدون سيارة ما تسوي

ليش ماتروحون أوربا ، وتخلون امريكا بعدين اذا كان عندكم وقت اكثر وتاجرون سيارة لان حرام توصلون سان فرانسيسكو ولا تروحون لوس انجلس وسان دييغو واورانج كاونتي ولاس فيقاس

اذا مصممين علي امريكا روحوا نيويورك 4 ليالي وكروز من ميامي 4 ليالي واورلاندو 6 ليالي

بالفعل امريكا من دون سيارة ما تسوى

والمدن الي ما تحتاج سيارة قليلة !!

اذا مصرين من دون سيارة
خذوا الاماراتية الى نيويورك 5 ليالي
ومنها بالطائرة الى مطار بافلوا تكون رحلة مسائية وتاخذوا تاكسي لقضاء ليلتين في شلالات نياقرا
ومنها بالخطوط الامريكية الى لاس فيقاس 4 ليالي
ومنها بالخطوط South West الى سانفرانسيسكوا 3 ليالي

بالتوفيق ,,

الله يعطيكم العافيه يارب الف شكرررر
تعبتكم معانا

بنمشي على نصيحتكم وبنستأجر سياره

بتخليها دايركت على سان فرانسيسكو عالاماراتيه ونجلس كم يوم
وبعدها نستأجر سياره على سان دييقو ولوس انجلوس
والعوده من لوس انجلوس دايركت عالاماراتيه

كذا تمام؟

وش نصايحكم بتقسيم الايام؟
٥ سان فرانسيسكو
٣ سان دييقو
٦ لوس انجلوس

كذا كويس ولا يحتاج تعديل؟

وين تنصحونا بالسكن في سان دييقو ولوس انجلوس؟

الف شكر مره ثانيه الله يجزاكم خير يارب

افضل 4 سان فرانسيسكو 3 سان دييغو 7 لوس انجلسيوم السفر من سان فرانسيسكو الي سان دييغو بالسيارة 8 ساعات، مع الوقفات بتصير 10، فهذا يوم ضائع




اول شي تطلع الفيزا ، بعدين تحجزون طيران ، بعدين الفنادق

بما ان المده اسبوعين افضل لكم تخلونها كلها في لوس انجلس
وتقسمونها شمال وجنوب
وتاخذون منتجعات على البحر فيه منتجعات فخمه في كالفورنيا
ونصيحه اتركو سان فرانسيسكو لان المدينه مافيها زود ومشوار على الفاضي ووقتكم قصير

يعطيك العافيه اخوي عزيز

طيب وش نصيحتك
نروح طيران داخلي الى سان دييقو يعني؟
ونستأجر من المطار اذا وصلنا؟


كم المسافه من بين لوس انجلوس وسان دييقو؟

رايك نلغيها ونخلينا على سان فرانسيسكو لولس انجلوس؟

بانتظار الفيزا والله يسهل

بس هالفتره احجز الفنادق حجز مسترد لان اللي موقعها وسعرها كويس بدت تخلص

مشكور http://www.arabtravelersforum.com/user344378/

مدري بس انا وزوجي ودنا بسان فرانسيسكو حبيناها لما قرينا عنها
بس ممكن نشييل سان دييقو ونزود المده في لوس انجلس
يعني ٥ سان فرانسيسكو
٩ لوس انجلوس


ممكن ترشح لي منتجعات في لوس انجلوس؟
ولو بنقضي ٩ ايام في لوس انجلوس كيف نقسمها


يعطيك العافيه يارب

لا بالعكس انا أشوف سان فرانسيسكو ممتازة لشهر العسل ، فيها اماكن جدا حلوة ، والسفر بالسيارة متعه ،



ممكن تسافرون بالطيارة من سان فرانسيسكو الي سان دييغو اذا حابين


سان دييغو حلوة لا تلغونها ، خلكم علي الثلاث مدن


لوس انجلس تبعد بالسيارة ساعتين الي ثلاث بالزحمة عن سان دييغو


الفيزا اول بعدين حجز الطيران وبعدين الفنادق

يعطيكم العافيه

طلعت الفيزا الحمدلله وحجزنا الطيران عالاماراتيه

والحين بالفنادق

بالنسبه لسان دييغو محتارين بين هالثلاث
http://www.booking.com/hotel/us/la-v...ml?aid=1329869

http://www.booking.com/hotel/us/towe...ml?aid=1329869

http://www.booking.com/hotel/us/hilt...ml?aid=1329869

مدري اذا فيه فنادق توفر جاكوزي داخل الغرفه؟ لاني دورت ومالقيت

نفكر نوقف بسانتا باربارا بالطريق نتمشى فيها وننام ليله فيه اقتراحات للسكن هناك؟

ولاننا بنجلس فيها ليله فالخيارات محدوده الاغلب اقل شي ليلتين

ولقيت هالفنادق اللي مسموح فيها ليله
http://www.booking.com/hotel/us/park...ml?aid=1329869

http://www.booking.com/hotel/us/lemo...ml?aid=1329869

http://www.booking.com/hotel/us/avan...ml?aid=1329869


ايها تقترحون او فيه شي افضل؟

الف شكر مقدما

http://www.booking.com/hotel/us/la-v...ml?aid=1329869ممتاز لشهر العسل ،موقع روعه



http://www.arabtravelersforum.com/re...211%3Bdcid%3D2
هذا معقول

عندي نصيحه تزيدون السفرة يومين بس ... لان يوم السفره الى سان فرانسسكو & و العوده الى الديرة ضايعين ... ضيف عليهم نص يوم او اكثر على الطيران الداخلي " لو طيارتكم 4 العصر توصلون عال6 ما تخلصون من المطار الا 7 بالليل او عقب "

هذا تقرير حلو و مبسط لاغلب الاماكن السياحيه
http://www.arabtravelersforum.com/travel402409/

يعطيك العافيه اخ عزيز

اخ http://www.arabtravelersforum.com/user448149/
السفره ١٤ يوم بدون الروحه والرجعه يعني كلها ١٧ يوم ويوم بنقعد في دبي

شكرا على التقرير

افضل شئ طيران من سان فرانسيسكو للوس انجلوس من الموبايل

كل الطيران الداخلي نفس المستوى ... لكن تفرق من ناحية
1) دايركت او لا
2) عدد الحقائب المجانية للشخص ... اسعار الحقائب في الطيران الداخلي http://www.kayak.com/airline-fees

الطيران

http://www.southwest.com
" دايركت " + حقيبتين مجانا لكل شخص " الوزن المسموح لكل حقيبة 55 باوند تعادل 22.5 كيلو "

http://www.jetblue.com
" دايركت " + حقيبة لكل شخص مجانا " الوزن المسموح لكل حقيبة 55 باوند تعادل 22.5 كيلو " ... الحقيبة الثانيه للشخص الواحد سعرها 40 دولار