الموضوع: أستفسار مستعجل بشأن أمريكا المسار والتذكره

السلام عليكم ...
شباب من الفاهم فيكم يدلني على الحل الأفضل لي ...

:113:

انا أنشألله بسافر الشهر الجاي الي ( كاليفورنيا - سان دييقو ) من أجل دراسه اللغة على حسابي ...
..يمكن لسنه او 6 اشهر ....

والمشكله يوم جيت أحجز من الرياض الي سان دييقو قالي موظف مكتب الحجز ...
في أكثر من مسار مثل ....
( رياض -- جده -- نيورك -- واشنطن -- سان دييقو )

قلت طيب كم سعرها قال:
اولا انت تبي تسافر بعد شهر من الحين يعني في شهر سبتمبر ومادري عن اسعار سبتمبر ...؟
ثانيا انت ماتدري متى بترجع يعني مادري وش اعطيك ذهاب وعوده او ذهاب فقط ...؟
ثالثا مادري اي مسار للرحله تناسبك ...؟

خلاصه الكلام :
اناالحين ماعندي وقت لازم احجز بسرعه واكلمه بكرى .. !! ومحتار اي طريق اسلك ووش افضل لي وارخص ؟
وهل اخذ ذهاب وعوده ؟ وانا الصراحه مدري متى ارجع سنه او 6 اشهر ؟؟

مواضيع عشوائيه ممكن تكون تعجبك اخترناها لك:

• هل هذه الظروف تؤهلني للحصول علي الفيزا السياحية
• ايجار السياره ؟
• من عنده خبره يفيدني
• سان دييغو و لاس فيغاس ولوس انجليس ادخل الان
• مقبل على سفر الى لوس انجلوس ومحتاج مساعدتكم
• عااااجل سفرتي بعد بكرا
• الى خبراء سان دييغو
• لخيراء تكساس ارجو الدخول للاهمية
• كيف احصل علي خط هاتف وبه انترنت ؟
• اقتراحات السكن في كاليفورنيا
• ميامي أو شيكاغو
• عندى فيزة علاج وارغب بتدريس ابنائى لغة
• ابي معلومات عن السياحه في فيرمونت الله يجزاكم خير
• استفسار بخصوص تأخير صدور التأشيرة
• ماجد السقاف
• ياليت اللي عنده اي معلومات عن بورتلاند اوريقون يفيدني
• استفسار عن مكان سياحي في سان فرانسسكو
• عاااجل جداااااا
• استفسار عن رسوم الفيزا
• استفساااااااار ارجو من الاعضاء والمشرف المشااركة مشكورين

اخوي العادة لو اخذت ذهاب واياب يطلع ارخص والمسار اللى ذكرته للاسف هذا هو معقد وحوسة وانا مثلك لا وازيدك من الشعر بيت بصحبتي عائلة يعني التعب اضعاف والله يعيين ان كانت الرحلة على حسابك الخاص ماهي بعثة فانصحك تشوفلك شركات طيران ثانية اولا سعرها انسب وثانيا رحلاتها اكثر والاهم ماتغير مطارات وتشيل عفشك يروح مرة وحدة .....والله يحفظك بحلك وترحالك

اخوي انا عني اشوف انك تحجز فقط ذهاب

والعوده وقتها يحلها ربي ان شاء الله..

وبالنسبه لخط السير حقك حلووو هذا اقرب خط سير ممكن يكون لك على الخطوط السعوديه

اما ان كانت على خطوط اخرى فمصيرك بتنزل في احدى الدول

يعني مثلا الخطوط الفرنسيه ..

تطير من السعوديه الى فرنسا .. ومن فرنسا الى واشنطون ومن واشنطون الى سان ديقو

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالا
اكبر غلط انك تحجز ذهاب وما تحجز عوده

لان يمكن على بالهم انك بتفجر

يعني رايح منت بجاي لا احجز ذهاب وعوده

غير كذا انا ما عندي فكره عن اسعار الطيران بس انصحك روح لاي مدينه اوربيه وشوف في طياره من هناك على سان ديغو

انا افضل انك تروح عن طريق اوربا اسهل واحسن واجمل واسرع واريح او انك تروح عن طريق شرق اسيا يعني عن طريق هونغ كونغ وانا افضل انك تأخذ تذكرة ذهاب فقط اذا كان الفرق كبير بين الذهاب والاياب لأنه اولا انت ماتدري متى ترجع يعني ممكن ستة اشهر ممكن سنه يعني ماهو اكيد وهذا بحد ذاته يفرق في سعر التذكرة ثانيا انت خذ تذكرة ذهاب لمدة شهر ومتى مابغيت ترجع قص تذكرة مناك ارخص لك والبتوفيق لك في دراسك

المشاركة الأصلية كتبت بواسطة فان كوفر


لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالا
اكبر غلط انك تحجز ذهاب وما تحجز عوده
لان يمكن على بالهم انك بتفجر
يعني رايح منت بجاي لا احجز ذهاب وعوده
غير كذا انا ما عندي فكره عن اسعار الطيران بس انصحك روح لاي مدينه اوربيه وشوف في طياره من هناك على سان ديغو



:109: :109:
وش ذالهرج ؟؟ تمزح ولا من جدك يخوي ؟؟

الحل بسيط .. ومايبي له دراسه :

ياخي احجز ذهاب وعوده...عط الموظف تاريخ عوده تقريبي ... وتوكل على الله
واذا قربت تخلص دراستك وتبي ترجع .......... غير تاريخ العوده ..قدم الحجز او أخره ..وكان الله غفور رحيم ..
كذا ولا انا غلطان ؟؟

لان يمكن على بالهم انك بتفجر



سلماات اخوي ؟؟؟؟


اخوي والله انت براحتك .. بس انا رحلاتي فقط ذهاب واذا رجعت السعوديه احجز

ذهاب وعوده

وارجع امريكا فقط ذهاب ..

وبالتوفيق لك

افضل خط سير ... هو الرياض - فرنكفورت - واشنطن


وهذي افضل المسارات للسفر الى امريكا


الرياض- دبي - واشنطن - (( على طيران الامارات ))

الرياض - فرنكفورت - واشنطن -(( على طيران الالماني ))

الرياض - لندن - واشنطن (( على الطيران البريطاني ))

الرياض - باريس - واشنطن (( الخطوط الفرنسية ))

اخوي انصحك تروح على الخطوط السعودية وتنزل في نيويورك ولا تكمل في واشنطن وهاذي تكون في تذكرة مستقلة ...

وتنسق رحلة من نيويورك الى سان دييقو مباشرة بعد وصولك باربع او خمس ساعات مثلا ( احسب حساب الوصول ومكتب الهجرة ) وفي شركات طيران كثيرة هناك ونصيحتي احجز هالرحلة من موقع اكسبيديا واذا انت رجال تبي تذاكر رح لأي وكالة سفر يعطونك التذكرة ...

انا سويت كذا في جون الماضي ,,, كانت اول محطة لي سان فرانسيسكو وصلت نيويورك الساعة 8:30 الصبح كانت معي تذكرة طلعتها من الذياب الي في شارع الاحساء على الدلتا ايرلاينز الساعة 12:40 الظهر مباشرة الى سان فرانسيسكو ...

انا اشوف هذا الطريقة مناسبة ... موفق ان شالله ...